Украинага босқин: 858-кун
Украинага босқин: 858-кун | Бастрикин 10 минг муҳожир қандай қилиб фронтга жўнатилганини айтди
Москва 10 минг чоғли меҳнат муҳожирини Украина урушига йўлламоқда. Бу ҳақда Россия Тергов қўмитаси раҳбари Александр Бастрикин Петербург халқаро юридик форумида маълум қилди. Мулозимнинг эътирофича, армияга 10 минг чоғли мигрант олинган.
Украинага босқин: 857-кун
Украинага босқин: 857-кун | Дебатларда Трамп Путиннинг талаби қабул қилиб бўлмас эканини айтди
Россиянинг Украинага қарши уруши АҚШ президентлигига энг кекса икки номзод ўртасидаги теледебатда бош мавзу бўлди.
Ўтмишда Путинни ақлли ва доно деб атаган Трамп Байден билан бўлган баҳсда Россия раҳбарининг Украинада урушни тўхтатиш бўйича илгари сурган шартларини қабул қилиб бўлмас деб атади.
АҚШда Украинадаги уруш мавзусида мавҳумлик фонида Европа Иттифоқи этакчилари 27 июн куни Украина билан хавфсизлик тўғрисидаги битимни имзоладилар, икки кунлик саммитда улар Европа Иттифоқининг келаси беш йилга мўлжалланган стратегияси қабул қилинди.
OzodNazar
OzodNazar: Болалар диний таълими тарафдорлари ва қаршилар баҳслашди
Ўзекистонда ота-оналар томонидан болани ноқонуний диний таълимга жалб қилганлик учун маъмурий жавобгарлик белгилашга қаратилган қонун лойиҳаси ОМ Қонунчилик палатасининг 25 июндаги мажлисида биринчи ўқишда қабул қилинди.
Бу янгилик жамоатчилик орасида баҳс-мунозараларга сабаб бўлди. Баъзилар болаларга диний таълим беришни чеклаш билан ҳокимият ҳуқуқларимизни чеклаяпти, деса, бошқалар бунинг аксини айтяпти.
OzodNazar ҳар икки гуруҳ вакилларини таклиф қилиб, дебат уюштирди. Дебатда журналист Абдулазиз Муборак ҳамда блогер Дилнур Комилов иштирок этди. Сарвар Усмон бошловчилик қилди.
Ноқонуний масжидлар бузиладими?
Бош вазир Арипов рўйхатдан ўтмаган масжидларни бузиш ёки тадбиркорга беришни топширди - манбалар
Озодликнинг Ўзбекистон ҳукуматига яқин манбаларига кўра, шу йилнинг 24 июнь куни Бош вазир Абдулла Арипов раислигида ўтган ҳукумат йиғилишида аҳоли томонидан курилган, аммо Адлия вазирлигида рўйхатдан ўтказилмаган 400 дан ортиқ масжид ва хонақоҳларни "бузиш", уларнинг айримларини ишлаб чикариш иншоотига айлантириш мақсадида тадбиркорларга бериш топширилган.
Йиғилиш тафсилотидан хабардор манбанинг сўзларига кўра, ИИВ ва ДХХ раҳбарлари ҳам иштирок этган йиғилишда Арипов ушбу қарорни "янги жорий этиладиган дунёвий давлатчилик концепцияси" билан тушунтирган.
Айни пайтда Бош вазир ушбу жараёнда "одамларнинг ҳиссиётларини инобатга олиш, аҳоли орасида эҳтимолий жанжалларнинг олдини олишга қаратилган тушунтириш ишларини олиб бориш" муҳимлигини таъкидлаган.
OzodNazar
OzodNazar: 100 журналист ва блогер жазоланди – Озодликнинг “OzodSo‘z” лойиҳаси
Ўзбекистон президенти лавозимига Шавкат Мирзиёев биринчи марта сайланганидан буён ўтган даврда мамлакат бўйлаб 100 дан зиёд журналист ва блогерга нисбатан озодликдан маҳрум қилиш, жаримага тортиш каби жазолар қўлланилди.
Озодликнинг янги OzodSo‘z лойиҳаси жазоланган ҳар бир журналист ва блогер тўғрисидаги маълумотлар жамланмасидир.
OzodSo‘z лойиҳаси ўзбек журналистлари ўз касб байрамини нишонлаётган кунда - 27 июнь - Ўзбекистон Республикаси Матбуот ва оммавий ахборот воситалари ходимлари куни - иш бошламоқда.
Uzdiplomat.uz сайти раҳбари Анора Содиқ ва Vatandosh TV журналисти Илёс Сафаров билан ўзбек журналистикасининг кечаги куни ва бугуни тўғрисида суҳбатлашдик.
Суҳбатда қатнашган Паҳлавон Содиқ (Озодлик радиоси бош муҳаррири) Озодликнинг янги “OzodSo‘z” лойиҳаси ҳақида айтиб берди. Сарвар Усмон суҳбатлашди.
“Россияда муҳожирларни камайтириш учун уларни урушга юборяпмиз”, Бастрикин.
Россия Тергов қўмитаси раҳбари Александр Бастрикин муҳожирларни камайтириш учун улар урушга юборилаётганини билдирди. Унинг айтишича, Украинадаги урушга Россия фуқаролигини олган 10 мингдан зиёд муҳожир юборилган.
Экспертларнинг айтишича, муҳожирлар урушга юборилаётгани сабаб, уларнинг орасида Россияни тарк этаётганлар кўпайган ва бунинг Марказий Осиё давлатлари учун ижобий ва салбий томонлари бор. Батафсил материалимизда томоша қилинг.
Видеони “Озодлик”нинг “Мигрант Медиа” лойиҳаси тайёрлади.
📌 ЧЕТ ЭЛДАГИ ВАТАНДОШ!
Ҳурматли муҳожир, муаммо ёки ютуқларингиз билан бизнинг ижтимоий тармоқлардаги аккаунтларимизда бўлишишни истасангиз @migrantmedia_rferl Телеграм каналига ёзинг.
#MigrantMediaCentralAsia
Sizdan Telegram: “Соқол ва идентификация. Бу қонунчиликка зид эмасми?”
ТОШКЕНТ – МИРЗО УЛУҒБЕК.
“Тошкент шаҳри Мирзо Улуғбек тумани ички ишлар ходимлари соқолга қарши рейдлар ўтказяпти. Рейдлар шахсни идентификация қилишга оид ҳужжат асосида ташкил қилинган. Лекин шахсини тасдиқловчи ҳужжатни кўрсатган айрим фуқаролар ҳам ИИБга олиб борилган ва соқоли олинган. Бу қонунчиликка зид эмасми? Прокуратурадан изоҳ кутиб қоламиз”.
-----
Ўзбекистон расмийлари ва ҳуқуқ-тартибот идораларининг диний рамз деб кўриладиган соқол ва ҳижобга қарши кампаниялари халқаро жамоатчилик, жумладан, АҚШ Давлат департаменти томонидан танқид қилиб келинади.
Шу йилнинг февраль ойида Озодлик Тошкентнинг халқ орасида "Малика" номи билан танилган бозорида яна "антисоқол" рейдлари ўтказилгани ҳақида хабар қилган эди. “Малика” савдо мажмуасида бундан олдин ҳам ўнлаб соқолли эркаклар тутиб олиб кетилиб, соқолини олишга мажбурлагани норозиликларга сабаб бўлган ва инсон ҳуқуқлари ташкилотлари томонидан танқид қилинган эди. Ўзбекистондаги "Эзгулик" инсон ҳуқуқлари ташкилоти раҳбари Абдураҳмон Ташанов с
OzodXabar: Кун янгиликлари қисқа сатрларда
Россиядаги йўл-транспорт ҳодисасида тўрт нафар муҳожир вафот этди
Красноярск вилоятида саккиз нафар муҳожир йўл-транспорт ҳодисасига учради. Ички ишлар бошқармасининг хабар беришича, уларнинг тўрт нафари вафот этган, қолган йўловчилар жабрланган. Муҳожирларни олиб кетаётган ҳайдовчи жиноий жавобгарликка тортилган. Бизнинг манбаларимизга кўра, вафот этганларнинг орасида ўзбекистонликлар ҳам бор.
Видеони “Озодлик”нинг “Мигрант Медиа” лойиҳаси тайёрлади.
📌 ЧЕТ ЭЛДАГИ ВАТАНДОШ!
Ҳурматли муҳожир, муаммо ёки ютуқларингиз билан бизнинг ижтимоий тармоқлардаги аккаунтларимизда бўлишишни истасангиз @migrantmedia_rferl Телеграм каналига ёзинг.
#MigrantMediaCentralAsia
Жиноий гуруҳларга алоқадорликда гумон қилинаётган вазир Тошкентда
Жиноий гуруҳларга алоқадорликда гумон қилинаётган вазир Тошкентда
24 июн куни Россия Федерацияси Ички ишлар вазирлиги раҳбари Владимир Колоколцев амалий ташриф билан Ўзбекистонга келди.
Шу куниёқ Россия Ички ишлар вазирини Шавкат Мирзиёев қабул қилди.
Колокольцевнинг Ўзбекистонга ташрифи Доғистонда 21 киши, жумладан 16 нафар полиция ходимининг ўлимига сабаб бўлган қуролли ҳужумлар ва Россияда марказий осиёлик, жумладан ўзбекистонлик мигрантларга қарши облавалар фонида ўтмоқда.
Владимир Колоколцев ўзининг жиноий тўдаларга алоқадорлиги билан журналистлар суриштирувига тушган.
Хўш, Россия Ички ишлар вазирини Россиядаги тўс-тўполон ва терактлардан муҳимроқ нима Ўзбекистонда жалб этган бўлиши мумкин?
Нафақат ишчилар, профессорлар ҳам маошини вақтида ололмаяпти
Нафақат ишчилар, профессорлар ҳам маошини вақтида ололмаяпти
Ўзбекистон энергетик секторида кўп миллиардлаб долларлик мега-лойиҳаларни амалга ошираётган Eriell Group ва Enter Engineering ширкатининг юзлаб ишчилари яна маошлари берилмаётганиидан шикоят қилмоқда.
Украинага босқин: 853-кун
Украинага босқин: 853-кун | Халқаро жиноят суди Шойгу ва Герасимовни ҳибсга олишга ордер берди
Россия собиқ мудофаа вазири Сергей Шойгу ва россиялик генерал Валерий Герасимовни ҳибсга олишга ордер берди.
Зеленский Украина Россиянинг 30 дан ортиқ нефтни қайта ишлаш заводлари, терминаллари ва нефт базаларига зарбалар берилганини айтди.
Европа Иттифоқи Россиянинг музлатилган активларидан тушган 1,4 миллиард эврони Украинага ўтказилишини маъқуллади.
Украина шарқидаги Покровск шаҳрида Россия ракета ҳужумидан камида беш киши ҳалок бўлди. 40 дан ортиқ киши яраланди.
“Ливанда уч яшар боламни тортиб олишди”. Бухоролик Олеся ҳикояси.
Бухоролик Олеся унинг уч яшар фарзанди Ливанда мажбурлаб ушланиб турганини айтади. У фарзандини ватанига қайтаришда Ўзбекистон Ташқи ишлар вазирлигидан ёрдам сўрамоқда. Олесянинг айтишича, у 2019 йилда Ливан фуқароси билан танишиб, ундан ҳомиладор бўлган ва 2021 йилда Ўзбекистонда кўзи ёриган. Кейинчалик фарзанди билан Ливан фуқаросининг олдига қайтган. Олесяга кўра, фарзандининг отаси Ливанда уни кўп марта калтаклаган ва қишлоқ хўжалигида ишлашга мажбурлаган.
Видеони “Озодлик”нинг “Мигрант Медиа” лойиҳаси тайёрлади.
📌 ЧЕТ ЭЛДАГИ ВАТАНДОШ!
Ҳурматли муҳожир, муаммо ёки ютуқларингиз билан бизнинг ижтимоий тармоқлардаги аккаунтларимизда бўлишишни истасангиз @migrantmedia_rferl Телеграм каналига ёзинг.
#MigrantMediaCentralAsia
OzodXabar: Кун янгиликлари қисқа сатрларда
Толиблар. “Қора рўйхатдан” чиқарилаётган ҳаракат
Толиблар. “Қора рўйхатдан” чиқарилаётган ҳаракат
2021 йилда Афғонистонда ҳокимиятни босиб олган толиблар ҳукуматини дунёнинг ҳеч бир давлати ҳали расман тан олганича йўқ. Аммо ўтган вақт мобайнида 14 та давлат Толибон томонидан тайинланган дипломатларни қабул қилди.
Қўшни Ўзбекистон уларнинг илк сираларида эди.
Дипломатик жабҳада фаол бўлган Толибон эндиликда Афғонистоннинг ШҲТ, ЕОИИ ва БРИКС га аъзо бўлиб киришига эришмоқчи.
Ўтмишда Толибонни Ўзбекистон ва минтақага хавф сифатида кўрган Каримов ҳукуматидан фарқли Шавкат Мирзиёев ҳукумати толбилар билан иқтидорга келган илк кундан муносабат ўрнатди ва қатор минтақавий лойиҳаларда толиблар билан ҳамкорликни йўлга қўйди.
OzodNazar
OzodNazar: “Кўча”ни судлаётган судья журналист устидан арз қилди; ИИБдаги ўлим
19 июнь куни Тошкент вилоят, Бекобод шаҳар ИИБ биносига олиб борилган 43 ёшли эркак вафот этди. Бу Тошкент шаҳри ва Тошкент вилоятида сўнгги бир йил ичида содир бўлган шунга ўхшаш воқеаларнинг тўртинчисидир.
Нима учун жамоатчиликда фуқарони мелисалар уриб ўлдириб қўйди, деган ишонч кучли? Нима учун бундай ҳолатларда бошқа вариантлар, масалан, юраги уришдан тўхтаб қолгандир, деган вариантни ҳеч ким ўйлаб ҳам кўрмайди?
“Детектив” телеграм канали муаллифи, ҳуқуқ-тартибот органларининг собиқ ходими Шерали Комилов ҳамда юрист Муҳсинжон Мадаминовлар билан ўтказилган суҳбат шу саволлардан бошланди. Сарвар Усмон суҳбатлашди.
Чегарадан ўтишнинг чегарасиз қийинчиликлари.
Шоҳимардон сўлим ва бетакрор гўша. Аммо у ерга Қирғизистон чегара постларидаги адоғи йўқ навбатлардан ўтиб бориш азоб. Маҳаллий сайёҳларнинг айтишича, Қирғизистон чегара постлари модернизация қилиниб, ўтказувчанлик қобилияти кучайтирилиши керак.
Фарғона туманидаги Водил постидан Шоҳимардонгача 22 км. Ўзбекистон ва Қирғизистоннинг кириш ва чиқиш – жами 4 та пости барқарор ишлаганда автомашинада ўртача 32 дақиқали йўл. Аммо сайёҳлар Шоҳимардонга келиш учун тўрт-беш соатли навбатда қолиб кетмоқда.
Лавҳани томоша қилинг ва Шоҳимардон ҳақидаги бошқа маълумотларни ҳам билиб олинг.
Мазкур материал “Озодлик” радиосининг Фарғона водийси бюроси томонидан тайёрланди. Бюро Фарғона водийсида (Ўзбекистон, Қирғизистон, Тожикистон) яшаётган инсонлар ҳаёти, тарихи ва бугунги кун воқеаларини қизиқарли видео лавҳалар орқали ёритади.
Агар сиз ҳам ҳаётингиздаги муаммо ёки ютуқлар билан бизнинг ижтимоий тармоқлардаги ҳисобларимизда бўлишишни истасангиз @ferghana_media (+996 755 99 64 99) Телеграм каналига ёзинг.
#ferghanastories
OzodXabar: Кун янгиликлари қисқа сатрларда
Украинага босқин: 851-кун | “Путин ошпази” қўзғолонига бир йил тўлди
Украинага босқин: 851-кун | “Путин ошпази” қўзғолонига бир йил тўлди
Украинанинг иккинчи йирик шаҳри Харков рус бомбалари ҳужумига учради.
Якшанбага ўтар кечаси Брянск ва Смоленск вилоятлари ҳудудларида 30 дан ортиқ дрон уриб туширилди.
Токио Россиянинг Украинага қарши уруши фонида россиялик шахслар ва ташкилотларга нисбатан санкцияларни кенгайтирмоқда.
Украинада Россия тарафида жанг қилгани учун Қирғизистонда етти йиллик шартли қамоқ жазосига ҳукм этилган Асқар Қубаничбек уулу яна урушга ёлланди.
Авантюрачи ва “Путин ошпази” Евгений Пригожиннинг Россиядаги қуролли қўзғолонига бир йил тўлди.
Украинага босқин: 850-кун
Украинага босқин: 850-кун | Ракета ҳужумларидан Украинанинг уч вилояти энергетика объектлари зарар кўрди
Россиянинг ракета ҳужумлари оқибатида Украинанинг учта вилоятида энергетика тизимларига зарар етди.
Украина ҳарбийлари Россиянинг 16 та ракетасидан 12 тасини уриб туширганликларини айтишмоқда.
Россия қанотли ракеталардан тортиб “Искандер” ва калибрли ракеталардан фойдаланган.
Қўшма Штатлар Киевга Америка қуролларидан Россиянинг 100 километргача ичкарисига уришга руҳсат берди.
Нидерландия номи айтилмаётган бошқа бир давлат билан биргаликда Украинага “Петриот” тизимини этказиб берадиган бўлди.
