The Algerian Developers

Page d'Accueil
Algérie
Algiers
The Algerian Developers

Programming the future - نبرمج المستقبل
(11)

23/03/2024

🔵 بزاف رسائل وصلوا هنا حسبونا حبسنا النشر ، بغينا نقولكم انتقلنا لصفحتنا الكبيرة لي كانت محظورة ورجعوهالنا ، تلقاونا لتم ⬇️

The Algerian developer

14/03/2024

علابالي راك تحوس على محتوانا هنا ، لي مازال ماسمعش ، رانا رجعنا لصفحتنا الكبيرة ، راح تلقاونا لتم 😍⬇️

13/03/2024

🔵 هذه الصفحة راح تتختفي لأنو رجعنا للصفحة الكبيرة ، لي حاب يبقى يتبع محتوانا يلقانا ملهيه 💚⬇️

12/03/2024

لي ماسمعش 😍 رانا رجعنا لصفحتنا الكبيرة بعد غياب عام ،كل منشوراتنا راح تلقاوها لتم ✊🏽🔥⬇️

11/03/2024

بعد عام من المعاناة ، رجعولنا صفحتنا الكبيرة 😍💚 وطبعا رجعنا للنشر فيها ، تلقاو رابطها أدناه ⬇️

10/03/2024

🔴 هي صح التليفون مايصلحش للبرمجة يعنى صعيب بزاف و ايضا ماتلقاش فيه راحتك😫

✅ بصاح هذا مايخليكش تستغنى عنه خاطر كاين بزاف تطبيقات فيه يعاونوك تتعلم بيهم و خاصة في البداية 🔥

⏪وهكا كي يكون عندك وقت فارغ ولا تستنى حاجة راح تستفاد 👌

قولنا نتا واش تفضل👇👇👇

09/03/2024

⭕ صديقي علابالك بلي بلغات برمجة الويب نقدرو نحدمو تطبيقات سطح المكتب Desktop app ؟ في مختلف أنظمة التشغيل
كيفاه هاذي يعني ب Html w javascript نخدم تطبيق سطح مكتب ؟ انعم ايه و هاذا بفضل إطار العمل electronJs

اهبط معايا تشوف نحكو عليه شوي⬇️⬇️

07/03/2024

🔵 في عالم البرمجة كاين مصطلح المكتبة "Library" و هي مجموعة من الملفات المتكاملة فيها مجموعة من الأوامر والدوال لي تقدر تعيطلها و تستخدامها في برنامجك الخاص لتسهيل عملية البرمجة.

🔴 بصح واش الفايدة تاعها⁉️

🔴 و كيفاش دايرين⁉️.

07/03/2024

صراحةً بيمن تفضل تقرى؟👇
✅️ documentation
✅️ tutorials
✅️ Books

07/03/2024

🔴 راك تشوف ف هادي التصويرة لتحت ؟😬 انعم ايه بلاي ستور حقيقية ف بيسي تاعك و تقدر تنزل منها كل تطبيقات أندرويد و يشتغلو عادي 🙌😎

✅️ اهبط معايا لتحت باه تعرف كيفاه تقدر تفعلها 🏃🏿‍♂️👇

06/03/2024

🔵 عطب تقني يصيب تطبيق LinkedIn حاليا!
🤔❌

06/03/2024

اذا مراكش مواكب التطور👾،، ليوم بسيف️🗡️ تواكبوو..

أهبط التحت ⬇️

05/03/2024

⭕ جماعة الذكاء الاصطناعي رانا جيناكم بمعلومات 🔥 في هذا المجال . ليوم نهدرو على حاجة اسمها Generative Adversarial Networks ما يعرف ب GAN .
تبعني نفهموها كيفكيف 🚶🚶. .

✅ هاد GAN معناها شبكة التوليد التنافسية ، هي نوع من النماذج في الذكاء الاصطناعي ، و تتكون من زوج neural networks :
🟣 الاول Generator: هدا يحاول إنشاء بيانات جديدة واقعية تشبه لبيانات التدريب. مثلا يكون تدرب على لوحات فنية ، أيا يحاول ينشئ لوحة جديدة .
🟣 و الثاني Discriminator : هدا خدمتو التمييز بين البيانات الحقيقية و الزائفة اللي خدمها generator و تقييمها و تصحيحها .

بصح واش الفايدة من هاد الشي كاامل 🤔 !؟

✅ الفايدة منها تتحسن بزااف قدرة generator على انتاج بيانات واقعية و عالية الجودة من صور ، فيديوهات ، نصوص ...

05/03/2024

🔵 لمهم لي ماهوش في قناة تيليڨرام تاع TAD ماستمتعش باللحظة كي راح فايسبوك وانستا 🤣😍

05/03/2024

🔵 عودة فايسبوك وانستا للعمل بعد عطب تقني عالمي دام ساعة واحدة ❌

05/03/2024

علابالك بلي مينداك لما نخدمو تطبيق ولا خاصية في التطبيق ، نكتبو الاختبارات (tests) قبل الكود ؟🤔

نسميو هذي المنهجية في التطوير بال TDD✨

✅ الخاصية تاعها انو نكتبو التاست اولا و نروحو نكوديو ومانتوقفوش حتى ينجح التاست تاعنا

بصح واش الفايدة منها ، راني نطول هك و العميل راه يسنى ❎

✅صحيح انو تستغرق وقت زيادة شوية لكن الوقت لي خسرتو في كتابة كل الاختبارات ، راح تربحو مستقبلا لانو يقللنا من الbugs لي ممكن تصرا

بزاف شركات عالمية تعتمد على هذي المنهجية 😌
قلي من قبل خدمت بيها ؟ 🤔

04/03/2024

🔵 شحال كان في عمرك كي عرفت بلي كاين حاجة يسموها Design oriented objects ؟ 😌 المبرمجين راقبوا في صمت 🤣

ليوم راك راح تعرف حاجة خشينة ، جيب قهوة ولا أتاي وارواح 🏃🏻‍♂️⬇️

04/03/2024

🔵 بعد ما كانت في المركز السادس في السنتين الماضيتين ، دارت Nvidia قفزة كبيرة في ترتيب أكبر شركات العالم من حيث القيمة السوقية ⭐

طبعا حافظت شركتا Microsoft و Amazon على ترتيبهما 🤝🏽

04/03/2024

⭕️ أكثر سؤال تسمعو من طلبة الاوتوماتيك والإليكتروتاك هو
كيفاه نتعلم الأشياء لي نحتاجها فالعمل 🤔

وتالمو حنا نخممو فيكم بزاف جبنالكم قناة فليوتيوب تقدر تتعلم منها بزاف مثلا :
✅كلاسيك كونترول..plc..رسم المخططات الكهربائية..simens..Tia portal..autocad electrical..شاشات التحكم ..
والكثير 👇👇

04/03/2024

❌️ نخدم موقع المهم يكون يمشي الباقي ميهمنيش
✅️ نخدم موقع يمشي ويكون منظم ومحمي 😍

باش تقدر تقول بلي الموقع تاعك مليح لازم عليك تهتم بهذو الأمور 👇

03/03/2024

كي تخدم ب Apple Vision فالجزائر 🤣

03/03/2024

⭕ ارواح نوريلك اللغات و الاطارات لي تحتاجهم باه تولي مطور باك اند و تبدا تخدم 💸

✅ لغة PHP : مختصة في الويب و خاصة الباك اند و بزاف مواقع ندارو بيها كيما Facebook و هذا لي خلاها مزالها و قوية و بإطاراتها كيما Laravel و codeigniter.

✅ ال Nodejs : هي بيئة تشغيل مفتوحة المصدر من جانب الخادم خاص بالجافاسكريبت و عندها إطارات تساعد بزاف في التطوير كيما ExpressJs , NestJs...

✅ لغة Python: تعتبر لغة ساهلة باه تتعلمها و مختصرة و تقدر تلقاها في بزاف مجالات و منها الباك اند بإطار Django.

⭕ قولنا نتا واش تفضل 👇👇

02/03/2024

⭕️ عشاق الكالي لينكس بانو تشو هنا 😍 قالك راهم طلقو النسخة الجديدة من Kali Linux

✅️ تم تطوير شكل وتصميم سطح المكتب

✅️ النسخة تحتوي على اربع ادوات جديدة راح تلقاوها لتحت 👇😁

02/03/2024

⭕ صديقي علابالك بلي الروبوت كيما الطفل صغير 🧒 كي يدير حاجة غلطة و تعاقبو ميزيدش يعاودها (الجزائريين غير معنيين حنا كي تضربو يزيد يعاودها 🤣 )

شانڤو فهمنا تشو فهاذي كيفاه الروبوت يتعاقب ؟

اهبط معايا تشوف ⬇️⬇️

01/03/2024

🔵 طيب مفتاح هو مطور جزائري كفيف 🇩🇿 سبق وهدرنا عليه والتقينا به شخصيا، انسان محارب وشغوف بالمجال بكل اتم معنى الكلمة 👏🏻

✅ طرح تطبيق مؤخراً سماه My eye مخصص للمكفوفين باش يقدروا يعرفوا محتوى الصور بواسطة الذكاء الاصطناعي بوصف دقيقة لمحتوى الصورة.

هؤلاء يستاهلوا الدعم صح لأنو ورغم كل الصعوبات قدر يتحدى ويصنع حاجة فيها فائدة للناس لي تعاني من نفس الأمر ، نفتخر بك خويا طيب 👏🏻👏🏻

تلقاو رابط التطبيق لي راه متوفر في Play store ⬇️

Adresse

Bd 10 Colonel Krim Belkacem
Algiers
16000

Téléphone

+213552220245

Site Web

https://www.youtube.com/@TheAlgeriandeveloper

Notifications

Soyez le premier à savoir et laissez-nous vous envoyer un courriel lorsque The Algerian Developers publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.