SinTabú Podcast

09/07/2023

Ban kombersá . Un podcast dimi, ku abo, pa nos❗️https://youtu.be/VoWiL8RsUGI

Pa nos lastu episodio SinTabú a kombersá ku dos persona tokante nan eksperensia enkuanto LGBTQ+. Kiko LGBTQ+ ta para pe i kiko ta e retonan ku e personanan ...

07/07/2023

Sintonisá SinTabú Djadumingo 09-07-2023 ku nos invitadonan Farah Ayoubi i Harley Offerman❗️
***an

05/07/2023

Si ayera mi a sintimi 'okay' ku mi bida, no nesesariamente awe tambe mester ta asina. Sinti emoshonan inkómodo, pa kualke motibu tambe ta parti di bida. Importante ta kon pa rekonosé i papia tokante esaki i tuma responsabildat propio pa bo salú mental prome ku ta lat ❗
Strès por wordu rekonosé dor di síntomanan físiko, emoshonal i/òf kambio den komportashon. Por ehempel dolor di kabes/migraine, walmentu di stoma, menstruashon iregular, impotensia, problema ku konsentrashon, preokupashon, kambio den apetit (hopi òf tiki), bebe alkohòl òf huma mas ku nòrmal. Tin hopi manera pa dil ku strès dependiendo di e síntomanan. Mayoria biaha ta wordu rekomendá pa hasi ehersisio òf aktividat ku ta relahá 🧘🏽‍♀️
Ansiedat por wordu desaroyá dor di diferente faktor, manera por ehempel genetika, edukashon na kas òf trouma. Síntoma di ansiedat por ta batimentu di kurason eksesivo, bo ta sintibo anshá i/òf te asta bo por desmayá na e momentu ku bo wordu konfrontá ku un situashon ku ta triger e ansiedat. Pa dil (bo mes) ku ansiedat ta importante, banda di tin un bida saludabel (drumi i move sufisiente, kome na ora i no huza alkohòl i/òf droga) pa fókùs riba bo pensamentunan ireal i krea ‘helpende gedachten’ ✍🏽
Si bo tin falta di interes den mayoria kos durante di dia, bo no tin energia, ta pensa konstantemente riba morto, tin problema ku alimentashon i/òf drumimentu kisas ta bon pa aserka un profeshonal pa analisá si tin kuestion di un depreshon. Strukturá bo dia i purba ta aktivo por yuda pa dil ku depreshon ❗
***an

04/07/2023

Ban kombersá ❗️No tin un término general ofisial ku ta wordu husá pa e personanan ku riba e tereno di orientashon seksual, gender, sekso òf preferensia romántiko ta identifiká nan mes otro for di heteroseksual. Pa e episodio aki nos a hasi uso di e término general LGBTQ+ 🏳️‍🌈
***an

03/07/2023

Tur hende a yega di sinti nan mes su so❗️Pero kiko ta soledat presis? 🤔
Soledat ta na e momentu ku bo no ta sinti bo mes konektá ku otro. Bo ta eksperensiá falta di tin un relashon emoshonal estrecho ku otronan òf bo tin menos relashon sosial ku bo ta desea😞
Soledat por wordu desaroyá tambe dor di biba den pobresa, tin un malesa króniko i/òf un otro preferensia seksual 😥
Soledat por kana huntu ku tristesa, miedu i/òf sentimentu di tin un bida bashí i sin sentido. E persona ku ta sufri di soledat tambe por eksperensiá problemanan síkiko i físiko 🥺
E ta un eksperensia personal! Tin personanan ku por ehempel tin mester mas relashon signifikante i/òf un reda sosial mas grandi den nan bida pa no sufri di soledat. Otronan ta kontentu ku un kren chiki 😁
***an

25/06/2023

Ban kombersá . Un podcast dimi, ku abo, pa nos ❗️https://youtu.be/u4a_Ed7UKQs

SinTabú a para ketu e siman aki na kiko ta e diferensia entre salú mental i un trastorno mental. Kon un trastorno mental ta wordu diagnostiká i kon esaki ta ...

22/06/2023

Sintonisá SinTabú Djadumingo 25-06-2023 ku nos invitado Ranouska Bekker❗️
***an

21/06/2023

Tin sufisiente persona ku ta sufri di depreshon sin ku esaki ta visibel pa otro. E persona tristu no nesesariamente tin depreshon i e persona kontentu no nesesariamente no ta sufri di depreshon ❗️

Un trastorno di alimentashon tin di haber ku e relashon ku e persona tin ku kuminda i ta bin dilanti serka personanan di tur ‘size’. Pues e trastorno no ta bisa nada tokante kon ‘flaku’ bo ta ☝🏽

Apesar ku konsumo di alkohòl ta ferdof e seleber i por lagabo sinti relahá, esaki no ta yuda kontrola e trastorno di ansiedat. Alkontrario, uso di alkohòl ta intensifiká e trastorno 🧏🏼‍♀️

Síntomanan komun di skitsofrenia ta alusinashon, ilushon, desorganisashon kognitivo i desbalansa emoshonal i di komportashon. Aunke un persona ku skitsofrenia por komportá impredisibel, mayoria no ta agresivo/violento. Personanan ku e trastorno aki ta mas bien víktima di agreshon. Nan tin mas e tendensia di hasi nan mes daño i no otro ❗️
***an

21/06/2023

Komportashon ta MAS ku loke nos ta mira ❗️
***an

19/06/2023

Komportashon ta MAS ku loke nos ta mira❗️
***an

14/06/2023

Episode 06 online on Spotify ❗️

SinTabú a duna oportunidat na John Pieters i Alvin Leal pa konta nan eksperensiá di bida tokante adikshon. Pues un episodio pa informá i motivá abo! Korda ku loke ta Tabú pa Ami, no nesesariamente ta Tabú pa Abo !

13/06/2023

Hopi biaha komo hende nos ta kla pa kondená e persona ku a kometé un fayo of ku tin un komportashon desviante sin por kompronde kiko tin tras di e fayo i/òf komportashon ei❗️
John a tuma e kurashi pa papia tokante su adikshon pa inspirá abo ku e kaminda por ta difísil pero noopstante e situashon keda pusha🙏🏾
Skucha John su eksperensia den episodio 6 i ban dune un man ku su soño 👏🏽 Whatsapp 6826819
Bel 6720575
***an

11/06/2023

Ban kombersá . Un podcast dimi, ku abo, pa nos ❗️https://youtu.be/7AYY4FHjV3E

SinTabú a duna oportunidat na John Pieters i Alvin Leal pa konta nan eksperensiá di bida tokante adikshon. Pues un episodio pa informá i motivá abo! Korda ku...

09/06/2023

Sintonisá SinTabú Djadumingo 11-06-2023 ku nos invitadonan John Pieters i Alvin Leal ❗️
***an

08/06/2023

Komportashon ta MAS ku loke nos ta mira ❗️
***an

06/06/2023

Follow nos riba nos plataformanan di social media.

Ban kombersa . Un podcast dimi, ku abo, pa nos!

06/06/2023

E proseso di rehabilitashon durante un adikshon ta wordu eksperensiá komo unu intensivo i ku hopi reto. Importante pa e persona adikto i su famia ta pa no ferwagt ku e proseso aki lo kana perfekto, pero si selebrá kada progreso ❗️
***an

01/06/2023

https://podcasters.spotify.com/pod/show/vpiersma/episodes/SinTab-05-Hopi-hende-ta-pensa-ku-nan-a-kura-ku-Verda-Betrian-e2505nj

E siman aki SinTabú huntu ku Verda Betrian lo para ketu riba kiko presis ta adikshon i riba kiko tur un persona por desaroyá esaki. Un episodio pa siñalá i informá abo. Korda ku loke ta Tabú pa Ami, no nesesariamente ta Tabú pa Abo !

31/05/2023

Influensha vs Eskoho 👂

28/05/2023

Ban kombersá . Un podcast dimi, ku abo, pa nos ❗️https://youtu.be/2vBaTi3bmW4

E siman aki SinTabú huntu ku Verda Betrian lo para ketu riba kiko presis ta adikshon i riba kiko tur un persona por desaroyá esaki. Un episodio pa siñalá i i...

25/05/2023

Sintonisá SinTabú Djadumingo 28-05-2023 ku nos invitado Verda Betrian❗️
***an

25/05/2023

Prome ku bo bira adikto na un supstansia i/òf kustumber bo ta pasa dor di diferente fase. Fase 1 ta na e momento ku dor di kuriosidat bo ta bai sera konosí ku un of otro supstansia i/òf kustumber. E uzo/kustumber ta eksperimental i temporal 🚬🎮⤵️

Ora efekto di e eksperensia resultá positivo por pasa ku bo ta bai huza/komportá mas tantu pa plaser. Den fase 2, sosial/rekreativo bo ta konsiente di e risikonan i e uzo/komportashon ta den un forma insidental i kontrolá 💃🕺⤵️

Bo ta huza pa bo plaser pero si tur wikènt?! Bo ta sinti falta di e uzo/kustumber ora bo falta un wikènt? E ora ei bo uzo a bira ku regularidat ⚠️⤵️

Den fase 4 e uzo/kustumber ta bira ku mas regularidat i tin influensia negativo riba diferente área di bo bida. Por ehempel bo no por lanta mahinta pa bai trabou/skol òf bo ta hañabo ku problema finansiero. E uzo/kustumber ta bira problematiko tambe ora ku bo tin mester di dje pa dil ku sintimentunan desagradabel i/òf problemanan den bo bida 😞⤵️

Nos ta papia di adikshon na e momentu ku bo ta pensa konstantemente riba e uzo/kustumber, bo tin mester di dje konstantemente pa skapa di bo realidat di bida i bo no por stop ku e uzo/kustumber. Pues bo no tin kontrol di e uzo/kustumber 🚬🎮❌

Abo ta den un di e fasenan aki i bo mester di yudansa? Tuma kontakto ku bo dòkter di kas òf FMA❗️
***an

22/05/2023

Like i suskribí na nos pagina di Youtube ❗️

SinTabú ta un podcast edukativo na Papiamentu tokante Tabú den e sektor di Kuido i Bienestar na Korsou, host dor di Vivianne Piersma. Vivianne ta un profesho...

14/05/2023

Ban kombersá . Un podcast dimi, ku abo, pa nos ❗️https://youtu.be/lBX3r_3dXm4

E siman aki den SinTabú nos ta para ketu riba tabú tokante problema/trastorno di kondukta i su posibel konsekuensia pa e hóben riba e área hudisial. Nos tin ...

11/05/2023

Djadumingo 14-05-2023 SinTabú huntu ku Viandrelica Narcisio lo elaborá tokante kriminalidat bou di nos hóbennan i Jermaïn Bicentini lo kompartí su eksperensia tokante e tema aki. Suskribí riba nos pagina di youtube pa keda na altura di tur episodio❗️
***an

10/05/2023

Bo tabata sa ku un hóben ku kai for di enseñansa ta kore un rísiko mas grandi pa kai den kriminalidat ⁉️
Nos enseñansa ta sufisientemente ekipá pa dil ku mucha/hóbennan ku un komportashon desviante ❓
Si akaso mes e mucha/hóben kai for di e sistema, kon fasil ta pa e bolbe wòrdu aseptá den enseñansa❓
***an

02/05/2023

Na e momentu ku un dosente siñalá komportashon desviante serka e alumno e dosente mes ta purba yuda e alumno i mayornan dil ku e komportashon. Esaki ta wordu yamá zorglijn 1 👩🏽‍💻⤵️
Ta pasa pa zorglijn 2 ➡️Tim di kuido, na e momentu ku e dosente a purba su máksimo i esaki no a duna e resultado deseá. E tim di kuido ta konsistí di por ehempel Kabes di skol, Remedial Teacher, Intern Begeleider i/òf Trahado Sosial 👩🏽‍🏫👨🏼‍🏫⤵️
Ora ku e tim di kuido konkluí ku nan yudansa no a yuda e alumno su desaroyo sufisiente ta pasa pa zorglijn 3, ku ta enserá ayudo di profeshonal(nan) eksterno di skol❗️
***an

01/05/2023

Ban kombersá . Un podcast dimi, ku abo, pa nos ❗️Episode #03 on Spotify...Follow nos pagina.

Listen to SinTabú on Spotify. SinTabú ta un podcast edukativo na Papiamentu tokante Tabú den e sektor di Kuido i Bienestar na Korsou, host dor di Vivianne Piersma. Vivianne ta un profeshonal laborando den e sektor i tin un master degree den Clinical Child, Family and Education. SinTabú ke siñal...

30/04/2023

Ban kombersá . Un podcast dimi, ku abo, pa nos ❗️https://youtu.be/418f9a6wjKo

E siman aki den SinTabú nos lo elaborá tokante tabú riba problema/trastorno di kondukta serka mucha den enseñansa. Dosentenan lo kompartí nan eksperensia i d...

28/04/2023

Djadumingo 30-04-2023 SinTabú huntu ku Samantha Tyrol i Kristeny Vijent lo elaborá tokante tabú riba problema/trastorno di kondukta serka mucha i enseñansa. Suskribí riba nos pagina di youtube pa keda na altura di tur episodio❗️
***an

26/04/2023

No ta importá abilidat di e alumno ❗️
***an