13/01/2025
ارواحو نحكيلكم على عجوزتي و مادارت فيا
انا زوجت في عمري 28 سنة خدامة وماكنتش نعرف نطيب مليح شاطرة في التسياق التقراز كلش و نعرف الاساسيات في الطياب لكن مانعرفش كلش كي خطبني راجلي كامل لي يعرفو عجوزتي قالولي شاطرة بزاف وتحب المرأ الشاطرة وقالولي قبيحة مستحيل تعيشي معاها وتقرلك كي عدتي ماكيش شاطرة فالطياب وهي صح الله يبارك شاطرة تربات بين العاصمة وبجاية المهم انا كنت متخوفة بزاف خاصة اني رح نسكن معاهم فالدار الكبيرة زوجت ودارولي عرس بالطبع ومن بعد رحت فواياج انا وراجلي ورجعت كي رجعت خلاص لازم ندخل كوزينة الحق كي لقاتني عجوزتي مانعرفش مليح نطيب علمتني غير بالعقل ووراتلي كلش أسرار الطبخ لي تعرفهم وخاصة أسرار الحلويات التقليدية وتعلمت كلش والحمد لله ضركا مانخليها تمس والو مع هي لي حاكمتلي ولادي كي نروح نخدم والله قد مانديرلها قليل عليها دارتني كيما بنتها علمتني حبتني جامي طبب عليا كي ندخل نرقد ترقد ولادي عندها تخبيلي مالحوايج لي جيبهملها بنتها لازم حتى نكون معاها باش تاكلهم وش نحكي عليها وش نخلي نعم الام.دركا نحبها كيما ميمتي مع انو راجلي ماخلانيش نعيطلها يما قالي عيطيلها خالتي وديريها كيما يماك خير ملي تعيطيلها يما وديري فيها الشر .اكثر موقف أثر فيا منها هو نهار جبت رائحة لدارنا في نفاسي الزاوج قعدت عندها عشرين يوم خدمتني كما ينبغي وماقصرت في والو وتهلات فيا مليح وكي جيت رايحة لدارنا حضنتني وتبكي وقاتلي اسمحيلي لاقصرت معاك هاد المرة تعبت مش كيما نفاسك الاول مع العلم انها بدات تمرض فالفترة الاخيرة والله قدمانديرلها قليل عليها ربي يعطيها الخير وربي يقدرني ونبعثها للعمرة
ابوني هنا بوليتيك النساء 👩🦰عجوزتي وسلافاتي 🤶🎅💃
