24/01/2020
Winston Churchill: Njeriu që shpëtoi botën..............Udhëheqësi britanik vdiq si sot në vitin 1965...Winston Churchill ishte një politikan, ushtarak, gazetar dhe shkrimtar anglez,fitoi çmimin Nobel për letërsi në vitin 1953 për veprën e tij me pesë vëllime Lufta e Dytë Botërore. Ai mbeti në histori si "babai i fitores" për kontributin e tij të rëndësishëm për mbizotërimin e Aleatëve në Luftën e Dytë Botërore. Ai ishte Kryeministër i Britanisë së Madhe për 9 vjet (1940-1945, 1951-1955). Në 2002 në një referendum në BBC ai u shpall Britaniku më i madh i të gjitha kohërave..Winston Leonard Spencer-Churchill,lindi në 30 nëntor 1874 në Pallatin Blenheim, Oksford.I lindur në një familje të pasur fisnike, ai ishte djali i dytë i politikanit Randolph Churchill, dhe Amerikanes Jenny Jerome, vajza e Leonard Jerome, një bankier dhe pronar i New York Times..Njeriu që luajti një rol vendimtar në formimin e marrëdhënieve ndërkombëtare në periudhën e pas luftës dhe magjepste turmat e njerezve, ishte një student i keq dhe duhej të jepte provime dy herë për të kaluar ne Akademinë Ushtarake Sandhurst (1892). Megjithatë, shpejt, Winston u bë figura më e dalluar në klasën e tij dhe u diplomua i teti nga njëqind e pesëdhjetë studentë..Në vitin e tij të 21 ai u bë oficer kalorësis dhe vëzhgues ushtarak. Në vitet që pasuan,ai ju bashkua trupave britanike në Indi, Egjipt dhe Afrikën e Jugut, ndërsa shërbente si korrespodent lufte. Përpjekja e tij e parë për të kërkuar një vend parlamentar si kandidat për Konservatorët në 1899 u kurorëzua me dështim..Winston Churchill nuk u dorzua, dhe një vit më vonë ai u zgjodh anëtar i Partisë Konservatore, me te cilen ai nuk u pajtua, duke lënë në vitin 1904 për t'u bashkuar me Liberalët. Prania e ti në dhomen e Komunave është e fortë, dhe karakterizohet nga arsye të përgatitura përpiktë, që demonstrojnë aftësinë e tij retorike..Fryma e tij e reformës do të konfirmohet në më shumë se një fushë (si Nënsekretar i Shtetit për Kolonitë dhe Ministër i Tregtisë si minister i puneve te Brendshme), ndërsa si Ministër i Furnizimit në 1917 ai punon për prodhimin masiv të tankeve që gjykojnë në një farë mase rezultatin përfundimtar të suksesshëm të Luftës së Parë Botërore. Ai më parë kishte dhënë dorëheqjen si Admiral duke pranuar kritikat për fushatën e dështuar ne Dardanelles (1915), e cila mori jetën e mijëra ushtarëve të Komonuelthit..Përkushtimi i parë i tij i madh për shkrimin (1922-1924) fillon pas rënies së qeverisë së koalicionit të Lloyd George. Për dhjetë vjet ai mbetet një anëtar i thjeshtë i Dhomës së Komunave, pasi u kthye në Partinë Konservatore dhe botoi një numër të veprave të tij. Në atë kohë, ai nuk humbi rastin të tregojë rreziqet e sundimit nazist në Gjermani.
Takimi i Winston Churchill me fatin e tij, thotë ai, ndodh vetëm kur Luftes e Dytë Botërore ishte një realitet dhe qeveria pacifiste e Chamberlain shembet. Nga një shënim në një libër historie, emri Churchill do të shkruhet me shkronja të arta..Në fjalimin e tij të parë si Kryeministër në Dhomën e Komuneve (një post që ai mori në 10 maj 1940) ai ua bëri të qartë bashkatdhetarëve të tij: "Unë nuk kam asgjë për t'ju ofruar përveç gjakut, punës, lotëve dhe djersës...Ai vendos si qëllim te vetëm të qeverisë së tij fitoren totale ndaj armikut. Në periudha të vështira ai arrin të ngrejë moralin e tronditur të bashkatdhetarëve të tij,dhe gjatë gjithë luftës krijon marrëdhënie të mira me presidentin amerikan Franklin Roosevelt...Aleanca Britani,Sh.B.A dhe B.S u themelua në 1942 dhe u përpilua një përpjekje e përbashkët luftarake që çoi përfundimisht në fitoren e forcave të Boshtit në 1945..Në shkurt 1945 Winston Churchill merr pjesë në Konferencën e Jaltës dhe vendos me Rooseveltin dhe Stalinin shpërndarjen e "zonave të ndikimit"në botën e pasluftës. Edhe pse konsiderohet një udhëheqës i shkëlqyer në kohë lufte, ai nuk konsiderohet të jetë personi i duhur për të ndërtuar një Britani më të mirë në kohë paqeje. Lehtësia e tij për ndryshimin e partive nuk falet..
Por edhe kur ai humbet zgjedhjet e 1945, ai mbetet udhëheqësi i fuqishëm që punon për koalicionin perëndimor (më vonë NATO). Në moshën 77 vjeç, ai mori detyrën e kryeministrit në zgjedhjet e 1951 per te dhene dorëheqjen katër vjet më vonë,duke mar shumë nderime të larta në vitet e fundit të jetës së tij..Sidoqoftë, ai nuk dha dorëheqjen si deputet deri pak para fundit të jetës së tij në korrik 1964. Ai do të vdiste gjashtë muaj më vonë, i goditur nga një goditje në tru, më 24 janar 1965 dhe do të pushojë në Blanton, Oksford,afër vendlindjes së tij..Që nga viti 1908 ai ishte i martuar me Clementine Hozier, me të cilën kishte pesë fëmijë...
