What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

Nebula Publishing House

Home
Azerbaijan
Baku
Nebula Publishing House

Publishing house and talent agency focusing in variety of literal genres
(2)

20/06/2024

Əziz Lalə xanımın "Mavi Planetin hekayəsi" romanı haqqında fikirləri:

"🌍 Şübhəsiz dünyanın hər hansı bir yerində bir uşaq aclıq-səfalət içində əzab çəkərkən, dünyanın başqa yerində bir uşaq önündəki yeməyi bəyənmir. Yaxud inkişaf etmiş ölkələr həyatın səfasını sürərkən, bəxtsiz coğrafiyaların payına “cəfa” qismi düşüb. Nədir bu tarazlığı pozan? Hər kəsə eyni şərtlərdə bərabər xoşbəxtlik bölüşdürmək olmazdımı? Müəllif elə bundan söz açır.

🌴 Yalnız firavanlığın hökm sürdüyü, dəniz suyunun pak, səmanın aydın, günəşin parlaq olduğu bir ada düşünün. Göz önündə canlanan tabloda bir də yaşları artdıqca gəncliyini, saflığını itirməyən məsum varlıqlar xəyal edin. Əl dəyməmiş ruhların, kirlənməmiş qəlblərin sahibi olan bu uşaqlar “Mavi planet” adasının sakinləridir. Onların dünyasında sadəcə yaxşılıq hökm sürür, dostluq körpü salır, sevgi sədaları ucalır.

🚀 Qulağa lay-lay kimi səslənən hekayənin qəhrəmanları bir gün çağırılmamış qonaqla qarşılaşır. “Kosmik canavar” adlanan bu məxluq yetkin insandır və bütün uğursuzluqlar onun “Mavi Planet” adasına ayaq basmasıyla sıralanır. Uşaqların saflığından faydalanaraq onların zehninə nifrət toxumları əkir, gəncliyini satın alır, enerjilərini sömürür.

☀️ İnsan nəfsinin doyumsuzluğu bütöv bir planetin çarxını tərsinə döndərməyə yetərmiş kitabla təsdiqləndi. Elə bu disbalansın səbəbkarı da şeytana satılmış ruhlarımızdır. Əsər sanki hər cümləsində həqiqətlərə aparan gizli kodlarla zəngindir. Üzdən baxanda uşaq ədəbiyyatıdır, yaxından insanlıq dərsi. Kitabın axıcılığına, süjet xəttinə və yazıçının ustalığına heyran qaldım...👏"

Övladınızla birgə mütaliə edə biləcəyiniz kitab axtarışındasınızsa, "Mavi Planetin hekayəsi" yolunuzu gözləyir.
Kitabı əldə etmək üçün Bakı şəhərinin bütün mərkəzi kitab mağazalarına yaxınlaşa və ya bizə yaza və metrolarda ödənişsiz çatdırılma xidmətimizdən yararlana bilərsiniz. 💙

16/06/2024

"Mənə ikrahla yanaşmağı seçməsini qəbul edərdim, bəlkə, təqdir edərdim, hətta nə qədər qəribə olsa da, bundan zövq alardım. Amma onun gözündə bu tayından baxanda o tayı görünən şəffaf bir şeyə, bir heçliyə, boşluğa çevrilməyimə dözə bilməzdim."

Yay tətilinizi gözəlləşdirəcək unudulmazkitab axtarışındasınızsa, "Dəniz" bütün gözləntilərinizi doğruldacaq. 💙

Şəhərin bütün mərkəzi kitab mağazalarından və ya bizə yazaraq metrolarda ödənişsiz çatdırılma xidmətimizdən yararlanaraq əldə edə bilərsiniz. 📚

10/06/2024

"Kafka" mükafatlı Con Bənvilin "Dəniz" romanı 2005-ci ildə "The Man Booker" mükafatını Kazuo İşiquro, Zedi Smit, Culiyan Barns kimi yazıçıları geridə qoyaraq qazanıb.

Bu möhtəşəm əsəri əldə etmək üçün şəhərin bütün mərkəzi kitab mağazalarına yaxınlaşa və ya bizə yaza və ödənişsiz çatdırılma xidmətimizdən yararlana bilərsiniz.

09/06/2024

"Marağımla onu bezdirmək istəmirdim, amma ən aşkar sualı verməyə bilməzdim:
– Cavablandırmağa məcbur deyilsən, amma mənə maraqlıdır ki, özünü demensiya xəstəsi kimi aparmağa səni vadar edən nə idi?
– Yəqin ki, sıravilik.
– Sıravilik?
– Başqaları kimi olmaq və bundan boğaza yığılmaq.
– İzah edə bilərsən?
– Ölməyə yaxın olanların özlərini ittiham etdikləri beş şey var: birincisi, çox işləyiblər. İkincisi, başqalarının gözləntilərinə əsasən yaşayıblar. Üçüncüsü, dostları ilə əlaqələri kəsilib. Dördüncüsü, öz xoşbəxtliklərinə diqqət ayırmayıblar. Beşincisi, duyğularını ifadə etməyiblər... Bu sonuncusu mənim elə də vecimə deyil, amma digər dördü, bir artıq, bir əskik, həyatımın icmalıdır. Xüsusilə də, ikincisi..."

Qiyməti: 6.90 AZN

Əldə etmək üçün şəhərin bütün mərkəzi kitab mağazalarına yaxınlaşa, ya da bizə müraciət edə və metrolarda ödənişsiz çatdırılma xidmətimizdən yararlana bilərsiniz. 😊

01/06/2024

Ədəbiyyat, kitablar və yazı prosesinə dair həmsöhbət olmaq, yazıçılarımızı yaxından tanımaq istəyirsinizsə, Zaur Pənahov və Fərid Hüseynli sizi birlikdə bir fincan qəhvə içməyə gözləyəcək. ❤️

09/05/2024

Həftəsonu üçün kitab seçməmisinizsə, "Ali və Nino" rəflərində və saytında kitablarımız sizi gözləyir. ❤️

04/05/2024

Necə düşünürsünüz? Sizə heç bir duyğu bəsləmədən baxması sizə nifrət etməsindən daha p*s ola bilər?

03/05/2024

Hansı kitabı oxuduğumuz qədər, hansı şəraitdə oxuduğumuz da önəmlidir. 🤨

Kitab oxumağı meditasiyaya çevirərək içinizə qapanmağı sevirsiniz, yoxsa başqalarının, musiqinin, ya da içkinin müşayiətində oxumağa üstünlük verirsiniz? 📚

24/04/2024

"Modern Dünya Ədəbiyyatı" seriyamıza hazırda 3 kitab daxildir. ✨️

"Gecikən" romanı həyat yoldaşından xilas olmaq üçün özünü yaddaşsız kimi aparan 74 yaşlı qoca ilə başlayır. Qocalar evinə getmək üçün mövcud həyatından, övladlarından, dostlarından və vərdişlərindən imtina edən qocanı orada fərari alman zabit və gənclik məhəbbəti gözləyir. Tez-tez qəhqəhələrə boğulacaq, anidən də göz yaşlarəna boğulacaqsınız!

"Dəniz" romanı ölğn həyat yoldaşının yasını tutmaqdan qaçmaq istəyən Maks Mordenin uşaqlıq xatirələrinə sığınmaq üçün köhnə qəsəbəsinə sığınması ilə başlayır. Amma Maks nəyin xatirə, nəyil xəyal olduğunu artıq ayıra bilmir və ölümlə tanışlığının heç də təkcə arvadı ilə yox, uşaqlığında unutduğu Qreys ailəsi və gətirdikləri faciə ilə bağlı olduğunun fərqinə varır. "THE MAN BOOKER" mükafatı qazanmış bu roman əsl ədəbi zövqdür! Anar Mahmudovun tərcüməsində bu əsər Azərbaycan dilinin ən estetik nümunəsinə çevrilib!

"Portağal bağı"nda Zahid hansı oğlunu öldürməli olduğunu seçməlidir: sağlam olan, yoxsa onsuz da ölməkdə olan xəstə oğul? Hansı kamikadze olmalıdır? Qəlbinizdən və yaddaşınızdan uzun müddət silinməyəcək!

Şəhərin bütün mərkəzi kitab mağazalarında! ❤️

23/04/2024

23 Aprel "Kitab və Müəlliflik Hüququ günüdür.

Bu münasibətlə həftə sonuna qədər bizdən sifariş verdiyiniz ikinci kitaba əlavə 40 faiz endirim var. ❤️

*metrolarda çatdırılma ödənişsizdir.

*kampaniya qiyməti daha ucuz olan kitaba aid edilir.

17/04/2024

komandası ilə birgə layihəmiz çərçivəsində sizlərin hədiyyəsi olan kitablar artıq ucqar kəndlərdəki ünvanlarına çatırlar. ❤️

KitabGəzər ölkənin ən ucqar kənd məktəblərində ədəbiyyatı, kitabı əlçatan etməyi özünə prioritet seçmiş qeyri-hökümət təşkilatıdır. Məktəblərdə qurduqları kitabxanaları ən çox istifadə edən şagirdlərə sizlərin dəatəyi ilə hədiyyə yolladıq.

portalı vasitəsilə ianə edilmiş miqdarı un tərəfimizdən çap edilmiş kitabı "Mavi Planetin hekayəsi" və əlavə hədiyyələrlə bəzədik, hər məktəbdə kitabxananı ən çox ziyarət edən 10 şagirdə hədiyyə olaraq göndərdik. 🌎

Şəkillərdə isə həmin qəhrəmanları görürsünüz. 😍

Astara, Asxanakəran kənd məktəbi.
Astara, Şahağacı kənd məktəbi
Lənkəran, Veravul kənd məktəbi.
Cəlilabad, Göytəpə orta məktəbi.

Cənub regionu ilə başlayan səyahətimiz hələ davam edəcək... ✨️

15/04/2024

Nəşr etdiyimiz bütün əsərlərin üz qapağında kitaba dair xırda mesajlar var.

"Dəniz" romanı da istisna deyil. 😍
Əsərin baş qəhrəmanı Maks Morden incəsənət, xüsusən, rəssamlıq sahəsində tənqidçidir. Həyat yoldaşının vaxtsız ölümünün gətirdiyi kədərdən qaçmaq üçün sığındığı uşaqlıq qəsəbəsində XX əsrin qalmaqallı və böyük rəssamlarından biri olan Pyer Bonnar(Pierre Bonnard, 1867-1947) haqqında kitab yazmağa çalışır.

Kitabın üz qapağında istifadə etdiyimiz illustrasiya da Pyer Bonnarın "Beaches and Bathing" rəsminə əsaslanır.

Dostu Edouard Villard ilə gizlicə girdiyi Lüksemburq muzeyində baş verənlər Pyer Bonnarın əsərlərində çatmaq istədiyi zirvəyə olan bağlılığını təsvir edən hadisələrdən biridir. Villard nəzarətçinin diqqətini yayındırarkən, Pyer muzeydə sərgilənən tablolardan birinin üzərində bəzi yeni düzəlişlərini etmişdi.

Bununla belə rəssamın davamçılarından olan Matis onun işlərini təqdir edərkən, Pikasso sənətkarı əsl məyusluq hesab edirdi. Belə ki, o, Bonnarın tablolarını tez-tez yeniləməsi, düzəlişlər verməsi faktına istinadən, – "Rəsm çəkmək... hakimiyyəti ələ almaqla bağlıdır", – demişdi.

Fransanın ən nüfuzlu mükafatı "L'egion d'honneur" ordenini rədd edən, London Kral Akademiyasının nadir fransız fəxri üzvlərindən biri olan Bonnar şəxsi həyatında nə qədər assosial, utancaq, təvazökar biri idisə, incəsənət çevrəsində də o qədər ürkək idi.

Amma bu ona 30 il birlikdə yaşadıqdan sonra evləndiyi, yüzlərlə nü tablosunu çəkdiyi sevgilisi Mariya Bursinə dəfələrlə xəyanət etməyə maneə olmamışdı. Bu xəyanətlərinin arasında tablosunu çəkdiyi modellər, həmçinin evli qadınlar olduğu, hətta bu qadınlardan biri ikinci oğlunun rəssamdan olduğu iddia etmişdi. Səbəbi hələ də bəlli deyil, amma evləndikdən qısa müddət sonra həyat yoldaşı Mariya intihar edir. Bundan sonrakı bir neçə ili şəhərdən kənarda tənha yaşayan və hələ də keçmiş həyat yoldaşının çılpaq portretlərini çəkməyə davam edən rəssam 1947-ci ildə vəfat edib.

Kitabın son səhifəsində də tapa biləcəyiniz QR-Kod vasitəsilə vebsaytımızda dərc etdiyimiz məqaləni oxuya və bu böyük rəssam haqqında daha ətraflı məlumat əldə edə bilərsiniz.

12/04/2024

mağazalarında endirim aksiyası var. 🤩

Ramazan bayramı münasibəti ilə ikinci kitaba 40 faiz endirim ☘️🌛

Bu şansdan yararlanın və rəflərinizdə bizim kitablarımıza da yer ayırın. ❤️

10/04/2024

Aprel ayının 14-nə qədər Ramazan bayramı münasibəti ilə verəcəyiniz hər ikinci kitab sifarişinə 20, üçüncü kitab sifarişinə isə 40 faiz endirim olacaq. 🤩

Xoş bayramlar diləyi ilə ❤️

09/04/2024

Con Bənvil 1945-ci ildə İrlandiyanın Veksford şəhərində anadan olub.
1970-ci ildə qələmə aldığı “Long Lankin” adlı hekayə toplusu ilə ədəbiyyat dünyasına daxil olan yazıçı “James Tait Black Memorial” (1976), “International Nonino” (2003), “Kafka” (2011) kimi mükafatlara layiq görülüb.
İlk dəfə “The Book of Evidence” adlı romanı ilə (1989) “The Man Booker” qısa siyahısına düşsə də, müəllif bu nüfuzlu mükafatı 2005-ci ildə “Dəniz” romanı ilə əldə etmişdir.
Çoxlarına görə, Con Bənvil öz yaradıcılığı ilə Vladimir Nabakov və Marsel Prustun davamçısıdır. Yazıçı tənqidçilər tərəfindən ingilis dilinin usta stilisti
kimi görülür, əsərləri “mükəmməl tərtib olunmuş, gözəl və gözqamaşdırıcı” olaraq təsvir olunur.
Con Bənvil həmçinin “Benjamin Blək” psevdonimi ilə kriminal romanlar da yazır. Növbəti illər üçün “Nobel” mükafatına əsas namizədlərdən biri sayılan ədib hazırda Dublin şəhərində yaşayır.

06/04/2024

ARTIQ SATIŞDA! 🌅

İrland ədəbiyyatının canlı əfsanəsi Con Bənvilin "The Man Booker" mükafatı qalibi əsəri artıq Azərbaycan dilində!

"Dəniz" xatirələrin xülyalarla, peşmanlıqların arzularla kəsişdiyi, hər cümləsində sizi dayanmağa və düşünməyə məcbur qoyan xüsusi əsərdir.

Maks Morden keçmişə doğru uzun bir səyahətə çıxır və bu gününün ağır həqiqətlərindən uşaqlığına dair unutduğu xatirələrini eşələyərək qaçmağa, orada gizlənməyə çalışır.

Amma bəzən keçmiş heç də bu gündən qayğısız deyil və Maks bunu çətin yol ilə öyrənməli olacaq.

Bu, ölüm, sevgi, özünü kəşf və itkiyə dair unudulmaz roman və əsl sənət əsəridir!

Qiyməti: 8.50 AZN.

Metrolarda çatdırılma ödənişsizdir. ❤️

Tezliklə həm də şəhərin bütün kitab mağazalarında. 🌊

03/04/2024

"Özümlə tək qalmağa ehtiyacım var idi.
Bu binanın hüdudlarından kənarda daima danışmalı olduğun dünya var. Danış, danış, danış və daha çox danış. Və qulaq as, ya da özünü qulaq asırmış kimi apar. Ailən və başqa məsuliyyətlərin var, bu da çox vaxt danışmalı və dinləməli olduğun deməkdir. Və mən artıq bunu xoşlamadığımı hiss etdim, bu ictimai pantomima daha xoşuma gəlmirdi. Nəhayət, rahatlığa qovuşmaq və öz düşüncələrimlə qalmaq istəyirdim."

Gecikən, Dmitri Verhulst.

27/03/2024

YENİ KİTAB! 🌊

"Ötən günlər içimdə ikinci ürək kimi döyünür".

"Modern Dünya Ədəbiyyatı" seriyamızın üçüncü kitabı, İrlandiya ədəbiyyatının yaşayan əfsanəsi Con Bənvilin "The Man Booker" mükafatını 2005-ci ildə qazanmış romanı "Dəniz" olacaq. ✨️

"Əsl xəzinə... Sanki hər səhifəsi canlıdır və hər cümləsi ritmlə dalğalanır. Onu eşitmək lazımdır, çünki səsi məstedicidir... Bu, incəsənətin qalib üzüdür."
- The Philadelphia Inquirer

Maks Morden xatirələrin bihuşedici gücünə sığınmaq, acı reallıqdan qaçmaq istəyir. Həyat yoldaşının ölümündən sonra başının üstünü alan kədər, qəzəb və tənhalıqdan az da olsa, uzaqlaşmaq üçün Maks uşaq vaxtı ailəsi ilə birlikdə tətilə gəldiyi kiçik, dənizkənarı qəsəbəyə, ilk məhəbbətin təravəti və ölümün qəfilliyi ilə tanış olduğu yerə qayıdır. Və beləcə, Qreys ailəsinə dair xatirələr illər sonra üzə çıxır. İsti, xoş, bir o qədər də ürküdücü xatirələr. Amma Maks yaddaşının tozlu rəflərində gizlənmiş bu xatirələrin sirrini yenidən kəşf etməlidir. Yaşadıqlarının hamısı həqiqətdir, yoxsa bir hissəsi onun uydurmasıdır? İllər ötdükcə keçən günləri olduğu kimi xatırlayırıq, ya olmasını istədiyimiz kimi?
Həyatımızın mərkəzində duran bir çox sualları dilə gətirən Con Bənvil bizə məhəbbət, itki və yaddaşın gözlənilməz gücünə dair unudulmaz əsər təqdim edir. Cavablar isə sətiraralarındadır.

“İndiyə qədər yazdığı ən yaxşı romanı budur... İnsanın ağlını başından alan, möhtəşəm cümlələrlə doludur”.
- Daily Telegraph

TEZLİKLƏ SATIŞDA ☘️

24/03/2024

Modern dünya ədəbiyyatı seriyamıza tezliklə üçüncü kitab da qoşulacaq... 🌊

İlk kitabımız "Portağal bağı" əkiz qardaşların gözləri müharibənin acı üzünə şahidlik edir;

İkinci kitabımız "Gecikən" isə həyatın acı üzü ilə müharibəni uduzmuş qocanın üsyanından bəhs edir.

Üçüncü kitabımız isə... 🤩

22/03/2024

"Əgər mental sağlamlığınızı yetmiş yaşından sonra itirmisinizsə, sizi bədbəxt olaraq görməsələr də, düşdüyünüz vəziyyətə layiq olduğunuzu deyirlər. Ağlınızın başınızda olduğu vaxtlar yetərincə kök balıq yemədiyinizi deyirlər. Ya da fındıq. Qəliz kitablar əvəzinə bəsit televiziya verilişlərini üstün tutduğunuzu, çoxlu alkoqollu içkilərlə beyin hüceyrələrinizə zərər verdiyinizi, tapmacalara vec qoymadığınızı, xarici dillərdə yetərincə qəzet
oxumadığınızı deyirlər. Baş işlətmək istəməyən, yeni texnologiyaları öyrənməyə enerjisi olmayan insanlardan olduğunuzu deyirlər. Yalnız və yalnız özünüz düşdüyünüz bu demensiya quyusunun günahkarı imişsiziniz! Çox insan sizə belə baxır.
Arvadım mənə belə baxır. Ziyarətlərində. Çox şükür ki, getdikcə azalan ziyarətlərində".

"Gecikən", Dmitri Verhulst

Qiyməti: 6.90 AZN.

13/03/2024

Modern dünya ədəbiyyatı seriyamızın üçüncü kitabının gəlməsinə çox az qaldı... 🌊

Bəs seriyanın ilk iki kitabını artıq oxumusunuz? 😍

09/03/2024

"İnsanlar elə danışırdılar ki, elə bil xoşbəxt idilər. Bu səs-küylü xoşbəxtlik də yalan idi". 💔

Larri Tremblidən sevgi və kədərə, fədakarlıq və yalana, həyat və ölümə, müharibənin mərhəmətsiz üzünə dair zamansız roman. ✨️

Qiyməti: 6.90 AZN. 📖

08/03/2024

Dünya sizlərlə gözəldir. ✨️

07/03/2024

Həyatı xoş sürprizlərlərlə daha da gözəlləşdirin. ✨️

10 marta qədər bütün kitablarımıza 25 % endirim var, indi yararlanın. ❤️

05/03/2024

Od çəeşənbəniz mübarək! ❤️‍🔥

🇦🇿

03/03/2024

Artıq yeni ay üçün planlar qurmusunuz? ☘️

29/02/2024

Əziz oxucular, sizə HƏDİYYƏMİZ var. 😍

- ın rus yazıçı Dostoyevskinin "UTANCAQ QIZ" əsəri əsasında səhnələşdirilmiş tamaşasına bizdən 3 bilet HƏDİYYƏ! 🎭

Şərtlər sadədir:

➡️ şərh bölməsində 2 dostunuzu taq edin.

➡️ və səhifəsini hər 3-ünüzün izlədiyindən əmin olun.

➡️ Hekayə bölməsində bu postu paylaşaraq ədəbiyyat və ya teatra dair ən çox nəyi sevdiyinizi qeyd edin, əlbəttə, bizləri də taq etməyi unutmayın. ❤️

Qalib 1 mart tarixində təsadüfi yolla seçiləcək. 😍

27/02/2024

Belçikalı yazıçı Dmitri Verhulst bütün əsərlərindəki açıqsözlülüyü, bıçaq kimi kəskin sarkazmı və rəngli personajları ilə tanınır. ⬇️

"Gecikən" romanının baş qəhrəmanı Dezayr Kordiyer özünü yaddaşsız, demensiya xəstəsi kimi göstərərək qocalar evinə niyə tələsdiyindən danışır. Dezayr tələsir, amma həm də bəzi şeylər üçün həddindən çox gecikir. ✨️
Bu roman uzun müddət yaddaşınızdan çıxmayacaq.

Qiyməti: 6.90 AZN. 😍

Kitabı .az , , , .az , .az , .kitabevi və şəhərin digər bir çox kitab mağazalarından əldə edə bilərsiniz. ☘️

Və ya bizə yaza və metrolarda ödənişsiz çatdırılma xidmətimizdən yararlana bilərsiniz. 🚉

23/02/2024

Amid və Əziz müharibə səbəbilə cəhənnəmə çevrilən adsız ölkənin hər şeydən uzaq, cənnət kimi portağal bağında böyüyən əkiz qardaşdırlar. Amma dağın o tayından gələn düşmən bombası nənə-babalarını öldürür və artıq müharibə onların da reallığının bir parçasıdır. Əkizlərin valideynlərindən dünyanın ən çətin seçimi tələb olunur: hansı övladın itkisinə ağlayacaqlarına qərar vermək. İkisindən biri dağın o tayına keçməli və canı bahasına düşmənə zərbə endirməlidir.
Amma acı tale öz sürprizləri ilə bu qərarı daha da çətinləşdirir...

Doqquz yaşındakı iki uşağın gözündən müharibə necə görünür?
Uşaqlıq ilə yetkinlik arasındakı sərhəd nə vaxt aradan qalxır?
Ömür boyu günahkarlıq duyğusu ilə yaşamaq mümkündür?

Bu, sevgi və kədərə, fədakarlıq və yalana, həyat və ölümə, müharibənin mərhəmətsiz üzünə dair zamansız romandır.

Qiyməti: 6.90 AZN

21/02/2024

Hansını oxumusunuz və ən çox bəyəndiyiniz tərəfi nə idi? 😍

Address

Baku

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00

Website

http://www.nebula-publishing.com/

Alerts

Be the first to know and let us send you an email when Nebula Publishing House posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nebula Publishing House:

Videos

Əməkdaşlarımız, dostlarımız, könüllülərimiz həftəsonu toplaşıb kiçik dostlarımızçün hədiyyə paketlərini hazırladılar. Bir neçə günə @kitabgezer komandası 10 ucqar kənd məktəbinin 10 fəal şagirdinə sizlərin onlar üçün aldığı "Mavi Planetin hekayəsi" kitablarını və bizim əlavə hədiyyələrimizi çatdıracaqlar. Daha ətraflı növbəti postlarımızda. 😍 #kitab #kitablar #bookstagram #hədiyyə #novruz #bakı #azərbaycan #mavi #planet

@kitabgezer sayəsində ianəçilərimizin ucqar kəndlərdəki uşaqlar üçün hədiyyə etdiyi "Mavi Planetin hekayəsi" kitabları artıq bir çox məktəblərin Kitabgəzər kitabxanasında öz yerini alıb. ✨️ Bu günə qədər buymeacoffee.com/nebulapublishing portalı vasitəsilə 90-a yaxın oxucumuz 235 kitab ianə edib. Bu kitablardan 40-ı artıq 40 fərqli məktəbdə öz mənzilinə çatıb. Novruz bayramı öncəsi daha 100 kitab KitabGəzər vasitəsilə 10 fərqli ucqar kənd məktəbindəki ən çalışqan və kitabxananı ən çox istifadə edən 10 şagirdə, toplam 100 şagirdə hədiyyə göndəriləcək. Biz də @nebulapublishing komandası olaraq öz adımızdan sizlərin kitab hədiyyəsi ilə yanaşı hədiyyə paketlərinə əlavələrimizi edəcəyik. ❤️ İlboyunca bu layihə davam edəcək, hələ ünvanını gözləyən 95 kitab qalıb. Amma bu sayı artıra bilərsiniz. Profilin bio bölməsindəki link vasitəsilə 1 kofe qiymətinə 1 kitab ianə edə bilərsiniz. Və ya sadəcə şərh bölməsinə + yazmağınız kifayətdir, biz sizə ismarış olaraq prosesin necə baş verdiyini ətraflı izah edərik. 😍 Və ya layihəmizi paylaşaraü daha çox insanın xəbərdar olmasına vəsilə ola bilərsiniz. ❤️ Novruz öncəsi daha çox uşağı birlikdə sevindirə bilərik. ☘️ Bu layihədə bizə əvəzolunmaz dəstəyi və məsləhətləri üçün @fatma_gurbanova -ya, videodakı xoş sözləri üçün KitabGəzər layihəsinin icraçı direktoru @saida.alizada -yə sonsuz təşəkkür edirik. #novruz #Azərbaycan #həmrəylikgünü #Nebula #Kitab #Kitablar #Bakı #Bookstagram #tövsiyəedirəm #MaviPlanet

Ömrünüzün payızındasınız, uzun illər kitabxanaçı olaraq işləmisiniz və 74 illik ömürdən sizə qalan bunlardır: monoton həyat, tükənməkdə olan bədən, yorucu evlilik və alt-üst olmuş xəyallar. Varlığını da unutduğunuz özünə inam hissinizi geri qaytarmaq və həyatınızda yolunda getməyən çox şeyə səbəbkar olduğunu düşündüyünüz həyat yoldaşınızdan qisas almaq istəyirsiniz. Nə edərdiniz? Dezayr Kordiyerin qeyri-adi planı var: özünü demensiya xəstəsi kimi apararaq qocalar evinə yollanmaq! Sanki yaddaş və idrak qabiliyyəti onu tamamilə tərk edib və mürəkkəbi silinən səhifələrlə dolu, yararsız kitabçadan başqa bir şey deyil. Amma həyatın Dezayr üçün fərqli planları var. Onu qocalar evində başqa şeylər gözləyir və bunların arasında yeniyetməliyindən əmanət nakam məhəbbət, qoca faşist fərari və ailə üzvlərinə dair bilmədikləri var. Belçika ədəbiyyatının xüsusi yazıçılarından biri olan Dmitri Verhulst təkcə mövcudluğumuzun yaddaşla olan möhkəm əlaqəsinə diqqət çəkmir, həm də azadlıqdan ömür boyu məhrum yaşamağa olan aludəçiliyimizi hədəfə alır. Sarkastik yumor qabiliyyəti ilə bəzədiyi kəskin cümlələri üzünüzə gülüş qondursa da, yanağınızı soyuq qış küləyi kimi kəsir və bəzi şeyləri yaddaşınıza həkk edir: özümüzlə üzləşməyin və çıxış yoluna ümid bəsləməyin önəmi kimi. Qiyməti: 6.90 AZN. Bütün kitablarımız LİBRAFF/Baku Book Center/Bookzone/Çinar Kitab Evi/Kitabçı/kitabal mağazalarında mövcuddur. 😊

⬇️ bu şansı qaçırmayın! 📢 5 kitab 40.70 AZN yox, 28 AZN. daha ətraflı məlumat üçün bizə yazın. 💝 #kitab #bookstagram #sale #valentineday #experience #ədəbiyyat #az #baku

Sevgililər GÜNÜ HƏDİYYƏSİ AXTARANLARın nəzərinə! 📢⬇️ 5 kitab 40.70 AZN yox, cəmi 28 AZN, üstəlik Bakı şəhəri metrostansiyalarında çatdırılma ÖDƏNİŞSİZ💝 Kampaniya 14 Fevrala qədər keçərlidir. ✨️ #kitab #bookstagram #valentineday #Bakı #Azərbaycan #hədiyyə #books #ədəbiyyat #nebula #yerli

Oxuduğunuz kitablarımızdan ən çox bəyəndiyiniz sitatı bizimlə paylaşın. 😍

Həftəsonunu hansı kitabla keçirəcəksiniz? ❤️ #kitab #bookstagram #review #nebula #Azərbaycan #Bakı #KitabTəhlili

@kitabgezer komandasının logistik dəstəyi ilə tezliklə 200-ə yaxın məktəbdə balaca oxucular sizlərin hədiyyəsi olan "Mavi Planetin hekayəsi" kitabına qovuşacaqlar. 🤩 Kampaniya hələ bitməyib! Profilin bio bölməsindəki link vasitəsi ilə bir fincan kofe qiymətinə 1 kitab hədiyyə edə və ucqar kəndlərdəki uşaqları sevindirə bilərsiniz. ❤️

"Portağal bağı" romanının Sahil qəsəbəsi, Biləsuvar və Göyçay rayon məktəb şagirdlərinin birgə müzakirəsindən. ❤️ Tərcüməçimiz @nerrmin_rza və "Kitablarla ünsiyyət quraq" layihəsinin koordinatoru @aybnizhdova

2024-cü ilə 224 kitab hədiyyəsi ilə hazırlaşırıq! 🤩 İanəçilərimizin mesajları ilə bəzədiyimiz "Mavi Planetin hekayəsi" romanlarını @kitabgezer komandasının logistik dəstəyi ilə ucqar rayonlardakı məktəblərə, uşaqlara çatdıracağıq. ❤️ Yeni iliniz gözəl və bizli olsun! 🥰✨️

Naşirlərimiz @hamidbabayev_ və @farjoe_huseynli nin yeni nəşr etdiyimiz "Portağal bağı" romanının müəllifi Larry Tremblay ilə müsahibəsindən. 🥰 Videonun tam halını profilin bio bölməsindəki link ilə və ya 'Hamid Babayev' youtube kanalından izləyə bilərsiniz. 😍

@hamidbabayev_ yeni nəşr edilən kitabımız "Portağal bağı" haqqında danışır. 🍊🍊 Videonun tam halını youtube kanalından profilin bio bölməsindəki link vasitəsilə izləyə bilərsiniz. İndi sifariş verin, şəhərin metrolarında ödənişsiz çatdıraq. Kitabın qiyməti: 6.90 AZN.

Naşirimiz @hamidbabayev_ nəşriyyatımızın arzularından, hədəflərindən danışır. Tam video üçün link profilin bio hissəsində! ❤️ #nebula #book #murielspark #literature #2023 #reels #viral

@lamiya_bluefox: "Hadisələr inkişaf etdikcə görürük ki, bələdçi çox asanlıqla rəhbərə, novator diktatora, sənət aşiqi faşistə, mentor isə manipulyatora çevrilə bilir. Nəticədə isə olan bu bayağılıqdan özünə idol düzəldənlərə, süni peyki özünə ulduz seçənlərə olur - "qaymaqlar" çürüyür, uşaqlar böyüyür, qəlblər qırılır." Kitabı sifariş vermək üçün bizə yaza bilərsiniz. 🤩 #kitab #azerbaycan #azerbaijan #literature #youtubeazerbaijan #book #murielspark #baku

TEZLİKLƏ nəşrdən çıxacaq ilk kitabımız, Muriel Sparkın müəllifi olduğu "Miss Brodinin ömrünün baharı" kitabı haqqında FakTap kanalının hazırladığı video-sujet. 🤩 Videonun uzun versiyasına keçid: https://youtu.be/8Z1NZ_n9hAU #MurielSpark #Nebula #ƏdəbiyyatCəsarətMəsələsidir