22/04/2024
Congosa fit only delay but do how do how e must reach Congosa house 👌👌👌
Mami Fine chair shidone , tori de 👌
Them say foul di comot inside egg but fowl no fit ever enter back inside egg . Na ontop this big pa talk wehh I di bring wuna tori today from mile 6 nkwen Bamenda 👌👌👌
This padimam for photo na student for university for Bamenda for faculty of economics but na digital worker by profession 🤣🤣🤣🤣
E want be for Thursday, this padiman be de compound with yi reme wehh reme no know say padiman di calculate yi beans inside high ray . Reme be get church program that Thursday so e want be evening reme comot go wash for go church 👌👌
As reme comot go wash , padimam remain for back set kanas for up . Reme turn back for bath room enter yi room for robe skin , as reme bend down, signal show , padiman just jump enter ,reme here na as trong kanas nack yi makandi 😳😳😳
Reme shout Jesus ! Say waiti be this ? Padiman struggle for hold reme , reme no hear , guy want discuss reme , reme daso shout na shout. One time neighbors run enter. Na so them catch padiman beatam fine before call kamambru them
This padimam na machine man wehh town know yi fine , guy get j*p (motor) and di ever control high levu nga them . As this mater happen so , pipo just conclude one time say guy be want fulfill condition 😔😔😔
Why youths get too much pressure for make money so ??
Moral lesson: reduce ya appetite for money and hustle normally. Make ya age mate yi sudden progress no make you feel like you lazy ,no. No follow competition. Bit by bit you go mekam genuinely and you go enjoy with cool head 👌👌👌
