RADIO BENAA Rutana

Home
Rutana
RADIO BENAA Rutana

Cette Radio est l'un des départements de la Fondation Benaa pour le Développement et l'Education

14/11/2024

:Bafashwe bashoye ibiro 800 vy'ibiharage i Tanzania none bahanywe.

Ihadabu y'amafaranga y'amarundi angana umuliyoni umwe umwe batayatanze bakazoca bapfungwa umunyororo w'umwaka uyasubirira nico gihano sentare nkuru y'igihugu ya Rutana yaciriye abagabo 4 n'umukenyezi umwe mu rubanza rw'ikibiriraho rwabaye ku muhingamo wo kur'uyu wa 3,n'inyuma yaho bafatiwe ku cambu cahitwa Mutwana muri komine Giharo bajabukanye ibiro 800 vy'ibiharage bita Kinure.

Bompi bagiriwe n'icaha co guhungabanya ubutunzi bw'igihugu ivyo biharage n'amakinga 3 bari babitwayeko bikaba vyaciye bishirwa mu minwe ya reta uko ari 5 bakaba baburanye bemera icaha.

10/11/2024

:Abaraye bivye ibilo 500 vy'umuceri bahanywe.

Umunyororo w'imyaka 15 umwe uwundi imyaka 5 nico gihano sentare nkuru ya Rutana yanishije Ndayishimiye Laurent na Nintunze Derson Bose bo ku Mutumba wa kabingo komine Giharo intara ya Rutana murubanza rw'ikibiriraho kuruno w'imana igenekerezo rya 10 Munyonyo 2024 n'inyuma yaho bafatanywe itonga mw'ijoro ryo kur'uno wa 6 igenekerezo rya 9 Munyonyo bariko bapakurura imodoka yo mu bwoko bwa Fuso ibilo 500 vy'umuceri bwaca ishora mu Gisagara ca Bujumbura.

Abo baregwa ivyaha umwe akaba yemera icaha uwundi akaba yabihakanye arinaho sentare yaca ija mu mwiherero aho yaciye isabira Ndayishimiye Laurent gupfungwa imyaka 5 Nintunze Derson nawe imyaka 15.

04/10/2024

: Itangwa ry'impamyabumenyi mw,ishule ry'imyuga rya Benaa.

Kur'uyu wa kane igenekerezo rya 03 gitugutu uno mwaka niho abarongozi bishirahamwe Benaa bafadikanije nabo mu ntwaro no mu gisata c'indero ku rwego rwa komine bari baramutse batanga impamyabumenyi ku rwaruka rugera kuri 32.
Murabo banyeshure, 2 ba mbere barushije abandi amanota mu gisata c'ugushona(Couture) bakaba baciye baronswa i machine zo gushona, uwabaye uwa 1 mu gisata ca informatique akaba yaronkejwe imachine nyabwonko (mudasobwa) ivyo bakaba babihawe kugira bizobafashe gutangura ubuzima busanzwe.

01/09/2024

: Kur'uyu wa gatandatu igenekerezo rya 31 Myandagaro 2024, ikigo Markaz Tawhid gitanga ubumenyi bw'inyigisho z'idini ya Islam mu ntara ya Rutana catanze impamyabumenyi ku banyeshure 57...👏🏾
Mw'ijambo ryiwe Sheikh Ally Hajib NASSIR arongoye ishirahamwe Benaa Foundation risanzwe rifata mu mugongo ico kigo c'idini yashimiye abanyeshure bose bitanze mu kurondera ubwo bumenyi mu kiringo c'amezi 3, acasaba ko abo baronkejwe izo nyigisho nabo bosangiza abandi ivyo bize kugira ngo inyigisho zo kumenya iryo dini zibandanye zishikanwa kure hashoboka.
Abo banyeshure bakaba bari mu ruganwe rugira 24 kuva ikigo Markaz Tawhid gitanguye ibikorwa vyaco hari mu mwaka wa 2017.
Musomyi, gira akajambo ubwiye abo banyeshure bitanze kugira baronswe ubumenyi.

17/06/2024

: Umunsi mukuru w'intama waraye uhimbajwe. Kur'uyu w'indwi igenekerezo rya 16 Ruheshi 2024 niho abahurikiye mw'idini rya islam bo mu ntara ya Rutana bifadikanije nabo kw'isi yose mu guhimbaza umunsi mukuru w'intama EID Al Adha . Mu ntara ya Rutana iryo sengesho rikaba ryabereye ku kibuga c'umupira w'amaguru ca Benaa Foundation aho ryatewe iteka n'indongozi z'ico kigo hamwe n'uwuserukira uwo muryango muriyo ntara.
Nkuko biri mu mugenzo wabo wo Gusabikanya barashoboye kuronsa imiryango y’aba islam n’abandi bo muyandi madini akaboga kugira baje gufungura mu mihana iwabo.

.

15/06/2024

Musabaqat en cours...

15/06/2024

Igihanwa rushanwa mugusoma quruwani kumutwe"Musabaqat" mu ntara ya Gitega
Intara zose zigihugu zaserukiwe kiretse Mwaro,Rutana na Bururi

24/05/2024

MARKAZ TAWHIID

23/02/2024

: "Ndashimye ingene Radio Benaa ikorana neza n'intwaro"

Ivyo bikaba vyaraye bishikirijwe na Ambassadeur vestine Nahimana arongoye urwego rujejwe gucungera ibinyamakuru CNC Mugihe kur'uno wa Kane Igenekerezo rya 22 Ruhuhuma 2024 yararamutse agendera insamirizi Ya Benaa Rutana kugira arabe ingene ikora akaba yasanze ikora neza.

Akaba yaciye ahamagarira abenegihugu kubandanya bayikurikirana kuko inyigisho ziyicako zubaka mw'iterambere ry'igihugu.

21/02/2024

: Umurwi w’abaganga mva makungu bari mwisekeza ryo kubaga ingwara z’ibivyimbe kubitaro GIHOFI(Commune Bukemba, Pronvince Rutana),bagendeye insamirizi Benaa Rutana kuri uyu wa 3 igenekerezo rya 21/02/2024.

21/02/2024

: Inyama ipima ikiro 1 niyo yabazwe umuntu yarasanzwe arwaye umwingo , ivyo bikaba vyabaye muri rya sekeza ririko rirabera kubitaro bikuru vya gihofi biri muri komine ya bukemba kuruno wa kabiri ,kuruyo munsi nyene hashoboye kubarwa abagera ku 27 nabandi 226 baba kumitumba itandukanye bashoboye kuvurwa indwara zitandukanye.

19/02/2024

:Abanyororo 558 batezuriwe.

Kur'uno wa mbere igenekerezo rya 19 Ruhuhuma 2024 niho hari haramutse hakorwa kw'ibohero rikuru rya Rutana igikorwa co kurekura abanyororo bakwije ica Kane c'umunyororo ,nabandi bakoze ivyaha bitobito Bose bakaba bari begeranirijwe murico kibanza bavuye muyandi mabohero yose yo mu Burundi bakaba bangana 558.

Umukuru w'ugihugu c'uburundi yari yateye iteka ico gikorwa akaba yabatekereye impanuro zuko bikwirinda gukora ivyaha ahubwo ko boca bijukira imigambi y'iterambere abasangwa nabo akaba yabasavye kubakira neza mu kibano.

.

19/02/2024

: Ishirahamwe rya benaa rikorera mu ntara ya Rutana ryifadikanije n'ishirahamwe rya pelex vya ratunganije isekeza rigira 6 ryo kubaga ibivyimbe bitandukanye harimwo inkavyi,umwingo,imisipa n'ivyomugitereko babifashwijemwo na baganga baje bava mubihugu vya Arabie saoudite na misiri. Iryo sekeza rikaba ryuguruwe icese kuwa 17 ruhuhuma aho bashoboye kubaga abagera ku 20, kuwa 18 bakaba bashoboye kubaga abagera ku 32 .hambavu y’ico gikorwa co kubaga abandi baganga babahinga barandanya kugendera abanyagihugu bo kumitumba igize intara ya Rutana mukubapima indwara zitandukanye aho bamaze kuvura abagera kwi 115 ; 15 nabakenyezi bashoboye gufatirwa igipimo.
Ishirahamwe rya benaa rya risanzwe rifise umugambi wo gufasha abatishoboye aho ryashoboye gufungurira abagera ku 350.
Mwomenyako iryo sekeza rizorangira kuwa 23 ruhuhuma uno mwaka.

27/01/2024

Abakenyezi 25 nibo barankejwe impamyabushobozi muri commune musongati

Kuri uyu musi wagatandatu igenekerezo rya 27 nzero 2024 niho hari haramutswe hatangwa impamyabushobozi ku bakenyezi 25 bo muri commune musongati intara ya Rutana bakaba bari bamaze amezi 4 bakurikirana inyigisho zo gushona .

Uwuserukira ishirahamwe U.P.V mu burundi rifashwe mu mugongo na ambassade y'ubufaransa akaba ari naryo ryafashije mu gutanga izo nyigisho yasavye abo baronse izo mpamyabushobozi kuzokwiteza imbere babicishije mu bumenyi bahawe bujanye n'ugusona eka mbere n'uguteza imbere n'ikibano basanzwe babayemwo.

Musomyi iyi nkuru uyakiye gute?
benaa Rutana umwuga #

13/01/2024

MARKAZ TAWHIID

16/12/2023

Irondoka rijanye n'amagara meza ku rwaruka

"Ukutamenya ibijanye n'irondoka rijanye n'amagara meza nico gituma ugwaruka ruhura n'ingorane zo gutwara inda zitifujwe, kugwara indwara zifatira mu bihimba vy'irondoka",akaba arivyo vyarabiwe hamwe mu ruganda rwo guhanahana ivyiyumviro ukugene hagiye guhimirizwa urwaruka kubijanye n'irondoka rijanye n'amagara meza.

Uruganda rwateguwe n'ishirahamwe ABS ufadikanije n'ishirahamwe CERDES mu mugambi wayo CHARP mu ntara ya RUTANA,rukaba rwakoranije abavuye mu bisata bitandukanye bigize ubuzima bw'intara kur'uyu wa gatanu igenekerezo rya 15 kigarama 2023 mur iyo ntara ya Rutana .

Urwaruka rero rugasabwa gutahura ko ibijanye n'irondoka rijanye n'amagara meza atari kurushora mu mibonano mpuza bitsina.

#

07/12/2023

🔴Rutana :Isekeza ryo gucandaga inka inyonko yo mu kiyaya ca lift

Mugihe ubushikiranganji muvyo bujejwe harimwo ubworozi bwatanguje igikorwa co gucandaga inka bazikingira inyonko yo mu kiyaya ca lift mu ntara zimwe zimwe na Rutana irimwo kikaba kiriko kigenda neza.

Nubwo ako kamo kitabiriwe hakaba hariho n'abandi bataraza bagaterwa akamo na Buramatari ko bozizana kare kugira abo bariko barakora ico gikorwa boroherwe narirya benshi bakunze kuza ku kubwinshi ku munsi wa nyuma uzorangira Kur'uno wa 6 igenekerezo rya 9 kigarama 2023 yabishikirije Mugihe yariko yirabira ingene ico gikorwa kiriko kiragenda ku mutumba wa kayove muri komine Rutana.

.

07/12/2023

🔴Rutana:Isekeza ryo gufumbira, gupompa no gutera ikawa

Kur'uno wa kane igenekerezo rya 7 kigarama 2023 niho Buramatari w'intara ya Rutana afadikanije nabo mu buyobozi muvyo bujejwe harimwo uburimyi mu ntara hamwe kandi nabo mu gisata cishinze gutez'imbere igitegwa c'ikawa bari baramutse batanguza ibikorwa vyo gufumbira, gupompa hamwe no gutera igitegwa c'ikawa aho cabereye ku mutumba wa kayove muri komine Rutana.

Bamwe mu bagiye barafata amajambo bahimirije abanyagihugu gusubira kwijukira ico giterwa.
Nayo kubarimyi vyash*tse uno mwaka bagaheranirwa Bo mu ma komine ya mpinga kayove, musongati na Gitanga Buramatari yabamenyeshejeko bakoze ibishoboka vyose kugira barihwe Nayo uwabaheraniye akaba yabahumurije ko batazosubira kumuha isoko yo kukagura.

.

Address

Commune Et Province Rutana
Rutana

Website

http://Www.benaarutana.bi/

Alerts

Be the first to know and let us send you an email when RADIO BENAA Rutana posts news and promotions. Your email address will not be used for any other purpose, and you can unsubscribe at any time.