Safal Sansar

Home
Australia
Sydney, NSW
Safal Sansar

संघर्षका कथा, सफलताका कथा, सकारात्मक खबर, प्रेरक भनाइहरू तथा मनछुने लाइनहरू... दियो जस्तै; उज्यालो छर्ने हाम्रो प्रयास ।

28/11/2024

कुनै बेला फिल्मको सेटमा आफै सहयोगी बनेर खटिने र आज आफ्नै पाखुरीमा उभिएर सफल कलाकार बन्न सक्षम विजय बराललाई जन्मदिनको शुभकामना ।

यहाँको जीवन सयौंको लागि प्रेरणाको स्रोत बनिरहोस् !

28/11/2024

डबल खुसी — स्याङ्गजाकि अनुषा काफ्लेलाई पुत्री लाभ हुनु र शाखा अधिकृतमा सिफारिस हुनु एकैपटक भएको छ । शाखा अधिकृतको लागि दुइ पटक सफल हुन् नसकेपछि तेस्रो पटकको प्रयासमा उहाँ अन्ततः सिफारिस हुन् सफल हुनुभएको छ ।

— २०७२ मा महिला विकास मा सिफारिस
— २०७८ मा नायब सुब्बा मा सिफारिस
— २०७८ मा शाखा अधिकृत (प्रशासन) वैकल्पिक
— २०८० मा शाखा अधिकृत (प्रशासन) वैकल्पिक
— २०८१ मा शाखा अधिकृत (प्रशासन) लिखित उत्तीर्ण !
— २०८१ मा अन्तर्वार्ता अघि नै शाखा अधिकृत (न्यायमा) खुलातर्फ सिफारिस हुन सफल !

मेहेनत गरे सफल हुन् सकिन्छ है ! अनुषा काफ्लेलाई धेरै धेरै बधाई छ ।

स्रोत : सामाजिक सञ्जाल

26/11/2024

राम्रो लेख्न, पढ्नुहोस् ।
गहिरो सोच्न, लेख्नुहोस् ।
सहि तरिकाले भन्न, बोल्नुहोस् ।
प्रस्ट बुझ्न, सिकाउनुहोस् ।
मित्र बनाउन, निश्वार्थ सहयोग गर्नुहोस् ।
खुसी पाउन, प्रसंशा गर्नुहोस् ।
चिन्ता मुक्त हुन्, सकारात्मक सोच्नुहोस् ।

माया बुझ्न, आमालाई बुझ्नुहोस् ।
त्याग बुझ्न, बुवालाई बुझ्नुहोस् ।
निश्वार्थ साथ बुझ्न, श्रीमतीलाई हेर्नुहोस् ।
जीवन बुझ्न, आफैलाई हेर्नुहोस् ।

26/11/2024

फेरिएको न्यूहसडक — यदि नेतृत्व तहमा इच्छाशक्ति हुने हो र एकआपसमा समन्वय गरेर जाने हो भने देशले छिट्टै मुहार फेर्न सक्ने थियो । जसरी, यो न्यूहसडकको मुहार फेरिएको छ ।

26/11/2024

राजनीतिक पहुँचवाला भएकै आधारमा कानुनको दण्डबाट बच्न पाइने हो ?! नेकपा एमालेका तत्कालिन प्रदेशस्तरीय मन्त्री लीलाबल्लभ अधिकारी जसले किर्ते कागज बनाएर लाखौं लुटेर विदेश पठाए उसैलाई सरकारी वकिलले मुद्दा दर्ता नगरी जो व्यक्ति आफ्नो पैसा गुमाएर फसेका छन्, उनीहरूलाई कानुनको कठघरामा उभिन लगाइएको छ । यो देशमा ठूलालाई चैन सानालाई ऐन कहिलेसम्म ?

पछिल्ला गतिविधि हेर्दा यस्तो लाग्छ नेकपा (एमाले) भ्र'ष्टहरूको झुण्ड हो । अब यो पार्टीमा कुनै नेता बाँकी रहेनन्, सबै भ्र'ष्ट मात्रले भरिए । जो कोही पनि खुलेआम भ्र'ष्टाचारमा लिप्त छ, न कानुन को डर छ न नागरिकको । प्रत्यक्ष संरक्षण पाइने भएपछि उनीहरू मत्ता हात्ती जस्तै देश दोहनमा दिनरात नभरी लागिपरेका छन् ।

जनताले विश्वास गरेर दिएको भोटको नतिजा यहिँ हो ? नागरिकको अमूल्य भोटको सदुपयोग यसरी नै हो गर्ने ?!

26/11/2024

काभ्रेको बनेपा स्थित चण्डेश्वरी मन्दिरको दर्शन गर्दै मुटुरोग विशेषज्ञ डा. ओम मूर्ति अनिल ।

25/11/2024

Middle Class परिवारको हुनु ! घरको जिम्मेवारी आफ्नै काँधमा बोक्नु ! न आफ्ना सपना पूरा गर्न सक्नु ! न आफ्नो काममा सफल हुन सक्नु ! न आफ्नालाई खुसी बनाउन नै सक्नु !

एउटा छोरा मान्छेको लागि यो भन्दा बढी पिडा सायदै अरू केही होला ।

25/11/2024

यो कलमले लेखेको याद छ ? एक समय यो फाउन्टेन पेन बोक्नु सानको विषय हुन्थ्यो । यो कलमले लेख्न पाउनु गर्वको विषय हुन्थ्यो । तर बल पेनको जमाना सँगै यो कलम पनि हराएर गयो । यो कलमले एउटा याद दिएको छ र अर्को पाठ सिकाएको छ — 'समय सबैको आउँछ तर त्यो समय सधैँ रही रहँदैन ।'

25/11/2024

काठमाडौं निवासी मदन राना आफ्नो १२ दिने छोरीलाई जन्डिस देखिएपछि देशकै ठूलो बाल अस्पताल कान्ति बाल अस्पतालमा उपचारार्थ जानुभयो । तीन दिनको अस्पताल बसाइ पछी जब उहाँ छोरीलाई लिएर घर आउनु भयो तब छोरीको खुट्टाको तिघ्रामा गाँठो देखिएपछि पुन: जचाउन जाँदा २.६ सेन्टिमिटर लामो सिरिन्जको सियो बच्चाको मांशपेशी भित्रनै रहेको पाइयो । जसलाई पुन: अप्रेसन गरी निकालिएको थियो ।

स्वास्थ्य क्षेत्रमा कार्यरत जो कोहीले पनि स्वास्थ्यलाई अत्यन्त संवेदनशील मानि पूर्ण सतर्कताका साथ काम गर्नु आवश्यक छ । स्वास्थ्य सबैभन्दा संवेदनशील विषय हो । किनभने यहाँ एक गल्तीले कसैको ज्यान जान सक्छ ।

तस्विर/स्रोत : मदन रानाको फेसबुक प्रोफाइल

23/11/2024

डा. सन्दुक रुइतको महत्वपूर्ण संदेश — "मेरो सबै भाइबहिनीहरूलाई अनुरोध । हामीले जीवनमा purpose भन्छौ नि 'भिजन' त्यो राख्नु अत्यन्त जरुरी छ । जीवनमा उद्देश्य हुनैपर्छ । र, त्यो उद्देश्यमा स्पष्टता हुनैपर्छ । र, त्यसमा तपाई लागि परिरहनु पर्छ । त्यो क्रममा उकाली ओह्राली आउँछ । उकालीसँग नडराईकन, ओह्रालीसँग खुसी नभइकन तपाई एकसरो लागि रहनुपर्छ ।

अर्को महत्वपूर्ण कुरा हामीमा निष्ठा हुनैपर्छ । निष्ठालाई आफ्नो केन्द्रविन्दु बनाउनुहोस् । निष्ठालाई मन्त्र बनाउनुहोस् । यसले अलिकति गाह्रो बनाउन सक्छ तर यसले जीवनमा लामो समयसम्म सहयोग गर्नेछ ।

अर्को कुरा, आफ्नो कामप्रति उत्साह हुनु आवश्यक हुन्छ । तपाइले जे काम गर्दै हुनुहुन्छ त्यसलाई भित्रैबाट मन पराउनुहोस् । जुन काम तपाईले विना उत्साह गर्नु हुन्छ, मन पराउनु हुन्न् त्यो कामले पनि फाइदा पाउदैन र हामीलाई पनि फाइदा दिदैन ।

असफल हुन् र जोखिम मोल्न नडराउनुहोस् । कहिलेकाहीँ गरीरहेको काम भन्दा 'आउट अफ द बक्स' निर्यण पनि लिन सक्नुपर्छ ।

मैले जीवनमा यी कुरालाई धेरै याद गरेको छु र फाइदा पनि पाएको छु ।"

21/11/2024

पूर्ण बहादुरको सारंगीका विजय बराल भन्छन, "सम्बन्ध जोगाउने सबैभन्दा मुख्य तत्व हो समय । चौबीस घण्टाको आधा समय घरमा दिन सके भने राम्रो हो । हामीले समय दिन बिर्सिदों रहेछ । यो त मेरो त हो नि, घरकै त हो नि भनेर घरका लागि वास्ता नगर्नु त भएन नि । त्यसरी सम्बन्ध टिक्दैन रहेछ।"

20/11/2024

सुविधा खोज्ने कि चुनौती ? — एउटा मुसा अन्नले भरिएको भाँडोको टुप्पोमा राखिएको थियो। आफ्नो वरिपरि यति धेरै खानेकुरा भेट्टाएपछि त्यो मुसा यति खुसी भयो कि अब उसलाई खानाको खोजीमा दौडनु नै परेन । उसले सोच्यो अब म खुसीको जीवन बिताउन सक्छु। हुन् पनि केही दिन उसले अन्नको भरपूर मजा लियो । तर जसै अन्न सकिदै गयो उ त्यो भाँडोको फेदमापुग्यो।

तब अचानक, उसले महसुस गर्यो कि ऊ आफ्नै आनन्दको खानको चक्करमा फसेको छ र ऊ बाहिर निस्कन सक्दैन। अब उसलाई बाँच्नको लागि भाँडोमा अरू कसैले राखिदिएको अन्नको भर पर्नुपर्नेछ।

यसबाट सिक्नुपर्ने केही पाठहरू:
1. छोटो अवधिको आनन्दले दीर्घकालीन पासो निम्त्याउन सक्छ।
2. यदि तपाईले छानेका कामहरू सजिलो हुन्छ र चुनौतिपूर्ण छैन भने, तपाईं परनिर्भरतामा फस्दै हुनुहुन्छ।
3. जब तपाईंले आफ्नो सिपलाई प्रयोग गर्नछोड्नुहुन्छ, त्यती नै आफ्नो सिपलाई गुमाउदै जानुहुन्छ । आफ्नो सिप गुमाउनु भनेको आफ्नो निर्भरता र स्वतन्त्रता गुमाउनु हो ।
4. स्वतन्त्रता सजिलै आउँदैन तर चाँडै जान सक्छ।
5. जीवनमा केहि पनि सजिलै आउँदैन र यदि यो सजिलै संग आउँछ भने, त्यो तपाइको लायकको नहुन सक्छ।

आफ्नो दुख र संघर्षलाई गाली नगर्नुहोस्। तिनीहरू त फरक भेषमा तपाई सामु आएका आशिर्वाद हुन्।

15/11/2024

यो फोटोमा खराबी के छ ? नजरमा छ कि नजरियामा छ ? हेर्नुस्, कुनैपनि चिज आफैमा ठीक र गलत हुँदैनन् । असल र खराब हुँदैनन् । असल र खराब भन्ने हाम्रो आँखाले होइन, हाम्रो मस्तिष्कले त्यसलाई कसरी हेर्छ त्यसमा भरपर्छ । यसैले भनिन्छ नि नजरको उपचार हुन सक्छ तर नजरियाको होइन ।

14/11/2024

एकजना युवकले आफ्नो बुबालाई सोधे: “पहिले तपाईं कसरी बाँच्नुहुन्थ्यो ?"
— त्यतीबेला AC थिएन,
— WiFi थिएन,
— इन्टरनेट थिएन,
— कम्प्युटर थिएन,
— अनलाइन सपिङ्ग थिएन,
— टिभी थिएन,
— मोबाइल फोन थिएन,
— त्यहाँ कुनै सपिङ मल थिएन,
— मल्टिप्लेक्स थिएन ।

बुबाले छोरालाई प्रत्युत्तर दिनुभयो — "त्यसरी बाँचेका थियौं जसरी तिमीहरूसँग अहिले —
— कुनै आस्था छैन,
— दया छैन,
— सम्मान छैन,
— चरित्र छैन,
— लाज छैन,
— नम्रता छैन
— समय नै छैन ।

एकपटक फर्केर हेर्नुस् त हाम्रो समय —

— हामी स्कुल गएपछि साँझसम्म खेल्थ्यौं । हामीले टिभी र मोबाइलमा समय खेर फालेनौं ।
— हामी वास्तविक साथीहरूसँग खेल्थ्यौं, इन्टरनेटका साथीहरूसँग होइन।
— यदि हामीलाई कहिले तिर्खा लाग्छ भने, हामी बोतलको पानी होइन धाराको पानी पिउथ्यौ।
— एउटै गिलास जुस चारजना साथीहरूसँग बाँडेर खाँदा पनि हामी कहिल्यै बिरामी परेनौं।
— हरेक दिन धेरै भात खाए पनि हाम्रो तौल कहिल्यै बढेन ।
— खाली खुट्टा हिड्दा पनि खुट्टालाई केही असर परेन ।
— हाम्रो आमा र बुबाले हामीलाई स्वस्थ राख्न कुनै पनि सप्लिमेन्ट प्रयोग गर्नुभएन।
— हामी आफ्नै भाँडाकुडा र खेलौना बनाउँथ्यौं र खेल्थ्यौं।
— हाम्रा बाबुआमा धनी थिएनन् । तिनीहरूले हामीलाई प्रेम दिए, सांसारिक सामग्री होइन।
— हामीसँग कहिल्यै सेलफोन, डीभिडी, प्ले स्टेशन, एक्सबक्स, भिडियो गेम, पर्सनल कम्प्युटर, इन्टरनेट च्याट थिएन - तर हामीसँग वास्तविक साथीहरू थिए।
— हामी विना निमन्त्रणा साथीहरुको घरमा जान्थ्यौ र उनिहरु संगै खाना खान्थ्यौ ।
— हाम्रा फोटोहरू व्ल्याक एण्ड व्हाइटमा तस्बिरमा आउथे तर ती तस्बिरहरूमा रंगीन सम्झनाहरू भेटिन्थे।
— हामी एक अद्वितीय र, सबै भन्दा बुझ्ने पुस्ता हौं, किनकि हामी नै त्यो अन्तिम पुस्ता हौँ जसले आमाबाबुको कुरा सुन्थौँ र आज्ञा पालन गर्थ्यौं ।

14/11/2024

हो कि होइन होला ?

13/11/2024

खलासीलाई भाडा दिनकाे लागि हात खल्तीमा लान मात्र आँटेकाे थिएँ, सँगै बसेकाे अपरिचितले भन्याे — "हैन हजुर ! हजुरकाे भाडा म दिइहाल्छु नि !"

मैेले भनेँ — हैन, मेराे भाडा म आफै दिन्छु नि, तपाईंले किन दिनुपर्याे हजुर ?"

तर, अपरिचितले मलाई पैसा झिक्नै दिएन, मेराे भाडा पनि तिर्याे । अर्काे स्टेशनमा त्याे अपरिचित झर्याे । त्यसपछि मैले खै के झिक्न पाइन्टकाे गाेजीमा हात लगेकाे त दिमाग एचक्कराए झैँ भयाे । पकेटमारा रहेछ, पाइन्टकाे पछाडिकाे खल्तीमा भएकाे पैसा सबै लिएर झरेकाे रहेछ ।

केही दिन पछि मैले त्याे चाेरलाई बजारमा भेटेँ । चाेर मलाई अँगालाे हालेर रुँदै भन्याे — "हजुर ! मलाई माफ गर्नुस् ! हजुरकाे पैसा चाेरेकाे बेलुका नै मेरी श्रीमती र छाेरी एकाएक मरे । सायद मेैले चाेरी गरेकाे पापले हाे कि ? माफ गर्नुस् हजुर ! याे अभागीलाई माफ गर्नुहाेस् ।"

उसकाे कुरा सुनेर म पग्लिएँ । हृदय ठूलाे बनाएर माफी दिएँ । चाेर गयाे तर अँगालाे हालेर रुँदै माफी माग्ने बेला मेराे कमिजकाे खल्तीबाट फेरी पनि सबै पैसा चाेरेर लगेछ ।

केही दिनपछि म कामविशेषले माेटरसाइकलमा कतै जाँदै थिएँ, बाटाेमा त्यही चाेरले मलाई राेक्याे । चाेरले फेरी पनि रूँदै माफी माग्याे अनि चाेरेकाे सबै पैसा फिर्ता पनि गरिदियाे । त्यसपछि त्याे चाेरले मलाई नजिकैको हाेटलमा लग्याे, मलाई चिया नास्ताकाे व्यवस्था गरिदियाे अनि विदा माग्याे र निस्कियाे । खाइसकेपछि जब म बाहिर निस्केँ, न त गाेजीमा चाबी थियाे न त राेकेकाे ठाउँमा माेटरसाइकल । चाेरले यसपटक त मेराे माेटरसाइकल नै उछिट्याएछ।

ठ्याक्कै यही चाेरकाे हालत नेपालका राजनीतिक पार्टीमा देखिएकोछ । साेझा साझा जनताले यिनीहरूलाई हरेक पटक विश्वास गरे तर यिनीहरू हरेक पटक नयाँ नयाँ तरिकाले जनतालाई नै लुटिरहेका छन् !

स्रोत : इन्टरनेट

13/11/2024

सफलता एकैपटक त कहाँ मिल्छ र ? आज 'पूर्णबहादुरको सारंगी'ले अत्याधिक सफलता हासिल गरेको छ । त्यो चलचित्रको लिड रोल गरेका व्यक्ति हुन्, विजय बराल । उनको यो पहिलो चलचित्र हो जहाँ उनी मूख्य पात्रको भूमिकामा छन् । तर यो स्थानसम्म आउन् र यो सफलता हासिल गर्न उनले १७ वर्ष मेहेनत गर्नुपर्यो । यदि कुनै सरकारी जागिरे हुन्थे भने उनको यतिन्जेल पेन्सन पनि पाक्थ्यो होला । तर मण्डला थिएटरमा कुनै समय गिटी कुट्ने, बालुवा बोक्ने, सिमेन्ट मुछ्ने सबै काम गर्दै राती म्याट्रेस ओछ्याएर त्यसमाथि गुटुमुटु पर्दै थालेको अभिनय यात्राले आज उनलाई यतिठूलो सफलता दिएको छ ।

यसैले सफलता एक दिनमा मिल्दैन तर धैर्य गर्नुस, दु:ख गरे एकदिन अवश्य मिल्नेछ ।

13/11/2024

अपडेट : विदितै छ, सफल संसार मार्फत सकारात्मक र प्रेरक सामग्री नियमित प्रकाशित गर्दै आइरहेका थियौं । तर यो क्रम केही महिना अघि देखि रोकिन पुग्यो । यसको कारण थियो, फेसबुक पेजमा आएको समस्या । फेसबुकले सफल संसारलाई विजनेसको रुपमा verify गर्न लगाउदै एक्कासी पेजमा restriction लगाएपछि पेज झन्डै निष्क्रिय अवस्थामा पुगेको थियो । तर झन्डै चार महिना जति फेसबुकको सपोर्ट टिमसँग लगातार संवादमा रहेपछि अन्ततः आज पेजको internal verification सफल भएको छ ।

अब, फेसबुकले फेरी अर्को समस्या दिनेछैन भन्ने विश्वास छ । र, यो संगै पहिले जस्तै नियमति सामग्री प्रस्तुत गर्ने जमर्को रहनेछ । यहाँहरूको साथ यथावत रहनेछ भन्नेमा त्, पक्का भरोसा छ । :)

Address

12/97 99 Oaks Avenue Dee Why
Sydney, NSW
2099

Website

https://www.safalsansar.com/

Alerts

Be the first to know and let us send you an email when Safal Sansar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Safal Sansar:

Videos

डाक्टरले अब कठिन काम गर्न सक्दैनौ भनेको वर्ष सगरमाथा चढेका वियर ग्रेल्सको साहसको कथा । Story of Bear Grylls Who Took Risk to Climb Mount Everest . #beargrylls #story #motivation #safalsansar #yatrikeshar

जोखिम मोल्दा अरबपति बने । Success Story of Walt Disney. Take the risk. #waltdisney #risk #life #takerisk #story #motivation #safalsansar #yatrikeshar

जोखिम नामोल्नु नै सबैभन्दा ठूलो जोखिम हो । Take the risk. #risk #life #takerisk #story #motivation #safalsansar #yatrikeshar

एक शिक्षाप्रद चुटकिला ! #NepaliJoke #Funny #NepaliReel #Motivation #Update #yatrikeshar #safalsansar

जिन्दगी भनेको एक यात्रा हो, संघर्षले भरिएको यात्रा । त्यहिं व्यक्ति खुसि हुन सक्दछ जसले यो यात्रामा रमाउन सक्दछ । आउनुहोस्, जीवन, संघर्ष र आनन्दलाई बुझौ ।

Part 2 — जिन्दगीमा आउने चुनैतीको गुलाम बन्ने कि त्यसलाई खुलेर सामना गर्ने त्यो आफ्नो रोजाई हो । यसैमा नै तपाईको खुसी अडिएको हुन्छ । #happiness #success #struggle #choice #fighting #metntalstate #motivation #safalsansar #yatrikeshar

सुख दुख भनेका मनको अवस्था हो । बाह्य परिस्थिति जस्तो भए पनि आफ्नो मनलाई मनाउन सक्ने खुसी रहन सक्छ, नसक्नेहरू पिडामा बाच्ने गर्दछन् । #happiness #sadness #rain #choice #safalsansar #yatrikeshar

जोक होस् त यस्तो, जसले हँसाउछ पनि र सिकाउछ पनि । हाम्रो जोकहरूको भिडियोको दोस्रो जोक यहाँ प्रस्तुत छ । जम्मा दुइ मिनेट, अवश्य सुन्नुहोस् ।

तीन मिनेटको यो कथाले जीवनमा सन्तुष्ट र सुखी हुन सिकाउदछ । मलाई असाध्यै प्रभाव पारेको स्वेट मार्डनको यो कथा अवश्य सुन्नुहोस् ।

जम्मा दुइ मिनेट ! हाम्रो जीवनमा ठ्याक्कै मेल खाने यो जोक जसले हसाउने पनि छ, सिकाउने पनि छ...

जीवनमा थेरै थोक गरेर हरेस खाएकाहरूले यो भिडियो अवश्य हेर्नुहोस्...

जीवनमा धेरै प्रयास गर्नुभयो तर पनि सोचेजस्तो प्रगति गर्न सकिरहेको छैन, उमेर पनि ढल्दकै छ जस्तो लागिरहेको छ भने यो वास्तविक कथा तपाईको जीवनमा मार्गदर्शक बन्न सक्छ, यसर्थ एकपटक अवश्य हेर्नुहोस ।

Shortcuts

प्रेरणाका क्षेत्रमा अझ लागि पर्दै

प्रेरणाको क्षेत्रमा अझ एक कदम अघि बढ्दै ! नेपाली भाषामा वृहत सामाग्रीहरु सहित नेपालकै सबैभन्दा ठुलो फेसवुक पृष्ठ अनि वेवसाइट ! आजै हाम्रो पेज लाइक एवं वेवसाइट लग अन गर्नुहोस : www.thesuccessnews.com/nepali