PN TV

04/10/2024

04/10/2024

ਕੈਨੇਡਾ ਦੇ ਲੋਕਾਂ 'ਚ ਲਗਾਤਾਰ ਘੱਟ ਰਹੀ ਹੈ ਬੱਚੇ ਪੈਦਾ ਕਰਨ ਦੀ ਰੁਚੀ
👉ਪ੍ਰਤੀ ਮਾਂ ਬੱਚੇ ਪੈਦਾ ਕਰਨ ਦੀ ਦਰ ਹੁਣ 1.26 ਭਾਵ ਸਭ ਤੋਂ ਹੇਠਲੇ 'ਤੇ ਪੱਜ ਗਈ ਹੈ
ਟੋਰਾਂਟੋ (PN MEDIA)- ਪਿੱਛਲੇ ਤਿੰਨ ਸਾਲਾਂ 'ਚ ਕੈਨੇਡੀਅਨ ਲੋਕਾਂ 'ਚ ਬੱਚੇ ਪੈਦਾ ਕਰਨ ਦੀ ਰੁਚੀ ਘਟਦੀ ਜਾ ਰਹੀ ਹੈ । ਦੱਸਣਯੋਗ ਹੈ ਕਿ 2023 'ਚ ਕੈਨੇਡਾ 'ਚ ਬੱਚੇ ਪੈਦਾ ਹੋਣ ਦੀ ਦਰ ਘੱਟ ਕਿ 1.26 ਪ੍ਰਤੀ ਔਰਤ ਪੁੱਜ ਗਈ ਹੈ ਜੋ ਕਿ ਹੁਣ ਦੀ ਤੱਕ ਦੀ ਸਭ ਤੋਂ ਘੱਟ ਦਰ ਹੈ । 2022 'ਚ ਇਹ ਦਰ 1.33 ਅਤੇ 2021 'ਚ ਇਹੀ ਦਰ 1.43 ਸੀ । ਆਰਥਿਕ ਅਸਥਿਰਤਾ, ਮਹਿੰਗਾਈ, ਬਦਲ ਰਿਹਾ ਜੀਵਨ -ਜਾਚ , ਕੰਮਾਂ ਕਾਰਾਂ ਦਾ ਅਸਰ ਮੁੱਖ ਕਾਰਨ ਬਣੇ ਹਨ।
ਕਰੋਨਾ ਦੌਰਾਨ ਲੋਕਾਂ ਦੀ ਮਾਨਸਿਕਤਾ 'ਤੇ ਪਿਆ ਡੂੰਘਾ ਨਾਂਹ ਪੱਖੀ ਅਸਰ ਪਿਆ ਹੈ । ਜਾਣਕਾਰੀ ਅਨੁਸਾਰ ਵਧੇ ਹੋਏ ਖਰਚਿਆਂ ਕਾਰਨ ਕਈ
ਲੋਕ (ਪੰਜਾਬੀ ਨਹੀਂ) ਬੱਚਿਆਂ ਦਾ ਬੋਝ ਮੰਨ ਕਿ ਇਸ ਤੋਂ ਦੂਰੀ ਬਣਾ ਰਹੇ ਹਨ ।
(ਗੁਰਮੁੱਖ ਸਿੰਘ ਬਾਰੀਆ)

04/10/2024

ਯਾਤਰੀਆਂ ਨੂੰ ਉਡਾਣਾ 'ਚ ਦੇਰੀ ਬਦਲੇ ਮੁਆਵਜ਼ਾ ਦੇਣ ਵਾਲੇ ਫੈਸਲੇ
ਖਿਲਾਫ ਏਅਰਲਾਈਨਾਂ ਦੀ ਪਟੀਸ਼ਨ ਰੱਦ
👉ਅਦਾਲਤ ਨੇ ਕਿਹਾ ਬਣਦੀ ਜਿੰਮੇਵਾਰੀ ਲਈ ਦੇਣਾ ਪਵੇਗਾ ਮੁਆਵਜ਼ਾ

ਟੋਰਾਂਟੋ (PN MEDIA) - ਕੈਨੇਡਾ ਦੀ ਸੁਪਰੀਮ ਕੋਰਟ ਵੱਲੋਂ ਕੈਨੇਡੀਅਨ ਏਅਰਲਾਈਨਾਂ ਦੀ ਫੈਡਰਲ ਸਰਕਾਰ ਦੇ ਉਸ ਫੈਸਲੇ ਖਿਲਾਫ ਪਾਈ ਗਈ ਪਟੀਸ਼ਨ ਨੂੰ ਰੱਦ ਕਰ ਦਿੱਤਾ ਹੈ ਜਿਸ ਵਿੱਚ ਫੈਡਰਲ ਸਰਕਾਰ ਵੱਲੋਂ ਏਅਰਲਾਈਨਾਂ ਨੂੰ ਉਡਾਣਾ 'ਚ ਦੇਰੀ ਹੋਣ ਕਾਰਨ ਯਾਤਰੀਆਂ ਨੂੰ ਬਣਦਾ ਮੁਆਵਜ਼ਾ ਦੇਣ ਦੇ ਆਦੇਸ਼ ਦਿੱਤੇ ਸਨ ।
ਦੱਸਣਯੋਗ ਹੈ ਕਿ ਕੈਨੇਡੀਅਨ ਦੀ ਪ੍ਰਤੀਨਿਧਤਾ ੜ ਕਰਨ ਵਾਲੀ ਸੰਸਥਾ ਇੰਟਰਨੈਸ਼ਨਲ ਏਅਰ ਟਰਾਂਸਪੋਰਟ ਐਸੋਸੀਏਸ਼ਨ ਵੱਲੋਂ ਫੈਡਰਲ ਸਰਕਾਰ ਦੇ ਫੈਸਲੇ ਖਿਲਾਫ ਇੱਕ ਪਟੀਸ਼ਨ ਦਾਇਰ ਕਰਦਿਆਂ ਇਸ ਗੱਲ ਦਾ ਵੇਰਵਾ ਦਿੱਤਾ ਸੀ ਕਿ ਸਰਕਾਰ ਇਹ ਆਦੇਸ਼ ਕੈਨੇਡਾ ਵੱਲੋਂ 2001 'ਚ ਹਸਤਾਖਰ ਕੀਤੀ ਗਈ ਮਾਂਟਰੀਅਲ ਕਨਵੈਂਸ਼ਨ ਦੇ ਵਿਰੁੱਧ ਹੈ।
ਫੈਡਰਲ ਸਰਕਾਰ ਵੱਲੋਂ 2019 ਵਿੱਚ ਇੱਕ ਨਵਾਂ ਨਿਯਮ ਲਾਗੂ ਕਰਦਿਆਂ ਕੈਨੇਡਾ ਦੀਆਂ ਏਅਰ ਲਾਈਨਾਂ ਨੂੰ ਆਦੇਸ਼ ਦਿੱਤਾ ਸੀ ਕਿ ਉਹ ਉਡਾਣਾ 'ਚ ਹੋਈ ਦੇਰੀ ਕਾਰਨ ਯਾਤਰੀਆਂ ਨੂੰ ਹੋਣ ਵਾਲੀ ਪਰੇਸ਼ਾਨੀ ਬਦਲੇ ਬਣਦਾ ਮੁਆਵਜਾ ਦੇਣ।
ਅੱਜ ਕੈਨੇਡਾ ਦੀ ਸੁਪਰੀਮ ਕੋਰਟ ਵੱਲੋਂ ਫੈਸਲਾ ਸੁਣਾਇਆ ਗਿਆ ਹੈ ਕਿ ਏਅਰਲਾਈਨਾਂ ਉਡਾਣਾ 'ਚ ਹੁੰਦੀ ਉਸ ਦੇਰੀ ਲਈ ਯਾਤਰੀਆਂ ਨੂੰ ਮੁਆਜਾ ਦੇਣ ਜਿਸ ਦੇਰੀ ਲਈ ਉਹ ਸਿੱਧੇ ਤੌਰ ਤੇ ਜਿੰਮੇਵਾਰ ਹੋਣ। ਪਰ ਨਾਲ ਹੀ ਇਹ ਵੀ ਕਿਹਾ ਹੈ ਕਿ ਯਾਤਰੀਆਂ ਵੱਲੋਂ ਵੱਡੀ ਪੱਧਰ ਦਾਇਰ ਕੀਤੀਆਂ ਗਈਆਂ ਸ਼ਿਕਾਇਤਾਂ ਦਾ ਨਿਪਟਾਰਾ ਕਰਨ ਲਈ ਜਲਦਬਾਜ਼ੀ ਕਰਨ ਲਈ ਉਡਾਣਾ ਪਬੰਧ ਨਹੀਂ ਹਨ ਭਾਵ ਉਹਨਾਂ ਨੂੰ ਬਣਦਾ ਸਮਾਂ ਮਿਲੇਗਾ।
(ਗੁਰਮੁੱਖ ਸਿੰਘ ਬਾਰੀਆ)

26/06/2024

ਆਪਣੇ ਦੋਸ਼ ਕਬੂਲਣ ਤੋਂ ਬਾਅਦ ਵਿਕੀ ਲੀਕਸ ਦੇ ਸੰਸਥਾਪਕ ਜੂਲਿਅਨ ਅਸਾਂਜੇ ਦਾ ਜੇਲ੍ਹ ਤੋਂ ਛੁੱਟਿਆ ਖਹਿੜਾ । ਅਮਰੀਕਾ ਨਾਲ ਸਮਝੌਤਾ ਸਿਰੇ ਚੜਨ ਤੋਂ ਬਾਅਦ ਬ੍ਰਿਟੇਨ ਦੀ ਜੇਲ੍ਹ 'ਚੋਂ ਪੰਜ ਸਾਲ ਬਾਅਦ ਹੋਈ ਬੰਦਖਲਾਸੀ। 5 ਲੱਖ 'ਚ ਸਾਲਮ ਜਹਾਜ਼ ਕਰਕੇ ਅਸਟਰੇਲੀਆ ਪੁੱਜੇ । ਦੱਸਣਯੋਗ ਹੈ ਵਿਕੀ ਲੀਕਸ ਨੇ ਬਹੁਤ ਸਾਰੇ ਦੇਸ਼ਾਂ ਦੇ ਸਰਕਾਰੀ ਗੁਪਤ ਦਸਤਾਵੇਜ਼ ਆਮ ਜਨਤਾ 'ਚ ਤੱਕ ਪਹੁੰਚਾ ਦਿੱਤੇ ਸਨ ਜਿਸ ਕਾਰਨ ਦੁਨੀਆਂ 'ਚ ਤਹਿਲਕਾ ਮੱਚ ਗਿਆ ਸੀ ।
(ਗੁਰਮੁੱਖ ਸਿੰਘ ਬਾਰੀਆ)

11/01/2023

ਨਵੇਂ ਸਾਲ ਸਵੇਰ ਹੀ ਕਿਵੇਂ ਛਾਇਆ ਉਸ ਦੀ ਜ਼ਿੰਦਗੀ 'ਚ ਹਨੇਰਾ
👉 ਇਲਾਜ਼ ਲਈ ਤੜਫਦੀ ਮਰੀ ਪਤਨੀ - ਪਤੀ ਮੰਗ ਰਿਹੈ ਕੈਨੇਡਾ ਦੀ ਸਿਹਤ ਵਿਵਸਥਾ ਤੋਂ ਜਵਾਬ

ਕੈਨੇਡਾ 'ਚ ਨਵੇਂ ਸਾਲ ਦਾ ਸੂਰਜ ਜਦੋਂ ਸਾਰਿਆਂ ਲਈ ਉਮੀਦਾਂ ਲੈ ਕਿ ਚੜ੍ਹਿਆ ਤਾਂ ਨੋਵਾ ਸਕੋਸ਼ੀਆ ਸੂਬੇ ਦੇ ਇੱਕ ਵਿਅਕਤੀ ਦੀ ਜ਼ਿੰਦਗੀ 'ਚ ਉਸ ਵਕਤ ਹਨੇਰਾ ਛਾ ਗਿਆ ਜਦੋਂ ਹਸਪਤਾਲ 'ਚ ਇਲਾਜ਼ ਨੂੰ ੳਡੀਕਦੀ ਉਸਦੀ ਪਤਨੀ ਨੇ ਦਮ ਤੋੜ ਦਿੱਤਾ । ਗੁੰਟਰ ਹਾਫ ਨਾਮ ਦਾ ਇਹ ਵਿਅਕਤੀ ਆਪਣੀ ਪਤਨੀ ਦੀ ਮੌਤ ਦਾ ਇੰਨਸਾਫ ਮੰਗ ਰਿਹਾ ਹੈ ਕਿ ਆਖਿਰ ਉਸਦੀ ਪਤਨੀ ਨੂੰ ਸਮੇਂ ਸਿਰ ਇਲਾਜ ਕਿਉਂ ਨਹੀਂ ਮਿਲਿਆ ।
ਉਸਦਾ ਦੋਸ਼ ਹੈ ਕਿ ਹੈ ਕਿ ਬੀਤੀ 31 ਦਸੰਬਰ ਦੀ ਰਾਤ ਜਦੋਂ ਉਹ ਆਪਣੀ 37 ਸਾਲ ਦੀ ਪਤਨੀ ਐਲੀਸਨ ਨੂੰ ਪੇਟ ਦੀ ਦਰਦ ਕਾਰਨ ਨੇੜਲੇ ਹਸਪਤਾਲ ਦੀ ਐਂਮਰਜੈਂਸੀ 'ਚ ਲੈ ਕਿ ਆਇਆ ਤਾਂ ਮੁੱਢਲੀ ਚੈੱਕਅਪ ਤੋੰ ਬਾਅਦ 7 ਘੰਟੇ ਤੱਕ ਉਸਦੀ ਪਤਨੀ ਨਾਂ ਤਾ ਡਾਕਟਰ ਦੀ ਸੇਵਾ ਮਿਲੀ ਅਤੇ ਨਾਂ ਹੀ ਕੋਈ ਬੈੱਡ ਦਿੱਤਾ ਗਿਆ। ਜਦੋਂ ਕਿ ਉਸਦੀ ਪਤਨੀ ਲਗਾਤਾਰ ਕਈ ਘੰਟੇ ਦਰਦ ਨਾਲ ਤੜਪਦੀ ਰਹੀ
ਉਸਦੇ ਵਾਰ ਵਾਰ ਬੇਨਤੀਆਂ ਕਰਨ ਦੇ ਬਾਵਜੂਦ ਸਟਾਫ ਡਾਕਟਰ ਜਾਂ ਬੈੱਡ ਦੀ ਸਰਵਿਸ ਦੇਣ ਤੋਂ ਅਸਮਰੱਥਾ ਹੀ ਜ਼ਾਹਿਰ ਕਰਦਾ ਰਿਹਾ। ਜਦੋਂ ਨੂੰ ਡਾਕਟਰ ਆਇਆ ਅਤੇ ਬੈੱਡ ਦਿੱਤਾ ਗਿਆ ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ। ਭਾਵ ਉਸ ਦੀ ਪਤਨੀ ਹਾਲਤ ਬਹੁਤ ਖਰਾਬ ਹੋ ਚੁੱਕੀ ਸੀ ਅਤੇ ਜ਼ਲਦ ਹੀ ਉਹ ਦਮ ਤੋੜ ਗਈ।
ਜ਼ਿੰਦਗੀ -ਮੌਤ ਭਾਵੇਂ ਰੱਬ ਦੇ ਹੱਥ ਹੈ ਪਰ ਕੈਨੇਡਾ ਵਰਗੇ ਦੇਸ਼ 'ਚ ਕਿਸੇ ਮਰੀਜ਼ ਦਾ ਘੰਟਿਆਂ ਬੱਧੀ ਦਰਦ ਨਾਲ ਤੜਫਦੇ ਰਹਿਣਾਂ
ਅਤੇ ਉਸ ਨੂੰ ਇਲਾਜ਼ ਨਾ ਮਿਲਣਾ ਕੈਨੇਡਾ ਦੀ ਸਿਹਤ ਵਿਵਸਥਾ 'ਤੇ ਕਈ ਸਵਾਲ ਖੜੇ ਕਰਦਾ ਹੈ ।
(ਗੁਰਮੁੱਖ ਸਿੰਘ ਬਾਰੀਆ)
The original owner of this content is GLOB and mail

27/10/2022

ਮੇਅਰ ਪੈਟਰਿਕ ਬਰਾਊਨ ਨੂੰ ਪਾਰਟੀ ਨੇ ਕੀਤਾ ਇੱਕ ਲੱਖ ਡਾਲਰ ਦਾ ਜੁਰਮਾਨਾ

👉ਫੈਡਰਲ ਆਗੂ ਦੀ ਚੋਣ ਦੌਰਾਨ ਕਥਿੱਤ ਤੌਰ ‘ਤੇ ਬੇਨਿਯਮੀਆਂ ਕਰਨ ਦਾ ਮਾਮਲਾ
ਬਰੈਂਪਟਨ ਦੇ ਮੁੜ ਚੁਣੇ ਗਏ ਮੇਅਰ ਪੈਟਰਿਕ
ਬਰਾਊਨ ਨੂੰ ਉਸਦੀ ਕਜ਼ੰਰਵੇਟਿਵ ਪਾਰਟੀ ਨੇ ਫੈਡਰਲ ਲੀਡਰਸ਼ਿਪ ਦੀਆਂ ਚੋਣਾਂ ‘ਚ ਬੇਨਿਯਮੀਆਂ ਕਰਨ ਦੇ ਦੋਸ਼ ‘ਚ ਇੱਕ ਲੱਖ ਰੁਪਏ ਦਾ ਜੁਰਮਾਨਾ ਕੀਤਾ ਹੈ ।
ਦੱਸਣਯੋਗ ਹੈ ਕਿ ਪੈਟਰਿਕ ਬਰਾਊਨ ਪਾਰਟੀ ਦੀ ਫੈਡਰਲ ਆਗੂ ਦੀ ਚੋਣ ‘ਚ ਉਮੀਦਵਾਰ ਵਜੋਂ ਆਏ ਸਨ । ਇਸ ਚੋਣ ਦੌਰਾਨ ਹੀ ਪੈਟਰਿਕ ਬਰਾਊਨ ‘ਤੇ ਦੋਸ਼ ਲੱਗਾ ਸੀ ਕਿ ਉਨ੍ਹਾਂ ਨੇ ਚੋਣ ਮੁਹਿੰਮ ਦੇ ਸਟਾਫ ਅਤੇ ਕੁਝ ਮੈਂਬਰਸ਼ਿਪ ਫ਼ੀਸਾਂ ਅਦਾ ਕਰਨ ਲਈ ਇੱਕ ਨਿੱਜੀ ਕੰਪਨੀ ਦੀ ਸਰਵਿਸ ਲਈ । ਪਾਰਟੀ ਦੇ ਸੰਵਿਧਾਨ ਅਨੁਸਾਰ ਅਜਿਹਾ ਕਰਨਾ ਨਿਯਮਾਂ ਦੀ ਉਲੰਘਣਾ ਕਰਨਾ ਸੀ । ਇਸੇ ਵਿਵਾਦ ਕਾਰਨ ਪੈਟਰਿਕ ਬਰਾਊਨ ਨੂੰ ਪਾਰਟੀ ਦੀ ਲੀਡਰਸ਼ਿਪ ਦੀ ਚੋਣ ‘ਚੋ ਬਾਹਰ ਹੋਣਾ ਪਿਆ ।
ਹੁਣ ਪਾਰਟੀ ਨੇ ਮੇਅਰ ਪੈਟਰਿਕ ਬਰਾਊਨ ਨੂੰ ਜਿੱਤ ਮਿਲਣ ਤੋਂ ਅਗਲੇ ਹੀ ਦਿਨ ਪੱਤਰ ਜਾਰੀ ਕਰਕੇ ਉਕਤ ਜੁਰਮਾਨਾ ਅਦਾ ਕਰਮ ਦੇ ਹੁਕਮ ਕਾਰੀ ਕੀਤੇ ਹਨ ।
THE STAR ਦੀ ਰਿਪੋਰਟ ਮੁਤਾਬਕ ਮੇਅਰ ਪੈਟਰਿਕ ਬਰਾਊਨ ‘ਤੇ ਲੱਗੇ ਉਪਰੋਕਤ ਦੋਸ਼ ਸਮੇਤ ਹੋਰ ਕਈ ਦੋਸ਼ਾਂ ਦੀ ਜਾਂਚ ਇਲੈਕਸ਼ਨ ਕੈਨੇਡਾ ਕਰ ਰਿਹਾ ਹੈ , ਇਹ ਸਮਝਿਆ ਜਾਂਦਾ ਹੈ ਕਿ ਕਜ਼ੰਰਵੇਟਿਵ ਪਾਰਟੀ ਦੀ ਇੱਕ ਵਿਸ਼ੇਸ਼ ਲਗਾਤਾਰ ਇਸ ਮਾਮਲੇ ‘ਤੇ ਇਲੈਕਸ਼ਨ ਕੈਨੇਡਾ ਦੇ ਸੰਪਰਕ ‘ਚ ਹੈ ਅਤੇ ਕੋਈ ਵਿਸ਼ੇਸ਼ ਜਾਣਕਾਰੀ ਮਿਲਣ ਤੋਂ ਬਾਅਦ ਹੀ ਪੈਟਰਿਕ ਬਰਾਊਨ ਨੂੰ ਪਾਰਟੀ ਵੱਲੋਂ ਇੱਕ ਲੱਖ ਦਾ ਜੁਰਮਾਨਾ ਕੀਤਾ ਗਿਆ ਹੈ ।
(ਗੁਰਮੁੱਖ ਸਿੰਘ ਬਾਰੀਆ)

11/10/2022

ਤਰਨ ਤਾਰਨ ‘ਚ ਕੱਪੜਾ ਵਪਾਰੀ ਦਾ ਦਿਨ ਦਿਹਾੜੇ ਕਤਲ । ਫਿਰੌਤੀ ਨਾ ਦੇਣ ‘ਤੇ ਕੀਤਾ ਕਤਲ । ਹਮਲਾਵਰਾਂ ਨੇ ਦੁਕਾਨ ‘ਚ ਦਾਖਲ ਹੋ ਕਿ ਮਾਰੀਆਂ ਗੋਲੀਆਂ ।

03/10/2022

please subscribe channel

01/10/2022

29/09/2022

18/09/2022

ਟੋਰਾਂਟੋ ‘ਚ ਖਾਲਿਸਤਾਨ ਦੇ ਨਾਂਅ ‘ਤੇ ਕਰਵਾਈਆਂ ਵੋਟਾਂ ਨੂੰ ਮਿਲਿਆ ਭਰਵਾਂ ਹੁੰਗਾਰਾ
(ਨੋਟ: ਇਹ ਰਿਪੋਰਟ ਆਮ ਲੋਕਾਂ ਦੀ ਜਾਣਕਾਰੀ ਲਈ ਹੈ। ਪੱਤਰਕਾਰ ਦਾ ਕਿਸੇ ਵਿਚਾਰਧਾਰਾ ਨਾਲ ਸਹਿਮਤ ਹੋਣਾ ਜਾਂ ਨਾ ਹੋਣਾ ਜ਼ਰੂਰੀ ਨਹੀਂ । )

ਅੱਜ ਕੈਨੇਡਾ ਦੇ ਗਰੇਟਰ ਟੋਰਾਂਟੋ ਏਰੀਏ ‘ਚ ਖਾਲਿਸਤਾਨ ਦੇ ਨਾਮ ‘ਤੇ ਰਾਏਸ਼ੁਮਾਰੀ ਦੀਆਂ ਕਰਵਾਈਆਂ ਗਈਆਂ ਵੋਟਾਂ ਨੂੰ ਆਮ ਲੋਕਾਂ ਦਾ ਐਨਾ ਜ਼ਿਆਦਾ ਹੁੰਗਾਰਾ ਮਿਲਿਆ ਕਿ ਜਿਸਦੀ ਉਮੀਦ ਸ਼ਾਇਦ ਪ੍ਰਬੰਧਕਾਂ ਨੂੰ ਵੀ ਨਹੀਂ ਸੀ । ਬਰੈਂਪਟਨ ਦੇ ਗੋਰ ਮੀਡੇਅ ਕਮਿਊਨਿਟੀ ਸੈਂਟਰ ‘ਚ ਲੋਕਾਂ ਦੀ ਭਾਰੀ ਆਮਦ ਦੇਖਣ ਨੂੰ ਮਿਲੀ । ਪੇਸ਼ ਹੈ ਇਸ ਮੌਕੇ ਦੇ ਕੁਝ ਨੁਕਤੇ :
👉ਵੋਟਾਂ ਸਵੇਰੇ 8.00 ਵਜੇ ਤੋਂ ਸ਼ੁਰੂ ਹੋਣੀਆਂ ਸਨ , ਪਰ ਕੰਮਾਂ ‘ਤੇ ਜਾਣ ਵਾਲੇ ਲੋਕ ਪਹਿਲਾਂ ਲਾਈਨਾਂ ‘ਚ ਆ ਖੜੇ ਹੋਏ ।
👉ਵੋਟਾਂ ਸ਼ੁਰੂ ਹੋਣ ਤੋਂ ਇੱਕ ਘੰਟੇ ਬਾਅਦ ਗੋਰ ਮੀਡੋਅ ਕਮਿਊਨਿਟੀ ਸੈਂਟਰ ਦੀ ਵਿਸ਼ਾਲ ਪਾਰਕਿੰਗ ਭਰ ਗਈ ਅਤੇ ਪੁਲਿਸ ਨੂੰ ਗੋਰ ਮੀਡੋਅ ਨੂੰ ਜਾਣ ਵਾਲਾ ਰਸਤਾ ਬੰਦ ਕਰਨਾ ਪਿਆ ।
👉ਤਿੰਨ ਤਰ੍ਹਾਂ ਦੇ ਲੋਕ ਪ੍ਰਬੰਧ ਸੰਭਾਲ਼ ਰਹੇ ਸਨ : ਇੱਕ ਵੋਟਾਂ ਕਰਾਉਣ ਵਾਲੀ ਸੰਸਥਾ ਦੇ ਪ੍ਰਬੰਧਕ , ਸਕਿਊਰਿਟੀ ਕੰਪਨੀਆਂ ਦੇ ਗਾਰਡ ਅਤੇ ਪੁਲਿਸ ਅਫਸਰ ਲੋਕਾਂ ਦੀ ਸਹਾਇਤਾ ਕਰ ਰਹੇ ਸਨ ।
👉ਲਾਈਨਾਂ ‘ਚ ਖੜੇ ਲੋਕਾਂ ਨੂੰ ਹੋਕਾ ਦਿੱਤਾ ਜਾ ਰਿਹਾ ਸੀ ਕਿ ਬੱਚਿਆਂ ਵਾਲੀਆਂ ਬੀਬੀਆਂ , ਸੀਨੀਅਰ ਸਿਟੀਜ਼ਨ ਅਤੇ ਬੀਮਾਰ ਵਿਅਕਤੀ ਵੱਖਰੀ ਲਾਈਨ ‘ਚ ਜਾ ਕਿ ਵੋਟ ਜਲਦੀ ਪਾ ਸਕਦੇ ਹਨ ।
👉ਵਲੰਟੀਅਰ ਇਹ ਵੀ ਹੋਕਾ ਦੇ ਰਹੇ ਸਨ ਕਿ ਵੋਟ ਪਾਉਣ ਲਈ ਇੱਕ ਪਹਿਚਾਣ ਪੱਤਰ ਹੋਣਾ ਜ਼ਰੂਰੀ ਹੈ ਅਤੇ ਕੋਈ ਵੀ ਖਾਲਿਸਤਾਨ ਦੇ ਹੱਕ ਜਾਂ ਵਿਰੋਧ ‘ਚ ਵੋਟ ਪਾ ਸਕਦੇ ਹੈ ।
👉ਬਹੁਤ ਸਾਰੇ ਲੋਕ ਪਰਿਵਾਰਾਂ ਸਮੇਤ ਬੱਚਿਆਂ ਨਾਲ ਆਏ ਸਨ ਅਤੇ ਬੱਚਿਆਂ ਦੇ ਖੇਡਣ ਲਈ ਕੁਝ ਸਕੇਟਿੰਗ ਰਾਈਡਾਂ ਦਾ ਪ੍ਰਬੰਧ ਸੀ ।
👉ਮੇਨ ਪਾਰਕਿੰਗ ਭਰ ਜਾਣ ਤੋਂ ਬਾਅਦ ਨੇੜੇ ਦੇ ਗੋਰ ਰੋਡ ਗੁਰੂਦੁਆਰਾ ਸਾਹਿਬ , ਪਲਾਜ਼ੇ ਅਤੇ ਹੋਰ ਜਨਤਕ ਥਾਂਵਾਂ ਦੀਆਂ ਪਾਰਕਾਂ ਵੀ ਭਰ ਗਈਆਂ ।
👉ਲੋਕ ਕਿੱਲੋਮੀਟਰ ਤੋਂ ਪੈਦਲ ਚੱਲ
ਕਿ ਵੋਟ ਪਾਉਣ ਜਾ ਰਹੇ ਸਨ ।
👉ਆਮ ਵੋਟਾਂ ਨਾਲ਼ੋਂ ਇਨ੍ਹਾਂ ਵੋਟਾਂ ਲਈ ਵੋਟ ਪਾਉਣ ਵਾਲੇ ਲੋਕਾਂ ‘ਚ ਜ਼ਿਆਦਾ ਉਤਸ਼ਾਹ ਸੀ ਅਤੇ ਕਈ ਬਜ਼ੁਰਗ ਲੋਕ ਵੀ ਕਾਹਲੇ ਕਾਹਲੇ ਕਦਮਾਂ ਨਾਲ ਚੱਲ ਰਹੇ ਸਨ ਅਤੇ ਕਈ ਲੋਕਾਂ ਨੇ ਖਾਲਿਸਤਾਨ ਦੇ ਬੈਨਰ ਫੜੇ ਹੋਏ ਸਨ ਅਤੇ ਖਾਲਿਸਤਾਨ ਜ਼ਿੰਦਾਬਾਦ ਦੇ ਨਾਅਰੇ ਲੱਗਾ ਰਹੇ ਸਨ ।
👉 ਵੋਟਾਂ ਪਾਉਣ ਵਾਲੇ ਲੋਕਾਂ ਦੀ ਗਿਣਤੀ ਵੱਧ ਜਾਣ ਕਰਕੇ ਪ੍ਰਬੰਧਕ ਅਤੇ ਲੋਕ ਖੁਸ਼ੀ ‘ਚ ਢੋਲ ਦੀ ਤਾਪ ‘ਤੇ ਭੰਗੜਾ ਵੀ ਪਾ ਰਹੇ ਸਨ ।
👉ਗੁਰੂ ਕਾ ਲੰਗਰ ਵੀ ਅਟੁੱਟ ਚੱਕ ਰਿਹਾ ਸੀ ।

15/09/2022

“ਆਪ” ਸਰਕਾਰ ਦੇ BMW ਨਿਵੇਸ਼ ਦੇ ਦਾਅਵੇ ਦੀ ਫੂਕ ਕਿਉਂ ਨਿਕਲੀ ?
👉ਚੰਦ ਘੰਟਿਆਂ ‘ਚ ਹੀ BMW ਨੇ .ਸਰਕਾਰ ਦੇ ਦਾਅਵੇ ਨੂੰ ਕਿਉਂ ਰੱਦ ਕੀਤਾ
👉ਗੱਲਬਾਤ ਸਿਰੇ ਚੜਨ ਤੋਂ ਪਹਿਲਾਂ ਹੀ “ਆਪ” ਸਰਕਾਰ ਦੀ ਵਾਹ ਵਾਹ ਖੱਟਣ ਦੀ ਕਾਹਲ਼ ਕਿਉਂ

ਮੁੱਖ ਮੰਤਰੀ ਭਗਵੰਤ ਮਾਨ ਯੋਰਪ ਦੇ ਦੌਰੇ ‘ਤੇ ਗਏ ਜਿਸ ਬਾਰੇ ਖੁੱਦ ਮੁੱਖ ਮੰਤਰੀ ਸਮੇਤ ਸਾਰੀ ਆਮ ਆਦਮੀ ਪਾਰਟੀ ਨੇ ਧੜੱਲੇ ਇਹ ਪ੍ਰਚਾਰ ਕਰਨਾ ਸ਼ੁਰੂ ਕੀਤਾ ਕਿ ਵਿਦੇਸ਼ੀ ਨਿਵੇਸ਼ਕਾਰਾਂ ਨੂੰ ਪੰਜਾਬ ਵੱਲ ਆਕਰਸ਼ਤ ਕਰਨ ਲਈ ਇਹ ਦੌਰਾ ਅਹਿਮ ਸਾਬਤ ਹੋਵੇਗਾ ।
ਆਪਣੇ ਦੌਰੇ ਦੇ ਅਗਲੇ ਦਿਨ ਹੀ ਮੁੱਖ ਭਗਵੰਤ ਮਾਨ ਤੇ ਉਨ੍ਹਾਂ ਟੀਮ ਨੇ ਵੱਡਾ ਸ਼ਗੋਫਾ ਛੱਡ ਦਿੱਤਾ ਕਿ ਆਟੋ ਪਾਰਟ ਦੀ ਵਕਾਰੀ ਕੰਪਨੀ BMW ਪੰਜਾਬ ਸਰਕਾਰ ਦੇ ਸੱਦੇ ‘ਤੇ ਪੰਜਾਬ ‘ਚ ਵੱਡਾ ਨਿਵੇਸ਼ ਕਰਨ ਲਈ ਰਜ਼ਾਮੰਦ ਹੋ ਗਈ ਹੈ ਜਿਸ ਤਹਿਤ BMW ਸੂਬੇ ‘ਚ ਗੱਡੀਆਂ ਬਣਾਉਣ ਦੇ ਪਲਾਂਟ ਲਗਾਏਗਾ । ਇਸ ਤਹਿਤ ਪੰਜਾਬ ਦੇ ਹਜ਼ਾਰਾਂ ਨੌਜਵਾਨਾਂ ਨੂੰ ਰੁਜ਼ਗਾਰ ਮਿਲਣਗੇ ।
ਪਰ ਅਗਲੇ ਦਿਨ ਹੀ BMW ਦੇ ਭਾਰਤ ਸਥਿੱਤ ਇੱਕ ਆਲ੍ਹਾ ਅਧਿਕਾਰੀ ਨੇ ਇਹ ਕਹਿ ਕਿ ਆਪ ਸਰਕਾਰ ‘ਤੇ ਬੰਬ ਸੁੱਟ ਦਿੱਤਾ ਕਿ BMW ਦੀ ਪੰਜਾਬ ‘ਚ ਪਲਾਂਟ ਲਗਾਉਣ ਬਾਰੇ ਕੋਈ ਯੋਜਨਾ ਨਹੀਂ ।
ਬੱਸ ਇਨਾਂ ਸੁਣਦਿਆਂ ਹੀ ਵਿਰੋਧੀ ਪਾਰਟੀਆਂ ਵਾਲੇ ਚਾਰੇ ਪੈਰ ਲੈ ਕਿ ਸਰਕਾਰ ਦੇ ਦੁਆਲੇ ਹੋ ਗਏ ਜਿਨ੍ਹਾਂ ਪਿੱਛਲੇ ਤਿੰਨ ਦਹਾਕੇ ਡੱਕਾ ਭੰਨ ਕਿ ਦੋਹਰਾ ਨਹੀਂ ਕੀਤਾ ।
ਪਰ ਸਵਾਲ ਪੈਦਾ ਹੁੰਦਾ ਹੈ ਕਿ ਆਪ ਸਰਕਾਰ ਦੇ ਦਾਅਵੇ ਦੀ ਫੂਕ ਐਨੀ ਜਲਦੀ ਕਿਉਂ ਨਿਕਲ ਗਈ । ਸਾਫ ਜ਼ਾਹਿਰ ਹੈ ਕਿ ਹਾਲੇ BMW ਨੇ ਭਗਵੰਤ ਮਾਨ ਨੂੰ ਮੀਟਿੰਗ ‘ਚ ਭਾਵੇਂ ਭੁਲੇਖੇ ਨਾਲ ਹੇਠਾਂ ਨੂੰ ਸਿਰ ਹਿਲਾ ਦਿੱਤਾ ਹੋਵੇ ਪਰ ਭਗਵੰਤ ਮਾਨ ਸਮੇਤ ਸਾਰੇ ਆਪ ਲਾਣੇ ਨੇ ਦੁਹਾਈ ਪਾ ਦਿੱਤੀ ਕਿ BMW ਵਾਲੇ ਤਾਂ ਸਾਜੋ ਸਮਾਨ ਲੈ ਕਿ ਸ਼ੰਭੂ ਬਾਰਡਰ ਵੀ ਟੱਪ ਆਏ ਹਨ । ਐਨਾ ਰੌਲਾ ਪੈਂਦਾ ਵੇਖ ਜਦੋਂ ਮੀਡੀਆ ਵਾਲਿਆਂ ਨੇ BMW ਦਾ ਫ਼ੋਨ ਘੰਟੀਆਂ ਮਾਰ ਮਾਰ ਤੋੜਨਾ ਲੱਗਾ ਦਿੱਤਾ ਤਾਂ ਅਗਲਿਆਂ ਨੂੰ ਕਹਿਣਾ ਪਿਆ “ ਭਰਾਵਾਂ ਸਾਡਾ ਭੁਲੇਖੇ ਨਾਲ ਸਿਰ ਹਿੱਲ ਗਿਆ ਸੀ , ਹਾਲੇ ਪਲਾਂਟ ਲਾਉਣ ਦੀ ਸਾਡੀ ਕੋਈ ਯੋਜਨਾ ਨਹੀਂ “ । ਭਾਵ ਆਪ ਸਰਕਾਰ ਦੀ ਹਨੇਰੀ ਆਉਣ ਤੋਂ ਪਹਿਲਾਂ ਦੁਹਾਈ ਦੇਣ ਵਾਲੀ ਨੀਤੀ ਦੀ ਫੂਕ ਨਿਕਲ ਗਈ ।
(ਗੁਰਮੁੱਖ ਸਿੰਘ ਬਾਰੀਆ)

13/09/2022

ਟਰੂਡੋ ਸਰਕਾਰ ਵੱਲੋਂ 3.1 ਬਿਲੀਅਨ ਮਹਿੰਗਾਈ ਪੈਕੇਜ ਦਾ ਐਲਾਨ
👉2.5 ਬਿਲੀਅਨ ਡਾਲਰ ਦਿੱਤਾ ਜਾਵੇਗਾ ਟੈਕਸ ਕਰੈਡਿਟ
👉ਹਾਊਸਿੰਗ ਖੇਤਰ ਲਈ 11 ਮਿਲੀਅਨ ਰੱਖਿਆ
👉ਪਾਇਰੀ ਪੋਇਲੀਵਰ ਦੀ ਜਿੱਤ ਨੇ ਟਰੂਡੋ ਸਰਕਾਰ ਸਕਤੇ ‘ਚ ਪਾਈ
ਮਹਿੰਗਾਈ ਨਾਲ ਜੂਝ ਰਹੇ ਕੈਨੇਡੀਅਨ ਲੋਕਾਂ ਪ ਲਈ ਫੈਡਰਲ ਸਰਕਾਰ ਨੇ 3.1 ਬਿਲੀਅਨ ਦਾ ਮਹਿੰਗਾਈ ਰਾਹਤ ਪੈਕੇਜ ਦਾ ਐਲਾਨ ਕੀਤਾ ਹੈ । ਜਾਣਕਾਰੀ ਅਨੁਸਾਰ ਸਰਕਾਰ ਇਸ ਯੋਜਨਾ ‘ਤੇ ਵਿਸ਼ੇਸ਼ ਬਿੱਲ 20 ਸਤੰਬਰ ਤੋਂ ਸ਼ੁਰੂ ਹੋ ਰਹੇ ਪਾਰਲੀਮੈਂਟ ਸ਼ੈਸ਼ਨ ‘ਚ ਪੇਸ਼ ਕਰੇਗੀ ।
ਅੱਜ ਇਸ ਸੰਬੰਧੀ ਨਿਊ ਬਰੰਸ਼ਵਿਕ ਸੂਬੇ ‘ਚ ਇੱਕ ਸਮਾਗਮ ਨੂੰ ਸੰਬੋਧਨ ਕਰਦੇ ਜਾਣਕਾਰੀ ਦਿੱਤੀ ਹੈ ਕਿ ਇਸ ਯੋਜਨਾ ਰਾਹੀਂ ਕੈਨੇਡੀਅਨ ਲੋਕਾਂ ਪਿੱਛਲੇ ਛੇ ਮਹੀਨੇ ਤੋਂ ਵਿਸ਼ੇਸ਼ ਟੈਕਸ ਕਰੈਡਿਟ ਦਿੱਤਾ ਜਾਵੇਗਾ ।
Bਇਸ ਤੋਂ ਇਲਾਵਾ ਡੈਂਟਲ ਕਵਰੇਜ਼ ਦੀਆਂ ਅਦਾਇਗੀਆਂ ਯਕੀਨੀ ਬਣਾਈਆਂ ਜਾਣਗੀਆਂ ਹਾਊਸਿੰਗ ਖੇਤਰ ‘ਚ ਵੀ ਕਈ ਲਾਭ ਦਿੱਤੇ ਜਾਣਗੇ । ਇਕੱਲੇ ਟੈਕਸ ਕਰੈਡਿਟ ‘ਤੇ ਹੀ 2.5 ਬਿਲੀਅਨ ਖ਼ਰਚੇ ਜਾਣਗੇ ।ਹਾਊਸਹੋਲਡ ਲਈ ਤਕਰੀਬਨ 11 ਕਰੋੜ ਖ਼ਰਚੇ ਜਾਣਗੇ ।
ਜਾਣਕਾਰੀ ਅਨੁਸਾਰ ਇਕੱਲੇ ਵਿਅਕਤੀ ਨੂੰ 234 ਡਾਲਰ ਅਤੇ ਦੋ ਬੱਚਿਆਂ ਵਾਲੇ ਪਰਿਵਾਰਿਕ ਜੋੜੇ ਲਈ 467 ਡਾਲਰ ਦਾ ਵੱਖਰਾ ਕਰੈਡਿਟ ਦਿੱਤਾ ਜਾਵੇਗਾ ।
(ਗੁਰਮੁੱਖ ਸਿੰਘ ਬਾਰੀਆ)

12/09/2022

SGPC ਨੇ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਹੱਥਾਂ 'ਚ ਹੱਥ ਕੜੀਆਂ ਲੇੈ ਕੇ ਕੀਤਾ ਰੋਸ ਜ਼ਾਹਿਰ!

( ਇਸ ਬਾਰੇ ਅਪਣੇ ਸੁਝਾਅ ਜਰੂਰ ਦਿਓ ? )

12/09/2022

ਵਿਧਾਇਕ ਦੇ ਵਿਵਾਦਿਤ AUDIO ਨੇ ਕੀਤੇ
ਸਵਾਲ ਖੜੇ ?

12/09/2022

ਕੈਨੇਡਾ ਦੀ ਸਿਆਸਤ ‘ਤੇ ਕੀ ਅਸਰ ਪਾਏਗੀ Pierre Poillievre ਦੀ ਹੂੰਝਾਫੇਰ ਜਿੱਤ ?
👉ਪਾਰਲੀਮੈਂਟ ਦੇ ਆਗਾਮੀ ਸ਼ੈਸ਼ਨ ‘ਚ ਹੋਵੇਗੀ ਪਹਿਲੀ ਪਰਖ
👉 ਡੂੰਘੀ ਨੀਂਦ ਸੁੱਤੇ ਲਿਬਰਲਾਂ ‘ਚ ਵੀ ਹਿਲਜੁਲ ਸ਼ੁਰੂ
👉ਲੱਕ ਤੋੜ ਰਹੀ ਮਹਿੰਗਾਈ ਪ੍ਰਤੀ ਲਿਬਰਲ ਸਰਕਾਰ ਕਰ ਰਹੀ ਹੈ ਮਾਪ ਤੋਲ
ਬੀਤੇ ਦਿਨ ਕੈਨੇਡਾ ਦੀ ਪ੍ਰਮੁੱਖ ਸਿਆਸੀ ਪਾਰਟੀ ਕਜ਼ੰਰਵੇਟਿਵ ਪਾਰਟੀ ਦੇ ਆਗੂ ਦੀ ਚੋਣ ਭਲੇ ਹੀ ਪਾਰਟੀ ਦਾ ਅੰਦਰੂਨੀ ਮਸਲਾ ਹੋਵੇ ਪਰ ਜਿਸ ਤਰੀਕੇ ਨਾਲ ਪਾਇਰੀ ਪੋਲੀਵਰ ਨੇ ਲੀਡਰਸ਼ਿਪ ਦੀ ਚੋਣ ‘ਚ ਹੂੰਝਾਫੇਰ ਜਿੱਤ ਪ੍ਰਾਪਤ ਕੀਤੀ ਹੈ , ਇਸ ਜਿੱਤ ਦੀਆਂ ਧੁੰਨਾਂ ਸੱਤਾਧਾਰੀ ਪਾਰਟੀ ਲਿਬਰਲਾਂ ਦੇ ਕੰਨਾਂ ‘ਚ ਵੀ ਗੂੰਜਣ ਲੱਗੀਆਂ ਹਨ । ਦੇਸ਼ ‘ਚ ਲੋਕਾਂ ਦਾ ਲੱਕ ਤੋੜ ਰਹੀ ਮਹਿੰਗਾਈ ਜਿਸ ਕਾਰਨ ਬੈਂਕ ਆਫ ਕੈਨੇਡਾ ਲਗਾਤਰ ਵਿਆਜ਼ ਦਰਾਂ ਚੱਕੀ ਜਾ ਰਿਹਾ ਹੈ , ਲਿਬਰਲ ਸਰਕਾਰ ਅੱਗੇ ਅਹਿਮ ਚੁਣੌਤੀ ਬਣਿਆ ਹੋਇਆ ਹੈ । ਪਰਚੂਨ ਵਸਤੂਆਂ ਦੇ ਭਾਅ ਲਗਪਗ ਦੁਗਣੇ ਹੋ ਜਾਣ ਕਾਰਨ ਅਤੇ ਵਿਆਜ਼ ਦਰਾਂ ਵੱਧਣ ਕਰਨ ਆਮ ਕੈਨੇਡੀਅਨ ਲੋਕਾਂ ‘ਚ ਫੈਡਰਲ ਸਰਕਾਰ ਪ੍ਰਤੀ ਬੇਚੈਨੀ ਤੇ ਗ਼ੁੱਸੇ ਦਾ ਮਹੌਲ ਬਣਦਾ ਜਾ ਰਿਹਾ ਹੈ ।
ਐਨ ਮੌਕੇ ‘ਤੇ ਜਿੰਨੀ ਹਰਮਨ ਪਿਆਰਤਾ ਨਾਲ ਮਿਸਟਰ ਪੋਇਰੀਵਰ ਪਾਰਟੀ ਆਗੂ ਦੀ ਚੋਣ ਜਿੱਤੇ ਹਨ , ਇਸ ਨਾਲ ਲੰਮੇ ਸਮੇਂ ਤੋਂ ਰਾਜਨੀਤਕ ਉਦਾਸੀਨਤਾ ਝੱਲ ਰਹੇ ਟੋਰੀ ਵਰਕਰਾਂ ਦੇ ਜਿੱਥੇ ਹੌਂਸਲੇ ਬੁਲੰਦ ਹੁੰਦੇ ਨਜ਼ਰ ਆ ਰਹੇ ਹਨ ਉਥੇ ਦੇਸ਼ ਦੀ ਸਿਆਸਤ ਦੇ ਵਿਰੋਧੀ ਖੇਮੇ ‘ਚ ਲੰਮੇ ਸਮੇਂ ਤੋਂ ਚੱਲ ਰਿਹਾ ਖ਼ਲਾਅ ਵੀ ਭਰਨ ਦੀ ਉਮੀਦ ਬੱਝ ਗਈ ਹੈ ।
ਪਾਇਰੀ ਪੋਇਲੀਵਰ ਦਾ ਪਾਰਟੀ ਚੋਣਾਂ ‘ਚ 338 ਰਾਈਡਾਂ ‘ਚੋਂ 330 ‘’ਤੇ ਹੂੰਝਾਫੇਰ ਜਿੱਤ ਪ੍ਰਾਪਤ ਕਰਨੀ ਆਪਣੇ ਆਪ ‘ਚ ਪਾਰਟੀ ਪੱਧਰ ‘ਤੇ ਹੀ ਨਹੀਂ ਸਗੋਂ ਦੇਸ਼ ਦੇ ਸਿਆਸੀ ਸਫਾਂ ‘ਚ ਉਨ੍ਹਾਂ ਦਾ ਸਿਆਸੀ ਕੱਦ ਸੱਤਾਧਾਰੀ ਪਾਰਟੀ ਲਈ ਇੱਕ ਚੁਣੌਤੀ ਬਣ ਕਿ ਉੱਭਰਿਆ ਹੈ ਜਿਸਦੇ ਪੂਰੇ ਸਮੀਕਰਨ ਤਾਂ ਪੋਇਲੀਵਰ ਦੀ ਪਾਰਟੀ ਆਗੂ ਦੀ ਕਾਰਗੁਜ਼ਾਰੀ ਤੋਂ ਬਾਅਦ ਪਤਾ ਚੱਲਣਗੇ ਕਿ ਆਉਣ ਵਾਲੇ ਸੰਸਦੀ ਸ਼ੈਸ਼ਨ ‘ਚ ਉਹ ਕਿਸਤਰ੍ਹਾਂ ਟਰੂਡੋ ਸਰਕਾਰ ਨੂੰ ਲੋਕਾਂ ਦੇ ਕਟਹਿਰੇ ‘ਚ ਖੜਾ ਕਰਦੇ ਹਨ ।
(ਗੁਰਮੁੱਖ ਸਿੰਘ ਬਾਰੀਆ)