Քաղաքաշինության ոլորտի ամենամսյա գունավոր, իլյուստրացիոն մասնագիտական պարբերական: Հայաստանի շինարարների եւ ճարտարապետների միությունների պաշտոնական լրատվամիջոց: Հրատարակիչն է Շինարարների միության "Միդիս-Շար" ընկերությունը: Լույս է տեսնում 2006 թ. մարտից: Տպագրական ծավալը` 64 էջ: Հիմնական լեզուն հայերենն է, զուգահեռաբար տպագրվում են նաեւ ռուսալեզու հեղինակներ, իսկ հատուկ թողարկումներում` նաեւ անգլեր
են համառոտագրություններ: Լուսաբանում է միությունների գործունեությունը, քաղաքաշինական ոլորտի խնդիրները, ժամանակակից զարգացումները, ներկայացնում հայկական եւ արտասահմանյան ճարտարապետական եւ շինարարական մշակույթը, ոլորտի երախտավորներին, պատմությունը, գիտական միտքը: Մշտական խորագրերն են` "Բաց խոսափող", Հրավիրում ենք երկխոսության", "Տեսակետ", "Սուր անկյուն", "Հարց է բարձրացնում մասնագետը", "Հետադարձ կապ", "Մի կառույցի պատմություն", "Մի փողոցի պատմություն", "Ազգային ճարտարապետական արժեքներ", "Հայ գիտական միտքը` շինոլորտին", "Փրկենք պատմական հուշարձանները", "Հարակից արվեստներ", "Մերոնք՝ արտերկրում" եւ այլն: Բովանդակային հագեցվածությամբ եւ գեղարվեստական բարձրաճաշակ ձեւավորմամբ իր ուրույն տեղն է զբաղեցնում հայաստանյան մամուլի շուկայում: Արժանացել է Հայաստանի ժուռնալիստների միության "Ազդարար" մրցանակի, ՀՀ վարչապետի շնորհակալագրի, ՀՀ քաղաքաշինության նախարարության, Ճարտարապետության եւ շինարարության Հայաստանի ազգային համալսարանի մեդալների:
Գլխավոր խմբագիրն է Անահիտ Պողոսյանը:
