12/03/2024
Nu le Va Karah Tih A Nung Tuk Mi Buainak Phunkhat
Nuleva i dawt khawh lonak le buainak a chuah ter tu thil lak i a biapi taktak mi thil phun khat cu zeidah a si tiah cun : Na nupi a si lo le na pasal a si lomi midang nih chakmer tawh tlaih khawh peng mi na si pin i, na chak an mer tu minung kha mi lungput tha lo le mi phezir Pathian chunglei in a tih tak lomi a si chin chap ahcun, kha chung khan na chuah khawh hlan le nangmah tein a chak ai mei kho mi khua khang lairel ngam mi na si hlan lo chung poh cu, na nupi/pasal caah cun dawt cu chim lo, lungfah le chunglei ruh le thlik Cancer bantuk zawtnak in a khat lai i, buaibainak le harsatnak lawng te nih an den ko hna lai. A donghnak ah nule va i thennak zong a chuak lai i, fale tiangin nungna ngaktah ah can ter a si lai.
Cucaah nupi/pasal ngei cang mi he a ngei te ding mi he na nupi/ pasal kong le na fale na chungkhar kongah a leng lei minung cu bia an khiah piak tu le lai an rel piak tu si ter lo kha biapi taktak i ralrin taktak zong a herh tuk mi pakhat a si.
Na nun lam an chim tu caah a thahnem mi cathluan si hram ko seh.
