Was ist die Webseite?

https://www.facebook.com/264074036796350/

Dalhag Media

Startseite
Deutschland
Brake
Dalhag Media

Warbaahinta Dalhag Media waa warbaahin madax banaan oo ku hadasha afka Soomaaliga, taas oo ka hawlgasha gayiga Soomaaliyeed.

Dalhag Media waa Codka Shacabka kala soco, mar kasta Warar Sugan & Xoggo Rasmi ah.

03/02/2025

Dowladda Federaalka Somalia oo shaacisay qorshe ka dambeeya muddo kordhinta madax goboleedyada.

Dowladda Federaalka Soomaaliya ayaa difaacday go’aankeeda ku aaddan kordhinta muddo xileedka hoggaamiyeyaasha dowlad-goboleedyada, iyadoo ku tilmaamtay tallaabo lagama maarmaan u ah horumarinta dib-u-habeynta doorashooyinka iyo u-gudbidda nidaamka “hal qof, hal cod”.

Ra’iisul Wasaare ku-xigeenka xukuumadda, Saalax Axmed Jaamac, ayaa sheegay in muddo kordhintan, oo lagu soo afmeeray shirkii ugu dambeeyay ee Golaha Wadatashiga Qaranka, ay qeyb ka tahay qorshaha dowladda federaalka ee isku aaddinta jadwalka siyaasadeed ee dalka, si doorashooyinka dhammaan heerarkooda kala duwan hal mar loogu wada qabto.

“Muddo kordhintu waa tallaabo lama huraan ah oo looga weecanaayo hannaanka doorasho ee dadban, kaas oo ku saleysan nidaamka beelaha, isla markaana aan ku dhaqmeyney muddo haatan laga joogo toddobo sano,” ayuu Mudane Jaamac hadalkan u sheegay wariyeyaasha ka howlgala magaalada Muqdisho.

“Waxaa naga go’an in aan muwaadiniinta Soomaaliyeed u suurta galinno in ay si toos ah u soo doortaan hoggaamiyeyaashooda — laga soo bilaabo mas’uuliyiinta heer deegaan, illaa heer gobol, iyo weliba kuwa dowlad-goboleed.”

Saalax ayaa sidoo kale sheegay in guddiga doorashooyinka qaranka ee dhawaan la asaasay uu haatanba bilaabay howlaha la xiriira diyaar-garowga coddeynta, iyadoo saraakiil ka tirsan guddigu ay kormeer ku kala bixin doonaan gobollada muhiimka ah ee dhammaan dowlad-goboleedyada dalka.

Guddiga ayaa qorsheynaya inuu korjoogteeyo geeddi-socodka xilliga kala-guurka ah, sidoo kalena xaqiijiyo in daneeyeyaasha kala duwan ee heer deegaan ay qeyb ka noqdaan howlaha doorashooyinka.

Guddiga Doorashooyinka Qaranka ayaa shaaciyay in bisha Juun 2025 ay tahay waqtiga loo qorsheeyay qabashada doorashooyinka golayaasha degaanka, taasoo haddii ay hirgasho astaan weyn u noqon doonta geeddi-socodka dib-u-habeynta hannaanka doorashooyinka.

Si kastaba ha ahaatee, qorshahan ayaa dhaleeceyn xooggan kala kulmay qaar ka mid ah siyaasiyiinta mucaaradka, kuwaasoo ku doodaya in hannaanka lagu fulinaayo aanu lahayn hufnaan ku filan, isla markaana uu sii xoojin karo awoodda maamulka talada haya.

Siyaasiyiinta ka soo horjeeda hannaanka dowladda ayaa weliba walaac xooggan ka muujiyay waqtiga loo qabtay, iyagoo ku adkeystay in khilaafaadyada siyaasadeed ee u dhexeeya dowladda federaalka iyo maamul-goboleedyada, kuwaas oo aan xal rasmi ah laga gaarin ay sababi karaan dib-u-dhac kale ama xitaa inay hurin karaan colaad hor leh.

Caqabadaha doorasho qof iyo cod ah
Dhinaca kale, caqabad weyn ayaa weli ka taagan dhanka ammaanka. Iyadoo kooxda Al-Shabaab ay weli ku xooggan tahay deegaannada baadiyaha ah, ayna weerarro joogta ah ka geysato gudaha dalka, hubinta in dhammaan muwaadiniintu ay si nabad ah uga qeyb-qaadan karaan doorashooyinka ayaa weli ah arrin walaac weyn laga qabo.

Soomaaliya ayaa tan iyo horraantii qarnigan 21-aad ku tiirsaneyd hannaanka doorasho ee dadban, halkaasoo odayaasha dhaqanka ay soo xulaan xubnaha Baarlamaanka, kuwaasoo markooda doorta Madaxweynaha.

Hannaankan, oo saldhig u ah qaab-dhismeedka awood qeybsiga beelaha ee 4.5, ayaa ahaa xal wax-ku-ool ah oo lagu xaqiijinaayay metelaadda siyaasadeed ee waddan kasoo kabanaayay colaad sokeeye, laakiin waxa uu muddooyinkii u dambeeyay dhaleeceyn kala kulmayay inuu kordhiyey musuqmaasuqa, isla markaana xaddiday ka qayb-galka siyaasadeed ee shacabka.

Maamulladii h**e ee dalka ayaa isku dayay inay hirgeliyaan doorasho qof iyo cod ah, hase yeeshee isku dayadaas ayaa la kulmay caqabado laxaad leh. Tusaale ahaan, sannadkii 2020, dowladdii h**e ayaa qorsheysay inay dalka ka hirgeliso nidaamka “hal qof, hal cod”. Hase yeeshee, khilaafaadyadii siyaasadeed ee soo noqnoqday iyo caqabadaha dhanka ammaanka ayaa sababay in dib loo dhigo qorshayaashaas.

Madaxweyne Xasan Sheekh Maxamuud, oo ay xildhibaannadu ku doorteen doorasho dadban bishii Maajo 2022, muddo xileed afar sano ah, ayaa mudnaanta koowaad siiyey in dalka laga hirgeliyo doorasho toos ah, taasoo uu sheegay inay tahay ujeeddooyinka ugu muhiimsan ee maamulkiisa. Xildhibaannada ayaa tan iyo markaas soo jeediyay in muddo xileedka Madaxweynaha laga dhigo shan sano, inkastoo wax-ka-beddelkaas aan weli la ansixin.

Dowladda Federaalka ayaa sheegtay in qorshaheeda hadda uu abuuri doono nidaam siyaasadeed oo loo dhan yahay, hufan, isla markaana xaqiijinaaya metelaadda shacabka.

Saalax Axmed Jaamac ayaa markale ku celiyay in dowladda ay u furan tahay wadahadal lala yeesho kooxaha mucaaradka si wax looga qabto walaacyada ay qabaan, balse waxa uu ka digay in dib-u-dhacyo hor leh ay khatar gelin karaan jadwalka dib-u-habeynta.

“Waxaan heynaa qorshe cad oo aan ku dhaqaaqeyno,” ayuu yiri Mudane Jaamac. “Ma awoodno inaan iska lumino fursaddan taariikhiga ah ee dib-u-habeynta siyaasadeed ee dalka.”

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

03/02/2025

Dowladda Jabuuti oo war kasoo saartay weerar ay ka fulisay gudaha dalka Itoobiya.

Ciidamada ammaanka ee Jamhuuriyadda Jabuuti ayaa fuliyay weerar ay ka gaysteen diyaaradaha aan duuliyaha lahayn (Drones-ka) meel ku dhow xadka ay la wadaagaan dalka Itoobiya, halkaas oo ay ku dileen siddeed xubnood oo ka tirsan koox hubeysan iyo tiro aan la cayimin oo dad rayid ah, sida ay mas’uuliyiintu shaaciyeen Axadda maanta ah.

“Weerar ay fuliyeen diyaaradaha aan duuliyaha lahayn ayaa lala beegsaday koox hubeysan oo ku sugneyd deegaanka Addorta ee dalka Jabuuti, kaas oo qiyaastii lix kiiloomitir (3.7 mayl) u jira xadka Itoobiya,” ayay tiri wasaaradda gaashaandhigga ee Jamhuuriyadda Jabuuti.

“Siddeed ka mid ah kooxda hubeysan ayaa lagu dilay weerarkaasi,” ayay wasaaraddu hadalkeeda ku dartay. Waxay kaloo qirtay in “khasaare soo gaaray dad rayid ah oo u dhashay Jabuuti uu jiro, arrintaas oo ah mid aan ka xunahay,” balse ma aysan bixin faahfaahin intaa ka badan.

Wasaaradda Gaashaandhigga Jabuuti ayaa shaacisay in baaritaan la furay, iyadoo intaa ku dartay in kooxda hubeysan ee la beegsaday ay wadeen “abaabul colaadeed” oo “khatar ku ahaa saldhigyada ciidamada ee ku yaalla xadka.”

La-taliyaha Madaxweynaha Jabuuti, Ismaaciil Cumar Geelle, oo lagu magacaabo Alexis Maxamed, ayaa sheegay mar ay wariyeyaasha AFP wax ka weydiiyeen weerarkan, in kooxda hubeysan ee la beegsaday ay ka tirsanaayeen Jabhadda Hubaysan ee Soo Celinta Midnimada iyo Dimuqraadiyadda (FRUD A), oo Jabuuti u aqoonsan tahay koox argagixiso ah.

Wargeyska Addis Standard ee ka soo baxa Itoobiya ayaa sheegay in weerarka diyaaradaha aan duuliyaha lahayn uu ka dhacay gudaha dhulka Itoobiya, balse mas’uuliyiinta Jabuuti ayaa arrinkaas gaashaanka ku dhuftay. Mudane Maxamed ayaa ku celceliyay in weerarku uu ka dhacay gudaha Jamhuuriyadda Jabuuti.

Mas’uuliyiinta dowladda Itoobiya ayaan weli si rasmi ah uga jawaabin codsiyada ay wariyeyaasha AFP u direen si ay uga hadlaan dhacdadan.

Bishii Oktoobar 2022, toddoba askari ayaa la dilay, lix kalena waa la afduubay, ka dib weerar lagu qaaday xerada ciidankooda ee Garabtiisan, oo dhacda waqooyiga Jabuuti. Mas’uuliyiinta Jabuuti ayaa weerarkaas ku eedeeyay jabhadda FRUD. Askartii la afduubay ayaa dib loo sii daayay dhowr toddobaad ka dib.

Jabhadda FRUD oo xubnaheeda laga soo uruuriyo qowmiyadda Cafarta ee ku dhaqan waqooyiga Jabuuti, ayaa sannadkii 1991-kii billowday dhaq-dhaqaaq hubeysan oo ka dhan ah dowladda, iyagoo sheeganayay inay difaacayaan danaha qowmiyadda Cafarta oo ay ka ilaalinayaan qowmiyadda Ciisaha, oo ah qowmiyadda kale ee ugu tirada badan dalka.

Kooxdan ayaa markii dambe u kala qeybsantay laba garab. Iyadoo garabka FRUD uu hadda qeyb ka yahay isbahaysi ka kooban afar xisbi siyaasadeed oo taageera Madaxweyne Geelle, haddana garabkeeda hubaysan ee FRUD A ayaa sii wada weerarrada hubeysan.

Jabuuti oo ku taalla mid ka mid ah marinnada maraakiibta ee ugu mashquulka badan adduunka, halkaasoo ay isaga darsamaan Badda Cas iyo Gacanka Cadmeed, ayaa waxaa ku yaalla saldhigyo milatari oo muhiim ah, kuwaas oo ay ku leeyihiin dalalka Mareykanka iyo Faransiiska.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Ciidamada dab damiska, booliska iyo shacabka oo is kaashanaya ayaa ku guulaystay in la xakameeyo dabkii ka kacay suuqa Idaacadda ee Hargeysa.

Waxaa weli socda dadaalada lagu daminayo meelaha weli sii hulaaqaya, balse dabka xooggiisa waa lagu guulaystay in la xakameeyo.

Ciidanka nabadgalyada iyo masuuliyiinta dowladda hoose ayaa dadka ugu baaqeen in ay baneeyaan baabuurta gurmadka ah sida cagafyada, gaadiidka dab damiska iyo booyadaha biyaha ee hawshan ka qayb qaadanaya.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Hargaysa oo xiligan gubanaysa, Rabi ha u sakhiro dadka ganacsatada ah ee Soomaaliyeed.

02/02/2025

Senator Cabdi Qaybdiid: "Soomaaliya in la waayo ayey qarka u saaran tahay, maanta ka horna k**a quusan. Kuwa Xasan dhulka Qaranka ka gadanaya berri ayaan ka celinaynaa, doorashana meelna k**a qabanayo Xasan." Dalhag Media Follow dheh

02/02/2025

‘’Waxaan balan Illaahay ka qaadaya inaanu tagno Gar-adag halkii Maxamuud Cali Shire ka talin jiray’’ Korneyl Faarax laga gardaran yahay. Dalhag Media.

02/02/2025

"Puntland waxaa buuraha duqeyn lagu laayey Khawaarij tiro badan oo aan uga mahad celinayno dowladda Mareykanka" Wasiir Cabdiqaadir Maxamed Nuur. Dalhag Media Follow dheh.

02/02/2025

Madaxweynaha Suuriya oo booqashadii u horaysay ku tagay dalka Sacuudiga.

Madaxweynaha kumeel gaarka ah ee Suuriya Axmed Al-Sharac ayaa Axada maanta ah socdaalkiisii ugu h**eeyay ee dibadda ku tagay Sacuudi Carabiya, tallaabo u muuqata in Dimishiq ay ka fogaanayso Iran oo ahayd xulufada ugu weyn gobolka.

Axmed Al-Sharac oo mar xiriir la lahaa kooxda Al-Qaacida, ayaa ka degay Riyadh isagoo la socda wasiirkiisa arrimaha dibadda Ascad al-Shaybaani.

Labada mas’uul waxay safarkooda ku tageen diyaarad Sacuudiga laga leeyahay, iyadoo calanka Sacuudiga uu ka muuqday miiska ka dambeeya.

Telefishinka dowladda Sacuudiga ayaa si weyn u shaaciyay in socdaalka ugu horreeya ee Al-Sharac oo markii uu dagaalka kula jiray maamulka Bashaar Al-Asad loo yaqaanay Abu Mohammed Al-Golani uu Riyadh noqday.

Calanka Suuriya ayaa la garab suray calanka Sacuudiga markii Al-Sharac uu kasoo degay diyaaradda isagoo xiran suudh iyo taay.

Wuxuu qorshaynayaa inuu la kulmo dhaxal-sugaha Sacuudiga Mohammed bin Salman oo ah hoggaamiyaha dhabta ah ee boqortooyada.

Sacuudi Carabiya waxay ahayd mid kamid ah dalalka Carabta ee maalgeliyay kooxaha mucaaradka ee isku dayay inay xukunka ka tuuraan madaxweynihii h**e ee Suuriya Bashaar Al-Asad, kadib markii dibadbaxyadii gu’gii Carabta ee 2011 ay isu bedeleen cabburin dhiig badan ku daatay.

Si kastaba ha ahaatee kooxaha mucaaradka ah ayaa la jabiyay, iyadoo Asad uu taageero ka helay Iran iyo Ruushka, taasoo keentay in dagaalku uu noqdo mid aan guul cad laga gaarin.

Xaalada ayaa is bedeshay kadib duulaankii bishii December ee deg degga ahaa ee Hay’at Tahrir Al-Sham (HTS) ee uu hogaaminayay Al-Sharac ay ku guulaysteen in ay la wareegaan guud ahaanba dalka Suuriya oo Asad laga cayrsado dalkiisii.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Xaalada Ceerigaabo oo war cusub laga soo saaray "Waxaan uga tudhayno Isaaq ma jirto, Reer Buuhoodlow ku Lisa, wixii aan baranay ee Bilaashka ahaa waan u soo soconaa."

Dalhag Media Follow dheh si aad u hesho Wararka Ceerigaabo iyo Kuwa Caalamka oo dhan.

02/02/2025

Shacabka Laascaanood oo ka hadlay difaaca Ceerigaabo & Shirkii Badhan "Xoolihii Bilaashka ahaa ee aan baranay ayaan u soo soconaa, Ceerigaabona waa guri Harti." ~~~ Dalhag Media.

02/02/2025

Wasiirka Qoyska oo qaabishay Wakiilka KMG ah ee Xoghayaha Guud ee Qaramada Midoobay.

Wasiirka Wasaaradda Qoyska iyo Horumarinta Xuquuqul Insaanka XFS Amb Khadiija Maxamed Al-Makhzoumi ayaa maanta xarunta Wasaaradda Qoyska iyo Horumarinta Xuquuqul Insaanka Soomaaliya kusoo dhoweysay Wakiilka KMG ah ee Xoghayaha guud ee QM Amb James Swan.

Wasiirka iyo Wakiilka ayaa ka wada hadlay xaaladda dalka uu marayo gaar ahaan howlaha Wasaaradda Qoyska iyo Horumarinta Xuquuqul Insaanka Soomaaliya ay dalka ka wado iyo hiigsiga Wasaaradda, waxaana labada dhinac ay si gaar ah u falanqeeyeen muhiimadda ay leedahay wada shaqeynta Wasaaradda Qoyska iyo Horumarinta Xuquuqul Insaanka Soomaaliya iyo Hay’adaha QM.

Wakiilka KMG ah ee Xoghayaha guud ee QM Amb James Swan ayaa ugu h**eyn uga mahad celiyey wasiirka iyo madaxda kale ee Wasaaradda Qoyska soo dhoweyntooda iyo dadaallada ay wadaan oo ay ugu h**eeyaan ku dhiirigelinta haweenka ee ka qeyb galka siyaasadda, difaacidda iyo horumarinta xuquuqul insaanka Soomaaliya waxaana uu ballan qaaday in hay’adaha QM ay guud ahaan si buuxda ula shaqeyn doonaan Wasaaradda.

Wasiirka Wasaaradda Qoyska iyo Horumarinta Xuquuqul Insaanka XFS Amb Khadiija Maxamed Al-Makhzoumi ayaa Amb James Swan uga mahadcelisay sida ay hay’adaha QM wada shaqeynta dhow ula leeyihiin Wasaaradda Qoyska iyo Horumarinta Xuquuqul Insaanka Soomaaliya waxaana ay dhinaca kale la wadaagtay qorshayaasha hortebinta u leh Wasaaradda sanadaha soo socda.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Xisbiyada Puntland oo war cusub kasoo saaray hawlgalka ciribtirka argagixisada ee Puntland.

Xisbiyada siyaasada Puntland oo war saxaafadeed wadajir ah soo saaray ayaa mucaarid iyo muxaafidba ayaa taageeray dagaalka argagixisada looga saarayo buuraha Calmiskaad.

War saxaafadeedkan oo ay soo saareen xisbiyada siyaasada kala ah Mideeye, Sincad, Kaah, Mustaqbal, Horseed, Ifiye, Shaqaalaha iyo Runcad ayaa lagu taageeray hawlgalka ciribtirka argagixisada Daacish (ISIS) ee ku dhuumalaysanaysa buuralayda Calmiskaad ee gobolka Bari.

Xisbiyada siyaasada ayaa sidoo kale bogaadiyay ciidamada Puntland ee guulaha waa weyn ka gaaray dagaalka argagixisada oo ka saaray saldhiyo badan oo ku yaala buuraha Calmiskaad, halkaasi oo weli ciidamadu ku raad joogaan firxadka malayshiyaadka Daacish.

Xisbiyadu waxay sidoo kale u mahad celiyeen saaxiibada caalamiga ah ee Puntland ka caawinaya hawlgalka, gaar ahaan dowladaha Mareykanka iyo Imaaraadka oo ka qayb qaatay duqeymaha xagga cirka ah ee lagu bartilmaameedsaday argagixisada Daacish.

Xisbiyada ayaa ugu baaqay shacabka Puntland iyo taageerayaashooda in ay garab istaagaan ciidanka iyo dowladda Puntland si loo dhammaystiro guusha laga gaaray kooxaha Daacish oo weli ku dhuumanaya buuraha, inkastoo laga saaray saldhigyo muhiim ah.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Wasaarada difaaca Mareykanka oo faahfaahiyey duqeyntii ka dhacday Puntland.

Millatariga Mareykanka ayaa Sabtidi shalay weerarki ugu horreeyay oo dhinka cirka ah ka fuliyay Soomaaliya, tan iyo marki uu xafiiska dib ugu soo laabtay Madaxweyne Donald Trump.

Wasiirka Difaaca Mareykanka Pete Hegseth ayaa Sabtidi sheegay, in Taliska Ciidamada Mareykanka ee Africa ay fuliyeen weerarka iyaga oo ku socda amar uu bixiyay madaxweyne Trump iyo iskaashi ay arrintaasi kala yeesheen Dowladda Soomaaliya.

Qiimeyn horudhac ah oo ay sameysay Waaxda Arrimaha Gaashaandhiga ee Pentagon-ka ayaa lagu ogaaday, in weerarka lagu dilay dhowr ka mid ah malleeshiyada kooxda Daacish, isla markaana aysan wax dhibaato ah kasoo gaarin rayidka.

Madaxweynaha Mareykanka Donald Trump ayaa isna xalay xaqiijiyay in uu amray weerar cirka ah oo ka dhan ah madaxda kooxda Daacish ee Soomaaliya.

“Gacan ku dhiiglayaashaasi oo aanu ka helnay iyaga oo ku dhuumaaleysanaya godad, ayaa khatar geliyay Mareykanka iyo xulufadeenna. Duqeymaha ayaa burburiyay gudadki ay ku noolaayeen, waxana lagu dilay in badan oo ka mid ah argagixisada iyadoo aysan wax dhibaato ah kasoo gaarin rayidka.” Ayuu Trump ku yiri qoraal uu soo dhigay baraha bulshada.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Madaxweyne h**e oo si yaab leh ugu jawaabay mucaaradka ku kacsan Xasan Sheekh.

Madaxweynihii h**e ee HirShabelle Cali Cabdullaahi Cosoble ayaa si weyn u difaacay dowladda madaxweyne Xasan Sheekh, isagoo u jawaabay mucaaradka maalmihii dambe ku dhaganaa ee eedeymaha u jeedinayay madaxweynaha.

Cosoble ayaa ugu horreyntii difaacay in dowladda bixiso dhulka danta guud si loogu faa’iideyo shacabka iyo dowladnimada, halka mucaaradka ay sheegeen in dhaqaale yar lagu xaraashayo dhulkiii danta guud oo badankood si xoog ah looga kiciyay shacab deganaa.

“Dhulaa la bixiyeeey waa wareeey dhulaa la boobeeey ayey meelaha la taagan yihiin. Waxay ugu sheekeynayaan shacabka inaysan dowladii dhul bixin karin. Dowladaha dhul waa bixiyaan. Dhul waxaa la siiyaa hey’ado dowli ah, safaarado shisheeye, warshado gaar loo leeyahay oo dalka looga baahan yahay, shirkado ama kambaniyo waddani ah ama kuwo ajnabi oo maalgelin sameynaya,” ayuu yiri Cosoble.

Waxa uu intaas kusii daray “Dad badan oo Soomaali ah waxay rabaan Xamar iney gudaafad u ekaato oo eysan yeelan muqaal caasimadeed. Kuwo kalana damac ayaa uga jira xukunka dalka, balse waxa keliya ee ay rabaan iney shacabka ku hantaan waa iney baraha bulshada la taagnaadaan dacaayado weliba been abuur ah oo raqiis ah.”

Hoos ka aqriso qoraalka oo dhameystiran;

Dhulaa la bixiyeeey waa wareeey dhulaa la boobeeey ayey meelaha la taagan yihiin. Waxay ugu sheekeynayaan shacabka ineysan dowladii dhul bixin karin. Dowladaha dhul waa bixiyaan. Dhul waxaa la siiyaa hey’ado dowli ah, safaarado shisheeye, warshado gaar loo leeyahay oo dalka looga baahan yahay, shirkado ama kambaniyo waddani ah ama kuwo ajnabi oo maalgelin sameynaya.

Haddey dalka timaado shirkad caasimadda ka dhiseysa hotel caalami ah oo ay ku baxeyso dhismihiisa 50 malyan oo dollar, muwaadiniin badan ay shaqo ka helayaan, dowladdana ay uga soo xarooneyso sannadkii dhowr malyan oo dollar, cid looga fasax qaadanayo ma jirto ee meesha ugu habboon ayaa laga siinayaa dhulka, taana micnaheeda ma aha dhulka in la boobayo.

Dad badan oo Soomaali ah waxay rabaan Xamar iney gudaafad u ekaato oo eysan yeelan muqaal caasimadeed.

Kuwo kalana damac ayaa uga jira xukunka dalka, balse waxa keliya ee ay rabaan iney shacabka ku hantaan waa iney baraha bulshada la taagnaadaan dacaayado weliba been abuur ah oo raqiis ah.

Ma hayaan barnaamijyo ay dalka ku horumarinayaan iyo qorsheyaal la xiriira sida ay dalka uga sifeynayaan argagixisada, sida ay dhowr malyan oo dhallinyaro ah shaqo ugu abuurayaan, sida ay waxbarashada u gaarsiinayaan dalka oo idil, sida ay sare ugu qaadayaan wax soo saarka beeraha hoosna ugu dhigayaan ku tiirsanaanta mucaawinooyinka raashiinka, sida ay dalka dib ugu soo celinayaan Soomaalida qaxootiga ah, iwm.

Qorsheyaashaa ma hayaan ee warkooda oo dhan waa dastuurkii ayaa la beddelay, dhulaa la gatay, see Itoobiya iyo Masaari loo kala ilaalinaa iyo hadallo badan oo qofkii damiir leh uu ku yaq-yaqsoonayo.

Kuwa raba in uusan dalka ka bixin tiiha uu ku jiro muddada aadka u dheer waxaan leeyahay umadda yaan la marin habaabin ee Ilahey ka baqa. Kuwa u heysta iney Ilaahey oo laga baqo ku kooban tahay shanta waqti oo la tukado, kadibna laga shaqeyn karo been iyo masabbid iyo wax walboo xun waxaan leeyahay shaydaan baa been idiin sheegay ee isaga fogaada.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Sheekh Axmed Sheekh Cumar oo ka hadlay dagaalada u dhaxeeya SSC-Khaatumo & Somaliland.

02/02/2025

: Dagaal kaga dhex qarxay SSC-Khaatumo & Somaliland.

Wararka ka imaanaya magaalada Laascaanood ayaa sheegaya in uu dagaal ku dhex maray ciidamada SSC-Khaatumo iyo kuwa Somaliland deegaanada u dhaxeeya Yeyle iyo Buq dharkayn.

Dagaalka oo ku bilowday weerar duulaan ah oo ka yimid dhinac Somaliland sida ay sheegeen saraakiisha ciidamada difaaca SSC-Khaatumo ayaa dib u riixay ciidamadii weerarka soo qaaday.

Dagaalka oo muddo socday ayaa isku adeegsaday hubka noocyadiisa kala duwan, waxaana ciidamada SSC-Khaatumo saraakiil u hadlay ay sheegeen in ay gacanta ku hayaan deegaanada uu maanta dagaalku ka dhacay.

Gurmadka labada dhinac ayaa kusii qul qulaya furimaha dagaalku ka dhacay, waxaana si rasmi ah aan loo xaqiijin karin khasaaraha uu dagaalku sababay.

Muuqaalada lagu baahiyey barta Facebook-ga ayaa waxaa lagu arkayey labada dhinac oo hub kala duwan isku adeegsanaya, balse weli ma jirto cid ka hadashay dagaalka maanta.

Deegaanka Shangeed ee gobolka Cayn ayey maalmo ka hor markii labada ciidamada ee SSC-Khaatumo iyo Somaliland uu dagaal ku dhex maray, waxaana SSC-Khaatumo ay sheegtay in maxaabiis, hub iyo saldhigyo ciidan ka qabsatay Somaliland.

Xiisadaha u dhaxeeya labada dhinac ayaa sii xoogaysanayey mudooyinkii ugu dambeeyey, kadib markii shir ka dhacay Badhan lagaga dhawaaqay difaaca Ceerigaabo iyo in awood dagaal ay ku qabsan doonaan Beelaha Harti Ceerigaabo.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Taliyaha Ciidamada Booliska Soomaaliyeed oo la kulmay wafti ka socda dowladda Ingiriiska.

Taliyaha ciidamada Booliska Soomaaliyeed Sarreeye Guuto Asad Cismaan Cabdullaahi ayaa xafiiskiisa ku qaabilay safiirka dowladda Ingiriiska u fadhiya Soomaaliya Danjire Mike Nithavrianakis, ku xigeenkiisa Ambassador Sam Thomas, xoghayaha difaaca iyo siyaasadda Natasha Hosford iyo xoghayaha arimaha la dagaalanka argagixisada Dan O’Byrne.

Taliyaha oo ay weheliyaan saraakiisha Booliska Soomaaliyeed ayaa kulan gaar ah la yeeshay safiirka iyo waftigiisa, waxaana ay kawada hadleen taageerada dowladda Ingiriiska siiso ciidamada Booliska Soomaaliyeed, xoojinta iskaashiga amniga iyo la dagaalanka argagixisada.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

02/02/2025

Waftigii Dhulbahante ee ka qayb galay shirkii Badhan oo degmada Xudun lagu soo dhoweeyey.

Waftigii Beesha Dhulbahante ee kaga qayb degmada Badhan shirkii u dhaxeeyey isimadda iyo waxgaradka Beelaha Harti ayaa lagu soo dhoweeyey degmada Xudun ee gobolka Sool.

Qaybaha kala duwan ee bulshada ayaa si diiran ugu dhoweeyey degmada Xudun waftigan, waxaana waxgarad iyo odayaasha dhaqanka degmada Xudun ay kala hadleen sidii loo fulin lahaa qodobadii kasoo baxay shirkii Badhan, kuwaas oo ay kamid tahay difaaca magaalada Ceerigaabo.

Waftigan oo isugu jiray isimo, waxgarad, saraakiil iyo madaxweyne ku xigeenkii h**e ee Puntland Axmed Karaash ayaa dhawaan booqday deegaano ka tirsan gobolka Sanaag, waxaana ay gaareen jiidaha gobolka Sanaag oo ay kula kulmeen saraakiisha ciidamada difaaca Beelaha Harti.

Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

Adresse

Brake
DALHAGMEDIA

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Dalhag Media erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an Dalhag Media senden:

Videos

‘’Waxaan balan Illaahay ka qaadaya inaanu tagno Gar-adag halkii Maxamuud Cali Shire ka talin jiray’’ Korneyl Faarax laga gardaran yahay. Dalhag Media.

"Puntland waxaa buuraha duqeyn lagu laayey Khawaarij tiro badan oo aan uga mahad celinayno dowladda Mareykanka" Wasiir Cabdiqaadir Maxamed Nuur. Dalhag Media Follow dheh.

Xaalada Ceerigaabo oo war cusub laga soo saaray "Waxaan uga tudhayno Isaaq ma jirto, Reer Buuhoodlow ku Lisa, wixii aan baranay ee Bilaashka ahaa waan u soo soconaa." Dalhag Media Follow dheh si aad u hesho Wararka Ceerigaabo iyo Kuwa Caalamka oo dhan.

Xoolihii Bilaashka ahaa ee aan baranay ayaan rabnaa

Shacabka Laascaanood oo ka hadlay difaaca Ceerigaabo & Shirkii Badhan "Xoolihii Bilaashka ahaa ee aan baranay ayaan u soo soconaa, Ceerigaabona waa guri Harti." ~~~ Dalhag Media.

Sheekh Axmed Sheekh Cumar oo ka hadlay dagaalada u dhaxeeya SSC-Khaatumo & Somaliland.

Wixii Goojacadde ka dhacay ma ilowday?

"Wixii ka dhacay Goojacadde ma ilowday, hadaad caruurta la bixi waydo Fardo la isugu joogo la isuguma faano waa la isku imaanayaa ee diyaar garow." Caaqil Siciid Yuusuf Hiirad oo u soo jawaabay Boqor Buurmadow. ~~~ Dalhag Media.

Ceerigaabo waa guri Isaaq kuwa Hargeysa u yeedha.

"Ceerigaabo waa guri Isaaq kuwa Hargeysa idiin jooga hada u yeedha, arinkaad ku dhawaaqdeen ayaan idin la qaadanay " Garaad Cumar Sidiiq. Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

"Askariga Soomaaliyeed waxaa uu doortay wixii ugu qiimaha badnaa qof dooran lahaa, taas oo ah in aad difaacdo dalkaada". RW Xamsa Cabdi Barre. Dalhag Media Follow dheh si aad u hesho Wararkii ugu dambeeyey ee Soomaalida iyo Caalamka.

"Horumar bay inoo balana inaan gacan horumarka kaga shaqayno gacana dadkeena iyo dalkeena ku difaaco" Duqa degmada Bosaso C/fatah Xaaji Shanle. Dalhag Media Follow dheh si aad u hesho Wararkii ugu dambeeyey ee Soomaalida.

Maalin walba wiilasha dhimanaya haloo hiilayo

Yurub Abiib "Wiilasheena maalin walba dhiigoodu daadanayo haloo hiilayo, maalin walba inagaa dhimanayna" Wasiiradii Somaliland oo qaylo afka furtay, kadib dagaalkii Shangeed ee lagu jabiyey ciidamada Somaliland. Dalhag Media Follow dheh.

"Quba jooga iyo Ganacsatada waxaan leeyahay cid walba dhaqaalihiina fura oo u istaaga difaaca Ceerigaabo"

#DEGDEG: Isimadda Beesha Isaaq oo ku baaqay in ay u diyaar garoobaan Ganacsatada iyo Qurba jooga Isaaq difaaca Ceerigaabo "Quba jooga iyo Ganacsatada waxaan leeyahay cid walba dhaqaalihiina fura oo u istaaga difaaca Ceerigaabo" Dalhag Media Follow dheh bogeena.

"Dhulka Isaaq inay la wareegaan ayey rabaan oo Ceerigaabo iyo Sanaaag oo dhan nalaga saaro, Dhulbahante dal nagama dhaxeeyo ee dagaal baan naga dhaxeeya" Boqor Buur Madow. Dalhag Media.

Dalhag Media

03/02/2025

03/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

02/02/2025

Adresse

Webseite

Benachrichtigungen

Service Kontaktieren

Videos

Xoolihii Bilaashka ahaa ee aan baranay ayaan rabnaa

Wixii Goojacadde ka dhacay ma ilowday?

Ceerigaabo waa guri Isaaq kuwa Hargeysa u yeedha.

Maalin walba wiilasha dhimanaya haloo hiilayo

"Quba jooga iyo Ganacsatada waxaan leeyahay cid walba dhaqaalihiina fura oo u istaaga difaaca Ceerigaabo"

Verknüpfungen

Teilen