Notisia On The Go

10/08/2024

Polis mester a subi avion ku a kaba di yega Ķòrsou for di Hulanda un ratu pasa i detené un persona ku a bringa riba Avion. Bon trabou di e famoso kantante inisial A.B ku a papia ke persona a bordo i kalma e problema riba avion.

10/08/2024

KOMUNIKADO DI PRENSA

9 ougùstùs 2024

Kontròl di tráfiko dirigí riba pasamentu den lus kòrá

Djabièrnè 9 di ougùstùs 2024, personal di UST konhuntamente ku personal di Punda i Otrobanda a tene un kontròl dirigí riba pasamentu den lus kòrá, entre 17.15’or i 17.47’or na e krusadá Schottegatweg Oost/Kaya Willem Mensing.

A repartí un total di 16 prosès verbal pa pasamentu den lus kòrá.

✅Un súplika ta bai na tur outomobilistanan pa respetá
bo bida i di otronan.

👮🏼‍♀️No pasa den lus kòrá!!

🚦E kontròlnan aki ta kontinuá.

09/08/2024

KOMUNIKADO DI PRENSA

9 ougùstùs 2024

Detenshon pa violashon di lei di arma di kandela

Den kuadro di un investigashon penal ku a keda realisá dor di e tim Divishon di Krímen Organisá relashoná ku violashon di lei di arma di kandela, djabièrnè 9 di ougùstùs 2024 alrededor di 05.00’or, a tene un entrada hudisial na un adrès den St. Johnsweg.
Durante di e entrada hudisial aki polis a haña i konfiská:
”Shotgun”.
arma outomátiko ku munishon.
kashi di bala.

Kontinuando ku e investigashon, alrededor di 05.50’or e tim a bai na un hotel den área di Penstraat i a detené e hòmber R.N.G. di 46 aña di edat nasé na Kòrsou, pa e kaso ariba menshoná.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

09/08/2024

Minister Shalten Hato ta na Aruba den kuadro di e lasonan estrecho ku nos tin riba tereno Hudisial.

Minister a risibí un splikashon amplio awe di Aruba su ‘command centre’ i naturalmente nos a interkambiá eksperiensia a base di ‘best practices’.

Tambe a bish*tá e sentro mes i por a mira e cameraroom den akshon.

09/08/2024

Wardakosta su helikòpter ta evakuá dos persona for di Klein Kòrsou.

Ayera tardi, e Sentro di Operashon Marítimo (MOC) di Wardakosta mester a aktivá despues ku
informe a drenta ku un hòmber na Klein Kòrsou a sufri un reakshon alérgiko severo.

E hòmber a kome un kuminda durante su estadia na Klein Kòrsou i a bira hopi malu despues di esaki.
Inmediatamente despues di e informe, MOC a konsultá ku e dòkter di CITRO pa konseho.

E dòkter di CITRO a konsehá pa transportá e hòmber pa hospital mas lihé posibel pa e haña tratamentu médiko. Wardakosta mesora a dirigí e helikòpter pa Klein Kòrsou pa evakuá e
hòmber.

A hiba e hòmber ku helikòpter pa aeropuerto Hato, kaminda un ambulans tabata
wardando riba dje.

Un ratu despues riba e mesun dia, Wardakosta a haña un otro notifikashon for di Klein Kòrsou.

E biaha aki tabata trata di un hóben ku a kibra su klavíkula di su man robes. E mucha hòmber tabatin hopi dolór. E dòkter di CITRO a konsehá pa buska e hòmber aki tambe mesora i hib’é hospital pa e risibí tratamentu médiko.

Wardakosta ta deseá ámbos hòmber un pronto rekuperashon.

09/08/2024

Resultado di investigashon riba tipo i kantidat di shushi ku Kòrsou ta produsí ta konosí.

Durante un enkuentro ku prensa Selikor NV a presentá resultado di un investigashon riba tipo i kantidat di shushi ku Kòrsou ta produsí.

E investigashon ta promé paso den e trayekto ku Selikor NV ta enkaminá pa yega na un maneho di shushi duradero pa nos isla den kua e pilá di mas importante ta un ekonomia sirkular ku ta resiliente pa kambionan ku presentá den futuro.

Den un ekonomia sirkular hende ta hasi máksimo uso di tur produkto pa saka esaki su balor i hasiendo esaki ta minimalisá kantidat di shushi ku nos isla ta produsí.

E trayekto pa yega na un maneho di shushi mas duradero ta konsistí di diferente parti.

Pa e proyekto inisial Selikor NV a haña finansiamentu di Union Europeo na balor di 1,4 mion florin (791.2981 euro) den kua ta risibí tambe sosten tékniko di e programa RESEMBID (Resilience, Sustainable Energy, and Marine Biodiversity).

A inisiá e proyekto na yanüari 2023 i ta premirá ku lo finalis’é na dezèmber 2024.

Komo prome parti di e proyekto a hasi un investigashon riba tipo i kantidat di shushi ku Kòrsou ta produsí.

E investigashon tabata na enkargo di e kompanianan lokal EcoVision i Indigo Blue, asistí pa Royal Haskoning DHV i De Afvalspiegel di Hulanda. E resultadonan di mas importante ta: Kòrsou ta produsí 213.000 tòn di shushi pa aña di kua 129.000 tòn ta bai lènftfel Malpais, 78.000 tòn ta bai pa kompanianan ku ta resiklá (lokal i den eksterior) i 5.600 tòn ta almasená ku e meta di resiklahe den futuro.

Di e 129.000 tòn ku ta bai Malpais, un máksimo di 106.000 tòn (82%) ta adekuá pa usa komo kombustibel den un potensial planta pa produsí koriente.

26% di e kantidat di tòn di shushi ku ta bai Malpais ta shushi di kas (no gròf), 23% ta shushi di konstrukshon i 17% ta shushi gròf komersial.

E sobrá 34% ta konsistí di entre otro shushi gròf residensial, shushi komersial (ku no ta gròf). E investigadónan ta premirá un kresementu den e kantidat di shushi produsí den e próksimo 5 añanan komo resultado di un kresementu ekonómiko.

A base di e resultadonan di e investigashon hasí, huntu ku Ministerio di Salubridat,Medio Ambiente i Naturalesa (lesa: gobièrnu) ta bai traha riba un plan nashonal realístiko pa ku maneho di shushi ku tin komo fundeshi un ekonomia sirkular.

Ku e informashon di e resultadonan ta sondiá tambe faktibilidat di diferente método i téknika pa prosesá shushi, entre otro resiklahe i generashon di energia usando shushi komo fuente.

Denter di poko lo sigui pues ku e estudio di faktibilidat pa determiná e mihó forma(nan) pa prosesá shushi riba nos isla.

Konsekutivamente lo hasi e estudio nesesario pa analisá e lokalidat apropiá pa establesé un eventual planta di prosesamentu i/òf di resiklahe teniendo kuenta ku e impaktonan medioambiental di esaki. Komo parti di e totalidat ta bai traha tambe riba e aspekto di konsientisashon di komunidat via di un plan di komunikashon.

09/08/2024

Algun ratu pasa shòfur di un pikòp a keda detené despues ku esaki tabata fuma i dal un opstákulo kantu di kaminda pa despues basha un palu abou.

Esaki a sosodé den Penstraat.

09/08/2024

3 malechor a yega na un Restaurant Chines na Anasaweg na Dominguito ku intenshon pa kometé atrako den e lugá.

Den nan trayekto pa kometé e atrako nan a t**a un dama i a ranka e dama su tas bai kune..

Nan a drenta un SUV kolo skur i kore bai.

Atrako tim ta investigando e kaso aki.

08/08/2024

Bo tabata sa ku nos mulinanan di bientu nobo ta 150 meter haltu? Kemen, KASI mitar di e haltura di nos seru di Kristòfel! Tambe, nan ta mulinanan sabí, programá spesialmente pa reahustá durante eventual mal tempu.

Chèk e siguiente video i siña mas echo interesante tokante nos mulinanan di bientu.

08/08/2024

KOMUNIKADO DI PRENSA

8 ougùstùs 2024

Detenshon pa ladronisia di skuter

Relashoná ku varios kaso di ladronisia di skuter ku a tuma lugá den área di pariba, polis a realisá un detenshon.

Djaweps 8 di ougùstùs 2024, alrededor di 09.55’or, e tim ku ta enkargá ku investigashon di ladronisia di vehíkulo, a hasi detenshon di e hòmber J.M.C.M. di 17 aña di edat nasé na Kòrsou.

Detenshon di e hòmber sospechoso akí a tuma lugá na warda di reshèrshi.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

08/08/2024

𝐌𝐮𝐥𝐢𝐧𝐚𝐧𝐚𝐧 𝐝𝐢 𝐛𝐢𝐞𝐧𝐭𝐮 𝐭𝐚 𝐤𝐮𝐦𝐢𝐧𝐬𝐚́ 𝐧𝐚𝐧 𝐫𝐮𝐦𝐛𝐨 𝐩𝐚 𝐊𝐨𝐫𝐚𝐚𝐥 𝐓𝐚𝐛𝐚𝐤.

Durante di siman lo transportá e mulinanan di bientu entre 9’or pa 11’or di mainta,i entre 2’or i 4:30’or di atardi.
Solamente den wikènt ta transportá e chapaletanan i e orario di transporte ta kambia. Riba djasabra ta transportá solamente entre 6’or te 8’or di mainta i riba djadumingu tin transporte tantu parti mainta di 6’ or pa 8’ or i entre 2’or pa 5’or di atardi.
Durante tur transporte kuerpo polisial lo ta presente pa guia e tráfiko.

Nos ta pidi komunidat pa por fabor trafiká ku koutela den e áreanan entre Nieuwe Haven, Schottegatweg sùit bai ost, Sta. Rosa Weg i Kaminda Hensley Meulens (Weg naar Sta. Catharina) durante e periodo benidero.
Aqualectra, NuCapital, Vestas i Ter Linden ta yama komunidat danki di kurason pa e komprenshon i pasenshi durante e proseso akí.
Realisashon di e proyekto akí ta yuda krea un futuro sostenibel na benefisio di kada siudadano di nos dushi Kòrsou.

08/08/2024

Trabounan di markamentu di kaminda for di Rotònde Hariri (Palu Blanku) te ku Guardian Group

Willemstad – Dia 8 di ougùstùs trabounan di markamentu di kaminda for di Rotònde Hariri (Palu Blanku) te ku Guardian Group ta kuminsá. Trabounan ta tuma lugá den oranan di anochi, esta di 8or di anochi pa 5or di mainta. Kontratista enkargá ta MNO Vervat BV i lo tin un durashon di un luna.

Kasnan i negoshinan riba e kaminda lo keda aksesibel. Tambe, ta importante menshoná ku durante ehekushon di e tipo di trabounan aki, por tin aspektonan ku por pone ku e proyekto ta kana sea mas lihé òf mas poko poko ku a premirá. OW ta hasi lo máksimo pa supervisá ku trabounan ta kana konforme planifikashon.

08/08/2024

Retraso relashoná ku wer ta afektá trabou di kaminda na Kòrsou

Willemstad – Servisio pa Obra Públiko (OW) ta informá ku trabou di kaminda ku ta den proseso i ku ta pendiente pa kuminsá por eksperensia retraso pa motibu di kondishon di wer no faborabel. Temporada di orkan i temporada di áwaseru, den partikular, ta un desafio signifikante pa planifikashon i por afektá e komienso i progreso di proyektonan di mantené i konstruí kaminda.

Trabounan di mantenshon di nos ret di kaya ta esensial. Pero, seguridat di trahadónan i kalidat di e trabou di kaminda ta un prioridat. Wer por afektá material di konstrukshon, stroba operashon di makinaria, i krea kondishon no sigur pa traha, kual ta kondusí na posponé i ahustá e plannan.
Pa ehèmpel, si trabou di kaminda ta programá pa kuminsá riba un fecha partikular, kondishon di wer no faborabel por trese retraso di e kuminsamentu di esaki. OW ta vigilá e pronóstiko di tempu di aserka i lo hasi tur esfuerso pa minimalisá interupshon. Den kaso ku algu tarda mes, OW lo komuniká e skema nobo pronto pa garantisá ku públiko ta informá.
OW ta apresiá e komprenshon i pasenshi di e komunidat ora ku nos ta atendé ku e desafio relashoná ku tempu aki. OW ta keda dediká na mehorá e infrastruktura di Kòrsou manteniendo e seguridat i bienestar di tur e persona envolví.
Pa informashon aktualisá riba trabou di kaminda i posibel tardansa relashoná ku tempu, por fabor sigui kanalnan di media sosial di VVRP.

08/08/2024

https://www.facebook.com/share/F7zzhahDxUzewiVs/?mibextid=oFDknk

07/08/2024

𝐾𝑜𝑚𝑢𝑛𝑖𝑘𝑎𝑑𝑜 𝑑𝑖 𝑃𝑟𝑒𝑛𝑠𝑎
𝐌𝐮𝐥𝐢𝐧𝐚𝐧𝐚𝐧 𝐝𝐢 𝐛𝐢𝐞𝐧𝐭𝐮 𝐭𝐚 𝐤𝐮𝐦𝐢𝐧𝐬𝐚́ 𝐧𝐚𝐧 𝐫𝐮𝐦𝐛𝐨 𝐩𝐚 𝐊𝐨𝐫𝐚𝐚𝐥 𝐓𝐚𝐛𝐚𝐤

Willemstad - Tur trabounan di preparashon ta hasí i tur kos ta kla pa kuminsá hiba e mulinanan di bientu nobo pa nan destinashon final na Koraal Tabak. Manera tabata planeá, e transporte di e promé partinan ta kuminsá djamars awor, 6 di ougùstùs saliendo for di e tereno di Amstel na Nieuwe Haven pa e planta di mulina nobo na Koraal Tabak. NuCapital i Ter Linden lo ta na enkargo pa e transporte akí por kana seif i mas trankil posibel. Riba rekomendashon di Obranan Públiko, e transporte lo tuma lugá pafó di oranan di tráfiko intensivo. Durante di siman lo transportá e mulinanan di bientu entre 9’or pa 11’or di mainta, i entre 2’or i 4:30’or di atardi. Solamente den wikènt ta transportá e chapaletanan i e orario di transporte ta kambia. Riba djasabra ta transportá solamente entre 6’or te 8’or di mainta i riba djadumingu tin transporte tantu parti mainta di 6’ or pa 8’ or i entre 2’or pa 5’or di atardi. Durante tur transporte kuerpo polisial lo ta presente pa guia e tráfiko.

Djasabra último, 3 di ougùstùs a hasi un rekorido di e ruta kompletu huntu ku e trùknan di transporte. E tèst akí a sirbi, pa chèk si tur e kambio i ahustenan ku a keda hasí riba nos kareteranan ta realmente yuda pa e transporte di e mulinanan por sosodé segun plan i ku esaki por tuma lugá seif pa esnan ku ta hasi uso di e kareteranan na momentu ku e transporte mes ta tumando lugá. Por ehèmpel esnan ku ta trafiká riba e rutanan akí por a tuma nota den e último simannan ku a kòrta palu- i takinan ku ta kousa estorbo riba kaya, manda kabelnan di Aqualectra, FLOW i Digicel mas haltu kaminda tabata nesesario i kita ‘vangrail’ temporalmente na algun punto riba e ruta.

Despues di e tèst di djasabra último, a hasi algun èkstra ahuste chikitu manera kita takinan ku ainda tabata forma un estorbo. Tur sobrá ahuste hasí riba e ruta di transporte a mustra di ta bon durante e tèst di djasabra último i esaki ta nifiká un lus bèrdè pa por hiba e mulinanan na nan destinashon final.

Djamars mainta e promé partinan di e mulinanan di bientu lo ta riba nos kareteranan rumbo pa Koraal Tabak i, manera nos a kompartí anteriormente, lo dura masoménos 1 luna pa esakinan por keda transportá kompletu. Pa mas tardá djaweps 29 di ougùstùs, e trabounan di transporte lo mester ta kompletu i trabounan lo kuminsá pa restablesé kambionan ku a keda hasí riba nos kayanan públiko.

Nos ta pidi komunidat pa por fabor trafiká ku koutela den e áreanan entre Nieuwe Haven, Schottegatweg sùit bai ost, Sta. Rosa Weg i Kaminda Hensley Meulens (Weg naar Sta. Catharina) durante e periodo benidero. Aqualectra, NuCapital, Vestas i Ter Linden ta yama komunidat danki di kurason pa e komprenshon i pasenshi durante e proseso akí. Realisashon di e proyekto akí ta yuda krea un futuro sostenibel na benefisio di kada siudadano di nos dushi Kòrsou.

- Final di komunikado -

06/08/2024

KOMUNIKADO DI PRENSA

5 ougùstùs 2024

Kaso di tiramentu ku morto

Djaluna 5 di ougùstùs 2024 alrededor di 16.40’or, Sentral di Polis a risibí informashon di un kaso di tiramentu ku a tuma lugá na Elmesstraat.

Na yegada di un unidat polisial el a t**a ku un hòmber den un vehíkulo sintá i no tabata duna señal di bida.
For di investigashon preliminar a sali na kla ku deskonosí a pasa den un vehíkulo den e kaya
ariba menshoná i a lòs algun tiru dirigí riba e víktima.

E víktima a risibí bala na e parti ariba di su kurpa.
Ambulans a yega rápido na e sitio pero no por a hasi nada mas pa e víktima.

Alrededor di 18.30 dòkter di Polis a konstatá morto.
Polis a konfiská e vehíkulo, algun kashi di bala i riba òrdu di fiskal di Ministerio Pùbliko a konfiská e kurpa pa mas investigashon.

Kousa di e tiramentu no ta konosí i investigashon den e kaso aki ta kontinuá.

03/08/2024

KOMUNIKADO DI PRENSA

2 ougùstùs 2024

Detenshon relashoná ku maltrato

Djaweps 1 di ougùstùs 2024 alrededor di 23.19’or, Sentral di polis a dirigí un unidat polisial pa Simon Stevin straat pa un kaso di maltrato.

For di investigashon preliminar ku polis a hasi na e sitio a sali na kla ku un hòmber a maltrata su pareha.
Na e sitio polis a detené e sospechoso J.V.D.M. nasé na Kòrsou di 38 aña di edat, enkonekshon ku maltrato ariba menshoná.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

02/08/2024

Yegada di e mulinanan di bientu na Kòrsou tabata un momentu impreshonante. Despues di simannan largu di preparashon intenso ku a enserá kambionan temporal riba nos kareteranan, porfin nos por a risibí e mulinanan di bientu.

Entretantu nos ta trahando duru pa kumpli ku e trámitenan di transporte. Nos ta yama danki na abo ku a bin ta koperá di un manera òf otro pa huntu nos realisá un futuro sostenibel.

02/08/2024

𝐸𝑛𝑡𝑟𝑎𝑛𝑡𝑒 9 𝑑𝑖 𝑑𝑒𝑠𝑒̀𝑚𝑏𝑒𝑟
𝐀𝐳𝐮𝐥 𝐭𝐚 𝐝𝐨̀𝐛𝐞𝐥 𝐟𝐫𝐞𝐤𝐮𝐞𝐧𝐬𝐢𝐚 𝐝𝐢 𝐛𝐮𝐞𝐥𝐨𝐧𝐚𝐧 𝐩𝐚 𝐊𝐨̀𝐫𝐬𝐨𝐮 𝐢 𝐭𝐚 𝐚𝐧̃𝐚𝐝𝐢́ 𝐤𝐨𝐧𝐞𝐤𝐬𝐡𝐨𝐧 𝐧𝐨𝐛𝐨 𝐩𝐚 𝐅𝐨𝐫𝐭 𝐋𝐚𝐮𝐝𝐞𝐫𝐝𝐚𝐥𝐞 𝟗 𝐝𝐢 𝐝𝐞𝐬𝐞̀𝐦𝐛𝐞𝐫

Ofisina di Turismo di Kòrsou (CTB) ku sumo plaser ta informá ku e aerolínea Azul a anunsiá ku entrante 9 di desèmber próksimo nan lo dòbel e kantidat di buelonan entre Belo Horizonte, Brazil i Kòrsou yegando na un total di 4 buelo pa siman. Ademas Azul a inkluí un konekshon nobo saliendo for di Kòrsou pa Fort Lauderdale, Florida, di e manera aki introdusiendo un ruta nobo pa Kòrsou. E konekshon nobo, Kòrsou – Fort Lauderdale ta brinda e posibilidat pa Kòrsou risibí mas turista for di e área ei i na mes momentu e ta nifiká mas opshon di biahe pa nos pueblo lokal. E buelonan di Azul lo ta riba djaluna, djárason, djabièrnè i djasabra.

Aña pasá yüni, e aerolínea Azul a inisiá ku e ruta entre Belo Horizonte i Kòrsou ku un frekuensia di un buelo pa siman. Den ménos ku 1 aña a oumentá esaki na dos buelo pa siman i awor a drenta e bon notisia ku lo bolbe dòbel e kantidat di buelonan pa yega na un total di 4 buelo semanal. Azul a indiká ku e oumento aki ta komo resultado di e demanda kresiente for di Brazil pa Kòrsou i e bon relashon ku e aerolínea tin ku Ministerio di Desaroyo Ekonómiko di Kòrsou i CTB. Esaki ta tambe un logro di e trabou konhunto di CTB, Curaçao Airport Partners (CAP), Curaçao Airport Holding (CAH) i Curaçao Hospitality & Tourism Association (CHATA).

Sr. César Grandolfo, Institutional Relations Manager na Azul a indiká ku e oumentu ta resultado di demanda fuerte. “Kòrsou ya kaba ta un destinashon pa vakashon hopi deseá; ta un isla ku un klima agradabel i ku por keda bish*tá kualkier momentu di aña. Awor, nos lo inkluí adishonalmente un konekshon na e buelo, permitiendo por ehèmpel, turistanan pa bish*tá Kòrsou i despues bai shòp na Fort Lauderdale hasiendo uso di e mesun ticket”.

Di akuerdo ku Minister di Desaroyo Ekonómiko, sr. Ruisandro Cijntje, “Nos ta masha satisfecho ku e oumento den frekuensia di e buelo di Azul entre Belo Horizonte i Willemstad, Kòrsou. Ainda mas, den un aña ku nos ta surpasando tur nos metanan pa loke ta trata kantidat di turista di estadia for di Brazil. Kòrsou lo ta brasa habrí pa sigui risibí mas brasilero”.

E buelonan nobo ya kaba ta disponibel via di wèpsait di Azul i agensianan di biahe. CTB ta sigui den estrecho kolaborashon ku aerolíneanan, partnernan di sektor públiko i privá ku e esfuersonan pa risibí mas bish*tante i kompartí e bunitesa di nos pais.

02/08/2024

Tabata 29 yüli 1984 ku 2 persona a sekuestrá e un avion di Aeropostal ku tabatin ruta Caracas-Kòrsou. Riba e avion tabatin 87 persona.

E avion a kore ruta Trinidad & Tobago, Aruba i Kòrsou.

Un operashon rápido despues di 38 ora, a kaba ku e sekuestro aki.

E avion buelo 252 a sali aeropuerto internashonal di Maiquetia 1:34 di atardi. E hòmbernan Dominique Hilertant ( haitiano) i Segundo Félix Castillo ( dominikano) a tuma kòntròl di e avion. E hòmbernan a konosé otro den prizòn i nan meta final tabata pa haña arma i sèn pa asina nan por bai yuda ku un gòlpi di estado na Haiti.

Nan idea inisial tabata pa baha na isla di Margarita pero despues a kambia di idea i nan a bai rumbo Trinidad & Tobago.

E demandanan ku nan a pidi tabata entre otro entre 2 pa 5 mion dòler, helikòpter pa nan skapa i arma.

Mirando ku e gobièrnu di Trinidad & Tobago no kier a negosha ku nan, nan a obligá e piloto bai Aruba.

A purba di negosha ku e hòmbernan, pero no a duna fruta i asina nan a yega Kòrsou.

Despues di 38 ora di bai bini ku e negosashon, nan a laga algun rehen bai. Asta tabatin un argentino riba e avion ku a negosha pa nan haña 6 mion dòler a kambio di su señora ku tabata na barika. Na final nan a laga e hòmber bai i e dama mes a keda riba avion.

Asta a purba pa yama kasa di un dje sospechosonan pa papia ku nan, pa asina nan entrega nan mes.

Tabatin un stewardes na barika ku a hasi trámite pa e baha. Esaki a logra tambe pero e dama a bin pèrdè su yu despues di e tenshonnan ku el a pasa.

E promé minister Don Martina e tempu ei a disidí pa duna ok pa polisnan atendé ku man duru i salba e pasaheronan.

Tabatin menasa pisa pa si nan no duna loke nan ta pidi, nan lo bula e avion.

Un tékniko di ALM a asta kita algun fushon di e avion pa asina evitá ku e avion lanta buelo atrobe.

Den oranan di mardugá a paga tur lus i un grupo di 12 venezolano a kuminsá prepará nan operativo pa subi e avion.

Hilertant ku a tuma nota di esaki, a kuminsá basha gasolin den e avion.

Den e operashon, ora e agentenan a drenta e avion, nan a t**a ku Segundo Félix Castillo promé. E tabatin arma i un bòm di man riba dje. Ora a lòs bala dirigí riba dje, esaki a keda heridá i no a muri mesora.

El a logra di yama Dominique Hilertant ku a sali for di e kabina ku arma i bòm di man. Un franko tiradó a lòs un tiru i esaki a kue nèt bou su wowo i el a fayesé.

Segundo ku a keda heridá, a logra di kue un dama i un mucha pa e por skonde nan tras. Un agente a logra bula pa salba e 2 hendenan i aki nan, nan por a tira i mata Dominique.

E rehennan a keda liberá i algun mester a bai hospital SEHOS pa risibí tratamentu médiko pa sea kansansio of herida leve.

Di e manera aki, a marka 40 aña ku a kaba ku un sekuestro di avion ku a tuma lugá na Kòrsou.

02/08/2024

*BREAKING NEWS*
UP Party Member of Parliament Akeem Arrindell was officially arrested this afternoon. As the investigation continues in the vote buying case.

*721news*

01/08/2024

ASPIRANTENAN DI KONINKLIJKE MARECHAUSSEE A HURAMENTA

Kralendijk, – Djárason, 31 di yüli último, 13 aspirante di Koninklijke Marechaussee, den presensia di e Komandante di brigada Carib, lùitenant-kolonèl Gerhard Smit, e direktor di Rijksdienst Caribisch Nederland, Sr. Tim Muller, e Adjudante di brigada Carib, adjudante Diane Steenvoorden i algun kolega, a huramentá.

Ku esaki a nombra e aspirantenan ofisialmente komo ámtenar di Rijksdienst Caribisch Nederland i komo Amtenar di reshèrshi Ekstraordinario di Koninklijke Marechaussee. A klousurá e okashon spesial aki ku un enkuentro informal kaminda presentenan por a felisitá e aspirantenan i kombersá ku otro den un ambiente ameno miéntras nan por a disfrutá di algu di kome i bebe.

Despues di un fakansi bon meresí e aspirantenan lo kontinuá nan estudio na Boneiru.

29/07/2024

Despues di dos siman, ainda e ganado di e premio miyonario di Lotto 5, gana na Noord, no a reclama su premio. Ta di dos biaha cu premio ta keda aden sin cu e ganado ta reclam’e. E tin un total di 90 dia pa cobra su premio, sino Lotto Aruba mester bolbe rifa e suma di nobo!

Tin un miyonario canando rond y e no sa ainda. Por lo menos esey por ta e caso, pasobra ainda e no a bay reclama su premio. Tabata diasabra, 13 di juli ultimo cu un acumulacion di 1.650.000 florin y cu e numbernan 08, 15, 25, 27 y 30 cu e sorteo a conoce un […]

28/07/2024

Kòrsou ta bira miembro asosiá di CARICOM | 28-07-2024

Tópiko: Kòrsou ta bira miembro asosiá di CARICOM | 28-07-2024

26/07/2024

KOMUNIKADO DI PRENSA

26 yüli 2024

Kontròl di tráfiko

Djaweps 25 di yüli 2024, personal di UST a tene un kontròl general di tráfiko i dirigí riba pasamentu den lus kòrá, den oranan di atardi riba Winston Churchillweg krusadá F.D. Rooseveltweg.
A kontrolá 30 vehíkulo i a repartí un total di 24 prosès verbal di kual 17 tabata pa pasamentu den lus kòrá.

Mas aleu a repartí prosès verbal pa e siguiente infrakshonnan akí tambe.

Manehá un vehíkulo sin:
✅Reibeweis;
✅Karchi di kùr bálido;
✅Seguro bálido;
✅Impuesto pagá.

Manehá un vehíkulo :
✅Ku winshil di plak.

E kontròlnan aki ta kontinuá.

26/07/2024

KOMUNIKADO DI PRENSA

26 yüli 2024

Detenshon relashoná ku atrako

Relashoná ku un atrako ku a tuma lugá dia 13 di yanüari 2024 den área di Bapor Kibra, djabièrnè 26 di yüli 2024 alrededor di 09.15’or, reshèrshi a hasi un detenshon.
Ta trata di e hòmber A.W.P.C. di 17 aña di edat nasé na Kòrsou.
Detenshon di e hòmber akí a tuma lugá na warda di reshèrshi.

No ta eskluí ku lo bai tin mas detenshon den e kaso akí.

A presentá e sospechoso dilanti di un fiskal ouksliliar ku a ordená su enkarselamentu pendiente di mas investigashon.

24/07/2024

23 di yüli 2024 Komunikado di prensa Wardakosta di Karibe.

Den ora nan di mèrdia di djamars 23 di yüli, Sentro Marítimo Operashonal di Wardakosta (MOC) a risibí un mensahe for di un boto na Klein Kòrsou pidiendo asistensia médiko. Ta trata di un turista sürnameño hende muhé di 49 aña di edat ku a sinti doló na su pechu. Personal di MOC a komuniká ku e dòkter di CITRO pa splika e situashon. E dòkter di CITRO a sugerí pa transportá e persona inmediatamente pa risibí tratamentu médiko na CMC. Mes ora a manda e helikòpter di Wardakosta den direkshon di Klein Kòrsou, pa hiba e señora HATO. Personal di ambulans tabata presente pa transportá e persona pa e risibí tratamentu médiko na CMC.

08/08/2023

Unidat di Brantwer Mundu Nobo awe mainta a bai na Royal Marine Piscadera na momentu ku a risibí notifikashon ku tin un bola basta grandi di shushi na kandela. pagadó nan di kandela a hasi e trabounan nesesario pa paga esaki. A hasi uso di un "bobcat" tambe pa plama e shushinan pa por a paga e kandela mas lihé.

03/08/2023

Ta drecha lusnan di tráfiko na krusada Schottegatweg Noord / Suffisantweg.

Servisio pa Obra Públiko (OW) ta anunsia ku entrante djabièrnè 4 di ougùstùs lo laga drecha e lusnan di tráfiko na krusada Schottegatweg Noord / Suffisantweg.
Trabounan ta kuminsa for di 8.30 di mainta. Ta spera ku e lusnan lo ta bèk den funshon pa otro siman diarason 8 di ougùstùs.

Na momentu ku ta trahando na e lusnan aki, e lusnan di tráfiko na alturá di Schottegatweg Noord/WinstonChurchillweg tambe ta kai afo, debí ku nan ta sinkronisá ku e lusnan na krusada ku Suffisantweg.

Kontratista DCG-SERVICES ta ehersé e trabounan aki.
Outo a dal den e poste i esaki a skùr.

OW ta pidi tur outomobilista pa kore ku èkstra koutela na e krusadanan aki, mientras ku ta laga drecha e lusnan di tráfiko.