Burundi Smart Vision

16/08/2024

Abantu benshi bati :
Ni igiki vy' c'ihishe inyuma y' y'isegenya yama irwa iminsi yose 15 z'ukwezi kwa Munani, mu gihe dusanzwe turi .
Benshi ko kuri uwu munsi Mariya yurizwa mw' , rero ngo ni w'Umukama.
Hari ico ?
ico nawe wosangiza ?
Aho uhagaze aka , iyi mvura nkuku iriko irabica bigacika i Gitega ku mukuru w' ?

munywanyi w'ijisho muco👁 ry'i burundi turagutee amatwi👂🦻

16/08/2024

source Yaga

🤔 Ukuntu "diplômes" zitebe kuboneka: twatohoje aho bipfira

😔 Abanyeshure bahejeje igice ca mbere ca kaminuza (baccalauréat), baridoga ko bateba kuronka impapuro z'umutsindo babiriye akuya. Bamwe bakidoga ko bishika bagatakaza n'amahigwe y'akazi.

👉🏾 Solange* yize kuri kaminuza yitiriwe Umuco y'i Bujumbura. Ati : "nasomye raporo y'ukwinenyereza muri Ndamukiza 2023. Nca nsaba urupapuro rw'umutsindo. Bambwiye ko inyuma y'indwi zibiri nogaruka kuyitora. Narasubiyeyo incuro zitari nke ntaha ntayironse. Hari aho bambwira ko habuze umukono wa "Recteur", ahandi uw'umushikiranganji w'indero".

👧🏾 Inès* yize kuri kaminuza yitiriwe ikiyaga Tanganyika. Nawe ati : "Haraheze amezi umunani ntararonka urupapuro rw'umutsindo rwa kaminuza. Kw'ishure ngo batubwira turindire ko izo mpapuro zemezwa."

👆🏾 Inyuma y'izo ntahe, twaregereye uwukora muri kaminuza yitiriwe Umuco y'i Bujumbura, aratubwire ico abiziko. Pierre* ati : "Abipfuza impapuro z'umutsindo, bategerezwa kuzisaba. Bagatanga ibisabwa vyose, bakariha n'amahera akenewe. Haciye igihe kanaka, baca baza gutora impapuro zabo z'umutsindo".

⁉️Muti none uguteba kwazo kuva kuki ? Yishura ati: "bishobora guturuka ku kuntu zasabwe, canke bikava mu bushikiranganji iyo batevye kuzemeza (entérinement)".

👌🏾 Twarondeye uwukora mu bushikiranganji bw'indero. Umupfasoni Jeanne* asigura ati : "Abanyeshure baridoga nk'uko umenga impapuro z'umutsindo zitebera mu bushikiranganji. Ariko siko biri. Ubushikiranganji bwobwo bukora ibijanye n'amakopi y'izija zaratanzwe (conformités). Igishobora guteba ni ukuzemeza. Navyo bikorwa n'umugwi (commission) washizweho n'ubushikiranganji".

😏 Ahubwo wewe yemeza ko "impapuro z'umutsindo zitebera mu mamakaminuza. Kuko, ngo barateba kuriha amahera yo kuzemeza, kugira ababijejwe bashireko imikono isabwa".

🤔 None ivy'ayo mahera yo kwemeza impapuro z'umutsindo bimeze gute ? Twabajije uwahoze ari umunyabigega muri kaminuza imwe mu zigenga ziri mu gisagara ca Bujumbura.

🎙️ Raoul* adusigurira ati : "70 000 BIF niyo mahera yo kwemeza izo mpapuro. Rimwe rimwe abo mu mugwi ujejwe kuzemeza, baraja ku makaminuza, bagasubira inyuma badakoze kubera hari impapuro bijana zibuze".

☎️ Twahamagaye umuvugizi w'ubushikiranganji bw'indero. Yatwishuye ati : "Impapuro z'umutsindo zitangwa ku gihe, kiretse mu gihe habaye ukutumvikana kanaka. Nimba hariho umunyeshure urupapuro rw'umutsindo rwiwe rwatevye, aritura ubushikiranganji, twiteguye kumutunganiriza mu maguru masha."

Igisomwa cose kiri aha : https://lc.cx/GAQVN5.

16/08/2024

umunsi mukuru mwiza ku bakristu bakatorika

08/08/2024

vous revient avec les jo, suivez vous ces jeux de Paris??
Revenons un peu sur la team usa de basketball

https://web.facebook.com/share/NuKMxU9JM8pgd4nm/

"Je voulais dunker sur quelqu’un, mais je n’en ai pas encore eu l’occasion. Donc je suis content d’avoir passé celui-ci.” Anthony Edwards sur son windmill.

27/06/2024

✝️ : abana babiri b'imyaka 10 na 7 batowe bapfuye mu cumba bararamwo
------------
📆 Ivyo vyabaye ku muhingamo wo kuri uyu wa 25 Ruheshi 2024 muri karitiye ku mutumba . Nk'uko bimenyeshwa n'abari mu ntwaro muri ako gace abo bana batowe nk'igihe c'isaha cumi nimwe z'umugoroba (17h) ari ibiziga mu cumba bararamwo mu gihe umuvyeyi wabo yari yasimbiye kwa muganga aherekeje uwo babana

🤒 Gushika ubu ntawuramenya ico urwo rupfu rwaturutseko, ariko abo bana bavuye kw'ishure ku wa 24 Ruheshi 2024 bakomeye yamara mw'ijoro babwira uyo muvyeyi wabo ko bababara mu nda maze bararyama. Mu gatondo uwo muvyeyi yavyutse niko gusanga uwo babana aremvye cane, niko ku munyarukana kwa muganga, asize abana mu gitanda basinziriye. Ageze kugaruka yasanze bagiriyemwo kumbe bitavye Imana

✍🏿 Uwo muvyeyi avuga yaheruka kubura umwana ahetse mu buryo kandi butangaje, aho yitavye Imana ari mu mugongo asetswe n'ipine ry'imodoka ricomotse mu gihe yariko aragendagenda hafi y'ibarabara

#👁️ Muco w'i 🇧🇮

03/04/2024

: umuporisi ajejwe uruja n'uruza mw'ibarabara ahejeje gukomereka cane agonzwe n'uwo yari ahagaritse ngo arabe ko akwije ibiranga umuduga ( Documents)
-------------------
⌚Hari mukanya gaheze kuri uyu mutaga nyene wo kuri uyu 03 Ndamukiza 2024, aho hahejeje kuba iryo sanganya ribereye mu gisagara ca Bujumbura neza na neza hepfo y'ahahoze isoko nkuru ya Bujumbura, kw'ibarabara ryitiriwe Croix-Rouge

🎙️ Nk'uko vyiganwa n'abari aho, ngo uwo ajejwe umutekano yakomeretse, yari ahagaritse imodoka yunguruza abantu " " yo mu bwoko bwa , uwo yariko arayinyonga yameze nk'uwuhagarara gatoya, ariko aca aravumbuka kimwe na kimwe aca agenda ahitanye uwo ajejwe umutekano yari amuhagaritse

👮Uno muporisi rero ngo yakomeretse cane, ariko yaciye anyarukanwa kwa muganga, uwo muduga co kimwe n'uwo mushoferi bakaba baciye bashikirizwa inyamiramabi

👥 Bamwe n'abandi rero mubari aho, ntibavuga rumwe kucoba cateye iryo sanganya, hari abavuga ko uwo mushoferi yoba yabikoze abishaka, ariko abandi bakavuga ko vyoba vyatewe n'ugusamara

⁉️ Basomyi, namwe mubivuga ko iki?
#👁️ muco w'I 🇧🇮

21/03/2024

🙆🏿‍♀️ : hari umugabo yasheshe intanga ku mukenyezi mu bantu, bamubonye yiruka bamukurikiza amahiri batazi ibibaye...

🤔 Muti vyagenze gute? Umukenyezi yari yunamye ariko yigurira imicungwe, aza yumva ibintu bimushungurukako. Agize ngo araraba, asanga ni umwana w'umusore ahejeje kumusohorerako intanga. Ivyo ni ivyabaye mw'isoko rya mu gisagara ca , imbere y'umutaga wo kuri uyu wa 19 Ntwarante 2024, nk'igihe c'isaha 5 z'umurango

👥 Nk'uko tuvyiganirwa n'abari bahari bashwabadutse co kimwe n'abahakorera, ngo vyatanguye hari umukenyezi yari yunamye ariko yigurira imicungwe, niho haza umusore ariko akuze akorera muri barya bitwa "abakarani", yameze nk'uwumwegera amaja inyuma araheza arikinisha gushika n'aho amusesako intanga.

🏃 Abari ku ruhande babonye wa musore ava aho yari yegereye umukenyezi yiruka bugeregere, baca bibaza ko ari umusuma ahejeje kumwiba baramwirukako gushika bamufashe. Bakimufata ngo bamwe bari batanguye no kwihanira kuko bari bazi ko yivye, ariko wa mukenyezi aca ababwira ibihejeje kumubako mu kanya, abandi bavyumvise baca baramureka kuko nabo ubwabo baciye bibaza ko yoba agendana ingwara yo mu mutwe.

👥 Bamwe mu bari ngaho rero, batigeze babona ivyariko biraba barajorewe barabura uko bobivuga, ariko hari n'abandi bavuga ko abo bakarani boba bihereza ibinyobwa bikaze, umwanya wose iyo bari mu kazi ko guterura imizigo, bigaca bituma mu mutwe baca bamera nk'abadapima ivyo bakora, ata muntu yokwubahuka ibintu nk'ivyo akomeye neza.

😤 Hari n'abandi babona ko biterwa n'abagabo badashobora kwihangana babonye inyambaro zimwezimwe z'abakenyezi, bigasaba ko haba guhimiriza gusonera no kwakira ubwigenge bw'uko abakenyezi bambara.

👀 Musomyi muhire, ino nkuru ikwigisha iki?

#👁️ muco w'I 🇧🇮

07/03/2024

🚌 "Abanyagisagara ntidufise ayo ducira n'ayo tumira ku bijanye no kwiyunguruza"

💬 Uno musomyi wacu yazindutse atwandikira ivyo abona muri ino misi, afatiye uko kwiyunguruza bimeze mu mabarabara y'igisagara ca Bujumbura.

✍🏾 Ati : "Mu gitondo, kw'ibarabara ryitiriwe Mwezi Gisabo canke mu mabarabara aja mu bumanuko bw'igisagara, abantu isinzi baba bahagaze ku nkengera z'amabarabara, womengo bategereye umutegetsi akomeye, agiye gutahukana agashimwe. Ahibambewe, barindiriye bisi yobunguruza ikabashikana ku mirimo ya misi yose.

Ku mugoroba naho, ku bituro vy'amabisi mu gisagara, barakubita hakazima, abarusha abandi igitugu bakaba ari bo binjira muri "bus". Uw'amagara make aca yigirwa inyuma, akarindira bukamwirirako, canke akahadoda bukebuke n'amaguru.

Za "bus" nazo, aho zose zirara mu masitasiyo zitondeye ibitoro zitazi iyo bizanana canke ryari bishika.

Twibuke ko iyo ngorane y'ubukene bw'ibitoro imaze imyaka irenga 2, kugeza ubu ikaba ata nyishu irama iratorerwa. Jewe nkagira nti : "Abanyagisagara ntidufise ayo ducira n'ayo tumira ku bijanye no kwiyunguruza".

Ico mbona, abahinga bonyene nibo bokwerekana uruhombo iyo ngorane imaze guteza mu bigega vya Reta n'ivy'abikorera utwabo" 😏

#👁️ muco w'I 🇧🇮

28/02/2024

🥇🇧🇮 Jean Claude Ndarusanze batazira Lambalamba, umusatirizi w'umugwi wa "Burundi Sport Dynamik, niwe ayoboye urutonde rw'abakinyi bafise ibitsindo vyinshi mw'ihiganwa rikuru ry'umupira w'amaguru mu Burundi Primus Ligue 2023-2024, aho afise ibitsindo 15 nk'uko vyatangajwe kuri uyu wa 28 Ruhuhuma 2024

⚽ Asumvya igitsindo 1 uwumukurikira ari we Nduwimana Frank, umusatirizi wa Musongati, afise ibitsindo 14, inyuma yo gukina inkino z'umunsi wa 23 w'iri higanwa

✍️ Mwomenya ko ayoboye ku bitsindo naho umugwi wiwe wa Dynamik uri mu kibanza ca 9 ku rutonde rw'ukuntu imigwi isumbasumbanya amanota mu gihe ihiganwa risigaje inkino 7 kuri buri mugwi ngo rirangire

👀 Ni nde ubona ashobora guheza ihiganwa asumvya ibitsindo abandi ?

#👁️ muco w'I 🇧🇮

26/02/2024

"Abantu icenda harimwo abagore batandatu n'umusoda umwe, ni bo bahitanywe n'igitero c'i Buringa"

📃 Biri mw'itangazo rya Reta y'Uburundi riteweko umukono n'umunyamabanga wayo, Jérôme Niyonzima, ryasohotse uno musi itariki 26 Ruhuhuma 2024.

👉🏾 Nk'uko vyanditswe muri iryo tangazo, ngo "ico gitero cabaye ejo hahise itariki 25 Ruhuhuma 2024, mu masaha ashira isaha zitatu n'igice z'ijiro, i Buringa muri komine ya Gihanga mu ntara ya Bubanza".

😒 Iruhande y'abo bahasize ubuzima, Reta y'Uburundi imenyesha ko "hari n'abandi batandatu bakomeretse". Ikemeza ko "ubwo bwicanyi bwakozwe n'umuhari Red Tabara, ku muhana waho hantu wari mu kigandaro".

Ibindi vyahononekariye ngo "ni imodoka yari itwaye ikiziga mu buruhukiro, iyindi n'imoto yari ihagaze aho. N'ingoro y'umugambwe CNDD-FDD yononekaye".

Reta y'Uburundi ngo "irababazwa n'inyifato ya Reta y'Urwanda, ifasha umuhari Red Tabara uguma uhekura Uburundi".

🙏🏾 Muri iryo tangazo, Reta irahojeje imiryango yabuze ababo n'ivyabo, ikipfuriza gukira abahakomerekeye.

#👁️ muco w'I 🇧🇮

25/02/2024

💔 : Umusore yabenzwe n'umukobwa buca bagira ubugeni, wa musore nawe ati: "Sinokwirarana kandi nariteguye" aca acikiza umwe mu bakobwa bari baje kumufasha urubanza..... none yari amaze iminsi apfunzwe

📍Ni ku mutumba umwe wo muri zone komine yo mu ntara ya , hamaze iminsi havugwa inkuru y'umusore yateye uruhagarara mu miryango, inyuma yaho ubukwe bwari kuba kw'igenekerezo rya 10 Ruhuhuma 2024 busivye giturumbuka hasigaye umunsi umwe rudende kugira ngo baragane imbere y'Imana

🤔 Muti vyagenze gute ? Fata agatebe tukuyagire... 🪑

📅 Neza na neza vyatanguye kw'igenekerezo rya 09 Ruhuhuma 2024 hasigaye umunsi umwe gusa ngo bashinge urugo mu kugira ubukwe imbere y'Imana kuko mu mategeko ho bari barahejeje kuva kw'igenekerezo rya 03 Ruhuhuma 2024

🏥 Niho baja kwipimisha basanga umusore aragwaye ingwara umukobwa adashobora kwihanganira, aca ahitamwo guheba ivyo kubana n'uwo musore

💬 Nk'uko amakuru ava mu kibano abandanya abivuga, ngo wa musore yahavuye abona ko atokwisigira gusiba, aca afata umukobwa umwe mu bagenzi ba mushiki wiwe bari baje kumufasha gutegura imfungurwa z'urubanza aca amushira mu nzu muri iryo joro nyene barabana

👥 Amakuru ava ng'aho mu babanyi akongera akemezwa n'abajejwe intwaro, ngo ivy'uko uwo mukobwa agira kabiri yoba yemeye ko babana kandi abizi ko uwo musore agwaye ngo ntaco babiziko. Ariko mu nyuma z'aho wa musore yahavuye afatwa n'abajejwe intwaro n'umutekano arapfungwa ku caha co "Guharika no Gucikiza" kuko atari bwahukane n'uwo wa mbere banditswe mu mategeko

💬 Umwe mu ndongozi za komine Bukeye twayaze , yatumenyesheje ko wa musore yahavuye arekurwa mu ntango z'iyi ndwi, akaba yari yafashwe kugira ngo acibwe ihadabu ku caha co "Guharika no Gucikiza" aho rero ngo ntashobora kurenza iminsi 14 mugasho k'igiporisi, araheza agacibwa ihadabu , wa mukobwa agasubizwa iwabo mu kurindira ko bahukana n'umwe wambere biciye mu mategeko

🙊 Runo rubanza mworuca gute?

#👁️ muco w'I 🇧🇮

17/02/2024

⛓️ : umwe mu ndongozi zo muri karitiye arapfunzwe bivuye ku mwana yashurashujwe

👧🏽 Uwo mwana w'imyaka 13 yaratunzwe n'umukenyezi asanzwe aba mu gisagara ca Ngozi. Mu ntango z'indwi iheze, uwo mukenyezi yirukanye uwo mwana yahora akoresha

👥 "Uwo mwana yaciye afatwa n'umosore arengeje imyaka 20 aramurarana mu nzu iwe. Ababibonye baca bavira hasi rimwe biyamiriza iryo shurashuzwa"

✍🏾 "Umwe mu batware akaba yaciye yorosha ingorane ashigikirako uwo musore aguma yibanira n'uwo mukobwa"

🚨 Amajwi yagiye hejuru umutware arafatwa kuri uyu wa 15 Ruhuhuma 2024, ubu akaba apfungiwe mu gasho k'inyamiramabi mu gisagara ca Ngozi

🙅🏽 Uwo muyobozi arabihakana, akavuga ko ivyabaye vyose vyobazwa umusore yashurashuje umwana n'uwo yamwirukanye

📌 Amakuru atandukanye akavuga ko uwo muyobozi apfunzwe mu kurindira ko uwo musore afatwa ngo ahanirwe icaha yakoze

⚖️ Muri Fenadeb bagatera ivyatsi inyifato y'abayobozi bamwe bamwe bashaka kwumvikanisha uwakoze icaha co gushurashuza n'uwagikorewe. Iryo shirahamwe rikibutsako uwukoze iryo kosa ryo kubumvikanisha arabihanirwa kuko aba anyegeje amabi menshi

#👁️ muco w'I 🇧🇮

15/02/2024

😭 : Bamugonze kuri aca yitaba Imana yari aherekeje umukunzi wiwe

🆔 Uwo ni umugabo azwi kw'izina rya Jacques wo muri intara ya Ruyigi yagonzwe n'imodokari kuri uyu wa 14/02/2024 ku kagoroba nk'isaha icumi zirenga (16 h), aca yitaba Imana buno nyene

💔 Nyakwigendera yaheruka gupfakara, yari aherekeje umukunzi wiwe bogiye kurushinga mu minsi iri imbere uyu nawe akaba ava ku mutumba wa . Uyu mupfasoni we yarakomeretse akaba yaciye ajanwa kwa muganga

📍 Iryo sanganya ryabereye neza na neza mu mwonga w'ahitwa ku ahari ikorosi n'ibarabara ryaga, umanukana ku bitaro vy'akarere vya komine Kinyinya mw'ibarabara rija ku mutumba w'iyo komine nyene

#👁️ muco w'I 🇧🇮

14/02/2024

🌹 "Ibice 60 % vy'urwaruka bahimbaza ukutariko umunsi w'abakundana"

📋 Ivyo tuvyiganirwa n'umuhinga mu bijanye n'imibano y'abubakanye Désiré D'amour Habonimana aho avuga kandi ko gusesagura ubutunzi, inda zitipfujwe, indwara zifatira mu bihimba vy'irondoka, kwihakana abana no guta ababa bakivuka, gukumirwa mu miryango, gutituka kw'urukundo mu bakundanye ni zimwe mu ngaruka mbi zibonekeza inyuma yo guhimbaza uwo munsi wahariwe abakundana (Saint Valentin)

👩‍❤️‍👨 Abandanya avuga ibice 90% vy'abubakanye ko vyirengagiza uwo munsi ko ari uwabo. Nyabuna ngo kari akaryo keza ku bakundanye ko kurabira hamwe ivyo bagezeko mu rukundo, kurukomeza, kwiha izindi ntego no guhanahana udushimwe hagati yabo

🎙️ Nayo Lenine Manariyo umumenyeshamakuru asanzwe aremesha ikiganiro c'abakundanye ku nsamirizi ya Rema FM, abona ko n'ubwo urwaruka rufata uwo munsi nk'akaryo keza ko kwirekura kwemezanya hagati y'abakudanye, rwo kwirinda ibihendamaso nyabunarukita kw'iterambere ry'urukundo

😥 Yongeye avuga ko urukundo rutaba umunsi umwe kandi ko kwirekura bakaja mu busambanyi bigabanura urukundo, bikabasiga mu bukene no mu ngorane z'inda zitipfujwe

💍 Abo bahinga bahamagarira abubatse ko bohimbaza uwo munsi narirya bo baba basanzwe bafitaniye imigambi basangiye kandi bafitaniye vyinshi vyokwibukanya no kwigira hamwe mu rugo rwabo

🇬🇧 Twobibutsa ko umunsi wa "Saint Valentin" watanguye guhimbazwa mu mpera z'umwaka w'1950, mu gihugu c'Ubwongereza

🙃 Aho iwanyu mwategekanije kuwuhimbaza gute ?

#👁️ muco w'I 🇧🇮

13/02/2024

❌ "Irinde kuramukanya mu koranako, karaba n'isabuni kenshi gashoboka"

👆 Iyo ni imwe mu mpanuro Ir Désiré Nsengiyumva Buramatari w'intara ya yaraye ahaye abenegihugu biciye mw'itangazo yasohoye kuri uyu wa 12/2/2024, mu gihe ingwara y'amaso bita " amaso y'imbwa " imaze kwibonekeza muri iyo ntara

💬 Agira ati: " Uwugwaye iyo ndwara ni yiture ivuriro kugira bamuvure, uwuramukanije akoranako nawe yihutire gukaraba neza n'isabune kandi kenshi"

🤦‍♂️ Yasavye kandi kwirinda kwikora mu maso igihe baramukanije n'abayirwaye canke gukora kubintu yakozeko badakaravye neza n'isabune

👀 Aho iwanyu iyo ndwara irahari?

#👁️ muco w'I 🇧🇮

08/02/2024

⚕️ : Mu mezi atatu aheze, ibitaro vya Nyanza Lac bimaze kwakira abantu 260 bagwaye ingwara bita "amaso y'imbwa"

👥 Mu nama yo kurabira hamwe ivyaranguwe mu mezi 3 arenganye yakoranije kuri uyu wa 07/02/2024 abajejwe intwaro, abakora mu gisata c’amagara y’abantu n’abasanzwe bafata mu mugongo ico gisata basanze hari ibibazo bitandukanye bihanze igisata c’amagara y’abantu mu ntara ya Makamba harimwo ubukene bw’abaganga mu mavuriro no mu bitaro, akarorero ni ibitaro bikuru vya bifise abaganga 3 gusa ni mu gihe bisanzwe vyakira abantu benshi, hamwe har’inyubakwa z’amavuriro zishaje, amavuriro aba ari kure abavuzi ntibagire aho barara no kubura uburyo bwo gukora ibikorwa bimwe bimwe

🔸 Amashirahamwe yigenga asanzwe aterera mu gisata c’amagara y’abantu yasabwe kubandanya gushigikira mu gusanura inyubakwa z’amavuriro n’ibitaro, gutanga uburyo bwo gukoresha no gukarihiriza ubwenge abaremeshakiyago. Abaserukiye ayo mashirahamwe bamenyesheje ko bagiye kubandanya bafasha

💬 Buramatari wa Tantine Ncutinamagara yasavye abaganga kwakira, gufata neza no kwitwararika abagwayi batitaye ku kuntu baba basa canke uko baba bambaye, ari ico bababwira canke ico babasaba bakabikora babanje kubitwararika

👀 Mur'iyo nama kandi bamenyesheje ko abantu 260 aribo bamaze kwakirwa ku bitaro vya NyanzaLac bafashwe n’ingwara y’amaso y’imbwa imaze imisi yateye mu bantu bose bagasaba ko hoba ihimiriza ryo kuyikingira kuko yandukira cane

#👁️ muco w'I 🇧🇮

05/02/2024

03/02/2024

"Ese gukora utiziganya ugahembwa ibitutsi no gukatwa agashahara" 😒

😌 Nimba umaze gufatwa nabi n'umukoresha wawe ku kazi, usangiye ingorane n'uno muntu. Ngo "aritanga mu kazi, akora amasaha arenga kugira ngo ntihagire igipfa, ariko vyose biba impfagusa imbere y'umukoresha wiwe".

✍🏾 Yigana ati : "Iminsi yose nzinduka agaturuturu mva mu Nyabugete aho nsanzwe mba, nkaja mu Kajaga mw'ihoteri nkoramwo. Aho, ngenda ibirometero birenga 20 kugira nshikeyo.

Gukora amasaha arenga ayategekanijwe ni bwo buzima mbayemwo. Abakozi twese dukora aho, twitanga tutiziganya kugira ibikorwa bigende neza, ariko ivyo ntibibuza ko umukoresha yitoraguza udukosa tudafashe.

Uwukoze agakosa gato gatuma bamukata uruhande rw'umushahara. Ukurenganya abakozi vyariziziye aho hantu nkorera. Kubera ukwo kurenganywa, sitwebwe abakozi tuhahombera gusa, n'umwimbu uragabanuka kubera kudukoresha nabi.

N'ubwo biri uko, ngumana icizere ko igihe kimwe amategeko yashizweho kugira akingire umukozi azotinda akubahirizwa" 🤌🏽

#👁️ muco w'I 🇧🇮