میلان؛ د ایټالیا د سټایل او هنر پلازمینه/Exploring Milan: Italy’s Artistic and Modern Marvel
په جرمني کې د پښتون ژغورنې غورځنګ او میشتو افغانانو. پراخ لاریون.
په جرمني مېشتو افغانانو او د پښتون ژغورنې غورځنګ غړو په ایران کې د افغان کډوالو د وژنې، په افغانستان کې د نجونو په زده کړو بندیز، او د مدني او فرهنګي فعالانو د ځورونې په ضد پراخ لاریون ترسره کړ.
په دې لاریون کې ګډونوالو د افغانستان اوږد ۱۰۰ متري بیرغ د جرمني په واټونو کې له ځان سره ګرځاوه،
مظاهرهچیانو په ایران کې د افغان کډوالو د وژنې په وړاندې د خپل سخت غبرګون څرګندولو ترڅنګ، د نړيوالې ټولنې څخه د عدالت غوښتنه وکړه.
دوی له نړیوالو بنسټونو وغوښتل چې په ایران کې د افغان کډوالو د حقوقو خونديتوب ته جدي پاملرنه وکړي.
دغه راز، لاریون کوونکو په افغانستان کې د نجونو د ښوونځیو د تړلو او د ښځو د کار او زده کړو په محدودیتونو هم غندنه وکړه او له نړیوالو څخه یې غوښتنه وکړه چې د افغانو ښځو د حقونو څخه ملاتړ وکړي.
لاریون کوونکو د افغان مدني او فرهنګي فعالانو پر ځورونه هم اندېښنه وښوده او د بیان د ازادۍ د محدودیتونو غندنه یې وکړه.
د لاریون ګډونوالو دغه راز له نړيوالو بنسټونو څخه غوښتنه وکړه چې په افغانستان او ایران کې د افغانانو د انساني او مدني حقونو د ملاتړ لپاره کوټلي ګامونه پورته کړي.
د افغانستان ابدالیانو (افغانستان الف) کرکټ لوبډلې د اېمرجېنګ اسیا جام په پایلوبه کې د سریلانکا لوبډلې ته ماتې ورکړه او په لومړي ځل یې د اسیايي شورا د اېمرجېنګ جام اتلولي ترلاسه کړه.
د پښتو ادبیاتو د ستوري استاد قیام الدین د مړینې کیسه.
استاد قیام الدین خادم د پښتو ادبیاتو یو لوی ستوری او د علم او ادب یو مخکښ شخصیت و، چې د خپل ژوند په اوږدو کې یې د پښتو ژبې،او کلتور د بډایه ساتلو لپاره لوی خدمتونه ترسره کړل.
د نوموړي مړینه یوه لویه ضایعه وه چې په پښتني ټولنه کې یې د ادب او سیاست په ډګر کې ژور اغېز پرېښود.
د استاد د مړینې په هکله تر اوسه مختلف نظرونه موجود و،
موږ د مسافرۍ په دیار کې د استاد قیام الدین خادم د زوی، روښانه خادم، کور ته ورغلو او له هغه سره مو د استاد پر ژوند، ادبي او سیاسي هڅو تفصیلي بحث وکړ.
تاسو کولای شئ دغه بشپړه خپرونه د وصال تلویزیون په یوتیوب چینل وګورئ.
https://youtu.be/szt6VmPP-p0?si=UaRH18a_Ch9baahO
د پښتون ژغورنې غورځنګ (PTM) جرمني څانګې د 11 اکتوبر په مناسبت د پښتنو د قومي جرګې ملاتړ لپاره یوه لویه احتجاجي مظاهره ترسره کړه.
د دې مظاهرې اصلي هدف د پښتنو د حقونو او د قومي جرګې د مهمې موخې ملاتړ څرګندول و. د PTM فعالانو او ګډونوالو غوښتنه درلوده چې نړیواله ټولنه د پښتنو پر وړاندې د ظلمونو په اړه خبر کړي او د دوی حقوق او ازادۍ وساتي.
مظاهره کوونکو ټینګار وکړ چې د پښتنو پر وړاندې د استخباراتو او پوځ لخوا روان ظلمونه باید ودرول شي او نړیواله ټولنه دې د دوی د حقونو په ملاتړ راپاڅي.
ژور خفګان (ډیپریشن) په لومړۍ درجه هیوادونو کې!
ژور خفګان یا ډیپریشن په نړۍ کې یوه جدي رواني ناروغي ده چې په ځانګړي ډول په لومړۍ درجه یا پرمختللو هیوادونو کې په چټکۍ سره مخ په زیاتېدو دی.
دا هیوادونه، چې د لوړې ټکنالوژۍ او پرمختللې اقتصادي سیستمونو لرونکي دي، د ژوند له ځانګړو فشارونو سره مخ دي چې د خفګان پراختیا ته زمینه برابروي.
د کاري سیالیو، ټولنیزو توقعاتو، او د بریا فشارونه په دې هیوادونو کې د خلکو په رواني حالت منفي اغېز کوي.
د ټولنیزو شبکو او ټکنالوژۍ له امله، که څه هم اړیکې زیاتې شوې دي، خو د انزوا او یوازېوالي احساس هم زیات شوی، چې دا حالت د خفګان لوی لامل ګڼل کېږي.
سربېره پردې، په دې هیوادونو کې خلک د خپلو رواني ستونزو په څرګندولو کې له خنډ سره مخ دي، چې په پایله کې ژور خفګان ډېر وخت بې درملنې پاتې کېږي. که څه هم روغتیايي سیستمونه پرمختللي دي، خو د خفګان په مناسبې درملنې کې لا هم کافي اقدامات نه دي شوي.
افغانان هم په پرمختللو هېوادونو کې له ذهني ګډودۍ، فشارنو،او له ډیپریشن څخه په امان نه دي،موږ په دې وډیو کې د افغانانو د ژور خفګان په تړاو له ارواپوه سره خبرې کړې دي،او د افغان کډوالو پر رواني ستونزو مو غږولی.
په کاناډا کې د کډوالو لس اساسي ستونزې او حل لارې!
کډوالي د ډېرو خلکو لپاره د ژوند د ښه والي یوه لاره ګڼل کېږي او کاناډا هر کال ډېر کډوال مني.
دغه هېواد د اقتصادي فرصتونو او بشري حقونو په برخه کې د خپلو پالیسیو له امله د کډوالو لپاره یو مهم ځای دی.
سره له دې، کاناډا ته رسېدل او نوی ژوند پیلول اسانه نه دي اوکډوال په لومړیو کلونو کې له ګڼو ستونزو سره مخ کېږي، لکه د ژبې زدهکړه، کلتوري توپیرونه، د کور موندل، کاري فرصتونه او روغتیايي خدماتو ته نه لاسرسی.
دلته به هغه لس اساسي ستونزې وڅېړو چې نوي کډوال په کاناډا کې ورسره مخ کېږي او دا به هم وڅېړو چې څرنګه کولای شي له دې ستونزو سره مقابله وکړي او په نوي چاپېریال کې یو بریالی ژوند جوړ کړي.
بشپړه خپرونه د وصال تلویزیون په یوتیوب چینل کې کتلی شئ.
https://youtu.be/HswQpA7kPAk?si=7jiYGs_xUMIl0zHm
د یاغي مرغه وزر وم خو اوس نه یم!
د کاناډا په تورنتو ښار کې د افغانستان د خپلواکۍ ورځې په جشن کې د استاد شهسوار سنګروال دیکلمه.
څنګه کولای شو کاناډا ته د خپلو کورنیو غړي راولو؟
د نن په ځانګړې مرکه کې په تورنتو کې د کډوالۍ د برخې وکیل ښاغلی ناصر ګرد ستاسو پوښتنې ځوابوي.
بشپړه مرکه د وصال تلوزیون په یوتیوب چینل کې کتلئ شئ.
https://youtu.be/Q0aDvf98BaY
د امریکا د نبراسکا ایالت په اوماها ښار کې د میشتو افغانانو لخوا د شهبد ګیله من وزیر په یاد غونډه وشوه.
د کاناډا د وینکور ښار د توکو نړیوال نندارتون کې د افغانستان غرفه هم جوړه شوې وه چې په کې افغاني غالۍ، زعفران، افغاني کالي، زېورات، قابلي پلو او شورنخود پېرېدونکو ته وړاندې شو. حاجي شراف الدين کټوازي وصال ټلویزیون ته وويل، افغاني توکي، د خوند، ښکلا او کيفيت له پلوه ښه باور لري او تېرکال هم زرګونو تنو د افغاني توکو ننداره وکړه.
