Bonaire News Network

09/04/2024

Medewerkers van het Korps Politie Caribisch Nederland (KPCN), Korps Politie Curaçao (KPC) en Korps Politie Aruba (KPA) volgen van 8 april 2024 tot en met 26 april 2024 de opleiding kerntaak opsporen/ EVC-traject op Bonaire. De groep bestaat uit 20 deelnemers.

Na het afronden van deze opleiding zijn de politiemedewerkers in staat om zowel zelfstandig als in teamverband opsporingsonderzoek voor te bereiden en uit te voeren. De opleiding wordt verzorgd door twee docenten van de politieacademie uit Nederland.

In deze opleiding wordt aandacht besteed aan tactische en juridische kennis, verhoor en vastlegging.

Na de officiële opening door de Korpschef van het Korps Politie Caribisch Nederland, de heer Alwyn Braaf en de opleidingscoördinators, de heer Rouel Pinedo en de heer Lionel Vrutaal, kon de opleiding van start. Wij wensen de deelnemers heel veel succes met de opleiding.

-//-

Empleadonan di Kuerpo Polisial Hulanda Karibense (KPCN), Kuerpo Polisial Kòrsou (KPC) i Kuerpo Polisial Aruba (KPA) di 8 di aprel 2024 te ku 26 di aprel 2024 ta sigui e estudio di tarea esensial pa investigashon / EVC-traject na Boneiru. E grupo ta konsistí di 20 partisipante.

Despues di finalisá e estudio aki e empleadonan polisial ta kapas pa tantu di manera independiente komo den tim, prepará i ehekutá trabounan di investigashon. Dos dosente di akademia di polis for di Hulanda ta sòru pa e estudio.

Den e estudio aki ta dediká atenshon na konosementu táktiko i hurídiko, interogashon i stipulashon.

Despues di e apertura ofisial dor di Hefe di Kuerpo Polisial Hulanda Karibense, señor Alwyn Braaf i e kordinadónan di estudio, señor Rouel Pinedo i señor Lionel Vrutaal, e estudio a ranka Sali. Nos ta deseá e partisipantenan hopi éksito ku e estudio.

-//-

Employees of the Dutch Caribbean Police Force (KPCN), Curaçao Police Force (KPC) and Aruba Police Force (KPA) are participating in the core task detection/ EVC training program on Bonaire from April 8th, 2024 to April 26th, 2024. The group consists of 20 participants.

After finalizing this training program, police employees will be able to prepare and execute investigations both independently and as part of a team. The training is provided by two lecturers from the Police Academy from the Netherlands.

This training focuses on tactical and legal knowledge, interrogation and recording.

After the official opening by the Chief of Police of the Dutch Caribbean Police Force, Mr. Alwyn Braaf and the training coordinators, Mr. Rouel Pinedo and Mr. Lionel Vrutaal, the training could start. We wish the participants good luck with the training.

04/04/2024

26/03/2024

BOG a risibí deklarashon positivo di akountent pa su kuenta anual di 2023
Kralendijk – Ku plaser Bonaire Overheidsgebouwen NV (BOG) ta anunsiá ku el a kumpli ku su obligashonnan statutario pa medio di kompletá su kuenta anual pa e aña ekonómiko 2023 na tempu i laga e akountent renombrá Ernst & Young Caribbean (EY) kontrolá esaki.
E kuenta anual pa aña 2023, meskos ku e relatonan anterior, a risibí un deklarashon positivo di akountent, loke ta un testimonio di integridat finansiero i transparensia di BOG. Esaki ta un logro importante pa BOG, mirando ku e ta e promé kompania anónimo bou di e grupo di BHM, ku ta kompletamente na tempu ku su raportahe finansiero, kontrolá pa un akountent eksterno.
A kompletá i firma e kuenta anual dia 22 di mart 2024, i seguidamente a ofresé esaki na direktor di BOG. Ernst & Young i gerensia di BOG a presentá e kuenta anual na Hunta di Komisario di BOG (Raad van Commissarissen, RvC), loke ta suprayá e kumplimentu den su totalidat ku e obligashonnan legal.
E direktor gerente statutario Adely Susana-Jansen ku na aña 2020 a keda nombrá pa prinsipalmente traha riba mehorashon di ‘corporate governance’ di e kompanianan anónimo ku ta kai bou di BHM, ku orguyo a bisa: ‘Komo entidat ku ta akapará tur e kompanianan, BHM mes ta karga responsabilidat pa management i atministrashon di BOG. Esaki a kondusí na un proseso bon strukturá pa raportahe finansiero i ta fortifiká e konfiansa den operashon komersial di BOG.’
Riba potrèt: Tara Blanken, senior mènedjer na EY i Adely Susana-Jansen, direktora di BOG.

26/03/2024

21/03/2024

HUNTU PA UN BONEIRU MAS BÈRDÈ: REKUPERASHON DI NOS MONDINAN
Kralendijk - Un gran parti di Boneiru tin mondi. E mondinan na nos isla ta hopi importante. Nan ta sòru pa tera no laba bai, nan ta tene e awa bou di tera na nivel i nan ta sòru pa mas freskura. Tin tambe mata i bestia spesial ku ta biba den nos mondinan. Banda di esaki mondi ta ofresé nos un sitio pa trankilidat i rekreashon. Sufisiente motibu pa para ketu awe, 21 di mart 2024, na e ‘Dia internashonal di mondi’.

Dikon mondi ta importante pa nos? Mata i palu ta tene tera ku nan raisnan i di e manera ei nan ta prevení eroshon. Nan ta sòru pa tera no laba bai i nan ta yuda pa hala awa di yobida den tera i asina nan ta tene e awa bou di tera na nivel. Mondi tin un influensia positivo riba nos klima tambe. Bou di palu ta algun grado mas fresku ku den pleno solo. I mata i palu ta apsorbé CO2 (dióksido di karbon) i esei ta importante den e lucha kontra kambio di klima. Mas aleu naturalmente mondi ta importante pa nos bienestar.

Den un gran parti di nos mondinan seku nos ta mira yatu, kadushi i kadush’i pushi. Raton djanochi ta polinisá nan i e frutanan di kadushi i yatu ta hopi importante pa para, lagadishi i yuwana. Den e parti wèst di nos isla kaminda tin hopi seru nos ta mira mas mata i palu di tres te kuater meter haltu. Si bo wak bon, bo ta mira ku kasi tur kaminda tin e mesun tipo di palu i mata. Mas òf ménos 10 tipo. Esunnan di mas konosí ta pal’i kuida, wabi, pal’i Boneiru i brasia. Miéntras ku nos isla konosé desénas di tipo diferente di palu.

E echo ku nos naturalesa awor akí ta den tantu mal estado, tin hopi di haber ku nos propio komportashon. Te ainda nos ta laga kabritu i buriku kana libremente rònt. Banda di esei muchu fásilmente nos ta kap kadushi, palu i mata basha ‘bou. Urbanisashon ta pusha naturalesa un banda. Ku un katapila den algun minüt nos ta skùif kadushi i palu ku tin biaha tin sentenáres di aña bieu benta abou na suela. ‘Limpiesa’ nos ta yama esei. I esaki miéntras sierto tiponan di palu raro i tur palu i kadushi ku ta mas diki ku 20,5 sèntimeter ta protehá pa lei.

Ku proyektonan pa planta palu di nobo, nos ta purba kombatí e spiral ku ta bayendo abou akí. Durante e último añanan riba enkargo di entidat públiko Boneiru nos a planta desénas di míles di palu nobo. Reino ta kontribuí ku finansiamentu. Pa reforestashon tin mas ku 50 diferente tipo di palu endémiko disponibel. Na momentu ku e palunan ku nos a planta akí saka fruta, para i otro bestianan ta yuda plama e simianan mas aleu.

Nos tur por yuda dor di kuida e kadushinan i palunan ku nos tin. Na momentu ku nos mes planta palu ta mihó pa planta palu ku ta krese akí di forma natural. Hopi biaha e palunan akí ta soportá kalor mas mihó ku palu for di otro pais.

21/03/2024

08/03/2024

Konferensia tokante aserkamentu atministrativo di debilitashon ku tur isla
Riba 27 i 28 di febrüari a tuma lugá e konferensia ‘Rumbo pa un fundeshi fuerte pa un aserkamentu efektivo’ na Boneiru riba e tema di aserkamentu atministrativo di debilitashon. E partisipantenan a indiká ku ta bon ku e paisnan outónomo i Hulanda Karibense ta buska kooperashon ku otro den e parti karibense di Reino. Kriminalidat no ta stòp na e fronteranan insular i mester impedí ku aktividatnan kriminal ta move entre e islanan.
Siña di otro
E paisnan outónomo i Hulanda Karibense ta haña nan konfrontá ku tendensianan similar den kriminalidat i ta desaroyá instrumentonan atministrativo similar pa kombatí kriminalidat di debilitashon. P’esei nan ta mira e nesesidat tambe di kooperashon. Por siña hopi di otro. Ademas tin mester di kompromiso atministrativo kontinuo di parti di tur gobièrnu. Na yüni, durante e Konsulta Kuatropartit Hudisial, lo para ketu na e avansenan ku a logra.
Informashon Regional i Sentro di Ekspertisio Hulanda Karibense (RIEC CN)
E konferensia a surgi for di e grupo di trabou Aserkamentu atministrativo ku ta operá bou di e bandera di Konsulta Kuaterpartit Hudisial, den kua ta partisipá Aruba, Kòrsou, Sint Maarten, BZK i J&V. Aña pasá e Sentro Regional di Informashon i Ekspertisio (RIEC CN) a inisiá na Boneiru (wak: Openbaar Lichaam Bonaire: Convenant RIEC CN bekrachtigd (bonairegov.com), un aliansa di partnernan di siguridat pa tin mas bista kon kriminalidat organisá i di debilitashon na Hulanda Karibense ta manifestá su mes. E paisnan karibense kier amplia nan ret i wak kon ta posibel pa kooperá ku RIEC CN i kon por interkambiá konosementu i ekspertisio. Pa e motibu akí a skohe pa Boneiru komo sitio pa e konferensia.
1 mion pa aserkamentu atministrativo
Den e kaso di aserkamentu atministrativo di debilitashon ta wak kon – banda di un aserkamentu penal – por hasi uso tambe di instrumentonan atministrativo pa prevení, siñalá i kombatí posibel kriminalidat di debilitashon. Aki por pensa entre otro riba nenga òf revoká pèrmitnan di eksplotashon, screening ora di hasi kompra i destaho, seramentu di edifisionan òf intervení modifikando plannan di destinashon.
For di 2022 BZK ta pone 1 mion euro na disposishon di e paisnan karibense Aruba, Kòrsou i Sint Maarten pa inisiativa riba tereno di aserkamentu atministrativo. Pa regla esaki bon, a stipulá i publiká un protokòl na 2023 den Staatscourant: Staatscourant 2023, 33574 | Overheid.nl > Officiële bekendmakingen (officielebekendmakingen.nl).
Bista atras riba e programa di e konferensia
Durante e konferensia a diskutí entre otro e siguiente tópikonan:
- Historia di aserkamentu atministrativo na Hulanda Oropeo i ‘best practices’ ku instrumentonan atministrativo.
- Kua proyekto e paisnan karibense ta ehekutando na e momentunan akí pa promové aserkamentu atministrativo.
- E método di RIEC CN.
- E plan pa asistensia hulandes pa atendé ku kriminalidat di debilitashon den e region latinoamerikano i karibense (LAC-regio).
- Lei Bibob, un instrumento ku kua gobièrnu por screen entre otro pèrmit- i transakshon di biennan inmóbil.
- Kolaborashon di Financial Intelligence Units den Reino komo ‘best practices’.

Het project "van Zaad tot Product – Di Simia Pa Produkto" heeft als doel om nieuwe en bestaande ondernemers in de agrarische sector te stimuleren.

08/03/2024

Notisia di polis di djárason 6 di mart te ku djabièrnè 8 di mart 2024

But pa manehá di forma imprudente
Riba djabièrnè 8 di mart, alrededor di 3.50 or di mardugá, un patruya a spòt un vehíkulo ku tabata kore ku velosidat haltu den direkshon nort riba Kaya Korona. Esaki tabata motibu pa e patruya a bai tras di e vehíkulo. A sende e lusnan óptiko (zwaailicht) i señal di zonido pa para e shofùr. E shofùr tabata mustra un komportashon di manehá imprudente i tabata pasa diferente vehíkulo riba Kaya Korona. Debí na e velosidat haltu ku e shofùr tabata manehá, e agentenan a disidí di stòp ku e persekushon riba Kaminda Tras di Montaña. Algun ratu despues a t**a ku e vehíkulo i e shofùr na un adrès den Rincon. E shofùr a haña un but pa manehá di forma imprudente.

Ladronisia di outo
Riba djaweps 7 di mart a drenta keho di ladronisia di un Toyota Tercel koló blanku, ku plachi di number B-4115. Entre 6 or di atardi riba djárason 6 di mart i 7 or di anochi riba djaweps 7 di mart, deskonosínan a bai ku e outo. E outo tabata stashoná dilanti di un kunuku na Kaminda México. Ta investigando e kaso.

Bo a mira e outo aki? Tuma kontakto ku polis via 911 òf 112 òf via di e liña di tep anónimo 9310.

Detenshon pa insulto
Riba djaluna 6 di mart, alrededor di 7.30 or di anochi, a detené un mucha hòmber di inisial L.H.E.N. di 16 aña di edat pa insultá un ámtenar den funshon, pa intenshonalmente no kumpli ku òrdu di polis i pa resistí kontra su detenshon. Un agente polisial a spòt dos mucha hòmber ku tabata kore baiskel sin lus den ‘centrumgebied’ na Playa, i a bai atendé ku nan tokante esaki. Un di e muchanan a insultá e agente i a sigui kore bai. Despues di un persekushon kòrtiku, ku yudansa di mirónes, a para e sospechoso riba Kaya Jean B.F. Vitte na altura di un mini market i a detené.

Aksidente Kaminda Djabou
Riba djaluna 6 di mart, alrededor di 2.30 or di atardi, ‘meldkamer’ sentral a risibí notifikashon tokante un aksidente riba Kaminda Djabou. Un outo a dal den un palu di lus i seguidamente a dal den kurá di un kas. Dor di e impakto, e palu di lus a kai riba e outo. Na yegada di patruya por a konstatá ku wayanan di koriente tabata kologá riba e outo. Pa motibu ku un p**a di awa tambe a kibra, awa tabata spùit riba e kabelnan di koriente. Komo ku e situashon no tabata seif pa tantu e víktima ku tabata den e vehíkulo ainda i tambe komo ku tabatin un kantidat di mirónes presente na e sitio, e agentenan a disidí pa hala tur hende for di den serkania di e sitio di e aksidente i sera esaki pa seguridat.

Na momentu ku e agentenan tabata atendé ku esaki, un grupo di mirónes a saka e víktima for di den e vehíkulo. E agentenan a atendé fuerte ku e personanan aki. Ambulans a transportá e víktima pa hòspital pa tratamentu médiko. Personal di WEB tambe a bini na e sitio pa kita koriente for di e palu di lus pa asina eliminá e peliger pa esnan presente.

Mas despues a resultá ku e víktima tabata pasahero di e outo i ku e shofùr a bandoná e sitio. Despues di un investigashon pa sa kousa di e aksidente, a resultá ku tres outo tabata kore ku velosidat haltu tras di otro. Pa motibunan ainda deskonosí, e shofùr di e último outo a pèrdè kòntròl i a okashoná e aksidente.

Kuerpo Polisial Hulanda Karibense ke hasi un apelashon an pueblo pa semper sigui òrdu di polis. Move un víktima òf mishi ku un víktima ku ku ta enbolbí den ki tipo di aksidente ku por ta, por tin konsekuensia fatal pa e víktima i konsekuensia hurídiko pa esun ku a hasi su mes kulpabel na esaki. Den kaso di un aksidente di tráfiko, laga personal di ambulans òf brantwer, saka e víktima for di den outo.

Bo a mira algu sospechoso? Yama 717 8000 òf e liña di tep anónimo 9310.

07/03/2024

Boneiru a yama bon biní na 17.218 bish*tante stayover den luna di febrüari 2024
Un mensahe di Tourism Corporation Bonaire

Kralendijk (6 di mart 2024) – Boneiru ta anunsiá un logro históriko: for di e resultadonan preliminar ta resultá ku na luna di febrüari 2024 nos isla a yama bon biní na 17.218 bish*tante stayover.

Pa komparashon: na luna di febrüari di aña 2023 e kantidat total di bish*tante tabata 16.136 i na luna di febrüari di aña 2019 esaki tabata 13.700, loke ta nifiká un tendensia positivo den Boneiru su trayektorio turístiko. Esaki ta un oumento di mas òf ménos 6,7% for di aña 2023 pa aña 2024 i un kresementu supstansial di mas òf ménos 25% for di aña 2019 te aña 2024.

E bish*tantenan hulandes a keda e grupo di mas grandi ku 44% di e total, siguí pa e merikanonan ku 28,5%. Kòrsou, Canada, Alemania i Aruba a kontribuí den un forma konsiderabel na Boneiru su sektor turístiko.

Na aña 2024 Boneiru a konosé un oumento remarkabel di 22% pa loke ta trata bish*tantenan merikano kompará ku e aña anterior, i un oumento supstansial di 81% pa loke ta trata bish*tantenan kanades. No opstante e tendensianan akí ku generalmente ta positivo, tabatin un bahada leve di e kantidat di bish*tante hulandes di 7923 na aña 2023 pa 7696 na aña 2024, loke ta nifiká un bahada di mas òf ménos 2,86%. E bahada akí ta un konsekuensia di e bahada den e kantidat di buelo i asiento disponibel riba e ruta di Amsterdam pa Boneiru komo konsekuensia di un kambio di e avionnan ku nos partnernan di aviashon hulandes ta usa, i den e kantidat di ruta programá ku nan ta bula.

E bish*tantenan merikano a bini prinsipalmente for di New York, Florida, Pennsylvania, California i otro estadonan grandi. E gruponan di edat ku representashon mas haltu tabata esun di 55 pa 64 aña (26,2%) i esun di 65 aña bai ariba (24%), loke ta un indikashon di e interes fuerte serka biaheronan di edat un tiki mas haltu. E bish*tantenan hulandes a bini prinsipalmente for di Noord-Holland, Zuid-Holland i Noord-Brabant, kaminda e gruponan di edat di 55 te 64 aña (22%) i di 45 te 54 aña (19%) a dominá.

Mas aleu na luna di yanüari 2024 Boneiru a yama bon biní na 54.446 bish*tante krusero riba 24 barku krusero.

Pa estadístika i informashon mas detayá tokante Boneiru su prestashonnan turístiko, bo por bish*tá nos wèpsait riba www.bonaireisland.com òf manda un email na [email protected].

Welcome to Bonaire! Our unique ecological sites and vibrant culture make us unlike any other Caribbean island. Learn more and plan your trip!

07/03/2024

SUIDADANO DUNANDO SU PUNTO DI BISTA RIBA MEDIDA DI WAF DI PISKADO

Kralendijk - Suidadano Shahir Theodora kier a trese su sosten na nos piskadónan i nos waf.

Tin un kaso andando kontra e waf i e piskadónan. E desishon tumá kontra nos piskadónan akí ta aapnormal.. unda e pruebanan ta? loke ku a wòrdu menshona den e komunikado di OLB kontra su propio hendenan ta tey tur tempu di suit te noord. Si tuma e keho nan ey kontra e waf kual ta afektando e piskadónan mester tuma di otro sitio nan tambe. No ta na e waf ey so ekos nan ey ta pasa!. Si e akto nan akí ta resien.. bini ku prueba di e keho nan i akto nan komete na e waf i ku fecha. Paso mi a lesa par'i kos nunka mi a tende ni mira sosode entre kas di Regatta pa e waf di piskado. Pues bini ku prueba pa e pueblo.. i stòp di tuma e pueblo hasi! I e pueblo tambe mester lanta para e abuzu nan aki!!! Gobiernu di Boneiru i KPCN por skirbí loke nan kier den komunikadó i laga bo kere.. esey no ta e kaso mas serka nos akí na Boneiru. Trese prueba dilantii si no, no mete ku nos pueblo! No keda bini ku rumor riba pueblo. Paso basta hende sa kaba ken ta duna òrdu na OLB. E wega nan akì ta yegando nan final sea na bon òf na malu.

Pueblo lanta pa bo derecho nan i proteha nos piskadónan.. esakí ta akto kontra piskadó!!!.. stòp di laga Gobiernu keda impone kos inkorekto den boso bida! Lanta for di soño.. boso tin mas derecho i poder ku Gobiernu si mester protesta pa protekshon di nos wak i pa boso derechonan hasi'e, pueblo ta ku boso.. meskos ku a plama e notisia na live riba facebook.. nos ta hasie mas grandi pa mundu mira e abuzu nan akí.. huntu nos ta logra. Bin bon òf no bin.

07/03/2024

Proseso di konsulta WolBES i FinBES serka di finalisá

Boneiru, Sint Eustatius i Saba ta haña un representashon permanente na Den Haag i ta enbolbí e islanan mas trempan ora ta traha riba maneho i lei. E prinsipio di 'comply or explain' ta keda e punto di salida pa maneho i lo bai tin diferente nivel di supervishon finansiero pa e islanan. Ku esaki ta hasi adaptashon pa kada isla posibel. Esaki ta algun di e akuerdonan mas importante ku a yega na dje durante e konferensia di trabou di WolBES i FinBES. Durante tres dia na De Bilt, Konseho Insular i Kolegio Ehekutivo di Boneiru, Sint Eustatius i Saba a diskutí riba revishon di e leinan ku ta regla e relashonnan atministrativo i finansiero entre Hulanda i e tres islanan.

Pa enbolbí e islanan mas mihó na momentu ku ta traha lei nobo, ta krea un grupo di trabou riba nivel di ámtenar, ku ta konsistí di representante di Boneiru, Sint Eustatius i Saba i di e ministerio di BZK. Ta enkargá e grupo di trabou pa trese proposishon di kua ta e maneranan pa mehorá partisipashon di Boneiru, Sint Eustatius i Saba den e diferente fasenan di e proseso di maneho i lei.

Alexandra van Huffelen: “Mi ta kontentu ku nos por a tene e kombersashonnan konstruktivo akí ku otro den un ambiente ameno. Mi ta konvensí ku e kontribushon balioso di e islanan ta hasi e proposishonnan di lei mas mihó. E tabata un reunion eksitoso den kua nos a yega na un akuerdo riba e kontenido di tur dos lei. Huntu nos lo bai kaba traha nos akuerdonan den e tempu ku ta sigui.”

Fortifikashon di Konseho Insular i Kolegio Ehekutivo
Un di e otro puntonan ku a diskutí riba dje ta e suèldu di miembro di konseho insular, diputado i gezaghèber. Ta subi esaki na un nivel komparabel ku esun di funshonario desentralisá na Hulanda Oropeo. Na momentu di adaptashon ta tene kuenta ku peso di e pakete di tarea di e islanan. Tambe ta tene kuenta ku faktor lokal, entre otro kosto di bida.
E funshon di miembro di Konseho Insular ta keda un funshon di tempu parsial (deeltijd). E kantidat di miembro di Konseho Insular ta oumentá gradualmente entrante e promé elekshon ku ta sigui (2027). Den promé instante di 9 pa 11 miembro na Boneiru, di 5 pa 7 miembro na Sint Eustatius i di 5 pa 7 miembro na Saba. Entretantu lo evaluá si oumento di e kantidat di miembro di Konseho Insular ta nesesario pa e siguiente elekshonnan (2031 i 2035). Konseho Insular ta haña sosten pa por ehekutá su trabou bon. Pa esaki e ministerio di BZK ta pone anualmente un total di €350.000 disponibel pa Boneiru, Sint Eustatius i Saba. Tokante di e kantidat máksimo di diputado a palabrá pa mantené un kantidat di 3 pa 5 diputado pa Boneiru, 3 pa 4 diputado pa Sint Eustatius i 3 diputado pa Saba.

Supervishon finansiero
Den e lei aktual tin un nivel di supervishon haltu. Pa oumentá outonomia lokal, ta introdusí diferente nivel di supervishon riba finansa i presupuesto. E peso di e supervishon ta dependé di e estado di e presupuesto i e maneho finansiero. Ku esaki ta kumpli ku e deseo di e islanan pa diferensia.
Sobrá akuerdonan
Pa e Entidatnan Públiko por ehekutá nan tarea na un manera korekto, e punto di salida ta ku Boneiru, Sint Eustatius i Saba lo mester risibí fondo struktural pa e tareanan struktural. Esaki ta di akuerdo ku e konsehonan di e instituto di investigashon IdeeVersa i di e Konseho di Atministrashon Públiko (Raad voor Openbaar Bestuur).

E proseso ku ta sigui
Adaptashon di WolBES i FinBES ta nesesario pa mehorá e relashon atministrativo i finansiero entre e Entidatnan Públiko i Hulanda Oropeo. E konferensia di trabou tabata un paso adishonal den e proseso di konsulta tokante e kambio di lei. Ku esaki e islanan tabatin mas tempu pa reakshoná riba e proposishonnan di lei. Despues di e konferensia di trabou e islanan tin tres siman mas pa yega na un reakshon final, formal. Despues, ku e kontribushon di e islanan, ta elaborá riba e tekstonan di lei i e leinan ta pasa pa e siguiente trayekto. Despues di aprobashon den Konseho di Minister, lo manda e proposishonnan di lei pa konseho pa Konseho di Estado (Raad van State) i despues pa Parlamento (Tweede Kamer).

07/03/2024

mester skrudiná si realmentece bankarotanan ta pa motibu di subida di salario mínimo. Pasó ta hopi aña kompanianan no ta paga winstbelasting nan a keda ketu. Òf ta mis management.

Mester habri buki promé ku duna retiro. Kontròl mester bin.

Ami ta kere FCM mester slèk un tiki I bisa merka ku ta p***a merkado mundial ku nan lei finansiero ku a poné sektor bankario sukumbi pa nos kaminda ku nos no por yega banko fia sèn fásil no por kumpra na qouta mas esei tambe ta poné ku e suidadano no tin mas espasio.

Pero tòg ta fia sèn pa kumpra ouyo nobo ku no tin un balor ku ta subi pero e balor ta baha. No ta presta kapital pa invertí den negoshi chiki pero ta fia sèn pa kumpra kos sin balor.

Enbes di motiva pueblo pa kuminsa ku nan propio negoshi. Pero no por haña finansiamentu. Bo mester ta friends bon g*i slijmerig pa bo por konta den e gremio ( di e Belderbergnan di Boneiru. Esski ta un parti chiki di un opservador ku konosementu di ekonomia. AKI NOS TA!!!

07/03/2024

AFBW TA PIDI PA SEKTOR DI SEGURIDAT AFILIÁ NA AFBW

KRALENDIJK-'Awe atrobe AFBW ta haña trahadornan den e sector di bewaker, ku ta haña un app ku ta bisa nan ku pa 1 april nan no ta traha mas na e kompania di bewaker aki. Atrobe nos ta mira ku ta e mesun sistema di lanta di awe pa mañan i kita hende for di trabou, sin hasi esaki korekto konforme nos lei nan laboral BES.
Hopi sufrimentu i dolor esaki ta trese kune. Esaki a sosode den pasado den e sector di horeca i te ku AFBW a jama un rueda di prensa i a desaproba esaki kompletamente, nos a denunsia e akto nan aki publikamente.
AFBW i SZW a kana e kaminda korekto i den un lucha huntu ku e 6 trahadornan a sali viktorioso.
A mustra e dunado di trabou aki ku no ta aktua di e manera inkorekto, pero ku e tin ku kumpli ku lei i respeta e trahadonan.
Awor ta e sektor di bewaking ta na buert. Aki tambe ta e mesun kos kier hasi ku e trahadornan.

AFBW ta pidi tur trahador den e sektor di bewaker pa bira miembro, pa asina aki, AFBW por sali na bo defensa i para e abusu laboralnan aki.

AFBW ta hasi un yamada na tur trahadó den sektor di seguridat pa bira miembro.

Dia: 08 mart 2024.
Ora: 11:00 - 13:00.
16:00 - 18:00.
Luga: Kas Sindikal AFBW.

29/02/2024

Tin bia mi no ke diskutí ku niun hende. Ora un teknokrat trata di splika mi algu mi ta puntra ta ku ki intenshon. Pasó bo no ta bai keda kla ni komprondé..

Ami ku a move kasi 25 aña skirbiendo den korant ta puntra ki realmente hende sabí ménos sabí ta komprondé ku hende mester ta liber, un isla mester ta liber pensa lober no otro rasa pensa pa bo skohe pa bo disidí pa bo.

Ombu go with flow

27/02/2024

Dentro di poko nos lo tin un Notisia di último, di un kaso ku nos ta vigilando i ta trahando riba dje. Keda pendiente.

Esunan responsabel kòrda sali splika trahadónan kiko te pasa, no laga ta na nos komo media pa splika i saka e bèrdat un bia mas. Un hòmber alertá ta konta pa 2.

Bonaire ta sin gobernashon pueblo ke sa! Dor ku gobernantenan ta ku bisita di trabou pafó di Boneiru.

Pa bai Hulanda bai tende kiko Van Huffelen tebisa nan, nan por tende di un seshon di videocall. Nos no a tende e puntonan ku nan ta bai tende ni didkutí.

Kon por kambia algun aliña den WolBes/ FinBes sin kambia e struktura.

Segun nos humilde opinion kambio di WolBes/ FinBes tin ku tòrnu ne Struktura Estatal. Sino ta kon ta bebe un likido den un bòter será?

Lo nos deseá no pa tòrnu ne pero kita kompletu pa nos ta liber pa skohe I implementá nos propio vishon. Zelfbeschikkingrecht nos propio outodetèrminashon.

2020 tabata e aña ku Nashonan Uní a poné ku niun pais ba mundu no pit ta kolonia mas ni redortá bou di ningun pais.

Ta nos ta keda kologá na saya di esun ku kolonialisá nos hasí nos katibu ofendé nos, habuzá di nos ántepasadó kruelmente pa awe algun ignorante sali bisa ta koi pasadó. E ta pasadó pasó bo no a sinti e humiashon esklavisá e horendo krímennan ku e hulandesnan a kometé.

08/02/2024

KIKO TA PASANDO NA VÈLT PARIBA.

INDEBON A HUNGA WEGA SUSHI KU SV LA FAMA DOR DI UZA NAN HUMILDAD.



Kralendijk--Redakshon di Radio Flamingo / korant NOBO a buska kontakto ku ámbos partido pero mester a tende di señor Terence De Jong direktor (INDEBON) djaweps 8 febrüari 2024 tin un reunion entre spònser for di Hulanda pa ku e proyekto Hóbenan Ban Nos Seno Bèk, presidente i sv La Fama ku señor D. Molina i señor De Jong. Esaki despues ku sv La Fama a baha e konstrukshon di dak i un konteiner a wòrdu kitá for di riba e tereno. Presidente sv LA Fama señor Molina ta ketu pero nos a bin komprondé di nos fuente nan ku e spònsernan a kuminsá menasá di pone cleim riba invershonan ku a wòrdu hasí pa ku un Gym pa e bario Rincon, pero ku te ainda despues di 2 aña i mei nan no ta mira nada sosodé.

Nada no ta sosodiendo kaminda maneho di INDEBON tabata na altura dje plan nan ku a wòrdu papiá pa e gym kual hopi habitante di Rincon ta pidi pe. Por a sinta papia ku sv La Fama promé i informá nan di e planan pa vèlt pariba. Pero a yega poné 2 konteiner furanan koba pos di pa wc/baño, siendo tin 3 konteiner ku sv La Fama a haña di sponrernan pa keda furá paden pa usarionan di e tereno por hasi uso di e fasiñidatnan.

Nos redakshon a hasi un investigashon kaminda nos ta kòrda ku tabatin un reuda di prensa kaminda e diputado enkargá ku deporte ta na mando e tempu ei señor James Kroon a duna di konosé ku e vèlt lo haña yerba artifisial i tambe un Gym tabata den konstrukshon p'asina e kancha bira un kancha ku por a práktika tantu futbòl, fitness i tambe Bolas Krioyo.

Hasta a menshoná ku e kompleho lo a wòrdu yama na honor señor Rubby Balentin komo un baluerte di Rincon. For di Bon Fuentenan nos sa ku asta e bòrchi ku nòmber dje deportista Balentin a wòrdu diseñá i pagá. Nos kada un por a mira e dos konstrukshon nan di heru kaminda e bòrchi lo a wòrdu pone.

Riba e potrèt for di archivo nos por mira e diputado Kroon, representante di Indebon i tambe BWM. Tambe por mira 4 kònteiner i e konstrukshon pa ku un dak ku plachi pasó señor diputado Kroon mes a menshoná ku e kier tabata tin un edifisio ku un dak presentabel i no di zim.

Kiko nos ta mira awe, dos kònteiner den kolo blou i kòrá i ku dak nan di zim.

Dos kònteiner ku dia di reuda di prensa ku INDEBON na mesa no tabata na vigor.

Kiko señor Terence De Jong ta skonde pa pueblo ku e no por a papia ku redakshon for di djaluna 5 febrüari momentu ku a yam’e pa kontestá, e la duna di konosé pa medio di app.

Kiko ta e lokual ku ta skonde pe. Ta ke no kier pa pueblo sa ku tin un situashon kaminda ta wòrdu diskriminá, debí ku ta un ekipo veterano a bin ku e idea anto ta laga nan afó. Ta esei ta e motibu ku diripiente un reunion di sumo importansia a wòrdu plania djaweps awor(8Februari 2024).

Kon bin dos kònteiner ku dak di zim ta wòrdu pone, furá i e sitio dje gym mes nada no a sosodé ku ne, kaminda nos redakshon sa ku tabata tin kombersashonan i asta empresanan ku a bai saka un oferta pa awa i lus na e sitio kaminda e gym mester lo a bin.

Kiko ta pasando. Kon bin a desviá dje plan kaminda nos por a kòrda ku den entrevista nan anterior e kompania LEBO VASTGOED Amsterdam tabata un kompania ku a kere 100% den e plan i hasta a manda ekipo nan pa train adelantá pa Boneiru.

Dikon sv LA Fama a wòrdu pone un banda, ta un intorogatorio pa nos.

Ta pasó e sèn ku LEBO VASTGOED AMSTERDAM kier hinka den e proyekto mandatarionan lokal no por yega na dje. Pregunta nan ku ta wòrdu hasi pasobra nos no por komprondé ku un idea asina 2 aña i mei despues ainda ta pará ketu.

Nos lo sigui vigilá e situashon na vèlt pariba i ta spera ku e gym lo por wòrdu realisá na vèlt pariba pasó Rincon mester di un Gym.

21/01/2024

01/01/2024

UN BISTA BÈK RIBA UN DIA DI MASKARADA 2024 ENKANTADOR

Kralendijk –Despues di un tremendo selebrashon dia 1 di yanüari, yen di alegria i gratitut nos ta wak bèk riba Dia di Maskarada 2023. Tabata un dia kaminda nos komunidat a bini huntu pa selebrá nos tradishonnan riku i pa krea rekuerdonan ku lo dura un bida largu.

Un Patrimonio Bibu: Dia di Maskarada 2024

Dia di Maskarada, un tradishon di hopi siglo bieu, ku tabata na punto di bai pèrdì, a prueba un biaha mas di ta un patrimonio bibu ku tin su raisnan profundo den nos kultura. E sonido alegre di músika di Maskarada a yena nos kayanan, kaminda e sinfonia i e tambú di dòbel banda, konosí komo tambor, a determiná e ambiente.

Apertura inspirativo di parti di Ingrid Sealy

E punto kulminante di e dia a tuma lugá na SKAL, kaminda nos gezaghèber interino remplasante Ingrid Sealy a kompartí un palabra inspirativo di apertura. E entrega simbóliko di e butishi ku ròm, un tradishon ku tin su raisnan profundo den historia di Maskarada, a pone énfasis riba e konekshon ku nos kultura lokal.

Skèch i dibertishon na enkargo di e Maskanan

E orguyoso miembronan di e Grupo di Maskarada, e Maskanan, a brinda skèchnan vibrante ku tabata varia di esenanan humorístiko tokante toriamentu di toro te storianan emoshonante tokante e bida di piskadó. E presentashonnan akí no a trese solamente dibertishon, pero nan a fortifiká tambe e lasonan den nos komunidat.

Danki na nos komunidat

E éksito di Dia di Maskarada ta danki na e enbolbimentu i partisipashon entusiasmá di nos komunidat. Huntu nos a krea un dia yen di alegria i solidaridat, kaminda nos a mantené nos tradishonnan bibu i krea rekuerdonan nobo.

Un bista padilanti

Ku e rekuerdonan kaluroso di e Dia di Maskarada akí, awor nos ta wak padilanti den direkshon di futuro. Laga nos sigui traha huntu riba mantenshon di nos tradishonnan i fortifikashon di e laso úniko ku ta karakterisá nos komunidat.