https://www.facebook.com/109633635122091/

İxtisas Seçimi Abituriyentlərə kömək 2022, Baku (2025)

20/06/2024

Sabahdan müəllimlərin sertifikatlaşdırma imtahanları başlayır. İmtahan verən bütün müəllimlərə uğurlar arzulayıram.

20/06/2024

22 iyun tarixindən etibarən ali təhsil müəssisələrinin magistratura pilləsinə qəbul üçün bakalavrların ixtisas seçimi başlayır.

Bu il magistratura pilləsinə 15791 plan yeri ayrılıb. 2023-cü ildə isə 14081 plan yeri ayrılmışdı.

Bu il magistratura pilləsinə ayrılan dövlət sifarişli (ödənişsiz) plan yerlərinin də sayı artıb. Belə ki, bu il 6816 plan yeri ödənişsiz, DS-dır. Keçən il isə 6388 plan yeri idi.

Beləliklə keçən illə müqayisədə plan yerində 1710 yer (12,1%) artım var. DS ixtisasların sayında 428 yer (6,7%) artım var.

14/06/2024

l və lV qrupların blok imtahan nəticələri elan olundu.

11/06/2024

Azərbaycan Texnologiya Universitetinə bu ildən 400-dən çox balla qəbul olacaq tələbələr aylıq 100 AZN, 500-dən çox balla qəbul olacaq tələbələrə aylıq 200 AZN əlavə təqaüdlər veriləcək.

11/06/2024

Sertifikasiyada 2-ci dəfə şans verilən müəllimlərdən 3909 nəfəri YENƏ KƏSİLİB!

(3424 nəfər ibtidai sinif müəllimi, 485 nəfər Azərbaycan dili və ədəbiyyat müəllimi)

Qeyd. Nəzərinizə çatdırım ki, keçid balı 30 baldır.

04/06/2024

Dünyada inqilab edən Azərbaycanlı alim - Tural Xudiyev

T.Xudiyevin ixtirası ilə görə bilməyən insanın görmə qabiliyyəti bərpa oluna bilər.

O, Avropanın ən önəmli 50 tədqiqatçısından biridir. İxtirası ilə dünyada Azərbaycanlı gənc alim kimi məşhurlaşıb. Həmyerlimizin qatıldığı komanda ilə birlikdə gördüyü işlər dünyada tanınmış "Applied Optics’’ jurnalında dərc edilib.

📝İlk təhsilini Bakıda 275 saylı məktəbdə alıb, orta təhsilini Şirvan özəl türk liseyində davam etdirib.

🇹🇷📍Hacettepe Universitetində "Atom enerjisi mühəndisliyi” fakültəsində bakalavr təhsili alıb. Bilkent Universitetində Material elmləri və Nanotexnologiyalar üzrə fəlsəfə doktoru adını alıb.

🎓📘Elmi karyerasını Massaçusets Texnologiya İnstitutunda davam etdirən T.Xudiyevin də iştirak etdiyi komanda bükümlü nanokabellərin işıq keçirməsini 20 faiz artırmağa nail olub. Bu ixtira sayəsində bükülü (əyri) klassik nanokabellər işığı 20 faiz daha çox udaraq 50 faiz yer sahəsinə qənaət edə bilir.

👁👓Soydaşımız deyir ki, görmə əngəlli insanın gözünə hazırladıqları işığa həssas nanostrukturları yerləşdirdikdə, ölü sinir hüceyrələri bunlarla qıcıqlanır və insanın görmə qabiliyyəti bərpa oluna bilər.

📍O, hazırda Sinqapur Dövlət Universitetində Material Elmləri və Mühəndisliyi fakültəsinin dosentidir.

25/05/2024

İmtahan verən abituriyentlərin nəzərinə:

Həyat imtahanlarla doludur. Sabah iştirak edəcəyiniz imtahan da həyatınızda olan imtahanlardan bəlkə də ən kiçiyidir. İnsan imtahan verə- verə püxtələşir, kamilləşir. Ona görə də sabahkı imtahana özünüzə tam əmin olaraq iştirak edin. Özgüvən, özünə əminlik sizi uğura aparan əsas yoldur. Bütün imtahanlar sizi zamanla sınağa çəkəcək. Odur ki, sizi gözləyən bu imtahanda da zamana dəyər verin, qiymətini bilin. Bu həyatda Ən dəyərli şey zamandır. Vaxtınızı düzgün bölün sualları asandan çətinə doğru həll edin. Sona 30-40 dəqiqə qalmış yazdığınız sualları cavab kartına doldurun. Hər birinizə uğurlar arzulayıram.

22/05/2024

Bu il yay aylarında açılacaq tələbə transferləri yeni qaydalarla aparılacaq.

"Bizim üçün həm maraqlı, həm də çətin il olacaq. Çünki ilk dəfədir prosesi universitetlərin öhdəliyinə buraxmışıq. Prosesdə həm tələbəni ötürən, həm də qəbul edən tərəf iştirak edəcək. Biz isə daha çox müşahidəçi və tənzimləyici rolda çıxış edəcəyik"

-Elm və Ali Təhsil üzrə Dövlət Agentliyinin direktoru Ülkər Səttarova:

21/05/2024

İştirakçılar imtahan nəticələri haqqında məlumatı (hər fənn üzrə ümumi balı) mobil operatorlar (Azercell, Bakcell, Nar, Naxtel) vasitəsilə bu imtahan üçün nəzərdə tutulan buraxılış vərəqəsində göstərilən kodu 7727 nömrəsinə göndərməklə də öyrənə bilərlər.

16/05/2024

2024/2025-ci tədris ili üçün ali təhsil müəssisələrinin (V ixtisas qrupu), tam (11 illik) orta və ümumi (9 illik) təhsil bazasında orta ixtisas təhsili müəssisələrinin xüsusi qabiliyyət tələb edən ixtisasları (XQTİ) üzrə mayın 15-dən 29-dək aşağıdakı istiqamətlər aid komissiyalar üzrə abituriyentlərin (subbakalavrların) qeydiyyatı aparılacaq:

teatr, kino və xoreoqrafiya sənəti;
musiqi sənəti;
təsviri sənət;
bədən tərbiyəsi və idman.

Abituriyentlər (subbakalavrlar) https://www.e-gov.az/az/services/read/3148/0?tqdk_xdm=69 linkinə daxil olub qeydiyyatdan keçə bilərlər.

Ali təhsil müəssisələrinin xüsusi qabiliyyət tələb edən ixtisasları üzrə məlumatlar mayın 14-də nəşr olunan qabiliyyət imtahanlarının istiqamətləri üzrə “Abituriyent” jurnalının xüsusi buraxılışlarında təqdim olunub.

Qabiliyyət imtahanlarının iyun – avqust aylarında keçirilməsi nəzərdə tutulur. DİM-in internet səhifəsində abituriyentlərə (subbakalavrlara) “Qabiliyyət imtahanına buraxılış vərəqəsi”ni çap edə biləcəkləri tarixlər haqqında məlumat veriləcək. “Qabiliyyət imtahanına buraxılış vərəqəsi”ndə qabiliyyət imtahanlarının tarixi, keçiriləcəyi ünvan və vaxt göstəriləcəkdir.

Diqqət!

Qəbul (buraxılış) imtahanını Azərbaycan dilindən fərqli dildə verən abituriyentlər Azərbaycan dili (dövlət dili kimi) üzrə imtahanın nəticəsindən asılı olmayaraq qeydiyyatdan keçə bilərlər. Lakin bu imtahandan “qeyri-məqbul” alan abituriyentlərin nəzərinə çatdırırıq ki, onlar 30 iyun tarixində keçiriləcək Azərbaycan dili imtahanının ikinci cəhdində “məqbul” aldıqları təqdirdə müsabiqəyə buraxılırlar.

Aprelin 21-də və mayın 5-də keçirilmiş qəbul (buraxılış) imtahanlarında iştirak etmiş abituriyentlər nəticələr elan olunduqdan sonra müsabiqə şərtlərini ödədikləri halda qeydiyyatdan keçə biləcəklər.

Aldıqları orta ixtisas təhsilinə uyğun olan qabiliyyət imtahanı komissiyaları üzrə qeydiyyatdan keçmək istəyən subbakalavrlar ilk növbədə mayın 27-dək DİM-in saytında “Subbakalavrın elektron ərizə”sini doldurub təsdiq etməlidirlər. Təhsil məlumatları tam olmayan XQTİ-lər üzrə qabiliyyət imtahanlarında iştirak etmək istəyən subbakalavrlar tələb olunan məlumatların qeyd olunan tarixdən gec olmayaraq orta ixtisas təhsili müəssisəsinin məsul şəxsləri tərəfindən sistemə yerləşdirilməsini diqqətdə saxlamalıdırlar. Daha sonra subbakalavrlar 29 may saat 23:59-dək müvafiq qabiliyyət komissiyası üzrə də qeydiyyatdan keçməlidirlər. Yəni onlar əvvəlcə “Subbakalavrın elektron ərizə”sini təsdiq edib sonra qabiliyyət imtahanı komissiyaları üzrə qeydiyyatdan keçə bilərlər.

Xüsusi qabiliyyət imtahanı ilə bağlı məlumatlarla elanın tam mətni
https://dim.gov.az/upload/iblock/df5/df57dcfb67aadb26c891477ccc46904c.pdf

14/05/2024

Müəllimlərin işə qəbulu üzrə müsabiqədə iştirak etmək istəyən şəxslərin nəzərinə 📢

2024-2025-ci tədris ili üçün keçiriləcək dövlət ümumi təhsil müəssisələrinə müəllimlərin işə qəbulu üzrə müsabiqənin elektron sənəd qəbulu mərhələsinə start verilir. Müsabiqə üzrə qeydiyyat 15 may saat 11:00-dan 22 may saat 11:00-dək davam edəcək.

Müsabiqə iştirakçılarına uğurlar arzulayırıq.

13/05/2024

https://digital.login.gov.az/auth/with-pin?o=1

Müəllimlərin işə qəbulu üzrə müsabiqədə iştirak etmək istəyən şəxslərin nəzərinə:
Bu il ilk dəfə "ASAN Login" sistemi vasitəsilə qeydiyyat prosesi həyata keçiriləcək.Müsabiqədə iştirak etmək istəyən namizədlər " ASAN Login" əldə etmək üçün yuxarıda qeyd etdiyim linkə daxil olub mütləq qeydiyyatdan keçin.

13/05/2024

Qarabağ Universitetinin qəbul planı açıqlanıb.

Qarabağ Universitetində 1200 tələbə təhsil alacaq:
“Bu həftə artıq seçilmiş 3 proqram rəhbəri ictimaiyyətə təqdim olunacaq. Universitetdə təhsil ödənişsiz olacaq və tələbələr yataqxana ilə təmin olunacaq”.

10/05/2024

14 aprel tarixində olan buraxılış imtahanının nəticələri elan olunub. Əziz müəllimlər nəticələr necədir?

08/05/2024

Müəllimlərin işə qəbulu üzrə müsabiqədə iştirak etmək istəyən şəxslərin nəzərinə 📢

2024-2025-ci tədris ili üçün keçiriləcək dövlət ümumi təhsil müəssisələrinə müəllimlərin işə qəbulu üzrə müsabiqənin elektron sənəd qəbulu mərhələsinə start verilir. Müsabiqə üzrə qeydiyyat 15 may saat 11:00-dan 22 may saat 11:00-dək davam edəcək.

❗Qeyd edək ki, bu il ilk dəfə olaraq “ASAN Login” sistemi vasitəsilə qeydiyyat prosesi həyata keçiriləcək. Müsabiqədə iştirak etmək istəyən namizədlər “ASAN Login” əldə etdikdən sonra www.miq.edu.az saytına daxil olaraq qeydiyyatdan keçə biləcəklər.

ℹDaha ətraflı məlumat üçün müsabiqəyə dair sual-cavabla aşağıdakı linkə daxil olaraq tanış ola bilərsiniz:

https://miq.edu.az/faq

Müsabiqə iştirakçılarına uğurlar arzulayırıq!

07/05/2024

Dövlət İmtahan Mərkəzi tərəfindən 2024-cü il mayın 12-də tədrisi Azərbaycan dilindən fərqli dillərdə aparılan ümumi təhsil müəssisələrinin 9-cu və 11-ci sinif şagirdləri üçün buraxılış imtahanı çərçivəsində Azərbaycan dili (dövlət dili kimi) imtahanı keçiriləcək. Mayın 12-də ali və orta ixtisas təhsili müəssisələrinə qəbul imtahanını Azərbaycan dilindən fərqli dildə verən əvvəlki illərin məzunları üçün də Azərbaycan dili (dövlət dili kimi) imtahanı keçiriləcək.

Cari ilin 9-cu və 11-ci sinif şagirdləri https://eservices.dim.gov.az/sagirdbv/?frm=egov , əvvəlki illərin məzunları isə https://eservices.dim.gov.az/BRXV/login/login?usdcnt=1&usd=byS%2FSttzEd4%3D linkindən “İmtahana buraxılış vərəqəsi”ni çap edə bilərlər.

İştirakçılar imtahana aşağıdakı sənədləri gətirməlidirlər:

- imtahana buraxılış vərəqəsi;

- şəxsiyyəti təsdiq edən sənədin əsli.

a) Azərbaycan Respublikasının vətəndaşları (16 yaşı tamam olmayan şagirdlər də daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan şəxslər digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa şagirdin 3x4sm ölçülü şəkli yapışdırılır və şəkil möhürlə təsdiqlənir).

29/04/2024

Abituriyentləri ən çox narahat edən bir sual var. Gələcəkdə hansı ixtisaslarda işləmək imkanı daha yüksəkdir?Və yaxud yüksək əmək haqqı olan ixtisaslar hansılardır?? Əvvala onu qeyd edim ki, birinci növbədə şagirdin bilik və bacarığı müəyyən edilməlidir, həmçinin onun maraq dairəsi nəzərə alınmalıdır. Lazım gələrsə həmin gənclərə istiqamət vermək lazımdır.
Müasir dövrün tələblərinə uyğun olaraq texnoloji ixtisaslar ( İT ) sahəsində olan ixtisaslar daha çox iş yeri olan və bu sahədə kifayət qədər mütəxəssisə ehtiyacı olan ixtisaslardır. Həmçinin bu ixtisaslarda yüksək əmək haqqı olduğu da birmənalıdır. Ümumilikdə l qrup mühəndislik və lV qrup tibb ixtisasları əmək bazarında ən çox işlə təmin edilən ixtisaslardır. Bu ixtisaslar həmişəki kimi yenə aktualdır. Xüsusilə Azərbaycan kimi ölkələrdə. Ən az iş imkanı humanitar ixtisaslardır. Ona görə də gənclər ixtisas seçimi edəndə bunlara mütləq diqqət etməlidir.

28/04/2024

6 ölkədə təhsil almış, ABŞ universitetinin professoru Xankəndidə dərs demək istəyir

Şimali Karolina Universitetinin azərbaycanlı professoru Əli Əsgərov 2001-ci ildən Amerikada yaşayır və orada doktorantura pilləsini bitirib. Konfliktologiya üzrə mütəxəssis Əli Əsgərov “Vətən Uzaqda Deyil” verilişində Xankəndidə açılacaq “Qarabağ” Universitetində dərs demək arzusunun olduğunu bildirib.

İxtisas Seçimi Abituriyentlərə kömək 2022

20/06/2024

20/06/2024

14/06/2024

11/06/2024

11/06/2024

04/06/2024

25/05/2024

22/05/2024

21/05/2024

16/05/2024

14/05/2024

13/05/2024

13/05/2024

10/05/2024

08/05/2024

07/05/2024

29/04/2024

28/04/2024

Address

Telephone

Website

Alerts

Contact The Business

Videos

Shortcuts

Share

Category