DW اردو

05/08/2024

بنگلہ دیش: پُر تشدد مظاہروں سے شیخ حسینہ کے استعفے تک

https://p.dw.com/p/4j7jb

05/08/2024

بھارت میں پاکستان کی حمایت والے پوسٹر لگانے پر شہری گرفتار

دہلی میں پولیس نے اس شخص کو گرفتار کر لیا، جس نے اپنے فلیٹ کی دیوار پر 'پاکستان زندہ باد' کا پوسٹر چسپاں کر رکھا تھا۔

بھارتی دارالحکومت دہلی کی پولیس نے اتوار کے روز روہنی میں ایک شخص کو اس شکایت کے بعد حراست میں لیا کہ اس نے اپنے فلیٹ کی دیوار پر پاکستان کی حمایت میں نعرے لکھ رکھے ہیں۔

گرفتاری سے قبل سوشل میڈیا پر ایسی ویڈیوز سامنے آئی تھیں، جن میں بعض مقامی لوگوں نے مذکورہ فلیٹ کی دیوار پر آویزاں ایسے پوسٹرز کو دکھایا، جن پر پاکستان زندہ باد جیسے نعرے درج تھے۔

پولیس نے کیا کہا؟
بھارتی خبر رساں ایجنسی پی ٹی آئی نے ایک سینیئر پولیس افسر کے حوالے سے گرفتاری کی تصدیق کی ہے۔

پولیس نے اپنے بیان میں کہا، ''ہمیں مقامی لوگوں سے اطلاع ملی تھی کہ روہنی کے اونتیکا سی-بلاک علاقے میں رہنے والے ایک شخص نے اپنے فلیٹ کی دیوار پر پاکستان کی حمایت میں کچھ نعرے لکھ رکھے ہیں۔ ابتدائی تفتیش سے معلوم ہوا کہ یہ شخص ذہنی طور پر مستحکم نہیں ہے اور فلیٹ میں اکیلا رہتا ہے۔''

پولیس افسر نے بتایا کہ پولیس فی الحال اس بات کی تحقیقات کر رہی ہے کہ آیا اس شخص کا پاکستان یا کسی دوسرے گروپ سے کوئی تعلق تو نہیں ہے۔

اس سلسلے میں پولیس نے مذکورہ شخص کے رشتہ داروں سے بھی رابطہ کیا ہے، تاکہ مزید معلومات حاصل کی جا سکے۔ البتہ پولیس نے مذکورہ شخص کی شناخت یا اس کے بارے میں مزید کچھ نہیں کہا ہے۔

اس دوران پولیس نے ان کے فلیٹ سے ''قابل اعتراض پوسٹر اور بینرز بھی ضبط کیے ہیں۔

مزید پڑھیے: http://dw.com/p/4j6zy

05/08/2024

بنگلہ دیشی وزیراعظم شیخ حسینہ واجد اپنے عہدے سے مستعفیٰ اور سلامتی کے خدشات کے پیش نظر فوجی ہیلی کاپٹر میں ملک سے فرار ہو گئی ہیں۔

05/08/2024

بنگلہ دیشی وزیر اعظم شیخ حسینہ نے استعفیٰ دے دیا، فوجی حکام

بنگلہ دیشی فوجی حکام نے کہا ہے کہ ملکی وزیر اعظم شیخ حسینہ واجد نے اپنے عہدے سے استعفیٰ دے دیا ہے۔ یوں 15 برس سے جاری ان کے اقتدار کا خاتمہ ہو گیا۔

بنگلہ دیشی فوجی حکام نے کہا ہے کہ ملکی وزیر اعظم شیخ حسینہ واجد نے اپنے عہدے سے استعفیٰ دے دیا ہے۔ وہ اتوار کے روز پر تشدد مظاہروں میں ایک سو افراد کی ہلاکت کے ایک دن بعد مستعفی ہوئیں۔ یوں 15 برس سے جاری ان کے اقتدار کا خاتمہ ہو گیا۔
بنگلہ دیش میں کئی ہفتوں سے احتجاج کرنے والے طلبہ ہزاروں کی تعداد میں وزیر اعظم شیخ حسینہ واجد کی سرکاری رہائش گاہ میں داخل ہو گئے ہیں۔ اطلاعات کے مطابق وزیر اعظم اپنی سرکاری رہائش گاہ سے کسی محفوظ مقام پر منتقل ہو گئی ہیں۔

وزیر اعظم مستعفی

ادھر خبر رساں ادارے روئٹرز نے بنگلہ دیشی میڈیا کے حوالے سے بتایا ہے کہ ملکی وزیر اعظم شیخ حسینہ واجد نے اپنے عہدے سے استعفیٰ دے دیا ہے اور ملک سے باہر چلی گئی ہیں۔
بنگلہ دیشی ٹیلی وژن چینل 24 پر دکھائی جانی والی فوٹیج میں دیکھا جا سکتا ہے کہ دارالحکومت ڈھاکہ میں موجود وزیر اعظم کی رہائش گاہ میں بڑی تعداد میں ہجوم موجود ہے اور لوگ کیمرے کے سامنے خوشی کا اظہار کر رہے ہیں۔
خبر رساں ادارے اے ایف پی نے وزیر اعظم کے قریبی ایک ذریعے کے حوالے سے بتایا ہے کہ 76 سالہ وزیر اعظم حسینہ واجد اور ان کی بہن نے ڈھاکہ چھوڑ دیا ہے اور ایک محفوظ جگہ پر منتقل ہو گئی ہیں۔ اس ذریعے کے مطابق وزیر اعظم اپنا خطاب ریکارڈ کرانا چاہتی تھیں تاہم انہیں اس کا موقع نہیں مل سکا۔

مزید تفصیلات پڑھیے: https://www.dw.com/a-69858746

http://dw.com/p/4j7Ry

05/08/2024

پاکستان کے لیے جو چین کر رہا ہے، امریکہ نہیں کر سکتا، شہباز شریف

پاکستانی وزیر اعظم کا کہنا ہے کہ واشنگٹن کے ساتھ تعلقات کی بحالی ضروری توہے، تاہم بیجنگ کے ساتھ تعلقات کی قیمت پر نہیں۔ انہوں نے بھارت پر کشمیری عوام کی حقیقی قیادت کو خاموش کرنے اور میڈیا کو دبانے کا الزام بھی لگایا۔

وزیر اعظم شہباز شریف نے اتوار کے روز کہا کہ پاکستان کے لیے چین جو کچھ کر رہا ہے، امریکہ وہ نہیں کر سکتا۔ انہوں نے اس بات کا اعادہ کیا کہ واشنگٹن کے ساتھ تعلقات ٹھیک ہونے چاہئیں، تاہم بیجنگ کے ساتھ تعلقات کی قیمت پر قطعی نہیں۔
وزیر اعظم شہباز شریف لاہور میں اپنی رہائش گاہ ماڈل ٹاؤن میں صحافیوں کے ایک گروپ سے ملاقات کے دوران یہ باتیں کہیں۔ یہ صحافی حال ہی میں چائنا پبلک ڈپلومیسی ایسوسی ایشن کی دعوت پر چین کے سرکاری دورے سے واپس آئے تھے۔
اس موقع پر گفتگو کرتے ہوئے وزیر اعظم شہباز شریف نے کہا کہ چین اور پاکستان کے درمیان اقتصادی راہداری (سی پیک) کے دوسرے مرحلے پر تیزی سے کام جاری ہے۔

قرضوں پر چین سے اپیل
شہباز شریف نے حال ہی میں بیجنگ کو لکھے گئے اپنے ایک مکتوب کے بارے بات کرتے ہوئے کہا کہ اس خط میں چین سے قرضوں کی دوبارہ پروفائلنگ کی درخواست کی گئی ہے۔
’کشمیر پر پاکستان اور چین کے مشترکہ بیان پر بھارت کو اعتراض کا حق نہیں‘
ان کا کہنا تھا کہ اگر چین قرضوں کی واپسی کے لیے پاکستان کو پانچ سے سات برس کا وقت دینے پر راضی ہو جائے، تو حکومت بجلی کی قیمتوں سمیت مہنگائی کو کم کرنے میں کامیاب ہو جائے گی۔
تاہم، جب ان سے یہ پوچھا گیا کہ کیا انہیں اس خط کا اب تک کوئی جواب موصول ہوا ہے، تو انہوں نے کہا: ''نہیں۔۔۔۔۔ (ہماری درخواست) زیر غور ہے۔'' انہوں نے کہا کہ اس سلسلے پر ''ہمیں چین کی جانب سے مثبت جواب کی امید'' ہے۔

پاکستان امریکہ تعلقات اور دیگر تفصیلات پڑھیے:
https://www.dw.com/a-69856005

05/08/2024

آسٹریلیا: ملک کو لاحق دہشت گردی کے خطرے کی سطح میں اضافہ

آسٹریلیا نے ملک کو لاحق دہشت گردی کے خطرے کی سطح کو پیر کے روز"احتمال" تک بڑھا دیا۔ ملکی انٹیلی جنس چیف نے ملک میں بڑھتے ہوئے انتہائی نظریات کو اس کا سبب قرار دیا ہے۔

آسٹریلین سکیورٹی انٹیلیجنس آرگنائزیشن (اے ایس آئی او) کے سربراہ مائک برجیس نے پیر کے روز کہا کہ گوکہ ملک میں فوری طورپر حملے کا کوئی اشارہ نہیں ہے لیکن اگلے بارہ مہینوں میں تشدد کا خطرہ بڑھ گیا ہے۔
انہوں نے نامہ نگاروں سے بات کرتے ہوئے کہا،" آسٹریلیا کا سکیورٹی ماحول خراب ہورہا ہے، یہ زیادہ غیر مستحکم اور زیادہ غیر متوقع ہے۔" انہوں نے مزید کہا، "آ پ نے مجھے کئی بار یہ کہتے ہوئے سنا ہے کہ جاسوسی اور غیر ملکی مداخلت ہمارے بنیادی سکیورٹی خدشات ہیں... لیکن انٹیلی جنس رپورٹیں بتاتی ہیں کہ اب یہ درست نہیں ہے۔"
آسٹریلیا: چاقو کا وار کرنے والا ایک نوجوان پولیس کی گولی سے ہلاک
آسٹریلیا: دہشت گردی کا شبہ، بارہ سالہ لڑکےکی نگرانی
آسٹریلیا کے سکیورٹی چیف کا کہنا تھا،"اب جاسوسی اور غیرملکی مداخلت کی جگہ سیاسی طورپر متحرک تشدد ہمارے سکیورٹی کے بنیادی خدشات میں شامل ہوگئے ہیں۔"
اے ایس آئی او کے سربراہ نے کہا کہ زیادہ سے زیاہ آسٹریلوی بنیاد پرست ہوتے جارہے ہیں اور وہ اپنے مقصد کو آگے بڑھانے کی خاطر تشدد کا استعمال کرنے کے لیے خود کو تیزی سے تیار کررہے ہیں۔
مائک برجیس نے کہا،"افراد اتھارٹی مخالف نظریات، سازشی نظریات اور متنوع شکایات کو قبول کررہے ہیں۔ کچھ لوگ نئے ہائبرڈ نظریات پیدا کرنے کے لیے متعدد عقائد کو ایک دوسرے سے مربوط کر رہے ہیں۔"

مزید تفصیلات:
https://www.dw.com/a-69856003

05/08/2024

پاکستانی وزیر اعظم شہباز شریف نے کہا ہے کہ پاکستان کے لیے چین جو کچھ کر رہا ہے، امریکہ وہ نہیں کر سکتا۔
پاکستانی وزیر اعظم کے اس بیان پر آپ کی کیا رائے؟

05/08/2024

بنگلہ دیش: مظاہروں کے دوران تقریباً سو ہلاک، غیر معینہ مدت کا کرفیو جاری

بنگلہ دیش میں پولیس اور حکومت مخالف مظاہرین کے درمیان جھڑپوں میں ہلاکتوں کی تعدد تقریباً سو تک پہنچ گئی ہے۔ طلبہ رہنماؤں نے وزیر اعظم شیخ حسینہ سے استعفے کا مطالبہ کرنے کے ساتھ ہی آج ڈھاکہ کی طرف مارچ کی کال دی ہے۔

بنگلہ دیش میں ملک گیر سول نافرمانی کی مہم سے وابستہ سرکردہ شخصیت آصف محمود نے پیر کے روز مظاہرین سے ڈھاکہ کی طرف مارچ کرنے کی اپیل کرتے ہوئے وزیر اعظم شیخ حسینہ کی رہائش گاہ کا محاصرہ کرنے کو کہا ہے۔ انہوں نے کہا کہ اب آخری احتجاج کا وقت آ گیا ہے۔
حکومت مخالف احتجاج کی روح رواں طلبہ تنظیم 'اسٹوڈینٹس اگیسنٹ ڈسکرمینیشن' لوگوں پر زور دیا کہ وہ ٹیکس یا کوئی یوٹیلیٹی بل ادا نہ کریں۔ طلباء نے تمام فیکٹریوں اور پبلک ٹرانسپورٹ کو بند کرنے کا بھی مطالبہ کیا ہے۔

https://www.dw.com/a-69855899

05/08/2024

کروشیا کا پلیٹ ویٹسا لیکس پارک قدرت کا شاہکار

پلیٹ ویٹسا لیکس جمہوریہ کروشیا کا سب سے قدیم اور بڑا نیشنل پارک ہے۔ سیاحوں کی بڑی تعداد ہر سال یہاں کا رخ کرتی ہے۔ اس دلکش پارک کے بارے میں ہم مزید جانتے ہیں اس پکچر گیلری میں۔
http://dw.com/p/4j2sT

05/08/2024

تاریخ کیسے بدلتی ہے؟

ابتداء ہی سے قوموں کو ایک دوسرے کو جاننے کی جُستجو رہی ہے۔ معلومات نے اقوام کے درمیان روابط کو فروغ ديا، تہذیب و ثقافت سے آگاہی ہوئی لیکن ساتھ ہی جنگیں بھی ہوتیں رہیں۔ تاریخ قوموں کے ذہن کی عکاسی کرتی ہے۔

قدیم عہد میں قومیں بکھری ہوئی تھیں اور ہر قوم اپنی حدود میں رہتے ہوئے اپنی تہذیب کو فروغ دے رہی تھی۔

اِن بکھری ہوئی قوموں کے درمیان روابط کی ابتداء تاجروں نے کی، جو خطروں سے گزر کر ایک مُلک سے دوسرے مُلک پہنچے اور واپسی پر نئی تہذیب کو سامنے لائے۔ تاریخی معلومات اور کلچر کو وُسعت دینے میں سیاحوں کا بڑا حصّہ ہے۔

پڑھیے ڈاکٹر مبارک علی کی تحریر!
http://dw.com/p/4j5ce

04/08/2024

گرمی کو شکست دیں، شمسی توانائی سے مدد لیں

عالمی درجہ حرارت میں تیزی سے اضافہ ہوتا جا رہا ہے مگر ہم اس گرمی کا مقابلہ سولر پینلز کے استعمال سے کر سکتے ہیں۔ ایک اے سی چلانے کے لیے کتنے سولر پینلز کی ضرورت ہوتی ہے؟ یہ جانیے اس رپورٹ میں!

http://dw.com/p/4ivQq

04/08/2024

مشرق وسطیٰ ميں کشيدگی کم کرنے کی علاقائی و عالمی کوششيں

اردن کے وزير خارجہ ايران کا دورہ کر رہے ہيں تاکہ ايران کو اسرائيل کے خلاف کسی ممکنہ کارروائی سے روکا جا سکے۔ دوسری جانب امريکہ اور کئی عرب ممالک بھی اس وقت کشيدگی ميں کمی کے ليے متحرک ہيں۔

http://dw.com/p/4j67F

04/08/2024

غزہ پر اسرائيلی حملے جاری، مشرق وسطیٰ میں حالات کشيدہ

حماس کے رہنما اسماعیل ہنیہ کے قتل کے بعد مشرق وسطیٰ میں حالات کشيدہ ہيں۔ غزہ ميں تازہ اسرائيلی حملوں ميں کم از کم 12 افراد ہلاک جبکہ تل ابیب میں ايک فلسطينی حملہ ‌آور کی کارروائی کے نتیجے میں دو اسرائيلی مارے گئے ہیں۔

حماس کے رہنما اسماعیل ہنیہ کے قتل کے بعد مشرق وسطیٰ میں حالات کشيدہ ہيں۔ غزہ ميں تازہ اسرائيلی حملوں ميں کم از کم 12 افراد ہلاک جبکہ تل ابیب میں ايک فلسطينی حملہ ‌آور ک...

04/08/2024

کیا کہکشاؤں کے بھی دل اور پھیپھڑے ہوتے ہیں؟

ایک نئی تحقیق کے مطابق کائنات میں بننے والی اولین کہکشاؤں میں ستارے بننے کےعمل کی رفتار کو کنٹرول کرنے میں کہکشاؤں کے دل (بلیک ہول) اور پھیپھڑے (سپر سونک جیٹس) مدد کرتے تھے ورنہ ہماری کائنات وقت سے پہلے بوڑھی ہو جاتی۔

اولین کہکشاؤں میں ستارے بننے کا عمل، جس میکینزم سے کنٹرول ہوتا تھا، وہ انسانی نظام تنفس سے مشابہہ ہے۔

http://dw.com/p/4j0QF

04/08/2024

برطانیہ میں مسلم مخالف مظاہرے، 90 سے زائد افراد گرفتار

برطانوی پولیس کے مطابق مسلمانوں اور مہاجرین کے خلاف پرتشدد مظاہرے کرنے والے انتہائی دائیں بازو کے 90 سے زائد افراد کو گرفتار کر لیا گیا ہے۔ حالیہ چند دنوں میں متعدد مساجد پر حملے ہو چکے ہیں۔
برطانوی حکومت نے خبردار کيا ہے کہ ’بدامنی اور تشدد‘ پھيلانے والے عناصر کو برداشت نہيں کيا جائے گا۔
http://dw.com/p/4j5uC

04/08/2024

بنگلہ دیش میں صورت حال کشیدہ، کم از کم 50 افراد ہلاک

ایک پولیس اہلکار نے نام ظاہر نہ کرنے کی شرط پر بتایا، ’’پورا شہر میدان جنگ میں تبدیل ہو چکا ہے۔‘‘

پولیس اور ڈاکٹروں نے پبنا اور رنگ پور اور ماگورا میں مزید 50 اموات کی اطلاع دی ہے جبکہ ہلاکتوں میں اضافے کا خدشہ ہے۔

بنگلہ دیش کی حکومت نے مختلف شہروں میں غیرمعینہ مدت تک کے لیے کرفیو نافذ کر دیا ہے۔

دریں اثنا وزیر اعظم شیخ حسینہ نے کہا کہ جو لوگ ’’تخریب کاری اور مظاہروں کے نام پر تباہی پھیلا رہے ہیں وہ اب طالب علم نہیں ہیں بلکہ مجرم ہیں۔‘‘ انہوں نے عوام سے کہا ہے کہ ’’وہ ایسے مظاہرین سے آہنی ہاتھوں سے نمٹیں۔‘‘

http://dw.com/p/4j5gj

04/08/2024

OpenAI سرچ انجن متعارف کیا گیا ہے۔ کیا سرچ جی پی ٹی اپنے مقابل گوگل، بِنگ اور ڈک ڈک گو کو شکست دے سکتا ہے؟ اے آئی سرچ انجن دیگر سے مختلف کیسے ہیں؟ DWDigital

04/08/2024

آج کل ہر چيز ہی کے ليے ايپس دستياب ہيں۔ کيا آپ اپنی ذہنی پريشانی يا بے چينی دور کرنے کے ليے کسی ايپ پر بھروسہ کريں گے؟ برازيل کی وينيسا نے ايسا کر کے ديکھا۔ جانيے ان کا تجربہ کيسا رہا؟

04/08/2024

بنگلہ دیش: شیخ حسینہ سے استعفے کا مطالبہ، فوج ’کس کے ساتھ‘ کھڑی ہے؟

چند روز حالات معمول پر رہنے کے بعد بنگلہ دیش میں دوبارہ پرتشدد احتجاجی مظاہروں کا سلسلہ شروع ہو گیا ہے۔ ملک بھر میں بڑے پیمانے پر ریلیوں اور تشدد کے نتیجے میں مزید 20 افراد مارے گئے ہیں۔

ایک پولیس اہلکار نے نام ظاہر نہ کرنے کی شرط پر بتایا کہ ڈھاکہ شہر میدان جنگ میں تبدیل ہو چکا ہے۔

تازہ ترین اطلاعات کے مطابق ملک بھر میں ایک مرتبہ پھر کرفیو نافذ کر دیا گیا ہے۔

الینوائے اسٹیٹ یونیورسٹی میں سیاسیات کے پروفیسر علی ریاض کہتے ہیں، ’’اب صورتحال بدل چکی ہے۔‘‘ ان کا مزید کہنا تھا، ''حکومت کی بنیادیں ہل گئی ہیں، ناقابل تسخیریت کی چمک دم توڑ گئی ہے۔ اب سوال یہ ہے کہ شیخ حسینہ حکومت چھوڑنے کے لیے تیار ہیں یا آخری دم تک لڑیں گی؟‘‘
http://dw.com/p/4j5gj

04/08/2024

جرمنی کا پاسپورٹ حاصل کرنا اتنا مشکل کیوں؟

اسی نوعیت کا مقدمہ جرمنی میں مقیم ایک پاکستانی نے بھی دائر کیا ہے، جنہوں نے ڈی ڈبلیو سے درخواست کی کہ انہیں فرضی نام دے کر متعارف کرایا جائے کیونکہ انہیں ڈر ہے کہ بصورت دیگر امیگریشن حکام ان کے ساتھ متعصبانہ رویہ اختیار کر سکتے ہیں۔

عمران احمد (فرضی نام) کا کہنا تھا، ''مجھے یہ اعتماد نہیں کے حکام منصفانہ رویہ رکھیں گے اور مجھے فکر ہے کہ مجھے اپنی کہانی سنانے کی سزا دی جائے گی۔‘‘
جانیے جرمنی آنے والے تارکین وطن کو کن مشکلات کا سامنا کرنا پڑتا ہے؟

http://dw.com/p/4j0Ap

04/08/2024

برطانیہ میں مزید مساجد اور اسلامی مراکز پر حملوں کا خدشہ

انتہائی دائیں بازو کے پرتشدد مظاہروں اور متعدد مساجد پر حملوں کے بعد برطانوی مسلمان خوف کا شکار ہیں۔ دوسری جانب مساجد اور اسلامی مراکز کی حفاظت کے لیے مقامی غیر مسلم افراد بھی مسلمانوں کا ساتھ دے رہے ہیں۔

چند روز قبل برطانیہ میں انتہائی دائیں بازو کے مشتعل افراد نے مسلمانوں کی عبادت گاہوں کو اس وقت سے نشانہ بنانا شروع کیا تھا، جب آن لائن ایسی غیر مصدقہ افواہیں پھیل گئیں تھیں کہ گزشتہ پیر کو شمال مغربی انگلینڈ میں تین چھوٹی لڑکیوں کو چاقو سے ہلاک کرنے والا ایک نوعمر مسلمان تھا۔

برطانیہ کی تقریباً 2,000 مساجد میں سے زیادہ تر مساجد سکیورٹی گارڈز کو ادائیگی کرنے کی استطاعت نہیں رکھتی ہیں۔

http://dw.com/p/4j4tS

04/08/2024

یوں تو سی فوڈ عام طور سے موسم سرما کی مرغوب غذا ہوتی ہے لیکن صوبہ سندھ کے شہر حیدر آباد کے باسی گرمی کے موسم میں بھی بالخصوص مچھلی سے کھاتے ہیں۔

04/08/2024

دنیا کا سب سے بڑا سامن مچھلی فارم شمالی ناروے میں واقع ہے۔ چونکہ سامن فارمڈ مچھلی کی سب سے مشہور قسم ہے، اس لیے یہ ایک منافع بخش کاروبار ہے۔ تاہم یہ آبی فارمنگ متنازعہ بھی ہے۔ اسی لیے عموماﹰ کیمرے کے ساتھ ان فارمز میں نہیں جایا جا سکتا، لیکن ہمیں موقع ملا ہے، نورڈلیکس کمپنی کے اس فارم کے دورے کا۔ آئیے ہمارے ساتھ چلیے۔
DW Business

04/08/2024

جرمنی میں جنگلاتی آگ: 2023 میں اٹھارہ سو فٹ بال میدانوں جتنا رقبہ تباہ

جرمنی کے مختلف حصوں میں جنگلوں میں لگنے والی آگ کے نتیجے میں گزشتہ برس تقریباً اٹھارہ سو فٹ بال میدانوں کے برابر جنگلاتی رقبہ تباہ ہو گیا۔ مگر 2023ء میں 2022ء کے مقابلے میں جنگلاتی آتش زدگی کے واقعات کی کل تعداد کم رہی۔
http://dw.com/p/4j15d

04/08/2024

برطانیہ میں مساجد اور اسلامی مراکز پر مزید حملوں کا خدشہ

انتہائی دائیں بازو کے پرتشدد مظاہروں اور متعدد مساجد پر حملوں کے بعد برطانوی مسلمان خوف کا شکار ہیں۔ دوسری جانب مساجد اور اسلامی مراکز کی حفاظت کے لیے مقامی غیر مسلم افراد بھی مسلمانوں کا ساتھ دے رہے ہیں۔

انتہائی دائیں بازو کے پرتشدد مظاہروں اور متعدد مساجد پر حملوں کے بعد برطانوی مسلمان خوف کا شکار ہیں۔ دوسری جانب مساجد اور اسلامی مراکز کی حفاظت کے لیے مقامی غیر مسلم ...

04/08/2024

طالبان کا خواتین قیدیوں سے بہیمانہ سلوک

افغانستان کی جیلوں میں قید خواتین کے ساتھ تشدد اور جنسی استحصال کے واقعات میں مسلسل اضافہ ہورہا ہے۔ خواتین کو غیر ازدواجی تعلقات کی سزا میں سر عام سنگسار کیے جانے کا منصوبہ بھی زیر غور ہے۔

http://dw.com/p/4iyee

03/08/2024

لیبیا میں غیرسرکاری کرنسی کی گردش، اصل دینار مشکل میں

لیبیا کا طرابلس میں قائم مرکزی بینک ان نئے بینک نوٹوں کو جعلی قرار دیتا ہے جب کہ لیبیا کے مشرق میں قائم متوازی حکومت ان نوٹوں کو سرمایے کے طور پر استعمال کر رہی ہے۔ اس خبر کی مزید تفصیلات جانیے جیچے دیے گئے اس لنک میں

https://p.dw.com/p/4igYe

03/08/2024

کیا آپ جانتے ہیں کہ پژو کمپنی نے یہ چھوٹی سی الیکٹرک گاڑی دوسری عالمی جنگ کے دور میں یعنی آج سے تقریباﹰ اسی برس قبل بنائی تھی۔

03/08/2024

امریکہ نے نائن الیون حملوں کے منصوبہ سازوں کے ساتھ ڈیل منسوخ کر دی

امریکی وزیر دفاع کی جانب سے اس ڈیل کو نائن الیون کے متاثرین اور ریپبلکن قانون سازوں کی تنقید کے بعد منسوخ کیا گیا ہے۔ اس ڈیل پر عملدرآمد ہونےکی صورت میں ملزمان سزائے موت سے بچ سکتے تھے۔ اس بارے میں مزید جاننے کے لیے نیچے دیے گئے لنک پر کلک کریں۔
http://dw.com/p/4j4bx
ٓٓ

03/08/2024

بنگلہ دیشی طلبہ نے ملک گیر سول نافرمانی کی تحریک کا اعلان کر دیا

اس ملک میں سول نافرمانی کی تحریک کا ایک خاص پس منظر بھی ہے۔ سن 1971 میں پاکستان سے آزادی کے وقت بھی بنگلہ دیش میں ''تاریخی سول نافرمانی کی تحریک‘‘ شروع کی گئی تھی۔
اُس وقت تحریک کی سربراہی وزیر اعظم شیخ حسینہ کے والد شیخ مجیب الرحمان نے کی تھی، جو ملک کی آزادی کے رہنما تھے۔ اس بارے میں مزید جاننے کے لیے نیچے دیے گئے لنک پر کلک کریں۔

http://dw.com/p/4j51Q