Je M'en Fous

03/01/2025

خلي الوقت يداوي يقلب الكية 💔😉

https://vm.tiktok.com/ZNew3EPhb/

03/01/2025

آللهُــــــمَّ اسقِ قلوبنا بِذكركَ حتّى تُروى وأشبع أرواحنا بطاعتك حتّى تَقوى وكُن بِنا رؤوفاً رحيماً فلا ملجأَ لنا سِواك ولا مَأوى 🤲

آللهُــــــمَّ فرّج أُموراً ضَاقت بها صُدورنا وعجزت بها حيلتنا وقلّ بها صَبرنا آللهُــــــمَّ أَسعِد قلوبنا بما أنتَ أعْلَمُ بِهِ مِنا‎ اللهم آمين يارب العالمين ...

جمعة مباركة عليكم ❤️🤲

02/01/2025

كنا بكري ...
نرقدو بكري 😅

زيدو قولولي راك تتمسخر ارقدو راه راح الحال ❤️😉

31/12/2024

كونك راجل كي تبدا فيني ماشي تيماجيني ❤️😉

30/12/2024

دائما ما تلقى ناس كالم بزاف ...
و من خلال اول انطباع تحطهم في خانة "الإنطوائيين" و لي عادة يجو حشامين و يتفاداو اي مناسبة اجتماعية 😊

بصح كي يتحطو في موقف وين لازم يهدرو تلقاهم يقلبو الطابلة ومشي برك فالهدرة...
بالسلوك و بالطريقة تع الكلام تحس انو عندهم قدرة كبيرة على التأثير و بعد نقاش واحد يقدر يخلق جمهور لكنه بمجرد انو يكمل هدرتو يرجع لحالة الشبه الانطوائي لي ما يبغي يتحمل مسؤولية اي فرد وحد اخر الا روحو ❤️

هذا النوع تع العباد بغيت نقولهم نتوما من بين افضل الناس برك ❤️😍

29/12/2024

خاوتي راني قريب نلحق 10k في حسابي على منصة تيك توك ادخلو عاونوني بأبوني وجام من فضلكم ❤️😍

شاهد الفيديو الذي أنشأه je m'en fous.

29/12/2024

والله راني في مرحلة وين كلش ولا يبانلي عادي 👀

مام الحاجات لي كانو يهموني ولاو يبانولي نورمال...
الحاجات لي كانو يضحكوني ولاو يجوني عادي...
حتى كي نطيح فـ كاش مشكل نبقى ساكت و نتفرج من بعيد حتى يتحل وحدو...
ولا دمي بارد نتجنب الهدرة مع الناس قد ما نقدر...
لي حب يقول عفسة يقولها...

المهم ندير واش نحب و أنا مرتاح القلب عيا ولا يحوس غير على راحتو ماللخر وليت نخمم غير كيفاه نرضي روحي و فقط ❤️😉

28/12/2024

محلاها الحومة ديما الحومة مضلومة 💔😔

25/12/2024

صدقني راح تلحق لوحد المرحلة في حياتك ترجع تفضل انو يفهموك غالط على أنك تبقى تفهم فيهم و تكتب لهم مبررات و اجابات طويلة باش تبين الموقف تاعك 💔

و نهار تلحق للمرحلة هذي راح تكون فهمت الدنيا مليح ❤️😊

25/12/2024

حتى الصحبة ثاني غير لي اذاني 💔😔

24/12/2024

بين يوم و يوم في لحظة ادركت فيها انو عمري 29 سنة منيش حاصل على خدمة و منيش متزوج وحتى موش عندي دار 😔

و كل همي اني نرتاح يوما ما ❤️

والله واثق بربي سبحانو كل حاجة في وقتها …
صح كبرت و ممكن ناس تقول فات القطار راني روطار بزاف بصح مابيدي حيلة ربي هو لي يرزق و هو لي علبالو علاه خلاني هك ☺️

اكيد ينقطع عليا النوم اكيد نخمم في مستقبلي بزااف بصح في نفس الوقت نرتاح كي نتفكر بلي ربي هو الرزاق ❤️☺️

24/12/2024

حالة راني فيها زهري وين بيها 💔😔

24/12/2024

نفهم كل الناس حرفيا كل العقليات وكل الشخصيات ونقدر نتعامل مع الجميع ❤️

بصح في حياتي ما قدرت نلقا الانسان هذاك لي يفهمني انا ..
يفهمني صح يحس بيا راهي ماشي ساهلة أنك تعيش حياتك كامل والناس دايرين بيك بصح بينك بين روحك الوحدة تاكل فيك من الداخل 💔

ساعات وين تكون تحب تهرب معامن تقعد متحسش براحتك لي تهدر معاه تحس روحك تهدر باه تهدر برك تعڤب و يعڤب وقتو برك ...

ماشي عارف لكان الشي هذا عادي ولا كاين عباد كيفي بصح لي نعرفو أنو الاحساس هاذا يعيف ومنتمناه لحتى انسان 💔😔

24/12/2024

يا حسرا عليك يا دنيا فيك حكاية و حكايات 💔😔

23/12/2024

صدقني والله أمنيتي ان اعيش هذه السنة القادمة اذا أحيان الله 2025 ...
بشعور هذه الآية (فُريَحًيَنِ بًمًآ آتٌآهّمً آلَلَهّ مًنِ فُضلَهّ) ❤️🤲

23/12/2024

وحدي لبارح ومزالني وحدي ليوم ❤️😉

23/12/2024

رسالة مفاجأة ليك ❤️

علابالي راك عييت علابالي في قلبك هم كبير...
علابالي في خاطرك بزاف حاجات تحب تديرهم...
علابالي عندك طموحات و أهداف تحب توصل ليها...
علابالي بلي عياك المحيط تاعك...

علابالي صدرك يضيق و ماتلقا ماتدير من غير ما تبكي تبكي داخلك تبكي بينك و بين روحك بصح شوف هز راسك لسما و تأمل زعما ربي الي يرعئ زاوش صغير ربي الي يرعئ نملة صغيرة راح ينساك ❗️ اكيد لا ❌️

ربي سبحانو راه يشوف فيك ربي سبحانو علابالو واش كاين في قلبك ربي سبحانو علابالو شحاال من مرة ضاق بيك الحال ربي سبحانو علابالو شحال بكيت وحدك ربي سبحانو علابالو شحال صبرت و مزالك صابر و مزالك تصنع الصبر ايه ربي سبحانو راه عالم بيك و بحالك علاه راك تغبن في روحك...

ديما دير في بالك ربي سبحانو فأي لحظة يقدر يبدلك حالك للأحسن قادر في رمشة عين همك يفرج في نهار و ليلة تلقئ روحك وصلت للهدف تاعك هياا نوض توضئ و صلي ركعتين و ادعي ربي ربي راه يستنا فيك باش تهرب لعندو و تحكيلو كلش و تدعيه هو عالم بواش في قلبك بصح يحب يسمعها منك 🤲

بكل وضوح ماتخافش ماتبكيش و ماتقنطش راه جاي نهار الي تفرح فيه نهار تنسا كلش فات عليك نهار يتعوضلك كلش فقط نتا دير ربي سبحانو في بالك ❤️😍