Was ist die Webseite?

https://www.facebook.com/264074036796350/

Dalhag Media

Startseite
Deutschland
Brake
Dalhag Media

Warbaahinta Dalhag Media kala soco Warar Sugan & Xoggo Rasmi ah

01/01/2025

"7-sanno ee ugu danbaysay Ciidamadu gabadh ay qanjiidhiyeen hadii la helo magteeda ayaan bixinayaa" Madaxwayne Mustafe.

31/12/2024

Madaxweyne Firdhiye oo Ceerigaabo wax ka qabasho la'aanteeda lagu eedeeyay.

Madaxweynaha maamulka SSC-Khaatumo C/qaadir Axmed Aw Cali ayaa lagu eedeeyey in uu ka gaabiyey wax ka qabashada xaalada magaalada Ceerigaabo ee xarunta gobolka Sanaag.

Gudoomiyaha gudida Cadaaladda ee Baarlamaanka SSC-Khaatumo Xildhibaan Garyaqaan Maxamed Aadan Cumar ayaa ku eedeeyey madaxweyne Firdhiye in maamulkiisu uusan waxba ka qaban xaalada magaalada Ceerigaabo oo uu ka gaabiyey masuuliyadii ka saarnayd gobolka Sanaag, sida uu ku xusay warqad kasoo baxday xafiiskiisa.

Xildhibaanka ayaa sidoo kale sheegay in C/qaadir Axmed Aw Cali uu wado qorista dastuur kasoo hor jeeda qaar kamid ah qodobo heshiiska lagu yahay, isla markaasna ay haboon tahay in arintani ay soo dhex galaan isimadda dhaqanka.

Madaxweyne Firdhiye oo ah musharax ayuu sheegay in waxyaabaha uu hada qabtay yihiin olole siyaasadeed, balse lagama maar maan ay tahay dhamaystirka hawlaha horyaala ee uu ka gaabiyey.

Isimadda dhaqanka SSC ayuu ugu baaqay gudoomiye Maxamed Aadan Cumar in ay qabtaan shir weyne ay iskugu yimaadaan beelaha deegaanada SSC, maadaama hogaamiye Firdhiye uusan muhiimad siinayn wada tashi iyo shir weyne dhex mara beelaha.

Muddooyinkii ugu dambeeyey ayaa waxaa guux badani ka dhex jiray gudaha maamulka SSC-Khaatumo, waxaana xildhibaanada Baarlamaanka iyo qaar kamid ah gollayaasha maamulka SSC-Khaatumo ay eedeyn u jeedinayeen madaxweyne Firdhiye, oo ay ku eedaynayaan in uu ka gaabiyey arimo badan.

Dalhag Media Codka Shacabka Soomaaliyeed.

31/12/2024

Beesha Leelkase ayaa ku baaqday xabad joojin si looga baaqsado colaad ka dhacda gobalka Mudug, waxaana ay ugu baaqeen beesha Sacad in ay ka shaqayso dhankeeda nabada si xasilooni iyo nabad loogu wada noolaado gobolka Mudug.

Akhriso qodobada:👇

31/12/2024

Sheekh Maxamuud Xaliike "Xaafadaas waxay ahaayeen guryaha dumarka sinaysta dowladdu cashuur bay ka qaadi jirtay, Waqooyiga marka la soo baxo Fu***ng House baa ku yeelay Hargeysa iyo meelaha la midka ah, Xamar Buur Karoole meel la yiraahdo ayaa ku taalay, balse dowladd....

31/12/2024

Madaxweynaha dowladd deegaanka Soomaalida oo ka hadlaya dagaalkii Dacawaaley ayaa yiri "Waxa jira dad iyo ururo weli dagaal kula jira qafoofka Siyaad Barre oo mar h**e dhintay, waxa aan hubaa in Liyuu Boolisku aysan wax yeelin shacab ee iyaga dad hubaysan la dirireen".

31/12/2024

Naciima Abwaane Qorane ayaa goor dhoweyd lagu xiray magaalada Hargeysa, iyadoo hooyadeed ka keentay cisbitaal dalka dibadiisa ah.

31/12/2024

Goolkii ugu quruxda badnaa ee gobolka Nugaal ee ciyaartii galabta & laacibkii dhaliyey.

31/12/2024

Maanta Puntland waxa ay muujisay wax ka duwan Soomaalida kale, kadib dagaalkii kooxda IS.

Hoggaanka sare ee Puntland, gaar ahaan madaxweyne Saciid Cabdullaahi Deni iyo xubnaha mucaaradka ah ayaa maanta muujiyay midnimo, kadib dagaalkii ay ciidamadu la galeen kooxda argagixisada ah ee Daacish.

Madaxtooyada Puntland iyo xubnaha mucaaradka ayaa si buuxda u garab istaagay ciidanka difaaca ee ka hortagay weerar saaka ay soo qaadeen xubnaha Daacish ee ku sugan gobolka Bari.

Saciid Deni oo maanta isbitaalka Boosaaso ku booqday qaar kamid ah askartii kusoo dhaawacantay dagaalkii saaka dhacay ayaa taageero buuxda u muujiyay ciidanka.

31/12/2024

Ninkii lahaa aas-aasayna shirkadda baabuurta ee Suzuki oo magaciisu ahaa Osamu Suzuki ayaa geeriyooday dhammaadka December 2024 oo caawa ku eg.

January 30, 1930 ayuu dhashay waxa uu ahaa Ganacsade maalqabeen ah oo kasoo jeeday waddanka Japan.

1978 ayuu aas-aasay shirkadda baabuurta ee uu lahaa oo magaceedu yahay Suzuki, waxaana uu ku geeriyooday da'da 94 sano.

31/12/2024

Wararkii ugu dambeeyey dagaalkii Dharjaale, Dhimasho & Dhaawac, Madax ka socota dowladd deegaanka oo Burtinle gaartay, Xaalada Puntland, Soomaalida & Caalamka.

31/12/2024

Maydad hor leh oo laga helay jiidaha dagaalka & Ciidamadii oo ruqaansaday.

Ciidamada difaaca Puntland ee ku sugan deegaanka Dharjaale ee degmada Isku Shuban ee gobolka Bari, ayaa soo helay maydad hor leh oo ka tirsan shabakadii Kooxda Daacish ee weerarka soo qaaday oo gabi ahaantoodba la laayey.

Xaaladda deegaanka ayaa hada degan, waxaana ciidamadu ay u ruqaansadeen baadi goobka Kooxda Daacish ee buuraha ku dhuumaalaysanaya.

Dalhag Media Codka Shacabka Follow dheh.

31/12/2024

Dowladda Kenya ayaa kasoo iibsatay dalka Turkiga 6 Bayraktar TB2 UAVs ah ayadoo Kooxda loo diyaariyay isticmaalka Diyaaradahaan ee Tababar kusoo dhameysteyn Turkiga Bishii August ee lasoo dhaafay.

Diyaaradahaan ayaa qeyb ka noqon doona howlgalada Ciidanka Kenya gaar ahaan la dagaalanka Kooxda AS ee dalka Soomaaliya.

Soomaaliya oo ah halka xarunta u ah Kooxda AS dhibka ugu weynna ku hayaan maxay ugu soo iibsan wayday hub sidan oo kale ah?

FG: Sidaa u maleyso diyaaradahaan qaali uma ahan.

31/12/2024

Madaxweynaha Puntland oo guddi u magacaabay daryeelka dhaawacyada ciidamada.

Boosaaso : 31 December 2024, Madaxweynaha Dowladda Puntland Mudane Siciid Cabdullaahi Deni, ayaa magacaabay Guddiga Taakulaynta iyo Daryeelka Dhaawacyada ee hawlgalka ciribtirka argagixisada ee Puntland.

Ku: Wasaaradda Amnniga iyo DDR-ta Dowladda Puntland

Ku: Wasaaradda Arrimaha Guddaha Federaalka iyo Dimuqraadiyeynta Dowladda Puntland

Ku: Wasaaradda Maaliyadda Dowladda Puntland

Ku: Wasaaradda Caafimaadka Dowladda Puntland

Og: Guddoomiyeyaasha Goboladda Puntland.

Ujeeddo: Magacaabid Guddi

Waxaa xubanaha Wasiiradda ah iyo Guddomiyayaasha magacyadoodu hoos ku xusan yihiin loo magacaabay Guddiga Taakulaynta iyo Daryeelka Dhaawacyada ee hawlgalka ciribtirka argagixisada ee Puntland.

Xubnaha Guddiga ayaa kala ah: -

1. Wasiir Siciid Jaamac Cali (Qoorsheel)
2. Wasiir Cabdullaahi Bille Nuur
3. Wasiir Cabdiraxmaan Axmed Cabdulle
4. Wasiir Yuusuf Maxamed Wacays(Dheddo)
5. La-taliye Axmed Cabdi Hurre
6. Guddomiye Cabdirisaaq Cali Siciid
7. Guddomiye Cabdifaataax Xaaji Shanle

Guddigaan waxay ka shaqaydoonaan Taakulaynta iyo Daryeelka Dhaawacyada Howlgalka Buuraha Golis.

Haddaba, waxaa la farayaa xafiisyadda ay warqadani ku socoto in ay guddigaan ku gacansiiyaan wixii fududayn ah ee gudashada waajibaadka loo igmaday.

Fulin wacan,

Madaxweynaha Dowladda Puntland
Mudane Siciid Cabdullaahi Deni.

-DHAMMAAD-

-XAFIISKA WARFAAFINTA MADAXTOOYADA DOWLADDA PUNTLAND -

31/12/2024

Wasiirkii h**e ee Maaliyadda Puntland bartiisa Facebookga uu ku leeyahay qoraal waxa uu hambalyo iyo bogaadin uu ugu diray ciidamada dowladd Puntland, oo maanta ka hor tagay weerarkii argagixisada, waxaana uu yiri Xasan Shire Abgaal.

Waxaan halkan uga diraynaa taageero buuxda iyo garab istaag ciidamada geesiyaasha ah ee kala duwan difaaca Dowladda Puntland, kuwaas oo maanta nafta u huray dagaalka lagula jiro kooxaha argagixisada ah ee ISIS Alshabaab ee ku dhuumaaleysanaya buuraha gobolka Bari.

Ciidamadamadiinu waxay mar kale caddeeyeen maanta hal-adeygga, wadaniyadda, iyo jacaylka ay u qabaan ilaalinta amniga iyo karaamada Puntland, iyo in ay yihiin kuwa mar walba utaagan difaaca dhulkooda.

Geesiyaasha ku shahiiday dagaalka maanta ee deegaanka Dharjaale waxaan Alle uga baryaynaa inuu shahaadadooda aqbalo, Jannatul Firdowsna ugu deeqo, Eheladooda iyo dhammaan shacabka reer Puntland waxaan leenahay samir iyo iimaan Allaha idinka siiyo.

Dadka Puntland iyo guud ahaan ummadda Soomaaliyeed waxaan ugu baaqayaa inay garab istaagaan ciidamadan naftooda huray, iyagoo ku taageeraya duco, midnimo, iyo dhiirrigelin joogto ah si cadawga loo wiiqo, loona adkeeyo nabadda dalkeena.

31/12/2024

DEG DEG: Puntland oo shaacisay dalalka ay u dhasheen malayshiyaadkii weeraray ciidamada.

Wasiirka Warfaafinta Puntland Maxamuud Caydiid Dirir oo warbaahinta la hadlay ayaa faah faahin ka bixiyey weerarkii kooxda Daacish ay saaka ku qaaday fariisin ciidamada Puntland ay iska lahaayeen.

Wasiir Dirir ayaa sheegay in ciidamadu ay fashiliyeen qorshihii Daacish sidoo kale dhamaantood ay dileen ciidamadu malayshiyaadkii weeraray ciidamada difaaca Puntland.

Maxamuud Caydiid Dirir ayaa sheegay in malayshiyaadka Daacish ee weeraray ciidamada aysan ku jirin wax Soomaali, badalkeedna ay ahaayeen ajaaniib u kala dhashay dalalka Suuriya, Morocco iyo Ethiopia.

"Way fashiliyeen weerarkaas oo qaraxyo isugu jiray iyo is miidaamiyaal waa la fashiliyey, ajaanib fara badan ayaa ku dhimatay qof kaliya oo Soomaali ah kuma jiro, waa Sriyan, Moroccan, iyo Xabashi intaas ayey isugu jiraan" Sidaas waxaa yiri Wasiir Dirir.

Wasiirka ayaa dhanka kale xusay in uusan khasaare soo gaaray masuuliyiin ka tirsan Puntland, kuwaas oo ku sugnaa goobta weerarku ka dhacay balse uu jiro khasaare soo gaaray ciidamada Puntland qaarkood.

Maxamuud Caydiid Dirir wasiirka Warfaafinta Puntland ayaa xusay in ciidamada Puntland ay naftooda u hurayaan sidii loo af jari lahaa malayshiyaadka argagixisada ah, oo ay ciidamadu ugu gali doonaan godadka ay ku sugan yihiin.

Dagaalka ka dhanka ah kooxda Daacish ayey Puntland isku diyaarinaysay muddooyinkii ugu dambeeyey, waxaana ciidamadu ay hada bilaabeen hawlgalka ka dhan ah Daacish si looga sifeeyo deegaanada Puntland.

Dalhag Media Codka Shacabka Follow dheh.

31/12/2024

Puntland oo soo bandhigtay maydadka malayshiyaadkii Daacish & Dhimashada oo dhan....

Ciidamada difaaca Puntland ayaa ku guulaystay ka hor taga weerar ay kusoo qaadeen kooxda Daacish.

Saraakiisha ciidamada difaaca Puntland ayaa xaqiijiyey in saaka la dilay 8 kamid ah xubnaha kooxda Daacish oo Ajaaniib ahaa, kadib dagaal ku bilowday qaraxyo ismiidaamin ah ay kooxda Daacish u adeegsadeen in ay ku galaan saldhig ciidamadu lahaayeen.

Yoolka weerarka kooxdan argagixiso ayaa ahaa in ay howlgalkan HILAAC iska joojiyaan, iyagoo doonayay in ay bartilmaameedsadaan hubka culus iyo saadka ciidanka, balse waa laga hortagay weerarkoodii.

Puntland oo bayaan kasoo saartay weerarka saaka lagu soo qaaday ciidamada difaaca Puntland ayaa sheegtay in ay fashilisay weerarkii ay soo maleegeen kooxda Daacish isla markaasna aysan cidi ka laaban shakhsiyaadkii soo weeraray ciidamada oo dhammaantood la dilay.

Dalhag Media Codka Shacabka Follow dheh.

31/12/2024

Dowladda Puntland oo bayaan Rasmi ah ka soo saartay weerarkii saaka ee degaanka Dharjaale ayaa shaacisay in aysan cidna dib uga laaban oo dhammaantood ciidanku dilay Argagixisadii weerarka soo qaaday.

Bayaan ka soo baxay Hawlgalka La-dagaallanka Argagixisada ee Puntland ayaa lagu sheegay in dhammaan dagaallamayaashii weerarka soo qaaday lagu dilay hawlgalkii saaka oo aysan jirin cid ka baxsatay gacanta ciidamada.

“Ciidamada Hawlgalka Ciribtirka Argagixisada ee Puntland ee ku sugan deegaanka Dharjaalle ee Gobolka Bari, ayaa saaka fashiliyey isku dayga weerar argagixiso oo ay soo maleegeen Kooxda dhiigmiiratada Daacish, waxaana halkaasi Ciidanku ku dileen oo aysan cidi ka laaban dhammaan kooxdii weerarka soo qaaday oo u badan Ajaanib.”

“Geesiyaasha har iyo habeen u taagan Difaaca iyo in ay Argagixisada ka sifeeyan Puntland, ayaa soo bandhigay Ajaanibta weerarka lagu dilay oo ka badan 8xubnood, hubkoodii iyo jabka xooggaanna ee saaka lagaarsiiyey Argagixisada Daacish” ayaa lagu yiri bayaanka dowladda.

Hawlgalka La-dagaallanka Argagixisada ee Puntland ayaa sidoo kale tilmaamay in Ciidamada difaacu ku ruqaansadeen degaannadii ay weerarka ka soo qaadeen kooxaha Argagixisada ah balse dowladda faah faahin k**a bixin khasaaraha dhinaceeda gaaray.

31/12/2024

Dharjaale: Faahfaahin dheeraad ah, ayaa kasoo baxaysa dagaal deegaanka Dharjaale ee gobolka Bari saaka ku dhexmaray ciidada Puintland iyo Kooxda Daacish ee buuraleyda Calmiskaad, dagaalka saaka wuxuu ku bilowday weerar Ismiidaamin ah oo uu fuliyey baabuur laga soo buuxiyey walxaha qarxa oo lagu weeraray fariisin kamid ah kuwa ciidamada Puntland.

Intaas kadib waxaa bilowday dagaal toos ah oo dhexmaray cidianka Puntland iyo maleeshiyaad lug ah oo ka danbeeyey baabuurka is qarxiyey, Saraakiil ciidan oo ku sugan furinta h**e ayaa sheegay dhamaan kooxdii weerarka soo qaaday ay dagaalka ku dhinteen.

Afhayeen u hadlay ciidanka Puntland ayaa warsaxaafadeed ku sheegay inay dileen 8 Jaaniib ah oo kamid ah maleeshiyaadka weearka soo qaaday" Geesiyaasha har iyo habeen u taagan Difaaca iyo in ay Argagixisada ka sifeeyan Puntland, ayaa soo bandhigay Ajaanibta weerarka lagu dilay oo ka badan 8xubnood, hubkoodii iyo jabka xooggaanna ee saaka lagaarsiiyey Argagixisada Daacish.," ayaa lagu yiri Warsaxaafadeedka ciidanka Puntland.

Muuqaalo lagu baahiyey baraha bulshada oo ay duubeen Askar isticmaala Aaladaha Internet ka ayaa muujinaya Maydad dad Anaajiib ah oo ku dhintay dagaalka saaka dhacay.

Puntland ayaa mudooyinkii danbe qorshaynaysey duulaan ka dhan ah kooxda Daacish ee ku sugan Buuraleyuda Calmiskaad, weerarka saaka lagu soo qaaday ciidanka Puntland ayaana noqday bilwoga dagaalka labada dhinac.

Diiwaanka Wararka
Warbaahinta

Adresse

Brake
DALHAGMEDIA

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Dalhag Media erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an Dalhag Media senden:

Videos

Sheekh Maxamuud Xaliike "Xaafadaas waxay ahaayeen guryaha dumarka sinaysta dowladdu cashuur bay ka qaadi jirtay, Waqooyiga marka la soo baxo F**king House baa ku yeelay Hargeysa iyo meelaha la midka ah, Xamar Buur Karoole meel la yiraahdo ayaa ku taalay, balse dowladd....

Goolkii ugu quruxda badnaa ee gobolka Nugaal ee ciyaartii galabta & laacibkii dhaliyey.

Wararkii ugu dambeeyey dagaalkii Dharjaale, Dhimasho & Dhaawac, Madax ka socota dowladd deegaanka oo Burtinle gaartay, Xaalada Puntland, Soomaalida & Caalamka.

Ciidamada difaaca dowladda Puntland #reelsviralシ

Sarkaal loo adeegsaday soo qabashada Axmed Madoobe oo isku dhiibay Jubbaland. Waxaa magaalada Dhoobley ee gobolka Jubbada Hoose, lagu soo bandhigay nin sarkaal ah oo la sheegay in dowladda Soomaaliya hub iyo lacag badan siisay, si uu qalqal u galiyo madaxweynaha Jubbaland Axmed Madoobe oo khilaaf kala dhaxeeyo dowladda Soomaaliya. Cabdishakuur Axmed Caali (Faarso) ayaa kamid ahaa xubnaha siyaasad ahaan kasoo horjeeday madaxweynaha Jubbaland, waxaana ninkan la sheegay in taageero ka helayay madaxtooyada Soomaaliya, gaar ahaan xafiiska Ra’iisul Wasaaraha. Sidoo kale Faarso ayaa sheegay in uu qaatay go’aan ah inuu dib ugu soo labato dadkiisa iyo deegankiisa, waxa uuna raaligalin ka bixiyay ficiladiisi hore, isagoona sheegay in uu diyaar u yahay in uu la shaqeeyo maamulka Jubbaland uuna arkay hagarta dowladda Soomaaliya la damacsan tahay dadkiisa iyo deegaankiisa. Ninkan isku soo dhiibay ciidanka Jubbaland lana soo bandhigay ayaa sidoo kale wareejiyay hub tiro badan iyo rasaas la sheegay in dowladda Soomaaliya siisay, waxa ayna tani dhabar-jab ku tahay Ra’isul Wasaare Xamse Barre oo ku fashilmay dagaal siyaasadeedkii uu la galay Axmed Madoobe.

Wararkii ugu dambeeyey Xamse Cabdi Barre oo ka hadlay dagaalada ka jira dalka, Askar dowladda ah oo la afduubtay, Denni oo baaq culus diray, Dowladda Federaalka Somalia oo loogu baaqay wada hadal iyo tanaasul, colaadaha Soomaalida, Shil dhacay, Doorashada Suuriya.

Madaxweynaha Dowladda Puntland Said Abdullahi Deni ayaa dhagax dhigay Isbitaalka ugu weyn Puntland ee International Healthcare System (IHS).

LAASCAANOOD: Gabdho loo tababarayo kubada Kolayga.

Raisul Wasaare Xamse CabdiBarre "Dadka Soomaaliyeed xiiso ayay u qabaan in ay naar galaan imisa ayaa isbuucan jahanama naga gashay".

Madaxweynaha puntland dr siciid Abdilaahi deni ayaa ugu qaabay dowladda dhexe inay ka shaqayso nabada iyo inay xal uraadiso dagaalada sokeeya ee dalka kasocda >> Dalhag Media nagu soo biir kuna xirnow barteena

Sheekh Maxamuud Xalliike oo waaniyey dhalinyarada shukaansiga badan sameeya ee isku dhinac wada gayaan badan oo kala duwan.

''Askari Liyuu Boolisa oo ku dhawacmay dagaalka ayaa diiday in dhiiga Isaaq lagu shubo" Sakariye Saajin.

Dalhag Media

01/01/2025

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

31/12/2024

Adresse

Webseite

Benachrichtigungen

Service Kontaktieren

Videos

Verknüpfungen

Teilen