Wie sind die Öffnungszeiten?

Montag 09:00 - 15:00 Dienstag 09:00 - 15:00 Mittwoch 09:00 - 15:00 Donnerstag 09:00 - 15:00 Freitag 09:00 - 15:00

Was ist die Webseite?

https://www.facebook.com/107352075762264/

Plattradio

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Plattradio, Radiosender, Molfsee.

17/11/2023

Swatt-Gröön reageert dormit op dat Oordeel vun‘t Bunnsverfatensgericht to den Nadragshuushoolt 2021. Thema vundaag bi PLATTRADIO. Schöön Wekenenn alltohopen! 🤘

13/11/2023

Maandag is bi PLATTRADIO Wöörkist-Dag. Wi maakt uns Gedanken to uns Spraak. Nu op www.plattradio.com nalesen, worüm dat bi uns üm den Gaza-Stremel geiht un nich üm den Gaza-Striepen.

10/11/2023

Regenbagenfahns op Palästinenserdemos? PLATTRADIO snackt mit Kabarettistin Annie Heger över Antisemitismus un de q***re Szeen. Nu hören bi www.plattradio.com!

***r

09/11/2023

Rungholt – düssen Naam hett en Klang vun Avendüer un Geheemnis. Dat “noorddüütsche Atlantis”, as dat nöömt worrn is, bringt ok hüüt noch de Gedanken vun vele Minschen in Gang, de s*k fraagt, woans en Stadt so eenfach in de Water verswinnen kann, sünner veel vun s*k torüchtolaten - bet op Mythen un Sagen ut en lang vergeten Tied.

En niegen Bidrag, natolesen un natolüüstern op uns Websteed (Link in Bio).

02/11/2023

… un nich vergeten: Maandag bet Friedag uns Nachrichtenpodcast op Spotify, Deezer un anner Plattformen anhören.

01/11/2023

De private Ruumfohrt is en Sektor, in de s*k jümmers mehr Ünnernehmens lukrative Geschäften vun verspreekt. Vele kommerzielle Firmen beedt ehr Deensten an, Satelliten un sogor Minschen in den Orbit to scheten. De bekannsten Ünnernehmens sünd hier Blue Origin vun Amazon-Grünner Jeff Bezos un SpaceX vun Elon Musk, de dusende an Satelliten na’t All hen bröcht hett. Man ok in Düütschland gifft dat so en Slag Firmen. Vun tokamen Johr an schüllt ut de Noordsee Raketen starten un Satelliten in’n Orbit platzeren.

Vundaag Thema in uns Live-Sennen "7 bet 8" un natolüüstern op uns Websteed (Link in Bio)

(Bild: Harren Group)

27/10/2023

De güng för uns Moderator Arne Lentföhr Kl. 5 in de Fröh los, uns Live-Sennen vörtobereden. Uns Bidräg vun vundaag un de Narichten köönt ji lesen un nalüüstern op uns Websied - de Link deit in de Bio sitten.

25/10/2023

Hüüt Thema bi Plattradio, Link in uns Bio

23/10/2023

Schöönhagen an de Oostsee an'n Sünndag na de Stormfloot. De Schaden na de Stormfloot sünd in vele Rebeten an de Ostsee groot, hüüt Thema bi uns www.plattradio.com

19/10/2023

Molotowcoctails op Gemeenzentren, Beschimpens op apen Straat, Haat in’t Nett - de Fäll vun Antisemitismus in Düütschland warrt mehr. Mehr dorto: www.plattradio.com.

17/10/2023

P*S blifft starkste Partei, man kunn s*k liekers bald op de Oppositschoonsbank wedderfinnen. Polen hett wählt. Thema vunmorgen bi Dörte Riemer un Jan Graf. Nalustern un -lesen nu op www.plattradio.com.

13/10/2023

Woans Haat un Antisemitismus an de Scholen möten? Un worüm seggt wi bi PLATTRADIO Haat to Hass? - Uns Themen tokamen Maandag vun af Kl. 7.00 op de Wellen vun den Apen Kanal Sleswig-Holsteen. Bet dorhen schöön Wekenenn!

11/10/2023

Dat hebbt wi uns vörnahmen vunmorgen. Dörch technische Problemen hier in't Studio kunnen wi leider keen Bridrääg un Mus*k över denn Senner gahn laten. Dat is argerlich.

Uns Bidrääg un de Narichten köönt ji heel normal op uns Websied nalesen un nalüüstern.

Bet morgen - Klock 7 bet 8!

06/10/2023

Op Instagram sünd wi fraagt worrn, worüm wi vun Middeweken snackt. Besten Dank för dat Interess. Anners as de Briten mit ehren Wednesday, as de Skandinavier mit ehren Onsdag, as de Noordfresen mit ehren Weensdai oder ok de Plattdüütschen in West-Neddersassen mit ehren Woensdag/Wunsdag seggt wi bi PLATTRADIO Middeweken. Dat Besinnen an den olen germaanschen Hööftgott Woden/Wotan/Odin is in Sleswig-Holsteen utfullen. Thema ok tokamen Maandag in uns Sennen twüschen Kl. 7.00 - 8.00 op de Wellen vun den Apen Kanal. Schöön Wekenenn bet dorhen vun juun PLATTRADIO-Kru.

-holsteen

04/10/2023

Wat an de Ünnerelv bi Glückstadt oder annerwegens - Ji kriegt uns! Op www.plattradio.com/över-uns leest Ji nu woans.

02/10/2023

Jan un Arne weren vundaag dat Team vun de Live-Sennen op den Apen Kanal Sleswig-Holsteen un wünscht nu en schöön Fierdag. Middeweken Kl. 7.00 begrööt Ju de Kolleegsch Dörte wedder, un bet dorhen finnt Ji all aktuellen Bidrääg to‘n Nalustern op www.plattradio.com.

22/09/2023

Dat Wöörbook vun Mensing kennt „fähig“ nich; dat Wöörbook vun Sass büdd „in Stann“, „ansläägsch“ un mehr Wöör an, de uns nich passlich düücht. Wi översett dat düütsche Woort „wettbewerbsfähig“ nu as „marktfast“. Wat hoolt Ji dorvun?

-Holstein

19/09/2023

Wi sünd dor flietig bi, Bidrääg to produzeren. De köönt ji ok op uns Websteed in'n Stream hören. De Link sitt in de Bio.

05/09/2023

PLATTRADIO bericht över Welt un Region op Nedderdüütsch. Elken Dag gifft dat niege Bidrääg un Narichten op uns Websteed.

Veel Lüüd, de uns tohöört un leest hebbt, stüern uns Mails, wo een denn de ölleren Bidrääg op uns Siet finden kunn.

Heel eenfach: Ünner "Filter" köönt ji juuch alle Bidrääg, na Themen sorteert, wiesen laten. Un en Link na uns Websteed finnt ji in uns Bio.

31/08/2023

Vunaf morgen live: Maandag bet Freedag Narichten op Platt! Vun Klock 7 bet 8 op de Wellen vun'n : Welt un Region op Nedderdüütsch.

Plattradio bericht frie un oprichtig över relevante Schehnissen in Sleswig-Holsteen un de Welt. Dat is en Afdelen vun den sleswig-holsteenschen Heimatbund, föddert vun dat Land Sleswig-Holsteen.

28/08/2023

Erniedrigen heet verneddern, erholen heet verhalen. Dat Plattdüütsche hett Last mit de Vörsülv er- un sett geern en ver- an ehr Steed. Dorto leest un höört Ji den aktuellen Bidrag ut uns Wöörkist ünner www.plattradio.com.

24/08/2023

Verscheden Steden bericht, dat güstern de Baas vun dat russ‘sche Söldnerünnernehmen Wagner-Grupp, Jewgeni Prigoschin, bi en Flegerafstört to Doot kamen is. Vundaag Thema bi plattradio.com.

23/08/2023

Dat Sleswig-Holsteensche Wöörbook vun Mensing gifft för dat düütsche „Ernährung„ de „Nähren“ an un gifft as Born ok dat middelnedderdüütsche „neringe“ an. Wi maakt mit. De „Bundesanstalt für Landwirtschaft und Ernährung“ hanteert wi sodennig as „Bunnsanstalt för Landweertschop un Nähren“.

22/08/2023

Plattradio – de nedderdüütsche Medienplattform is nu online. Ünner plattradio.com finnt een nu aktuelle Narichten un Bidrääg op Platt. Seriös un oprichtig warrt över de Welt un de Region bericht un dor de plattdüütsche Spraak bi mit Bedacht wieder utbuut.

Vunaf den 1. Septembermaand sennt Plattradio denn jümmers maandags bet friedags vun Kl. 7.00 - 8.00 op de Wellen vun den Apen Kanal Sleswig-Holsteen live.

Den Link na uns Siet doot ji ok in uns Bio finden. Wi höört uns!

21/08/2023

För dat düütsche „Schwierigkeit“ büdd dat Wöörbook na Sass vele Wöör an vun „Kasus knusus“ över „Knütten“ bet „Last“. Anlehnt an dat skandinaavsche „besvär“ sett wi noch en „Beswoornis“ - en Woort, wat ok goot op seriös Niveau to bruken is. Wat meent Ji?

07/08/2023

Platt is uns Hööfdspraak - de Spraak, de wi bruken un utbuen wüllt. Dat heet, dat wi annere Spraken as fremde Spraken behannelt un ehr in O-Töön un Interviews översetten doot. Ok Düütsch.

01/08/2023

En annere Oort un Wies, uns Wöörkist vuller to maken, is, Wöör to söken, de vör en poor Johren noch allgemeen begäng weren.

As Bispeel hebbt wi hier mal „dat Spoor“. Vundaag warrt faken eenfach dat düütsche Wort „Gleis“ nahmen, bides en plattdütsche Utdruck doch existeert. So makt wi uns Texten variabler - un uns Born is uns egen Spraak.

26/07/2023

De Kampagne Funklock Stoppen! sett s*k siet twee Johr för en plattdüütsch Medium in. Op ehr Nettsiet www.funklockstoppen.de finnt s*k Grünnen, de ok för uns gellt:
- En egen Senner kunn plattdüütsche Lüüd de Mööglichkeit geven, dat se ehr Spraak höört un so in Kontakt blievt mit düssen Deel vun s*k sülvst.
- En egen Senner kunn en Plattdüütsch bruken, dat uns hüdige Welt passlich spegelt un dormit en Spraakvörbild geven.
- En egen Senner kunn dor, woneem Plattdüütsch nie lehrt warrt, Immersion beden - dat Indükern in en Spraakbad.

24/07/2023

Spraakutbu heet: Mehr Wöör in de Kist packen, dat wi en grötteren Vörraat hebbt. Man woneem kriegt wi de Wöör her?

En vun uns Borns sünd annere plattdüütsche Dialekten, wenn dat dor Wöör gifft, de in Sleswig-Holsteen licht to verstahn sünd un ok uns Spraak rieker maakt.

As Bispill wiest wi vundaag "folgens", wat ut de westen Dialekten vun Platt bet na de Nedderlannen to kümmt. Wi bruukt dat as Synonym för düütsch "laut", "zufolge", "nach" etc. So köönt wi diverser un gliektiedig op en höger Niveau formuleren.

21/07/2023

För uns gellt, dat wi apen sünd för verscheden Kulturen un Spraken, dat wi uns journalistische Arbeit frie beschickt un dat se nich de Interessen vun jichtenswelk Regerens, Organisatschonen oder enkelte Personen deent.

19/07/2023

Ok uns Opdrag: Spraakutbu!

In de verleden Generationen is Platt en Spraak vun de Familie un de engste Ümgeven west.

Dat heet: Vele Wöör, de wi för Narichten op en seriös Niveau un ut de wiede Welt bruukt, sünt gar nich existent or nich mehr begäng. Dor mööt wi en Weg finden mit ümtogahn. Wo wi dat doot verklart wi in de Rubrik "Wöörkist".

Wenn as Bispell en Toppkonferenz in de litauische Stadt "Vilnius" - op Düütsch "Wilna" - holden warrt, mööt wi överlegen, wat wi dor seggt.

Uns Prinzip is: Wenn dat en plattdüütschen Naam för de Stadt geven deit - so bruukt wi den. Wenn dat keen gifft, denn nehmt wi den inheemschen.

Sünderlich för de baltischen Städer gifft dat en Mass plattdüütsche Naams. Un för Vilnius/Wilna is dat: Wille

14/07/2023

Vörhang h***h!

PLATTRADIO is en Afdelen vun den Sleswig-Holsteenschen Heimatbund. Wi bericht aktuell, free un oprichtig över Sleswig-Holsteen un anner Länner. De plattdüütsche Spraak bruukt wi mit Respekt un laat ehr wassen, woneem dat nödig deit.

Vunaf 1.9. hört ji uns morgens op de Wellen vun'n Apen Kanal Sleswig-Holsteen - un nu al in'n Podcast bi Podigee un annere Plattformen:

https://plattradio.podigee.io/

Adresse

Molfsee

Öffnungszeiten

Montag	09:00 - 15:00
Dienstag	09:00 - 15:00
Mittwoch	09:00 - 15:00
Donnerstag	09:00 - 15:00
Freitag	09:00 - 15:00

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Plattradio erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Videos

För uns Arbeit bruukt wi ok Informaschonen över de plattdüütsche Spraak sülvst. En grote Stütt is dat "Schleswig-Holsteinische Wörterbuch" vun Otto Mensing, wat twüschen 1925 un 1935 rutgeven wöör. Dor findt wi nich alleen en grote Tall an Wöör, Utdrücken un Varianten ut alle Dialekten, man ok Henwiesen to Spraakbruuk un Etymologie. #plattdeutsch #plattdüütsch #plattdütsch #niederdeutsch #schleswigholstein #hamburg #mecklenburgvorpommern #lübeck #flensburg #kiel #minoritylanguages #etymology #wörterbuch