حلويات بالطلب الحوض بني مستار

07/10/2024

سلام نهاركم مبروك صابلي بريستيج بكريمة الزبدة بذوق الفراز و في الوسط توفيا كارامال كاين كيلو ب 80الف اللي بغات تديه كمونداته وحدة و مداتهش و بغيت نقول حاجة الله يحفظكم اللي تعرف راسها معندهاش كلمة ولا معندهاش الدراهم متكومونديش واش من فايدة عندك كي تخصريني في حق السلعة والتعب و من بعد تقوليلي ديريه في الكونجلي و كي نوجد نجي نديه انا منبيعش قاطو كونجلي اصلا حرام عليا الي منبغيهش على روحي منبغيهش على الناس الواحد يحلل رزقه المهم القاطو هو اللي راه في الصور اللي بغات تديه تجي للخاص و ماشي سومته بصح هلى الاقل ندخل حق السلعة
تعديل: صايي القاطو نباع بصحة مولاته شفتو يبقى غي العيب🫤🫤🥰🥰

06/10/2024

طلبيات تم تسليمها لأصحابها بصحتهم ڨريوش الوردة و مقروط المقلة للطلب و الاستفسار مرحبا بيكم في الخاص

02/10/2024

28/09/2024

"النجاح هو محصلة اجتهادات صغيرة تتراكم يومًا بعد يوم، فكُن قويًا ولا تخشَ الصعاب، كُن ثابتًا لا تهزُّك ريحٌ، كُن التفاؤل بذاته، كُن لأجلك فقط." 🤍

الطلبيات اللي خدمتهم هاذ السمانة نفاس ملاك دفوع و طبعا الڨريوش سيد المائدة في كل محضر يحضر بصحت ماليهم الله يسخرلهم للطلب و الاستفسار نسكن في الحوض تحت الجامع جيهة الكوشة تاع الكعك مرحبا بيكم

25/09/2024

الى كل وحدة دايرة في بالها بلي دراهم كل كوموند فايدة صافية .. و راح نترفه على ظهرها ..تبعي معايا جيدا سيدتي 😁 ..
مثلا .. خلصتيني 500 ألف ..
_ نحي منها 300 ألف .. علاش ..؟ هاذو حق الدوزان لي خدمتلك بيهم الكوموند نتاعك .. 👌..
_ شحال تبقى .. ؟ تبقى 200 ألف.. زيدي نحي منها حق الدوزان لي شريتهم و مخدمتلكش بيهم .. رايحة تقوليلي علاش ياك زيدي تخدمي بيهم لوحدخرين ؟ ايه مي ماشي دايما تكون الخدمة و السلعة كي منخدمش بيها لوحدخرين نستعملها للدار باش متبطاش و تغمل ولا تنقص الجودة نتاعها.. صافي متوليش داخلة في الفايدة ..
معليناش .. نحيتي حق السلعة الباقية . نفتارضوها اسيدي بقيمة 50 ألف..
_شحال تبقى ..؟ تبقى 150 ألف.. زيدي نحي منها حق الغاز و الكهرباء .. و أنا منقولك لا ماء لا ايزيس .. .. و زيدي نحي حق الخصارة ديفوا طلبية تنحرق ديفوا تخسر ديفوا صينية كومبلي طيح من يدي القاطو كامل يتهرس ديفوا ولادي يخصروه...
_ال 150 ألف سيدتي أكيد رايحة تنقص ..
_ واش بقى ..؟ بقى تعبيييييييي .. الوقفة و السهر و اخرجي و اقضي و ارفدي .. و زيدي اسهري و خلطيها بالفوضى في الكوزينة ممبعد كي تكملي عاودي خملي ..و غسلي ذوك الماعن و خملي ذيك الحالة و بلا ما ننساو الوقت لي كل دقيقة منو مهمة و ماذا بيك تكسبيها باش تلحقي في الوقت و متتبهدليش مع الزبونة..
و نسيت حاجة مهمة سيدتي .. التركيز باش متغلطيش و الحالة النفسية اللي ديما تخمي بلاك هكا ميعجبهاش بلاك مبغاتهش هكا بلاك تقول خصرت دراهمي على والو يعني نقعد على اعصابي حتى تقولي يعطيك الصحةجا تحفة هاذ الكلمة تنسيني في كلش و الصبر .. و الصبر و الصبر ..
في ميزك سيدتي الباقي من ال150 الف تقدر توفي حق التعب هذا كاااامل ؟ نجاوبك .. لا متوفيش ..
و لكنني في هذا المجال حبا و عشقا للحلويات و احتياجا في ظل الغلاء الفاحش الواحد ملحڨش لهذا مازلت مستمرة فيه ..و من الله التوفيق و الصبر ..
_ إن شاء الله نكون أفدتك سيدتي .. و نحيتلك شوية علامات الإستفهام..( ؟؟؟؟؟ ) 🙏👌😘

25/09/2024

طلبيات الاسبوع طمينة ڨريوش صابلي الليمون تشاراك مسكر و صابلي نواة كوكو بصحة ماليهم للطلب و الاستفسار الخاص مفتوح ♥♥♥😘😍🌹

23/09/2024

👈انا الحلواجية لي مالقاتش الدعم من الاقارب إلا البعض❤️
انا الحلواجية لي بديت من الصفر واذا تحتم الامر نبدا من تحت الصفر
انا الحلواجية لي نمشي بقاعدة خدمة لحلال تعوج الظهر وماتهبطش الراس ❤️💪

انا الحلواجية كامل ناس يحسبوني كبييرة بصح انا صغيرة 😍
انا الحلواجية لي نقولكم الحمد لله الرزق على ربي سبحانو🤲🏼
❤️و الحمد لله التوفيق من عند الله❤️
نحب تدعموني ويطلع المنشور
💍
مرحبا بيكم 🤗

22/09/2024

أكـبر عـائق" أمـام نـجاحك" هـو خـوفك مـن ألـفشل"...🖤🫴
الكوموند تاع اليوم تاع نفاس كعيكعات صابلي سامبل ليتاغتولات ڨريوش و الطمينة نسيت مصورتهاش بصحة مولاتهم مبروك المزيود ربي يشافيها و يتربى في عزها للطلب و الاستفسار الخاص مفتوح مرحبا بيكم ♥♥😘

20/09/2024

لكل افراحكم و مناسباتكم عندك ضياف نفاس خطبة ملاك دفوع عرس مناسبة خاصة اي حاجة #صفحة حلويات بالطلب الحوض بني مستار # توفر لكم جميع انواع الحلويات و المعسلات و بسعر مناسب للطلب و الاستفسار الخاص مفتوح😘😘😘😍😍😍❤🌹

18/09/2024

تحية خاصة لأحدث المتابعين لي! يسرني انضمامك! Lø Víllîa, Nina Eps Tzt, Fløür Blőñch, Lb-n Bj, ثائر صالح

16/09/2024

اللهم أستودعك نفسي من ذُل الحياة، ومن ضجيج التفكير، اللهم أكفني شر انطفاء الروح، وكسرة القلب، وهواني على الناس، اللهم لا تحوجني للقاسية قلوبهم، ولا تجعلني اقسو علي من يلجأ إلي، اللهم لا تشغلني ولا تعلقني بشيء لم تكتبه لي، وقدّر لي الخير أينما كنت، اللهم وإن ضلت نفسي طريقها فردها إليك رداً جميلاً يا أكرم الأكرمين...
روتور تاع زبوناتي و رأيهم في الڨريوش الحمدلله شهادة اعتز بها للطلب تفضلو للخاص المكان لحوض تحت الجامع

16/09/2024

لا يسأل عنك إلا من يفتقدك، ولا يفتقدك إلا من يلاحظ مساحة الفراغ من بعدك.
ليكوموند تاع هاذ الاسبوع 3كيلو ڨريوش و 2كيلو طمينة و السفنج بصحة ماليهم
متوفر جميع انواع الحلويات ڨريوش مقروط بقلاوة للطلب الحوض تحت المسجد

14/09/2024

علمتني الحياة أن من تسبب في سعادة إنسان تحققت له سعادته والله العظيم صدقوني هدرتها فرحتني من قلبي و نساتني في التعب و الشقا و الضغط تاع الخدمة نتمنى من قلبي نكون عند حسن ظن اي وحدة خدمت عندي هاذي شهادة زبونة دات عليا الطمينة و هاذو ليكوموند تاع اليوم

13/09/2024

صباح الخير جمعة مباركة لاكوموند تاع اليوم مقروط معسل للقلب مشوك بنيون و صابلي بريستيج بصحة مولاتهم و بمناسبة المولد يوم الاحد بإذن الله غادي نغلق الطلبيات تاع الطمينة و البوكس تاع صوميل للطلب مرحبا بيكم الحوض تحت الجامع

12/09/2024

كوموند اليوم 3كيلو ڨريوش تاع السنبلة و الوردة بصحة زبونتي الوفية و للمولد اللي بغات طمينة بقلاوة تركية مقروط ميني قطايف وتمر محشي متوفرين للطلب مرحبا بيكم و اسعار في المتناول♥♥♥🥰🥰🌹

08/09/2024

سلام لبنات نهاركم مبروك بمناسبة المولد النبوي الشريف راني بديت نشد ليكوموند تاع الطمينة بقلاوة تركية ميني قطايف و تمر محشي بسعر هايل و المفاجأة اللي قلتلكم عليها هي بوكس فيه كيلو طمينة 6حبات ميني قطايف و 7حبات بقلاوة تركية فقط ب ميات الف يعني بصوميل تعمري الطابلة للحفلة نتاع المولد و تفرحي وليداتك هاذ العرض صالح الى غاية 14سبتمبر ملاحظة: النسا اللي كمونديتو عليا الطمينة مذابيكم تأكدولي لاكوموند في البريفي

06/09/2024

زينوا يوم الجمعة بالصلاة والسلام على النبي صلى الله عليه وسلم

05/09/2024

ليكوموند تاع اليوم كعيكعات صابلي بكريمة الزبدة و الكرامال و صابلي الليمون بصحة ماليهم و اللي عجبتها حاجة تتفضل للبريفي و كاين مفاجآت روعة للمولد النبوي الشريف 😍😍😍🥰♥

03/09/2024

تحية خاصة لأحدث المتابعين لي! يسرني انضمامك! FI Today's, Zakiya Zakiya, أمير تي, Fàtîmā Zôhrã, Moderne Colletion Ilhem, Moktar Zhr, بريق الامل, Āÿ Llā, Chaima Press, عبد المجيد سيف غالب, اسلام اسيد, رحمة تسنيم, ندى الريحان, Oum Alaa, Bóütïqùe LõNã

03/09/2024

سلام لبنات غادي نبدي نشد ليكوموند نتاع التمر محشي للمولد النبوي الشريف اللي بغاتني نخدملها تزيفطلي في البريفي باش ندير حسابها مع الطمينة

02/09/2024

سلام عليكم لبنات بمناسبة المولد النبوي الشريف بديت نشد ليكوموند تاع الطمينة تاع السميد بالقوقاو و حلوة الترك اللي حبت نخدملها تتفضل للخاص😍😍🥰

01/09/2024

سلام حباباتي من لم يشكر الناس لم يشكر الله روتور تاع زبونتي هدرتها و شهادتها فرحتني كي نشوف الروتور و يشكروني على القاطو ننسى التعب و زيد التعب نتاع القاطو مجاش غي بدني تاني نفسي نقعد نخدم فيه و نقول بلاك ميعجبهاش بلاك مبغاتهش هك بلاك تقول خصرت دراهمي على والو الحمدلله دائما و ابدا و ان شاء الله نكون عند حسن ظن الجميع 🥰🥰😍♥

01/09/2024

طلبية اليوم ميلونج صابلي و بنيون للكمال الله يسخر و ربي يدوم الافراح 🥰🥰❤😍

30/08/2024

تحية خاصة لأحدث المتابعين لي! يسرني انضمامك! Yassmine Mok, Souad Sociologue, Âh Mêd, محمد الحسني, جمال جمال, Mar Iem, محمد آل ثاني, Oum Nour, أم الصبية, Khòkhâ Dalas, Ïkram SN, Pérlę Rõsë, ام نور شمس, Lina Alae, ام تقوى للمؤكولات التقليدية, Nã Zlï, Arvea Cosmétique, سلس بيلا, Ner Min, ام اسامة, Rosa Rosa

30/08/2024

نهاركم مبروك جمعة مباركة طلبية اليوم لزبونة وفية كوموند ماشية ل🇫🇷 بصحتكم ❤❤🥰