طلال وناس الخير

06/01/2024

تمت و بالخير عمت
المسخرون في الأرض
صاحب محل Miss Radja Shop ربي يحفظه ان شاءالله كل مرة يساهم معي و تحياتي لكل العمال و كامل اللابسة للأطفال و بأجود الأنواع و بمبلغ مليون و 300 الف + لباس داخلية لكامل الأطفال .بالمجان
سبحان الله يبقى مبلغ 400 الف سيخصص للعائلة التي الأب توفى و الأبن توفى بالسرطان و بقى طفل واحد كذالك مصاب بالسرطان ذو 15 سنة لنا لقاء معهم بعد ساعة .
سبحان الله عندما الله يأمر ناس الخير حتى المبلغ يكون فيه سلسلة خيرية
الله الله في ناس الخير ✌️✌️

06/01/2024

شاءت الصدف و الدنيا قصص عابرة
بالأمس توفت محاربة السرطان و اليوم #يتوفى شاب كان أخاه لطالما يساعد في هاته المريضة سبحان الله عتدما الله يجعل عبرة لهاته الدنيا
الدعاء له بالرحمة و ربي يصبر ميمتوا لان وصلني إتصال راها في وحيلة مسكينة
إن لله وإن إليه راجعون عظم الله أجركم #خويا

05/01/2024

المسخرون في الأرض
سأستبقى الأحداث أن بقى أي مبلغ من كسوة الأطفال سيكون من نصيب هاته العائلة
طلال .
نعم عندها زوج مرضى بسرطان واحد توفى من شهرين واللي بقا تاني مريض سرطان و الأصعب كذالك الأب توفى و ترك هاته الأم
للاسف طفل فاقد ابوه وفاقد اخوه وحيد ومريض سرطان ماعندوش حتى سرير والله دنيا هاذي فيها امور تقسم القلب
راها كرات غرفة واحدة
الله الله في ناس الخير ✌️✌️

05/01/2024

#رسائلكم
كاين واحد مريض ويمشي بالدواء ورانا نسعاو بش نزوجوه ان شاء الله بفضل ربي أولا وبفضل ناس الخير طامعين كشما تعاونوه، بعد عناء لقينا بنت الحلال لي تقبل بيه لكن أمورو المادية تعبانة خاصو قش مستعمل مش مشكل مهم يكون نقي( مطارح، كوفيرطات، مخاد، حسيرة،زربية،فورني، تلفزيون حطبة، خزانة) ورانا نلمولو فالشرط بالمئة والخمسين لي يقدر يعاون ميبخلش بالشي القليل معليش والله لا يضيع أجر المحسنين وربي يخلف عليكم وعلينا

ارقام الهاتف:
0698885617
0659465755

05/01/2024

#رسائلكم
الله يحفظك طلعلي منشور كاين شخص حاب يزوج خاطب عندو3سنين معندوش الله غالب و غير الاب وخاوتو حاليا هو مش تيدير عرس لاسباب شخصية يحوس يخلص شرط وحاجة خفيفة وخلاص الي هذا راه مش شخص الي دارو راني انا درتو ونحبكم تعاونوني في شرط 15مليون والباقي عليا جزاكم الله كل خير

05/01/2024

ما لفت إنتباهي منذا إحتراق المحل ليومنا هذا المعروف ليل و نهار الدعاء للحراير و كذا أصحاب الدعاء ربي يحفظهم إن شاء الله
و كل العمال الذين عملوا بالمجان بارك الله فيكم

05/01/2024

المسخرون في الأرض
تمت و بالخير عمت
عائلة محسنة مليون ربي يحفظهم إن شاء الله و طهور إن شاء الله لإبنتهم يارب
غدا سأشتري كل اللباس لهاته الأطفال .
ملاحظة إجمال الحساب هو مليون و 700 الف
الله الله في ناس الخير ✌️✌️

05/01/2024

المسخرون في الأرض
محسن ربي يحفظه إن شاء الله 400 الف و هذا المبلغ يضاف كذالك لشراء ملابس الأطفال
طفل 11 سنة الحذاء 33
طفل7سنوات الحذاء 30
طفيلة 3سنوات الحذاء 25
طفيلة عام
إجمال الحساب من ناس الخير هو 700 الف
الله الله في ناس الخير ✌️✌️
ملاحظة الاحذية لدينا

05/01/2024

المسخرون في الأرض
محسن 100 الف ربي يحفظه إن شاء الله
يضاف هذا المبلغ لشراء ملابس للإطفال
إجمال الحساب من ناس الخير هو 300 الف
و محسنة تكفلة بالإحذية و هذا لتوضيح
الله الله في ناس الخير ✌️✌️

05/01/2024

05/01/2024

فخورون بكم نبارك لأنفسنا و فرحة لا توصف لكل من هاتين الولايتين مسعد و عين وسارة على هذا الإنجاز ونسأل الله التوفيق للجميع
تحياتي لكم و شهادة لله في جميع حملاتي كنتم واقفين معي
تحيا الجزائر و المجد والخلود لشهدائنا الأبرار

05/01/2024

كانت منذا سنة و هاهي اليوم مع الفجر تغادر إلى مثواها الأخير محاربة السرطان #في ذمة الله .
و ربي يحفظ كل من ساهمة معنا
ربي يرحمها ويغفر لها ويسكنها فسيح جناته
الله الله في ناس الخير ✌️✌️

04/01/2024

ملاحظة تم تغير المنشور و محسن قال لي السبت إن شاء الله سأعطيك كرسي ربي يحفظك ان شاءالله
#ملاحظة ليس لديه ملف لكي يأخذه من الضمان الإجتماعي .
يحتاج كرسي متحرك مدى الحياة
طلال وخي هاذي حزتك و عارفك قدها إن شاء الله
راه كاين واحد شيخ ق كي ڨطعنالو كراعو و زوالي حابس و ضالو 6 شهر مشافش شمس

04/01/2024

المسخرون في الأرض
محسن 200 الف ربي يحفظه ان شاءالله سيساهم في مساعدة كسوة الأطفال
الله الله في ناس الخير ✌️✌️
الأحذية تم التوفير بالكامل من طرف محسنة
200 الف ستخصص لإجل كسوة الأطفال
سبحان الله كل واحد و قسمه

04/01/2024

سبحان الله

04/01/2024

المسخرون في الأرض
وضعت حوالي 9 منشورات و كل إحتياج كيف الله سخرها .
محسنة ربي يحفظها إن شاء الله تتكفل بأحذية الأطفال كاملة .
الله الله في ناس الخير ✌️✌️

04/01/2024

تمت و بالخير عمت
إكتمال تجهيز المحل بالكامل
مستلزمات و تجهيزات المحل كامل متوفرة .
ربي يحفظك ناس الخير .
نشكر كل العمال و كل شخص وكل العمال و كل من دعاء
مؤسسة الثلاجات
مؤسسة مياه مسعد
مؤسسة بلاط
مؤسسة شيبيس لانشي
مؤسسة صومام
مؤسسة عيساوي للكهرباء
مؤسسة ماكسو للحلويات
مؤسسة الزعيم للمشروبات
مؤسسة نونورس
محل البيض
طفل صغير بريكات
مؤسسة كوكا كولا ووبيبس بجهاز مبرد قبل الإفتتاح
#توضيح لم يبقى غير تعمير المحل بالسلعة و يفتح
معروف مقبول

04/01/2024

حاسي بحبح
عندي الكلوة مريضة ولازم ندير هذا السكانير في البليدة
اذا ينحوها ولا يخلوها
توضيح هذا رقم هاتف المريضة و لتأكد نحن نظع #منشورات و فقط
0772639389

03/01/2024

رسائلكم
ربي يحفظك نحتاج هاذ الكوش الله يفتح

03/01/2024

وصل ندائي من حاسي بحبح
انا معاق و نخلص منحة معاقين مشمكفيتنا وعندي 4اولاد صغار

03/01/2024

سلام عليكم طلال وخيي
كاين واحد البنت صغيرة زواااااالية ياسر تسكن مويلح مناطق الظل تشف
هي من ذو الاحتياجات الخاصة صم بكم
خصوها سماعات الاذن وماعندهاش ديرلي عليها منشور ربي يجزيك

03/01/2024

5 أيام الفرق الكبير
و يفعلها ناس الخير الجلفة و تحيا الجزائر
بعد قلبل لايف

03/01/2024

منشور مكرر يتصل بي الإمام و يحتاجو مكبرات الصوت بارك الله فيكم

03/01/2024

#نداء
طلعونا منشور هذا 👇 وإذا أمكن مشاركة المنشور 🥺
🟠 جماعة الخير هناك مسجد منذ 10 سنوات لم ينجز الى الآن ويتم هذه الأيام رفع وتيرة العمل فيه ، وهو الذي يتوسط أحياء كل من #بلبيض ، #بحرارة ، #برنادة
🟠 الإحتياجات العاجلة :
🔻 سلك 12
🔻 سلك 14
🔻 سلك 8
🔻 شبكة تع دالة
( المسجد ذو طابقين )
🔻 ولي عندو بلدروا يحتاجوه سلف للدالة
#ملاحظة : محتاجين سلع هذون و لي حاب يساهم يتصل مباشرة برقم المشرف على المسجد :
☎️ 0660.85.84.83
ساهموا وأجركم على الله

02/01/2024

ليقدر يساعدنا في هذا الأطفال .
طفل 11 سنة الحذاء 33
طفل7سنوات الحذاء 30
و عائلة أخرى
طفلة 3سنوات الحذاء 25
طفلة عام
بارك الله فيكم

02/01/2024

#رسائلكم .
كاين إمرأة تحتاج هاذا الابرة وانا غي دلال خير إذا أمكن كاش واحد عندو يعاونعا بيها
0662654566

01/01/2024

راه ظروفو مررررنكة قاع عندو طفلة يتبع فيها بالريديكاسيون وهاذي ضرك اجرا بيها عطاولو هاذ الابرة
نحتاح لهاته الحقنة بارك الله فيكم

31/12/2023

المسخرون في الأرض
تمت و بالخير عمت أكتب لكي يعلم الناس أن الخير الحقيقي و الذي سخره الله موجود
الخير لا ينقطع إلى قيام الساعة
الخير باق في أمة النبي صلى الله عليه وسلم إلى قيام الساعة ، وأنه لا تزال طائفة من هذه الأمة ظاهرين على الحق ، عاملين بهذا الخير ، داعين له إلى قيام الساعة .
فعن معاوية رضي الله عنه قال : قال رسول الله صلى الله عليه وسلم : لا يزال من أمتي أمة قائمة بأمر الله،
#عتدما وضعت لايف كنت أعلم أن المحسن الأولي سيصنع هذا الغطاء لأجل مشروع بناء السكن كان مخطط له من قبل و عندما انهاه إتصل بي و لقد وعدني المحسن الثاني أن يكمله . و لكن قلت لن أتصل بالمحسن و قلت ياسر إعليهم و الحق يقال لأني ضد فكرة أن أتصل بمحسن أو بمحسنة و أقول لهم ساعدوا فلانا أو فلانة لن أفعلها و من المستحيلات أن أضع منشورا.
سبحان الله يتصل بي المحسن الثاني و قالي يا طلال أنا نخدمو ربي يحفظك ان شاءالله و يارب منازل في الجنة لناس الخير و حتى أصحاب الدعاء
الله الله في ناس الخير ✌️✌️
#توصيح مهم جدا تصلني رسائل و يقول لي إتصل بناس الخير لن أفعلها مهم كانت و الله ثم و الله لن أتصل بناس الخير مهما كانت أن أضع منشورات و فقط و خدامين عند ربي هم من يقومون بالمساعدة .
و كل منشور راه مسخره ربي راها تجي روحها
غدا سأذهب لخدام الألمينيوم و يقوم بالقياس .
محسن ربي يحفظه هو من بتكفل به
الخير يأتي وحده و الحق يقال مهم كان الثمن

31/12/2023

#رسائلكم
انا مريض عندي مرض شوي نادر اسمو التصلب اللويحي
و نمشي بهذا الدواء
رقم الهاتف في الخاص
بارك الله فيكم

31/12/2023

مريض يالسرطان يحتاج لهذا المصل .
و هذا رقم للاتصال
0770296797
بارك الله فيكم

31/12/2023

المسخرون في الأرض
ليا الشرف و هي كذالك مسخرة من عند الله و أنا أفتخر بناس الخير أمانتك التي وكلتني بها في هاته في يد المعلمة و غدا ستكون عند العائلة
الله الله في ناس الخير ✌️✌️
و صلني خبر الأن 3 اولاد مرض و لذالك 2 ملابن كامل ليهم .
الحق يقال لكي تنجح كل واحد أعطالو حقه و لا تخون الأمانة
الله الله في ناس الخير ✌️✌️

31/12/2023

المسخرون في الأرض أفرح عندما يتصل بي شاب
أسير على نهج الوفاء سجية ، وكل امرئ في الناس يجري على الأصل. سأسير على هذا النهج لأن الله سخرها ،معي معلمة في العربية تعرف عائلة تعاني الفقر والعوز والأبناء لديهم مرض مزمن وصعب قبل أن أضع المنشور يتصل بي محسن ويعطيني مبلغ 2ملاين قال هذه زكاة شكرا لثقتك و شهادة اعتزو وربي يجازيك
محسن 2 ملاين ربي يحفظه ان شاءالله هذا المبلغ تأخذه المعلمة بهاته العائلة
توضيح مهم كل محتاج ربي سخر له عباده
الله الله في ناس الخير ✌️✌️

31/12/2023

المسخرون في الأرض
فرحة لا توصف و نلتمس خير في رئيس الدائرة الجديد إن شاء الله فيها خير
الله الله في ناس الخير ✌️✌️

31/12/2023

تمت و بالخير عمت
تم شراء لباس كامل لطفلة و شكرا لكل من ساهم فأنتم مسخرون في الأرض و حتى أصحاب الدعاء
و شكرا لصاحب المحل
الله الله في ناس الخير ✌️✌️

31/12/2023

المسخرون في الأرض
سبحان الله تغير المنشور في لمحة البصر و هي مكتوب ربي .
قلت نمشي شوي و لكن قلت المحل بعيد سأصعد في حضاري و بالصدفة ألتقيت بي محسنة ربي يحفظها إن شاء الله تعطيني مبلغ 250 الف .
سبحان الله تمت و بالخير عمت كسوة للبنت و بهذا إكتملة كامل المساعدات جبر الخاطر
الله الله في ناس الخير ✌️✌️