26/04/2024
👇👇Aproveita oportunidade ida ne'e, Governu mós hakarak fó avizu ba públiku katak:👇👇
1. Komunidade sira ne'ebé simu ona notifikasaun hosi Presidente Autoridade tenke prepara an hodi hamamuk fatin;
2. Komunidade ne’ebé maka hela pertense ba iha Bidau to'o Cristo-Rei ne’ebé okupa trotoar parte tasi ibun atu bele hamamuk fatin, atu ema lao ain ka hirak ne’ebé halo ginástica bele hala’o movimento iha fatin refere;
3. Tuir lei, determina ona katak hosi tasi mai rai-maran maizomenus 50 metros ne’e konsidera Estadu nian, ho nune’e husu ba komunidade sira ne’ebé hela pertense ba área tasi-ibun obrigatoriamente hamamuk fatin;
4. Proibido ba komunidade sira ne’ebé maka ke'e rai iha foho lolon hodi konstrui uma;
5. Komunidade sira ne’ebé hela iha área tasi-ibun hanesan hosi Bebonuk to'o Pertamina International husu atu hamamuk ona fatin refere;
6. Komunidade sira ne’ebé hela iha área mota-ninin no mota-laran hanesan mota Comoro to iha Ponte Comoro II tenke hamamuk fatin;
7. Vendedor ambulante ikan sira ne’ebé iha tasi-ibun; tenke muda hotu ba mercado, LABELE nahe hudi tahan iha trotoar leten hodi fa’an ikan;
8. Mate-uma/halo festa/feira labele taka estrada publiku (tenke hetan uluk autorizasaun husi Autoridade munisipal sira no la autoriza atu loke Bola Guling no Kuru-Kuru.
9. Husu ba komunidade sira ne’ebé hakiak animal hanesan fahi, bibi, karau, atu muda fatin no labele husik animal halo movimentu livre iha komunidade nia leet;
10. Fó avizu ba populasaun tomak atu labele halo barullu hanesan loke múzika, kanta ka toka gravador ho volume ne’ebé aas, entre 21:00h (tuku 09:00 kalan) to’o tuku 06:00 dadeer, tenke hetan lisensa hosi Autoridade Municipal sira; tanba prejudika ema seluk nia komunikasaun ka oras deskansa.
11. Husu ba negosiante, emprezáriu ka loja na’in, ne'ebé estraga ona trotoar atu konstrui fila-fali ba ninia standard original.
12. Komunidade ne’ebé harii kualker konstrusaun iha valeta leten, atu hasai ka sobu;
13. Empreza karreta no motor sira, labele okup
