Monato

15/11/2024

La decembra numero de Monato estis liverita al la poŝto hodiaŭ, kaj ankaŭ la bitaj eldonoj estis ĵus senditaj al la abonantoj. Agrablan legadon!

28/10/2024

En la pasintaj du semajnoj la plej ofte vizitata paĝo en la retejo de Monato estis „Monato atakita” (https://www.monato.be/publika/013614p.php). Ne vere surpriza rezulto ;-)

11/10/2024

La por-rusia pirata grupo "NoName057” nun atakas la retejon de Monato. Niaj teknikistoj provas kiel eble plej baldaŭ solvi la problemon. Ankaŭ la retejoj de la Retbutiko kaj de Flandra Esperanto-Ligo estas atakitaj.

08/10/2024

Ĵus Julien DRIESEN, unu el la plej maljunaj legantoj de Monato, festis sian 99-jariĝon. Kaj tute klare li ŝate legas la enhavon de sia magazino! Estus bele, se venus multaj gratulmesaĝoj sub tiu ĉi foto. Ni havigos ĉiujn reagojn al li!

26/09/2024

Ĉu la (presita) oktobra numero jam alvenis ĉe vi? La eldonejo tre ŝatas scii, kiam ĝi alvenis en la diversaj landoj. Bonvolu lasi komenton sube.

23/09/2024

La plej ofte vokata artikolo el la retejo de Monato en la lastaj du semajnoj estis „D.R. Kongo: malhela bildo 60 jarojn post la sendependiĝo” de Arlain Kizeyidio Ko-Mayinda. Ĝi estas legebla de https://www.monato.be/publika/013587p.php.

Tuj sekvas en la statistiko la du jenaj artikoloj:
„Instruisto hazarde retrovis ŝtelitan pentraĵon” de Roberto Pigro (https://www.monato.be/publika/013577p.php) kaj
„Israelo: Protestoj kaj dilemo” de Nican Cvi Kohen (https://www.monato.be/publika/013591p.php).

13/09/2024

Lode, la nova oficisto de FEL, tralegas la novan numeron de MONATO.

20/07/2024

La plej vokata teksto el la retejo www.monato.be estas ĉi-semajne „Kiuj estas la plej riĉa kaj la plej malriĉa landoj?” de Julius Hauser. Ĝi estas legebla tie ĉi: https://www.monato.be/publika/013562p.php

16/07/2024

La subita liberigo de Julian Assange estis granda novaĵo. Kiom grava estas gazetara libereco? Grava temo en mondo en kiu ĵurnalistoj „hazarde falas tra la fenestro de sia hotelĉambro” aŭ simple ne riskas skribi, kion ili eltrovis pri iuj t.n. „demokratiaj” respublikoj.

24/06/2024

La plej ofte konsultata artikolo en la retejo de Monato dum la pasinta semajno restis:

1) „Ĝustamezure de via nostalgio!” de Fernando Pita (https://www.monato.be/publika/013254p.php)

tuj sekvata de

2) „Bela voĉo, bela vivo” de Rogier Huurman (https://www.monato.be/publika/013538p.php)

3) „Gramatiko ne por komencantoj” de Renato Corsetti (https://www.monato.be/publika/013546p.php)

4) „Feoj kaj fiŝoj” de Julius Hauser (https://www.monato.be/2012/010766.php)

5) „Monda produktado modere kreskas” de Evgeni Georgiev (https://www.monato.be/2012/010785.php)

La pozicio de la tri unuaj estas logika, ĉar temas pri aktualaj artikoloj. Pri la du postaj, el la jaro 2012, ni povas supozi nur, ke iu kursgvidanto sugestis al siaj kursanoj konsulti ilin?

17/06/2024

La plej ofte legata artikolo en la retejo de Monato pasintsemajne estis „Ĝustamezure de via nostalgio!”, recenzo de Fernando PITA pri la libro „Bunsun kaj Aiko” de Cho Sung Ho:

Teksto el la internacia magazino sendependa MONATO

16/06/2024

4 artikoloj pri politiko, 4 librorecenzoj, 4 paĝoj pri arto kun multaj belaj fotoj, tekstoj pri moderna vivo, turismo, scienco kaj medio ... jen la konciza enhavo de la julia numero de Monato, kiu ĉi-semajne iris al la abonantoj.

13/06/2024

Pasintmonate Monato malfruis je du tagoj. Nun, por kompensi, Monato estis liverita du tagojn antaŭ la normala aperdato al la poŝto! 😊 [foto: Klaas Dijkstra]

01/06/2024

"La stranga grupo" de Michel Marko estas senpage legebla novelo el Monato 2000/10, p. 29
PDF-formo:https://www.monato.be/2000/monato200010.pdf =28

15/05/2024

Kial tiu ĉi ĉarma paro aperas nun en la kovrilpaĝo de MONATO? Legu ĉion en la junia numero de 2024, kiu hodiaŭ iris al la abonantoj. Ne-abonantoj povas parte legi ĝin en www.monato.be

15/04/2024

La maja numero de Monato estis sendita hodiaŭ al la abonantoj. Ĝi enhavas 19 artikolojn, ĉi-foje ĉefe el Afriko, Eŭropo kaj Sud-Ameriko. Agrablan legadon!

15/03/2024

La ĉefartikolo en la nuna aprila numero de Monato temas pri la signifo de Aleksej Navalnij por Rusio kaj por la libera mondo. Ĝin verkis Kalle Kniivilä, konata specialisto pri la temo.

18/02/2024

Ĉu vi volas scii pli pri Aleksej Navalnij? Antaŭ du jaroj aperis en Monato la artikolo „Portreto de opoziciulo” pri li, sed ĝi estas nun pli aktuala ol iam. Jen la artikolo mem en teksta formo https://www.monato.be/publika/013054p.php kaj jen la tuta numero de Monato en kiu ĝi aperas:https://www.monato.be/2022/pdf/monato202203.pdf