Daniel Workneh - ዳንኤል ወርቅነህ

Home
Ethiopia
Addis Ababa
Daniel Workneh - ዳንኤል ወርቅነህ

Journalist 📰 | Proud dad 👨‍👧 | Passionate about art, poetry, theater, stories, literature, music 🎨📖🎭🎶 | Nostalgic soul

"Journalist 📰 | Proud dad 👨‍👧 | Passionate about art, poetry, theater, stories, literature, and music 🎨📖🎭🎶 | Nostalgic soul on a journey through words and melodies. Let's share stories and memories together! ✨"

26/10/2024

These days, my understanding of life is tuned - Rely on yourself, trust in God, and remember that no one else! 💪

10/10/2024

ጦማሩ ከጅምሩም አልተፃፈም ፥ አልተላከም፤ የተላከው መልዕክቱ ነው።
(በዳንኤል ወርቅነህ)

๏๏๏๏๏๏
ፖስተኛው ኤግዚስቴንሻሊስት ነው። በነ ፍሬደሪክ ኒቼ እና አልበርት ካሙ መንፈስ እናስበው።

๏ ቀቢፀ-ተስፋ (despair)

ናፍቆት እንደ ቆፈን ጨምድዶ ፥ ሰቅዞ ለያዘው ልብ - “ይመጣል” በሚል ተስፋ ህልውናውን በገነባ የህይወት ትርጉም ውስጥ “ፖስተኛው” መጣ። ጭላንጭል፣ በቀጭን መስመር ላይ የቆመው ተስፋ ህይወት እና ግዘፍ ነስቶ በናፋቂ ልብ ውስጥ ቅፅበታዊ ደስታን ፈነጠቀ።

❝ፖስተኛው መጣ
ለናፍቆታችን
ጥም የሚያረካ
አልኩልህ ውዴ
ትንፋሽ እስኪያጥረኝ
ባንተ ብመካ❞

ከጅምሩ ተስፋ ቆርጦ ከሚኖር ልብ በላይ የተስፋ ጭላንጭልን አሻግሮ ተመልክቶ ድንገት ድርግም ያለበት ልብ ደርዛም ቀቢፀ ተስፋ ውስጥ ይገባል። አገር ምድሩ ፣ የአምባው ነዋሪ ጭንቀቷን ያውቃል እና ፖስተኛው መምጣቱ ሲሰማ

❝አወይ እድሏ
ፃፈላት አሉ❞

ተባለ። ፍፃሜው ግን ትራጃይ ነው።

❝ቢያስደስተኝም
ማሸጊያ ፖስታ
ጌጡ ማማሩ
ላየው ጓጉቼ
ከፍቼ ባየው
የለም ጦማሩ❞
๏๏๏๏๏๏

ይኸው ነው። ጥቂት የተስፋ ነበልባል ሰጥቶ ተስፋን እንደማጨለም። በውሀ ጥም የተቃጠለን ጨቅላ ህፃን የውሀ ጠብታ እያሳዩ እንደመቅጣት። እንዲያ . . . እልም ያለ ቀቢፀ ተስፋ. . .

๏ ወለፈንዲያዊነት

አብዘርዲስቶች እነ ሳሙኤል ቤኬት “ለህይወት ትርጉም መሻት ከንቱ ድካም ነው፤ ያልተፈጠረን እንደ መፈለግ፤ የሌለን እንደመናፈቅ፤ ያልተፃፈን እንደማንበብ ነው ይላሉ። ቀጥተኛ የተግባቦት መስመር የለም። ልክ “waiting for Godot” ተውኔት ላይ እንዳሉት ገፀባህሪያት ግራ የሚያጋባ ያላለቀ ቃለተውኔት መገለጫው ነው። ሆኖም ግን ተግባቦት አለ። ፖስተኛው ይዞት የመጣው ፖስታ ውስጥ የመልዕክቱ ዋና ጎተራ ጦማሩ አይኑር እንጂ መልዕክቱ ተላልፏል። ዝምታ እና ቃል አልባ ተግባቦት በአብሰርድ ቴአትር ውስጥ ያላቸውን የአውራ ቦታ ወዲህ እንጎትተው። ባልተላከ ጦማር የተላከ መልዕክት ብቅ ይላል። ገላጭነው።

๏๏๏๏๏๏

ፍፃሜው ፤ ኮስማና አቅም፣ የተዳፈነ ናፍቆት ፤ ተስፋ ማጣት፤ ከእውነታ መጣላት እና የሞት ሽታ ነው። የሙዚቃው ፍፃሜ በለሆሳስ ቀ ስስስስ ብ ሎ

❝የ ጠ ሪ አ ክ ባ ሪ ጋ ብ ዞ መ ከ ራ
ሰ ር ጉ አ ማ ረ ለ ት ያ ለ ሙ ሽ ራ . . . ❞

ይላል። ሰላላ ድምፅ ነው ይህን የሚለው፤ እምብዛም አይሰማም . . .

የሆነው ሆኖ ቀቢፀ ተስፋ፣ ብቸኝነት፣ ወለፈንዲ (Absurdity)፣ ባይተዋርነት (strangeness) ሀዘን እና ጭንቀት የዚህ ግጥም ጌጦች ናቸው። ጭፍግ ነው። ይሸክካል። ግን ውብ ነው። ጦማር አልባ ፖስታ፣ በሽቶ - በሚናፈቅ በሚታወቅ ጠረን የታሸ ፖስታ፣ ያለሙሽራ ያማረ ሰርግ ፣ በጦማር አልባ ፖስታ የተላከ መልዕክት።

Daniel Workneh

ጎላ ጎሕ - Golla Goh

04/10/2024

🎈ትብብር

“አክቲንግ በደረሰበት ቦታ እንዳትደርሱ” የተባሉት ልጆችን አድራሻ የምታውቁ ካላችሁ እስኪ በውስጥ መስመር ላኩልኝ።

27/09/2024

ይኸ ጊዜ
~
ገብረክርስቶስ ደስታ

ሃቻምና በረረ
አምናም ተሻገረ
ዘንድሮም ይሮጣል
ሕጻን እያደገ ልጅ ይጎለምሳል
ይጠፋል አሮጌው ወጣት እያረጀ
ጊዜ እየደረጀ፡፡
*
ተከማችቶ አይሞላም
እንደምን በረረ ይገርማል፤ አይቆምም፡፡
መስከረም ሲቀባ ቀለም ባመት ባመት
አልተወም ማደሱን ያረጀውን ፍጥረት
ያዳፈነው መሬት፡፡
*
ክረምት ሲገባ ማጠቡን በውሃ
በተራው ሲተካ በጋም ከበረሃ
ኣልተወም ይሰፋል
ሁሉም ይንፏቀቃል
ገመዱን ሲጎትት ጊዜ ይቀልዳል፡፡
*
ምን ይሆን ይህ ጊዜ?
የሰዓት እጆቹ ድምፁ ውዝዋዜ፡፡
ወይም የሰው እድሜ ሰባና ሠማንያ
ያመት መለወጫ የዘመኑ ጣቢያ
ወይ ቀንና ለሊት
ወይ መወለድ ወይ መሞት፣
ወይም ያለም መሞት ያለም መዞር የጸሀይ መታየት
ሙሉዋ ጨረቃ ፣ የጨረቃ መጥፋት፡፡
ጊዜ ይሄ ይሆን?
*
ሰው ነው የሚሄደው ጊዜን እየለካ?
ወይስ ጊዜ ቆሟል ምንም ሳይነካ?
ምናልባትም ደግሞ አብረው ይሄዳሉ
እየተቻኮሉ፣
ወደሁዋላው ሲቀር ፍጥረት በድካሙ
ጊዜ ይራመዳል ሲቃለል ሸክሙ፡፡
*
ባንድ በኩል ደግሞ ጊዜ ፍጹም የለም
መነሻ መድረሻ መካከል የለውም፡፡
ሰው ነው ሚለካው
ጸጥታን ድምጽ እንደሚወጣው፡፡
ጨለማን ሲረታ ብርሃን እንደሚገኘው በጠቆረው ቦታ፡፡
ሰውም በጊዜው ላይ
ይሆናል መስታወት መኖሩን የሚያሳይ፡፡
*
እንዳይሆን ያስፈራል
ይሄም እንዳይባል
ሰው ቢኖር ባይኖርም መሬት መሽከርከሯን
ወር እየቆጠረች ጨረቃም መውጣትዋን
ባሀር መላወሱን ዝናብ ማርከፍከፉን
አፈር መንፉዋቀቁን
ኣይተዉም ስራውን ምንም አያቁዋርጥ
ሠው ነው ተመልካቹ በዘመን ለይ ሲሮጥ፡፡
*
ዉሸት ነው ይጠፋል
ጊዜም እንደሌላው
ጊዜም ከሚወደው
ጊዜም ከጊዜ ጋር ሞቶ ይቀበራል፡፡
*
የነብያት ጊዜ ዛሬ ወዴት አለ?
የነቄሳር ጊዜ ዛሬ ወዴት አለ?
የጂነጂስካን ግዛቱ
የሂትለር ኩራቱ፡፡
ዛሬ ወዴት አለ?
ዛሬ ወዴት አለ?

🖤

27/08/2024

ልጅ ዓለሜ❤️❤️❤️

13/08/2024

ሀገር ሲያረጅ ጃርት ያበቅላል ማለት አሁን ነው። እዛ ሰፈር የእውነት "የአሮጋንት" ስብስብ ነው የሞላው። አንደኛው "እከሊት የተባለች አትሌት ሶስት ውድድር ላይ ካልተሳተፈች እኔ የማሰለጥናቸውን አትሌቶች ሁሉ ይዤ ወዳገር ቤት እመለሳለሁ" አለ ሲባል ሰማን። ይባስ ብሎ ሌላኛው ክብረ ቢስ ደግሞ ዛሬ አጉል ራሱን ቆለለ። ቢገባው እና ቢረዳው ኖሮ ርዕሰ ብሔር ማለት ሀገር ማለት ነበር። ፕሬዝዳንት ማለት ሀገር ሰው ሆኖ በአካል ሲቆም ማለት ነበር። ቀሽምነት፤ ክብረቢስነት ነው። እንዴት እንዴት እንዴት? የምር ከውጤቱ በላይ ያስከፋል! ያሳዝናል።
"ፕሬዝዳንታችን እኛ አሰልጣኞች ለረጅም ጊዜ ለፍተናል ፣ ልፋታችንን አይመጥንም... ለኔ ሁለት ሚልዮን የስድብ ያህል ስለሆነ እርስዎን ካላስከፋዎት ይሄንን ሽልማቴን መመለስ እፈልጋለሁ፤ ለሚመጣው ሁሉ እቀባለለሁ"
ለታሪክ ይቀመጥ!

11/08/2024

ሲፈንን አለማድነቅ ከባድ ነው🖤
She is the Iron Lady💪
ይመችሽ

ትዕግስት አሰፋ 👏👏👏👏👏

ጀግና ነሽ። ሁላችሁም ወርቅ አትሌቶቻችን የምትችሉትን አድርጋችኋል። 🫶🏿

🇪🇹
ሰሚ ካለ ይህ ኦሎምፒክ ብዙ መልዕክት አስተላልፎልናል። ከስሜት፣ ከአድናቆት፣ ከጥላቻ ፣ ከደመነፍስ ወጥተን ሰከን ብለን እንማር። ጎባጣችንን እናቅና።
🇪🇹
በአጠቃላይ ጉዳዩ ስፖርት ነው፣ ስህተት ተፈጥሯል። የማይሰተካከል አለያም የመጨረሻችን ግን አይደለም። የሰው ህይወት አልጠፋም የምንፈልገው ድል እንጂ። ሀላፊነቱን የአትሌቲክስ ፌደሬሽን በብዙ ፣ ኦሎምፒክ ኮሚቴም የድርሻውን እንደሚወስድ አስባለሁ። ግትርነት፣ ማንአለብኝነት፣ ብልጣብልጥነት፣ የሀይል አሰላለፍን ማሳመር እና አሮጋንሲ አያዋጣም። ለአትሌቲክሱ።

በምትኩ ቅንነት፣ ፕሮፌሽናሊዝም፣ የሀገር ፍቅር እና የቡድን ስሜት ይንገሱ። በስህተት፣ ባለማወቅ፣ አቅም በማጣት፣ ለራሳችሁ ጥቅም ስትሉ፣ የኦሎምፒክን ክብር ባለመረዳት ክብራችንን ያሳጣችሁን በሙሉ ግን “ይቅርታ” ጠይቁን። ይቅርታው፣ ስርየቱ ግን የቃል ብቻ አይደለም። ስልጣን እና ጥቅማጥቅም ከሀገር በታች መሆኑን አውቃችሁ ቦታውን ለሚገባቸው ስጡልን። ምልአተ ጉባኤ፣ ምርጫ፣ ቻርተር አትበሉን። አታደናግሩን፣ አታወዛግቡን፣ ድላችንን አትቀሙን።
እንደተባለው አልደመቅንም።
ድንቄም መድመቅ

25/07/2024

With Bejai Nerash Naiker – I just made it onto their weekly engagement list by being one of their top engagers! 🎉

Address

Addis Ababa

Telephone

+251911984198

Website

https://t.me/danyworq

Alerts

Be the first to know and let us send you an email when Daniel Workneh - ዳንኤል ወርቅነህ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Daniel Workneh - ዳንኤል ወርቅነህ:

Videos

ሀገር ሲያረጅ ጃርት ያበቅላል ማለት አሁን ነው። እዛ ሰፈር የእውነት "የአሮጋንት" ስብስብ ነው የሞላው። አንደኛው "እከሊት የተባለች አትሌት ሶስት ውድድር ላይ ካልተሳተፈች እኔ የማሰለጥናቸውን አትሌቶች ሁሉ ይዤ ወዳገር ቤት እመለሳለሁ" አለ ሲባል ሰማን። ይባስ ብሎ ሌላኛው ክብረ ቢስ ደግሞ ዛሬ አጉል ራሱን ቆለለ። ቢገባው እና ቢረዳው ኖሮ ርዕሰ ብሔር ማለት ሀገር ማለት ነበር። ፕሬዝዳንት ማለት ሀገር ሰው ሆኖ በአካል ሲቆም ማለት ነበር። ቀሽምነት፤ ክብረቢስነት ነው። እንዴት እንዴት እንዴት? የምር ከውጤቱ በላይ ያስከፋል! ያሳዝናል። "ፕሬዝዳንታችን እኛ አሰልጣኞች ለረጅም ጊዜ ለፍተናል ፣ ልፋታችንን አይመጥንም... ለኔ ሁለት ሚልዮን የስድብ ያህል ስለሆነ እርስዎን ካላስከፋዎት ይሄንን ሽልማቴን መመለስ እፈልጋለሁ፤ ለሚመጣው ሁሉ እቀባለለሁ" ለታሪክ ይቀመጥ!

የአጭር ፊልም ውድድር