Azərbaycan Dövlət Film Fondu

24/01/2025

Əməkdar incəsənət xadimi, kinoşünas Aydın Kazımzadə Baku Retro FM-in "Sənətin səsi" verilişində Azərbaycan Dövlət Film Fondunun yaradılması haqqında danışır (23.01.2025).

23/01/2025

Aktrisa Almaz Əsgərovanın doğum günüdür.

Almaz Əsgərova fərdi yaradıcılıq üslubuna, fakturasına, incə, zərif davranışına və ekran obrazlarını inandırıcı canlandırdığına görə tez bir zamanda məşhurlaşan, sevilən, seçilən aktrisalarımızdandır. O, daha çox xatirəmizdə “Nəsimi” filmindən Şəms kimi canlansa da, digər kiçikhəcmli personajları ilə də kamera qarşısında sərbəst davranmağı, müxtəlif dövr personajlarını həmsöhbətimizə çevirməyi bacardığını təsdiqlədi, kino sənəti üçün yad olmadığını hər bir ifasında vurğuladı.

Bu mənada kino istedadları, sevdiyi simaları məşhurlaşdırır, yaddaşlara yazır. Qısa və nakam ömrünə böyük uğur sığdıran Almaz Əsgərova da unudulmayan, hörmətlə xatırlanan aktrisalarımızdandır. Aktrisanın həyat tarixçəsi ilə tanış olaq.

Almaz Əsgərova 1949-cu il yanvarın 23-də də Bakıda anadan olub. Atası Balabəy Əsgərəlioğlu SSRİ-nin Əməkdar ixtiraçısı, neft sənayesi mütəxəssisi, iki çağırış Bakı Sovetinin deputatı olub. Bir çox maraqlı elmi işləri ilə tanınıb. Anası Rəhimə xanım riyaziyyatçı kimi fəaliyyət göstərib, uzun müddət maliyyəçi işləyib.

Ailədə böyüyən 3 qız övladının böyüyü olan Almaz hələ kiçik yaşlarından gözəl rəsmlər çəkib, bu sənətlə maraqlanıb. Əzim Əzimzadə adına rəssamlıq məktəbinə qəbul olunub, lakin bir müddət sonra təhsilini yarımçıq qoyub. Az sonra Azərbaycan Dövlət Universitetinin (indiki BDU) tarix fakültəsinə daxil olub. Həmçinin Moskvada kinorejissorluq ixtisasına yiyələnib. Bakıya qayıtdıqdan sonra görkəmli rejissor Adil İsgəndərovun kinostudiyanın nəzdində yaratdığı aktyorluq kursunda təhsil alıb, sənət bilgisini daha da təkmilləşdirib.

Almaz Əsgərovanın görkəmli sənətkarların əhatəsində olması, onlardan doğru sənət istiqaməti alması kinoda qısa müddət ərzində parlamasına, tamaşaçıların diqqətini cəlb etməsinə səbəb olub. Kinoda ilk addımlarını atan gənc aktrisanın sənət duyumunu, potensialını görən kinorejissorlar onu filmlərinə dəvət edib, yaradıcılıq imkanlarını təsdiqləməsinə imkan yaradıblar.

* Mətnin ardı ilə Dövlət Film Fondunun rəsmi saytından tanış ola bilərsiniz.

22/01/2025

21/01/2025

Aktyor Hacı İsmayılovun doğum günüdür.

Xalq artisti Hacı İsmayılov 81 yaşını qeyd edir (22.01.1944). İstedad və bacarığı ilə Azərbaycan teatr, kino sənətinə uğur gətirən, çoxsaylı tamaşaçı rəğbəti qazanan aktyorumuzu Dövlət Film Fondunun əməkdaşları və kinosevərlər adından təbrik edirik. Cansağlığı, yaradıcılıq nailiyyətləri arzulayırıq.

1963-cü ildən həyatını sənətə həsr edən, realist yaradıcılığı fonunda müxtəlif həyat hadisələrinin dəqiq şərhini verən, müəlliflərin istək və məqsədlərini teatr və kino obrazlarının təfsirində incəliklə cilalayan aktyor 62 ildir ki, sevdiyi sənətin keşiyindədir.

Mirzağa Əliyev adına Azərbaycan Dövlət Teatr İnstitutunun dram və kino aktyorluğu fakültəsini bitirən Hacı İsmayılov 1968-ci ildən Sumqayıt Dövlət Dram Teatrında əmək fəaliyyətinə başlayıb. 1970-ci ildən Akademik Milli Dram Teatrında fəaliyyətini davam etdirib, burada hazırlanan tamaşalarda 50-dən artıq obraz canlandırıb. Realist təqdimatı, aydın diksiyası, ahəngdar səs tembrinə görə 70-ci illərin əvvəllərindən kinoya cəlb olunub. “Azərbaycanfilm” kinostudiyasının dublyaj studiyasında ilk dəfə “Axırıncı aşırım” kinodramında kəndli rolunu səsləndirib. Bundan sonra ardıcıl olaraq “Sahilsiz gecə”də İsrafil (Muxtar Maniyev), “Ağ atlı oğlan”da Şahin (Elxan Quliyev), “Aşkarsızlıq şəraitində…” filmində Musazadə (Vyaçeslav Həsənov), “Babamızın babasının babası” kinokomediyasında kolxoz sədri (Hamlet Qurbanov) və digər filmlərin səsləndirilməsində iştirak edib.

Kinoda debüt rolunu görkəmli kinorejissor Rasim Ocaqovun quruluş verdiyi “Ad günü” filmində oynayan aktyor Mustafa obrazı ilə kinosevərlərin rəğbətini qazanıb. Personajın həyat mövqeyini bəyan edən aktyor baməzə və maraqlı təqdimatı ilə rejissorların diqqətini çəkib.

* Mətnin ardı ilə Dövlət Film Fondunun rəsmi saytından tanış ola bilərsiniz.

21/01/2025

Film Fondunda “Bir ömürlük xatirə” kitabının təqdimatı olub

21/01/2025

Azərbaycan Dövlət Film Fondunda Əməkdar artist, teatr və kino aktrisası Ətayə Əliyevanın 105 illik yubileyi münasibətilə Rəhilə Soltanqızının “Bir ömürlük xatirə” kitabının təqdimat mərasiminin keçirilməsi haqqında İctimai TV-nin süjeti (18.01.2025).

21/01/2025

Azərbaycan Dövlət Film Fondunda Əməkdar artist, teatr və kino aktrisası Ətayə Əliyevanın 105 illik yubileyi münasibətilə Rəhilə Soltanqızının “Bir ömürlük xatirə” kitabının təqdimat mərasiminin keçirilməsi haqqında Baku TV-nin süjeti (18.01.2025).

21/01/2025

Azərbaycan Dövlət Film Fondunda Əməkdar artist, teatr və kino aktrisası Ətayə Əliyevanın 105 illik yubileyi münasibətilə Rəhilə Soltanqızının “Bir ömürlük xatirə” kitabının təqdimat mərasiminin keçirilməsi haqqında Mədəniyyət TV-nin süjeti (18.01.2025).

21/01/2025

Azərbaycan Dövlət Film Fondunda Əməkdar incəsənət xadimi, kinoşünas Aydın Kazımzadənin 85 illik yubileyinin keçirilməsi haqqında Real TV-nin süjeti (20.01.2025).

19/01/2025

19/01/2025

Əməkdar mədəniyyət işçisi Pərviz Quliyevin doğum günüdür.

Azərbaycan Dövlət Film Fondu tanınmış kino xadimini bu münasibətlə təbrik edir, cansağlığı, işlərində uğurlar arzulayır.

18/01/2025

#АтаяАлиева #АтаяАлиева105

БАКУ /Trend Life/ - В Государственном фонде кино Азербайджана по случаю 105-летнего юбилея заслуженной артистки, актрисы театра и кино Атаи Алиевой состоялась презентаци....

18/01/2025

Azərbaycan Dövlət Film Fondunda Əməkdar artist, teatr və kino aktrisası Ətayə Əliyevanın 105 illiyi münasibətilə Rəhilə Soltanqızının “Bir ömürlük xatirə” kitabının təqdimat mərasimi olub.

18/01/2025

Azərbaycanın görkəmli kinorejissoru, Xalq artisti Eldar Quliyevin xatirəsi doğum günündə məzarı başında anılıb.

Eldar Quliyevin xatirəsi daima qəlbimizdə yaşayacaq.

Allah rəhmət eləsin!

17/01/2025

Kinorejissor Eldar Quliyevin doğum günüdür.

Bu gün Azərbaycan kinosunun parlaq nümayəndəsi, milli kinomuzun inkişafında müstəsna rola malik görkəmli sənətkarımız, kinorejissor və ssenarist Eldar Quliyevin doğum günüdür. Öz həmkarları və dostları arasında böyük nüfuza və hörmətə malik olan, həmişə yaradıcılıq axtarışlarında olan Eldar Quliyev milli kinematoqrafın ictimai həyatında fəal iştirak edib.

Eldar Tofiq oğlu Quliyev 18 yanvar 1941-ci ildə Bakıda anadan olub.1960–1966-cı illərdə Moskvada Ümumittifaq Dövlət Kinematoqrafiya İnstitutunun rejissorluq fakültəsində, Sergey Gerasimovun kursunda təhsil alıb. 1967-ci ildən “Azərbaycanfilm” kinostudiyasında işləyib. Kinorejissor Eldar Quliyev ilk dəfə “Biri vardı, biri yoxdu…” adlı qısametrajlı filmini çəkib. Kifayət qədər tanınmış bədii və sənədli filmlərin müəllifi olan rejissorun ilk böyük ekran əsəri “Bir cənub şəhərində” filmi olub və o, bu filmlə Azərbaycan kinosunda yeni bir mərhələnin təməlini qoyub.

“Azərbaycanfilm” kinostudiyasında 20-yə yaxın bədii (“Bir cənub şəhərində”, “Ən vacib müsahibə”, “Var olun, qızlar…”, “Səmt küləyi”, “Ürək…ürək…”, “Sevinc buxtası”, “Babək”, “Nizami”, “Gümüşgöl əfsanəsi”, “Burulğan”, “Nə gözəldir bu dünya”, “Girov”, “İstanbul reysi” və s.), bir tammetrajlı musiqili (“Abşeron ritmləri”), bir neçə sənədli filmə quruluş verən rejissor, həmçinin bir neçə bədii və sənədli filmin ssenari müəllifidir.

Eldar Quliyev 1987-ci ildən “Azərbaycanfilm” kinostudiyası nəzdində “Debüt” eksperimental-gənclik yaradıcılıq studiyasının bədii rəhbəri olub və 1999-cu ildə Azərbaycan Professional Kinorejissorlar Gildiyasının prezidenti seçilib.

Böyük rejissorluq məharəti Eldar Quliyevə ölkəmizin hüdudlarından kənarda da geniş şöhrət gətirib. Onun quruluş verdiyi, həmçinin ssenari müəllifi olduğu filmlər beynəlxalq kinofestivallarda Azərbaycan mədəniyyətini uğurla təmsil edib, sənətşünaslar və tamaşaçılar tərəfindən rəğbətlə qarşılanıb.

* Mətnin ardı ilə Dövlət Film Fondunun rəsmi saytından tanış ola bilərsiniz.

17/01/2025

Yanvarın 17-də Azərbaycan Dövlət Film Fondunda Əməkdar artist, teatr və kino aktrisası Ətayə Əliyevanın 105 illik yubileyi münasibətilə Rəhilə Soltanqızının “Bir ömürlük xatirə” kitabının təqdimat mərasimi keçirildi.

Tədbir çərçivəsində sənətkarın həyat və yaradıcılığını özündə əks etdirən fotosərginin açılışı oldu.

Təqdimat mərasimini giriş sözü ilə Azərbaycan Dövlət Film Fondunun direktoru, Əməkdar incəsənət xadimi Cəmil Quliyev açaraq, Ətayə Əliyevanın kino yaradıcılığından söz açdı. Sonra Xalq artistləri Şəfiqə Məmmədova, Hacı İsmayılov, Əbdül Mahmudov, Cəfər Namiq Kamal, Əməkdar artist Füzuli Hüseynov, Əməkdar mədəniyyət işçisi Yusif Şeyxov, sənətşünaslıq doktoru, professor İlham Rəhimli, Əməkdar incəsənət xadimi Şəfəq Sultan Əlixanlı, Əməkdar jurnalist Gülbəniz Hüseynova, kinooperator Fəramiz Məmmədov tanınmış sənətkar haqqında xatirələrini bölüşdülər. Sonra “Bir ömürlük xatirə” kitabının müəllifi Rəhilə Soltanqızı tədbirin təşkilində və kitabın ərsəyə gəlməsində əməyi keçən hər kəsə təşəkkürünü bildirdi.

Tədbirdə Dövlət Film Fondunun və “Belə-belə işlər” layihəsinin hazırladığı, Ətayə Əliyevanın həyat və yaradıcılığını özündə əks etdirən videoçarxlar və aparılan araşdırmalar zamanı bir neçə il əvvəl aşkar olunmuş, geniş tamaşaçı kütləsinə az məlum olan “Axırıncı namaz” filmi nümayiş etdirildi.

17/01/2025

Azərbaycan Dövlət Film Fondunda 20 Yanvar faciəsinin 35-ci ildönümü ilə əlaqədar tədbir keçirilib.

Əvvəlcə tədbir iştirakçıları faciə qurbanlarının xatirəsini bir dəqiqəlik sükutla yad etdilər.

Azərbaycan Dövlət Film Fondunun direktoru, Əməkdar incəsənət xadimi Cəmil Quliyev çıxış edərək, XX əsrdə törədilmiş qanlı hadisələrdən olan 20 Yanvar faciəsi haqqında məlumat verdi. Bu hadisənin ümumilikdə, insanlıq əleyhinə, bəşəriyyətə qarşı yönəlmiş ən ağır cinayət, eyni zamanda tariximizin şərəf və qəhrəmanlıq səhifəsi olduğunu diqqətə çatdırdı.

Tədbirin sonunda rejissor Nizami Abbasın “Silahdaşlar” sənədli filmi nümayiş olundu.

17/01/2025

Azərbaycan Dövlət Film Fondunda Əməkdar incəsənət xadimi, kinoşünas Aydın Kazımzadənin 85 illik yubileyinin keçirilməsi haqqında Səs TV-nin süjeti (15.01.2025).