Caraga Daily News

16/12/2024

09/12/2024

04/12/2024

KAPIN P1MILLION NGA SHABU NAKUMPISKA SA RAID SA LIANGA, SURIGAO SUR

Usa ka drug buy-bust operation and gikasa sa Surigao del Sur Police Provincial Office (SDSPPO) alas 9:14 sa buntag ning Martes, Disyembre 3, didto sa Purok 5, Barangay Ganayon lungsod sa Lianga.

Nasikop atol sa raid ang duha ka high-value individuals (HVIs) ug mga drug pushers nga giilang sila si Archie Boquecosa Alpuerto, 44, minyo, usa ka pintor ug residente sa Purok Kalipayan, Barangay Bungtod, Tandag City; ug si Juvan Suarez Duero, 38, minyo, usa ka Karpintero sa Provincial Engineering Office, ug residente sa Purok Palmera, Barangay Mabua, Tandag City.

Nakuha gikan sa mga suspetsado ang 150 ka gramo sa gitoohang shabu nga nagkantidad sa kapin PHP1 million.

Nakuhaan usab ang mga suspects og usa ka kalibre 45 nga pi***la nga adunay serial number BT09992160; usa ka single stock magazine nga may unom ka mga bala; laing kalibre 45 nga pi***la M1911A1, US ARM; ug usa ka magazine nga may pito ka mga bala.

Sa pamahayag, si SDSPPO chief Col. Harry Domingo nagkanayon nga ang buy-bust kabahin sa gipakusog nga kampanya sa kapulisan sa Surigao del Sur batok sa ilegal nga druga.

Ang raiding team naglangkob sa Provincial Drug Enforcement Unit sa SDSPPO, ang 1st Provincial Mobile Force Company sa Surigao del Sur, ug ang mga personahe sa Lianga Municipal Police Station. (TMN)

(SPSPPO Infographic)

04/12/2024

TAN-AWA. Si Danelle Ann Catalan ang pinakaunang Miss Universe Philippines Tandag City 2025.

Siya ang morepresenta sa Tandag City sa umaabot nga Miss Universe Philippines 2025. (TMN)

03/12/2024

185 KA BAG-ONG KASO SA HIV NATALA SA CARAGA REGION

Ang Department of Health sa Caraga Region nagkanayon nga 185 ka mga bag-ong na-diagnose nga kaso sa human immunodeficiency virus (HIV) ang natala sa rehiyon niadtong Hunyo ning tuiga.

Sa kasamtangan, aduna nay 1,718 ka kaso sa HIV sa Caraga Region kumpara sa 1,533 ka mga kaso sa milabay nga tuig.

Kadaghanan sa ihap sa mga kaso nga mokabat sa 293 ang natala sa Agusan del Sur, 225 sa Surigao del Sur, 136 sa Surigao del Norte, 122 sa Agusan del Norte, ug 31 sa Dinagat Islands.

Mokabat usab sa 442 ka mga kaso ang natala sa Butuan City, 229 sa Surigao City, 68 sa Bislig City, 65 sa Tandag City, 61 sa Bayugan City, ug 46 sa Cabadbaran City.

Kadaghanan sa mga nay HIV sa rehiyon mga lalaki nga mokabat sa 1,266 o 94 percent kumpara sa mga babaye nga aduna lamay 96 ka mga kaso o six percent.

Gidugang sa datus sa DOH Caraga nga 850 ka mga indibidwal nga nagpangedaron 25 hangtud 34 ang positibo sa HIV ug 524 usab ang nagpangedaron og 14 hangtud 24.

Nagpadayon ang gihimong panawagan sa DOH Caraga sa katawhan nga ang susi sa pagtambal sa HIV mao ang pagdetermina kung ang usa ka tawo anaa ba niini.

Masayran lamang kung positibo o dili ang indibidwal kung magpa testing kini.

Ang DOH Caraga nagkanayon nga aduna nay siyam (9) ka mga treatment hubs alang sa HIV sa tibuok rehiyon.

Kinin nga mga testing hubs mopahigayon usab og testing alang niadtong gusto masayran kung positibo ba sila sa HIV.

Gi-seguro usab sa DOH Caraga ang confidentiality alang niadtong magpa-testing ug ingon man sa mga mag-positibo sa HIV.

Ang mga treatment hubs ug testing centers anaa sa mosunod nga mga lugar ug hospitals: Butuan City (Butuan Medical Center, MJ Santos Hospital); Agusan del Sur (DO Plaza Hospital, Valentina Plaza Hospital ug RHU San Francisco); Surigao del Sur (Adela Serra Ty Memorial Medical Center ug Bislig City District Hospital); ug Surigao del Norte (Caraga Regional Hospital ug Tubod Rural Health Unit).

Libre usab ang pagpa-test ug ang tambal alang sa HIV available dinhi sa Caraga Region.

Mahimo usab mo avail sa mga serbisyo sa PhilHealth ang usa ka indibiwal nga magpositibo sa HIV.

Gikan sa 1995 hangtud karong tuiga, mokabat na sa 111 ka indibidwal ang namatay sa Caraga Region tungod sa HIV-AIDS.

Pinakadaghan sa natala nga namatay niadtong 2019 nga mokabat sa 23, niadtong 2020 nga adunay 16 ug 15 niadtong 2018.

Karong tuiga, usa pa lamang sa kaso sa HIV-related death ang nataga sa Caraga Region.

Ang DOH-Caraga nakigduyog sa pagsauog sa World AIDS Day niadtong, Domingo, Disyembre 1. (TMN)

(TMN Infographic)

27/11/2024

KARON LANG. Duha ka linog ang natala sa Phivolcs karong hapon sa Miyerkules, Nobyembre 27, 2024 sa area sa Cagwait, Surigao del Sur.

Ang unang linog natala alas 4:49 sa hapon 25 ka kilometros Northeast gikan sa baybayon sa Cagwait nga may gikusgon nga magnitude 5.0. Nakasinati usab og Intensity III nga pagtay-og ang Tandag City ug Intensity I ang Bislig City.

Ang ikaduhang linog natala alas 5:13 sa hapon nga nasubay 35 ka kilometros Northeast gikan sa baybayon sa Cagwait sa gikusgon nga magnitude 4.3. (TMN)

(Photo: Phivolcs)

25/11/2024

KARON LANG. Onse (11) ka mga opisyal sa Davao City Police Office (DCPO) ang nakadawat og Order gikan sa Camp Crame karong adlawa, Nobyembre 25 nga nagmando sa ilang pagbalhin og assignments didto sa Luzon.

Sa onse ka mga police officials, usa (1) niini ang didto mabalhin sa Tuguegarao, lima (5) sa MIMAROPA, ug laing lima (5) ang didto maadto sa Police Regional Office No. 5 sa Bicol Region.

Atangi ang dugang detalye. (TMN)

(Photo: DCPO FB Page)

22/11/2024

TAN-AWA. Abiso gikan sa Gcash mahitungod sa ilang Bank Transfer services. (TMN)

20/11/2024

TAN-AWA. Ang PhilHealth nagpagawas og abiso ngadto sa mga miyembro nga sugod niadtong Nobyembre 6, 2024, pwede nang magbayad sa premium pinaagi sa Gcash.

Subaya ang pamaagi sa pagbayad pinaagi sa Gcash nga natala sa anunsiyo. (TMN)