15/12/2017
❖ Kutaa 17ffaa! ✍
{Kutaa Xumuraa!}
SEENAA DHUGAA AMANUEL AMOOTS!
✿✿✿✿✿✿✿✿✿✿✿ ✿✿✿
{ESCAPING HELL, LAKE OF FIRE, SATAN...AND ENJOYING ETERNAL LIFE WITH JESUS CHRIST: HALLELUJAH!}
®Seenaan kun waan sodaachisaa of keessaa waan qabuuf ijoollonni waggaa 15 gadii dubbisuun hin jajjabeeffamu!
®Kutaa kana utuu hin dubbisin dura kutaalee 1-16 jiran dubbisuu kee mirkaneeffadhu!
Dubbisa Gaarii!
°°°°°°°°°°°°°°°°°°°°°°°°°°°°°°°°
❖BAGA GAMMADDE, CARRAA FAYINAA QABDA!
*************************
⇛Fakk. 18:10 “Maqaan Waaqayyoo gimbii jabaa dha, namni qajeelaan gara isaatti baqatee in oola.”
☞Firakoo Gooftaa Yesuusiitti amantee jiraannaan maqaan Isaa kun humna jabaa akka qabu, gimbii jabaa akka siif ta’u beeki. Amantii guutuunis, shakkii fi soda tokko malee aangoon itti fayyadami.
☞Asi irratti wanti ani cimsee isin gorsuu barbaadu, humnaa fi aangoo Waaqayyo isiniif kenne sirriitti beektanii akka itti fayyadamuu dandeessaniif, Sagalee Dubbii Waaqayyoo sirriitti akka beektaniif, akka dubbifattaniif, akka qo’attaniif, akka barattaniif, keessa onnee/garaa keessanii akka bulfattaniif cimseen isin gorsa.
☞Sagalee Waaqayyoo sirriitti itti fayyadamuudhaafdursitee beekuu si barbaachisa. Qol. 3:16 irratti “Dubbiin Kiristoos akka badhaadhummaa isaatti isin keessa haa jiraatu; ogummaa hundumaan wal barsiisaa, wal gorsaas, qooqa garaa garaatiin, faarfannaa galataatiin, weedduu hafuuraatiinis galata garaa keessanii Waaqayyoof faarfadhaa!” jedha. Badhaadhummaan Kiristoos akkuma guddaa ta’e, dubbiin isaas keessa keetti badhaadhaa haata’u jechuu dha. Sagaleen Waaqayyoo haalaan biyya lafaa kana keessatti akka si barbaachisu huubachuu qabda. Jireenya kadhataa qabaadhu, faarfannaa galataatiin guutamii Waaqayyoon galateeffadhu, maqaa Gooftaa Yeesusitti immoo haalaan fayyadami.
☞Mul. Yoha. 22:17 irratti Sagaleen WAAQAYYOO akkas jedha, “Hafuurichii fi misirroottiin, “Koottu” in jedhuun, kan dhaga’us “koottu” haa jedhu. Namni dheebote haa dhufu, namni bishaan barbaadus osoo gatii hin baasin bishaan jireenya kennu haa fudhatu!” Obboleessa/ttii koo dhugaa ba’ii, dhuga ba’umsa jireenya koo kana dhageessee Gooftaa Yesuusiitti amantee dukkana du’aa, garbummaa cubbuu fi seexanaa, abaarsaa adda addaatii fi gubaa abidda barabaraa jalaa baatee gara ifa jireenyaa, eebba addaatii fi jireenya barabaraa siif qophaa’eetti dhufuudhaaf lallaba biraa eegatta jedhee hin yaadu.
☞HUBADHU: Seexanni karoora adda addaa qopheessee, mala adda addaatiin namoota karaa Waaqayyoo irraa kaachisee abidda barabaraatti isaan oofuutti jira, sille garas oofuu barbaada. Isa kanas immoo dhuga ba’umsa koo kana irraa qulqulleeffachuu dandeessa. Seexanni hamma harkatti si galfatutti waadaa adda addaa, badhaasa adda addaa siif qopheessa, siif kenna. Hin sobamin, inni durumaanuu abbaa sobaati. Gooftaan Yesuus iyyuu seexanni abbaa sobaa kka ta’e dubbateera. Kanas Gooftaan waan si jaallatuuf, akka ati hin badne waan barbaaduuf sitti dubbata, ati maaliif kana amanuu dadhabdaree? Kan seexanni jedhumoo kan Waaqayyootu siif caalee?
☞Adaraa amma na dhaggeeffadhu, dhuga-ba’umsa kana kan dhageesse akka tasaa/carraa ta’ee miti, itti yaadameeti. Ofi hubadhu, of-laali, jireenya keessa jirtus ilaali, maqaa Kiristaanummaatiin gara mana sagadaatti deddeebi’uunii fi dhugumaan hordofaa Kiristoosiin taanee, isa fakkaannee jiraachuun tokko miti.
☞Amma kunoo ani siin kadhadha, kan jireenya walmakaa jiraataa jirtu, sababa adda addaatiin karaa Waaqayyoo irraa kan gortee jirtu, mana Waaqayyoo irraa kan fagaattee jirtu, kan fedhiin foonii, jaalalli waan biyya lafaa si injifatee duubatti deebite, sababa namootaatiin, “abboo bakka abaluun sun jiru/jirtu ani hin deemu, hamman isa/ishee waliin waaqessu natti hafuu wayya” jettee kan boodatti deebite, adaraaa guyyaan kun guyyaa siif araaraa haa ta’uuti, carraa ati amma argatte kana namootni baayyeen argachuu dhabanii si’ool keessatti rakkina cimaa keessa jiru kottu fuula Waaqayyoo siif wayyaa. Ati garuu baga gammadde, carraa araaraan deebi’uu argatteetta waan ta’eef. Hin sodaatin, cubbuu hojjatte kam iyyuu qabadhuu gara Gooftaa jaalalaan si waamu kanaa koottu. Inni cubbuu kee kam iyyuu dhiiga isaa isa qulqulluudhaan dhiqee si qulqulleessa. Cubbuun dhiigni isaa hin qulqulleessine gonkumaa hin jiru.
☞Namootni ani jalqabumaa jalqabee Gooftaa Yesuusiin wal-hin beeku, isatti amanee hin jiru, amantii biraan qaba ykn amantii iyyuu hin qabu, amma garuu ergaan kana dhaga’ee keessi kiyya guddaa na tuqameera, hanga ammaatti isatti amanuu dhabuun koo na gaabbisiisa. Amma garuu kunoo carraa naaf kenname kanatti fayyadamee isatti amanuu, YESUUS KIRISTOOS (AL-MASIH ISA) GOOFTAA FI FAYYISAA koo godhachuun barbaada. Maqaan koo galmee jireenya barabaraa irratti akka naaf barreeffamun barbaada, bara baraan isaa fi qulqullootasaa waliin Mootummaa Waaqayyoo kan jireenya bara baraa, kan warra isatti amananeef qophaa’etti galee jiraachuun barbaada; kan jettu baga gammadde, carraa isatti amanuu argatteetta waan ta’eef
☞Dhumarratti, nama karaa Waaqayyoo irraa duubatti deebitee jirtuuf yeroo kun siif yeroo araaraan deebi’uuti. Beellama hin qabatin, maaltu beeka carraan sagalee fayyinnaa kana dhaga’uu siif kan dhumaa ta’uu danda’a, bori lubbuun jiraachuu kee iyyuu hin beektu; kanaafuu hin sobamin, hin gowwoomin; fedha foon keetii, biyya lafaa si sossobduuf seexana injifadhu; carraa siif kenname kanatti fayyadamiitii araaraan deebi’i. Ammumaa murteeffadhu, bakkuma jirtutti yaadaa fi qalbii kee gara isaa deebisii ana maari jedhiitii cubbuu kee hundumaaf araara galii gara Gooftaa keetii kan jaalalaan iddoo jireenya barabaraa siif qopheessee si waamaa jiruutti deebi’i.
☞Gooftaa koo, ani sirraa duubatti deebi’ee cubbuutti kufeera. Cubbuu baayyees hojjadheera, Cubbuu koo kanaaf jettee akka ati ana hin jibbine immoo kunoo amma waamicha ati naaf dhaga’eera. Jaalala addaa ati anaaf qabdu argeera, amma balbala onnee koo kunoo siif baneera, koottu seeni, cubbuu koo hundumaattii dhiiga Kee qulqulluun ana qulqulleessi, abaarsa kam iyyuu ana irraa cabsi, jireenya qulqullummaa kan si fakkaatu yeroo hundumaa jiraachuu akkan danda’uuf immoo hafuura Kee qulqulluudhaan na guuti. Kana hundumaaf immoo guddiseen si galateeffadha, waadaa koo haaresseera, ammaan booda bara koo hundumaa siifan jiraadha, siinaa jiraadhas! Hafuura Kee qulqulluudhaan na jabeessi, mootummaa Kee bara baraan immoo ana ga’i! Ameen! HALLELUYAA! Baga Gammadde! Baga nuus Gammachiiste!
☞Akkasumas namni Yesuus kana hin beekne, ISA-AL-MASIH GOOFTAAF FAYYISAA lubbuu keetii kan isa hin godhatin, kan isa hin amanin jirtu ergaa fayinaa, oduu jireenyaa kunoo amma dhageesseetta. Guyyaa dhumaa sanatti lakkii ani homaa quba hin qabu, hin dhageenye jechuu hin dandeessu. Gara GOOFTAA amma jaalalaan si waamuu kanaa koottu. Ati Gooftaa fi Fayisaa Lubbuu koo naaf ta’i jedhiin. Carraa amma siif kenname kana hin balleessin. Si’ool afaan banee si eeggatu jalaa miliqi. Namni maal naan jedha, maatiin kiyya, firri kiyya, aanteen kiyya, ijoolleen kiyya maal naan jedhu hin jedhin. Ofii keetii fayyiitii isaaniifis dhugaa Wangeelaa itti himi, sababa fayinaa isaaniifis ta’i. Abbaa kiyya, haadha kiyya, obboleessa kiyya, obboleettii kiyya, carraa araaraa namootni baayyeen dhabanii si’oolitti gatamanii gaabbii, bo’ichaa fi ilkaan qaruu keessa jiran , ati garuu baga carraa kana argatte, baga abbaa carraa jireenya bara baraa taate, ammas kunoo murteeffachuun kan keeti, GOOFTAAN YESUUS (AL-MASIH ISA’n) inni Gooftaa jalalaati waan ta’eef eenyun iyyuu hin dirqisiisu, eenyuun iyyuu dirqamaan natti amani hin jedhu, garuu immoo kunoo amma balbala garaa kee irra dhaabatee jaalaan onnee kee naaf kenni, natti amani, gara koo koottu, jireenya bara baraa ani siif qopheessetti gali, koottu gara koo na waliin bara baraan jiraanna siin jechaa jira, deebiin keeti!
❖Gara Gooftaa jaalalaan si waamu kanaa dhufuudhaaf yoo murteeffatte, kadhannaa kana ana waliin akkas jedhii kadhadhu, hin sodaatin du’a jalaa gara jireenyaatti, abaarsa keessaa gara eebbaatti, dukkana keessaa gara ifa barabaraatti dhufaa jirtaa, waan addaatu si eegachuutti jiraa, sodaa malee ana faana amantii guutuun akkas jedhi:
⇛WAAQAYYO akka ati na jaalattee Ilma Kee Yesuus Kiristoosiin naaf jettee ergite nan amana, kanaafis guddaan si galateeffadha!
⇛GOOFTAA YESUUS akkan cubbamaa ta’ee fi hojii gaarii akkan hin qabne nan beeka. Cubbuu koo kanaaf immoo ibiddi gahaannamii kan barabaraa akka anaaf malu nan beeka. Garuu immoo, amma cubbamaa ta’uu koo amanee, gaabbee, akka naaf araaramtuu/dhiifama akka naaf gootuuf sin kadhadha!
⇛Akka ati naaf fannifamte, dhiiga kee naaf lolaafte, akka naaf duute, duutees du’a mo’attee akka kaate nan amana!
⇛Amma kunoo amantii guutuun, Gooftaa, Fayyisaa fi Abdii koo bara baraa akka taate beekee sittan amana!
⇛Akkuma Sagalee Abdii anaaf kennitee jirtutti, ana fayyisi!
⇛Dhiiga Keetiin cubbuu koo hundumaa irra na qulqulleessi/biliisa na baasi!
⇛Har’a irraa jalqabii, Fayyisaa fi Gooftaa lubbuu koo naaf ta’i!
⇛Abaarsa jireenya koo qabate, hidhaa seexanaa hundumaa ana irra cabsi!
⇛Maqaa koo Galmee Jireenya Bara baraatti naaf galmeessi!
⇛Jireenya koo Hafuura Kee Qulqulluudhaan na guuti!
⇛Mootummaa Kee barabaraatiin na ga’i!
⇛Waaqayyo Abbaa bara baraa carraa kana hundumaaf, murtii du’a bara baraa jalaa gara jireenya bara baraatti waan na fiddeef galatoomi! Bara baraan ulfaadhu! Kabajami! Ol-aani! Maqaa Yesuus Gooftaatiin! Ameen!
❖Kadhannaa kana murtii keessaa kee dhugaatiin kan kadhatte, namni araaraan gara Gooftaa fi Fayyisaa keetti deebite baga gammadde!
❖Namni haaraan kan kadhannaa kana kadhatte atis akkasuma baga gammadde! Ati amma gara maatii Waaqayyootti makamtee jirta. Gooftaa Yesuusitti amantee fayitee jirta. Sababa fayyuu keetiif anis baayyeen gammada, gammachuu guddaan kana caalu immoo ol-Samiitti ta’eera. Seexana jalaa, du’a jalaa, cubbuu jalaa baateetta. Kanaafuu, gara waldaa qulqullootaa Wangeela dhugaa barsiisan deemi, isaanitti makami. Sagalee Waaqayyoo sooradhu, baradhu, ittiin guddadhu! Isaan waliin Waaqayyoon waaqessi! Bara kee hundumaa isaa fi isaan jiraadhu! Ergaa kana yoo ittiin eebbifamteef barumsa irraa argatte, namoota biraafis dabarsi! Waan Yesuus siif godhe kana carraa argatte hundumaa fayyadamii namootatti dubbadhu. Kana waan gootuufis dursee GATII GUDDAA WAAQAYYO BIRAA AKKA QABDU, sittin hima!
********************************
❖Kutaa 17tti qoodee Seenaa Dhugaa Amauel Amoots kanaan isiniif dhiyeessaa ture kanuma irrattin xumura!
Galatoomaa! Yaada kesan nu biran ga'a sibu sire revival fire like follow godha
