Safal Sansar

08/02/2025

मानिसहरूले तपाईंको केही न केही कुरा काट्छन् नै —

मानिसहरूले तपाईंको उमेरलाई लिएर कुरा काट्छन् ।

मानिसहरूले तपाईंको जातलाई लिएर कुरा काट्छन् ।

मानिसहरूले तपाईंको आवरणलाई लिएर कुरा काट्छन् ।

मानिसहरूले तपाइको बोलीलाई लिएर कुरा काट्छन् ।

मानिसहरूले तपाईंको धर्मलाई लिएर कुरा काट्छन् ।

मानिसहरूले तपाईंको विश्वासलाई लिएर कुरा काट्छन् ।

मानिसहरूले तपाईंको तौललाई लिएर कुरा काट्छन् ।

मानिसहरूले तपाईंको उचाइलाई लिएर कुरा काट्छन् ।

मानिसहरूले तपाईंको बुद्धिलाई लिएर कुरा काट्छन् ।

मानिसहरूले तपाईंको उच्चारणलाई लिएर कुरा काट्छन् ।

मानिसहरूले तपाईंको शिक्षालाई लिएर कुरा काट्छन् ।

मानिसहरूले तपाईंको पैसालाई लिएर कुरा काट्छन् ।

मानिसहरूले तपाईंको पैसाको अभावलाई लिएर कुरा काट्छन् ।

तपाईले जति नै राम्रो गर्नुहोस्, तर कतै न कतै नराम्रो कुरा फेला पारेर तपाईको कुरा काटेकै हुन्छन । जबसम्म आफ्नो चलेका पाइला र आफ्नो गन्तव्यको बारेमा तपाई दृढ हुनुहुन्छ भने मानिसले के भन्छन्, त्यसलाई लिएर अल्झनु भन्दा बरू आफ्ना कमजोरीलाई स्वीकार गरेर अघि बढ्नु उत्तम हुन्छ । यसैले आफ्नो पाइला बढाउदै गर्नुस्, हाती लम्कदै गर्छ कुकुर भुक्दै गर्छ । हिन्दि कहावत छ नि, "कुछ तो लोग कहेंगे, लोगों का काम है कहना !" "सबसे बडा रोग, क्या कहेंगे लोग !"

07/02/2025

जिम्मेवारी
---
म त ३०
मै थाके,
बा'ले
६० कसरि
कटाए यार् !

07/02/2025

सम्बन्धले दिने पिडा अलग्गै हुन्छ — किनभने, तपाइको आफ्नो पिडा र समस्यासँग त तपाई एक्लै लड्न सक्नुहुन्छ तर कहिलेकाहीँ आफ्नै भनिएकाहरूबाट उल्झिएका समस्यालाई तपाईले हजार प्रयास गरे पनि मिलाउन नसकिने हुन्छ । त्यो बेला सम्बन्ध जोगाउन तपाईको एक्लैको प्रयास सफल नहुन सक्छ । यसैले जो भाग्यमा लेखिका सुख-दुख स्विकारेर अघि बढ्नुको विकल्प रहदैन ।

तस्विर : सम्बन्ध बिच्छेदको दरारका बीच कंचनपुर महोत्सवमा आफ्ना पिडालाई लुकाउने असफल प्रयास गर्दै भावुक एलिना चौहान ।

07/02/2025

सानो छँदा कक्षाकोठामा भाका हालेर गाइने यी वाल कविताहरू; अझै याद छ त तपाईहरूलाई ?

07/02/2025

06/02/2025

‘मलाई बोल्न दे, सरकार, अपराध हैन
मन खोल्न दे, दरबारको म सराप हैन
मन खराब छैन, सही बोल्न डराउँदैन
कानुन पो लाग्छ कि? आवाज उठाउँदैमा...’

— बालेन्द्र शाह (बालेन)

06/02/2025

"...महिलाहरु जति धेरै आर्थिक रुपमा बलियो हुन्छन् उनीहरु पुरुषको दबाब झेल्न तयार हुँदैनन् ।" — नायिका नम्रता सापकोटा

06/02/2025

एउटा हात्ती र कुकुर एकै समयमा गर्भवती भए । तीन महिना पछि कुकुरले ६ वटा छाउराछाउरी जन्मायो । छ महिना पछि कुकुर फेरि गर्भवती भयो, र नौ महिना पछि उसले अर्को एक दर्जन छाउराछाउरीलाई जन्म दियो। यो क्रम जारि रह्यो ।

अठारौं महिनामा हात्ती र कुकुर्नी भेट भए । कुकुरनीले सोधी "के तिमी पक्का गर्भवती छौ?" हामी एउटै मितिमा गर्भवती भएका हौं । मैले तीन पटक एक दर्जन कुकुरलाई जन्म दिईसकें । तिमी अझै गर्भवती ? के भइरहेको छ ?"

हात्तीले जवाफ दियो, "यसमा महत्वपूर्ण कुरा छ, म तिमीलाई बुझाउन चाहन्छु । सुन; "मैले बोकेको कुकुर होइन, यो हात्ती हो । म दुई वर्षमा एउटा मात्र जन्माउँछु । जब मेरो बच्चाले माटो छुन्छ, पृथ्वीले त्यो महसुस गर्छ ।"

"अझै सुन; जब मेरो बच्चा सडक पार गर्छ, मानिसहरू प्रशंसा गर्छन्, हेर्न रोकिन्छन् । मैले पेटमा बोकेको कुराले ध्यान आकर्षित गर्छ । त्यसैले मैले बोकेको कुरा शक्तिशाली र ठूलो हो "

विश्वास नगुमाउनुहोस्। जब तपाईं अरूले चाँडै सन्तुष्टि प्राप्त गरिरहेको देख्नुहुन्छ, ईर्ष्या नगर्नुहोस् । यदि तपाईंले आफ्नो प्राप्त गर्नुभएको छैन भने पनि निराश नहुनुहोस् । बरु आफैलाई भन्नुहोस् "मेरो समय आउँदैछ र जब यो आउँछ, मानिसहरू छक्क पर्नेछन् ।"

नैतिक शिक्षा :— प्रक्रितिको समय उत्तम छ र सबै कुरा आउनुपर्ने समयमा आउँछ, ढिलो वा चाँडो होइन... ठीक समयमा ।

22/12/2024

पहिलो बास — आमाको गर्भ
लोकमा पदार्पण — आमाबाट
पहिलो खाना — आमाको दूध
पहिलो नाना — आमाको हात
पहिलो निद — आमाको काख
पहिलो दिसा — आमाको काख
पहिलो गुरु — आमा
पहिलो विद्यालय — आमा
पहिलो वैद्य — आमा
पहिलो साथी — आमा
साक्षात् र नि:श्वार्थ देवी — आमा

22/12/2024

यदि सम्बन्धमा नि:शर्त प्रेम, त्याग र तपस्याको बारेमा कसैले सिकाएको छ भने यो जोडीले सिकाएको छ । समबन्धको अन्तिम दिनसम्म पनि यो जोडीले सिकाएको छ कि साथ खुसीमा मात्र होइन, दुखमा पनि हुनुपर्छ । अंकमाल हाँसोमा मात्र होइन, आँशुमा पनि हुनुपर्छ । खुसीको दिनमा मात्र होइन, दुखको रातमा पनि साथै हिड्न सक्नुपर्छ ।

साना मनमुटावमा पनि निस्कने अवाच्य, अरूको कमजोरीमा गरिने अपहेलना, अरूको गल्तिमा देखाइने आवेग, अरूको रूपमाथिको घृणाले सम्बन्धलाई धमिराले काठलाई जस्तै विस्तारै कमजोर बनाइरहन्छ ।

विवेक र सिर्जनाको यो जोडी सबैको निम्ती सदैव प्रेरणा बनिरहोस् ।

22/12/2024

सही मान्छे ठाउँमा पुगे के हुँदैन ? नेपाल प्रिमियर लिगको भव्य समापनले यही सिकायो !

देशमा एउटा गतिलो क्रिकेट स्टेडियम छैन । खेळाडीलाई अभ्यास गर्ने मैदान पनि छैन । काठमाडौंबाहिर त अन्तर्राष्ट्रिय स्तरको ग्राउण्ड पनि छैन । न पर्याप्त पैसा छ न ठूला ठूला स्पोन्सर नै छन् । ग्राउण्ड नै पर्याप्त नभएको ठाउँमा होमग्राउण्ड भन्ने त कुरै भएन । अलि महँगो टिकट काटेर दर्शक एकै ठाउँमा हेर्न आउने ग्यारेन्टी पनि छैन, त्यसका लागि पूर्वाधार पनि छैन । यस्तोमा भारतदेखि न्युजिल्याण्डसम्मका अन्तर्राष्ट्रिय खेलाड़ीलाई 'अक्सन'मा राखेर यस्तो व्यावसायिक लिग सम्भव हुन्छ भन्ने कल्पना पनि आफैमा स्वैरकल्पनाजस्तो थियो !

सम्भव हुन सक्ने कुरा पनि गलत मान्छे हुँदा कल्पना जस्तो लाग्दो रहेछ । सही मान्छे हुँदाचाहिँ असम्भव पनि सम्भव हुँदो रहेछ ! नेपाली क्रिकेटले असम्भव लाग्ने कल्पनालाई सम्भव बनायो ! — नारायण गाउँले

28/11/2024

कुनै बेला फिल्मको सेटमा आफै सहयोगी बनेर खटिने र आज आफ्नै पाखुरीमा उभिएर सफल कलाकार बन्न सक्षम विजय बराललाई जन्मदिनको शुभकामना ।

यहाँको जीवन सयौंको लागि प्रेरणाको स्रोत बनिरहोस् !

28/11/2024

डबल खुसी — स्याङ्गजाकि अनुषा काफ्लेलाई पुत्री लाभ हुनु र शाखा अधिकृतमा सिफारिस हुनु एकैपटक भएको छ । शाखा अधिकृतको लागि दुइ पटक सफल हुन् नसकेपछि तेस्रो पटकको प्रयासमा उहाँ अन्ततः सिफारिस हुन् सफल हुनुभएको छ ।

— २०७२ मा महिला विकास मा सिफारिस
— २०७८ मा नायब सुब्बा मा सिफारिस
— २०७८ मा शाखा अधिकृत (प्रशासन) वैकल्पिक
— २०८० मा शाखा अधिकृत (प्रशासन) वैकल्पिक
— २०८१ मा शाखा अधिकृत (प्रशासन) लिखित उत्तीर्ण !
— २०८१ मा अन्तर्वार्ता अघि नै शाखा अधिकृत (न्यायमा) खुलातर्फ सिफारिस हुन सफल !

मेहेनत गरे सफल हुन् सकिन्छ है ! अनुषा काफ्लेलाई धेरै धेरै बधाई छ ।

स्रोत : सामाजिक सञ्जाल

26/11/2024

राम्रो लेख्न, पढ्नुहोस् ।
गहिरो सोच्न, लेख्नुहोस् ।
सहि तरिकाले भन्न, बोल्नुहोस् ।
प्रस्ट बुझ्न, सिकाउनुहोस् ।
मित्र बनाउन, निश्वार्थ सहयोग गर्नुहोस् ।
खुसी पाउन, प्रसंशा गर्नुहोस् ।
चिन्ता मुक्त हुन्, सकारात्मक सोच्नुहोस् ।

माया बुझ्न, आमालाई बुझ्नुहोस् ।
त्याग बुझ्न, बुवालाई बुझ्नुहोस् ।
निश्वार्थ साथ बुझ्न, श्रीमतीलाई हेर्नुहोस् ।
जीवन बुझ्न, आफैलाई हेर्नुहोस् ।

26/11/2024

फेरिएको न्यूहसडक — यदि नेतृत्व तहमा इच्छाशक्ति हुने हो र एकआपसमा समन्वय गरेर जाने हो भने देशले छिट्टै मुहार फेर्न सक्ने थियो । जसरी, यो न्यूहसडकको मुहार फेरिएको छ ।

26/11/2024

राजनीतिक पहुँचवाला भएकै आधारमा कानुनको दण्डबाट बच्न पाइने हो ?! नेकपा एमालेका तत्कालिन प्रदेशस्तरीय मन्त्री लीलाबल्लभ अधिकारी जसले किर्ते कागज बनाएर लाखौं लुटेर विदेश पठाए उसैलाई सरकारी वकिलले मुद्दा दर्ता नगरी जो व्यक्ति आफ्नो पैसा गुमाएर फसेका छन्, उनीहरूलाई कानुनको कठघरामा उभिन लगाइएको छ । यो देशमा ठूलालाई चैन सानालाई ऐन कहिलेसम्म ?

पछिल्ला गतिविधि हेर्दा यस्तो लाग्छ नेकपा (एमाले) भ्र'ष्टहरूको झुण्ड हो । अब यो पार्टीमा कुनै नेता बाँकी रहेनन्, सबै भ्र'ष्ट मात्रले भरिए । जो कोही पनि खुलेआम भ्र'ष्टाचारमा लिप्त छ, न कानुन को डर छ न नागरिकको । प्रत्यक्ष संरक्षण पाइने भएपछि उनीहरू मत्ता हात्ती जस्तै देश दोहनमा दिनरात नभरी लागिपरेका छन् ।

जनताले विश्वास गरेर दिएको भोटको नतिजा यहिँ हो ? नागरिकको अमूल्य भोटको सदुपयोग यसरी नै हो गर्ने ?!

26/11/2024

काभ्रेको बनेपा स्थित चण्डेश्वरी मन्दिरको दर्शन गर्दै मुटुरोग विशेषज्ञ डा. ओम मूर्ति अनिल ।

25/11/2024

Middle Class परिवारको हुनु ! घरको जिम्मेवारी आफ्नै काँधमा बोक्नु ! न आफ्ना सपना पूरा गर्न सक्नु ! न आफ्नो काममा सफल हुन सक्नु ! न आफ्नालाई खुसी बनाउन नै सक्नु !

एउटा छोरा मान्छेको लागि यो भन्दा बढी पिडा सायदै अरू केही होला ।