27/10/2023
Israa'eliifi Falasxiin Gidduutti Eerga Waraanni Eegale guyyoota 20 Lakkoofsiseera🕊
🕊🕊🕊🕊🕊🕊🕊🕊🕊🕊🕊🕊🕊🕊🕊🕊
Haleellaa tasaa gaafa Fulbaana 29 Hamaas Israa'el irratti raawwateen namoonni 1,400 ajjeeffamanii kanneen 229 ta'an butamanii gara Gaazaatti geeffaman.
Israa'el gama isiitiin haleellaa qilleensarraan Gaazaa irratti rawwatteen namoonni 7000 ol du'aniiru. Kan madaa'an 10,000 oli. 'Kanneen Gaazatti ajjeefaman keessaa 40% kan ta'an ijoolledha' jedhe WHOn.
Garuu erga Israa’eel guutuun guutuutti Magaalaa Jerusalem qabatte booda Masjiida Al-Aqsaa maaltu mudate?
Woxabajji bara 1967 Woraanaa Guyyaa Jahaatiin Israa’eel Jerusalem (Al-Quds) guutuun guutuutti harkatti galfatte.
Hagayya bara 1967 (ji’a lama booda) Seera Yahuudonni Kaloo Masjiida Al-Aqsaa dawwannaaf yoo ta’e malee sirna kadhannaa amantii isaaniitiif seenuu hin danda’an jedhu baste.
Hagayya bara 1969 Michael Roha namni lammii Australia kan sochii Israa’eel biyya ta’uu (Zionism) deeggaru Minbara Imaamaa kan Masjida Al-Aqsaa gube. Minbarri bareedinna addaa qabu kun bara 1187 irraa kaasee kan masjida san tureedha.
Bara 1970 Israa’eel naannoo Masjiida Al-Aqsaa qoqqotuu jalqabde.
Bara 1982 Barattoonni Seera Jiwiish baratan eegdota Masjida Al-Aqsaa haleelan. Ji’a tokko booda namni Sanyii Israa’eel kan lammummaa Amerika qabu muslimoota Al-Aqsaa salaatanii bahan irratti dhukaasuun nama 2 ajjeesee 11 madeesse.
Bitootessa bara 1982 namni siyaasaa Israa’eel Meir Kahane jedhamu deeggartoota isaa wojji ta’uun hiriira Masjidni Al-Aqsaa diigame Manni Sagadaa Juidayizimii ijaramu qaba jechuun kaloo Masjiida Al-Aqsaa seenuun hokkara uuman.
Bara 1983 gareen ‘Temple Mount Faithful’ jedhamu Masjiidni Al-Aqsaa diiggamee manni sagadaa Juudiyazimi ijaaramu qaba jedhani sochii baldhaa godhuun Kaloo Al-Aqsaa akka to’annoo isaanii jala galu dhiibaa turan.
Bara 1984 Ben Shoshan fi Yehuda namni jedhamaan karaa dhoksaa ta’een Masjiida Al-Aqsa fi Qubbat Alsahrat ( Dome of the Rock) bombiin dhoosuuf otoo seena