ننګرهار کې شاوخوا سل زره جريبه ځمکه له غصب خلاصه شوې ده.
د ننګرهار ولايتي چارواکو د يو مطبوعاتي کانفرانس پرمهال دغه ولايت کې روان کال کې د رغنيزو او بيا رغنيزو پروژو د کارونو ترسره کېدو ترڅنګ راتلونکي کال کې د ځينو پروژو د چارو پيليدو پلان واضح کړ او ويي ويل چې هغه لويې پروژې چې کارونه يې نيمګړي پاتې شوي او د ولسونو اړتيا هم ده را روان کال به يې کارونه پيل او ترسره شي.
د ولايت مرستيال مولوي سعيد احمد بنوري جوړشوي کنفرانس کې وويل چې دغه ولايت کې سل زره جريبه ځمکه له غاصبينو خلاصه او په دې تړوا يو شمېر کسان هم نيول شوي دي.
#راپور سیال..
په خوست کې د قومونو تر منځ د همغږۍ غونډه ترسره شوه
د مرکز کابله د قبایلو چارو وزرات راغلي پلاوي په خوست کې د مختلفو قومونو له قومي مشرانو سره د همغږۍ غونډه ترسره کړه د قومونو او قبایلوچارو وزارت معین وویل چې یاد وزارت په تېر یو کال کې په ټول هېواد کې د قومونو ترمنځ ۳۲۰ غټې او کوچنۍ شخړې حل کړي.
#خوست
ننګرهار کې د مالټو حاصلات د تېر کال په نسبت زيات شوي دي.
د ننګرهار کانال رياست مسولين وايي، سږ کال به د ننګرهار بټي کوټ مالټو څخه ۳ زره ټنه حاصلات راټول شي چې تېر همدغه رقم ۲۱۰۰ ټنه و.
بلخوا سوداګر وايي، وروستيو اقتصادي ستونزو او ناچارۍ سږنی کال د مالټو بازار کمرنګه کړی دی.
#راپور سیال
ختيځ لغمان کې د ( ٣٥٢٠٠٠ ) درې سوه دوه پنځوس زره ډالرو په مالي لګښت د انجونو لېسې لپاره دوه پوړيزه ودانۍ جوړه او ګټې اخيستنې ته وسپارل شوه.
چارواکي وايي، دغه ودانۍ د يونيسيار موسسې په مالي لګښت چې څه دپاسه ۱۶۰۰ شاګردانو ظرفيت د ګڼ شمېر سهولتونه په درلودلو سره جوړه او ګټې اخيستنې ته وسپارل شوه.
خوست کې په موسمي ناروغیو د اخته ناروغانو شمېر زیات شوی.
په خوست کې ډاکټران او د روغتیایي برخې مسؤلان وایي چې په دغه ولایت کې د ساړې او خرابې هوا له امله د موسمي ناروغانو شمېر ډېر شوی.
روغتیایي چارواکي که څه هم په دې برخه کې د تیاري ډاډ ورکوي ترڅنګ یې اندېښمن دي چې د هوا د لا یخ کېدو سره ممکن دا ناروغي لا ډېرې شي.
ننګرهار کې د يو خصوصي لوړو زده کړو مؤسسې محصلينو په لاس د کورنيو توليداتو يو ورځنی نندارتون جوړ او ترسره شو.
مسولين وايي په دې نندارتون کې د اقتصاد پوهنځي محصلینو په خپل لاس جوړ شوي دېرش ډوله کورني تولیدات، نوښتونه، لاسي صنایع، او نور سوداګریز توکي نندارې ته وړاندې کړل.
ولس غږ خصوصي لېسه.
خوست کې د ولس غږ خصوصي ښوونځي څخه ۵۶ کسانو د فراغت سندونه ترلاسه کړل.
په خوست ولایت کې د ولس غږ خصوصي عالي لېسې څخه په اتمه دوره کې ۵۶ کسانو د فراغت سندونه ترلاسه کړل.
د مسؤلینو په خبره فارغ زده کوونکي مو په پوره ایماندارۍ او صداقت سره په بشپړ معیاري ډول روزلي دي.
#خوست
خوست ملکي روغتون
خوست کې د ملکي روغتون د زنانه ډکټرانو له بد چلنده خلک شکایتونه کوي.
د خوست ولایتي مرکزي ملکي روغتون کې د ښځینه ډکترانو او نرسانو له بده چلنده د خلکو شکایتونه زیات شوي، د دوی په خبره دلته راتلوونکو مریضانو ته د پوج الفاظو کارولو ترڅنګ پخپلو دندو کې هم ناغړي کوي.
بلخوا د خوست ولایتي چارواکي یاده ستونزه مني د حل په موخه یې ولس ته ډاډ ورکوي.
#خوست
خوست کې د اسلامي نظامونو، مسلمانې ټولنې او د علماوو په رول تر عنوان لاندې یو ورځنی ورکشاپ تر سره شو.
په خوست ولایت کې د شیخ زاید پوهنتون او ولایتي ادارې په ګډې همغږۍ د اسلامي نظامونو، مسلمانې ټولنې او د علماوو په رول تر سرلیک لاندې یو ورځنی ورکشاپ ترسره شو.
خوست
خوست کې پر ۴۰۰ جریبه ځمکه د صنعتي پارک جوړولو چارې پیل شوې.
د خوست ولایت اړونده اسماعیل خېلو مندوزیو ولسوالۍ کې پر ۴۰۰ جریبه ځمکه د صنعتي پارک جوړولو چارې پیل شوې.
د مسؤلینو په خبره د یاد پارک رغونې لومړنۍ چارې د څه باندې ۱۸ میلیونو افغانیو په ارزښت یو خصوصي شرکت ته سپارل شوې چې د راتلوونکو شپږو میاشتو په موده کې به بشپړې شي.
ننګرهار
ننګرهار کې د لوړې مالېې او کار روزګار نشتون له امله ۲۸۰ هوټلونه تړل شوي.
په دغه ولایت کې د هوټلونو د اتحادیې مسولين وایي، له دې وړاندې د ننګرهار په مرکز او ولسوالیو کې ټول ټال ۶۸۰ لوی او واړه هوټلونه فعال وو، خو په دې وروستیو کې د لوړې مالیې، له امله ۲۸۰ هوټلونه تړل شوي او زرګونه کار کوونکي یې بې روزګاره شوي دي.
بلخوا د ننګرهار مستوفيت چارواکي د هوټلونو اتحاديې او مالکانو شکايتونه ردوي.
#ننګرهار
خوست
خوست کې د غلو اووه کسیزه ډله نیول شوې ده.
په خوست ولایت کې د استخباراتو ریاست له لوري د تېرو ۵ ورځو په جریان کې د غلو دوه ډلې چې ټول ټال اووه کسان کیږي نیول شوي دي.
له یادو اوو کسانو سره ۵ تښتول شوي موتر او اته دانې موټر سایکلونه هم لاس په لاس نیول شويدي.
ډلییز واده
خوست کې د خوش نصیب ځوانانو تر عنوان لاندې د ډله يیز واده مراسم ترسره شول.
په خوست ولایت کې د بشیر نوید ګروپ په استازيتوب د حاجي خیرالدین مایل په مالي ملاتړ ۳۰ جوړو ځوانانو ته د ډاله ییز واده مراسم ترسره شول.
واده کوونکو د لوړ ولور ناوړه دود د مخنیوي په موخه له قومونو غوښتنه کوي چې د اسلامي شریعت په رڼا کې لازمه هڅه وکړي.
ځینې نور بیا شکایت کوي چې د ډله ییز واده مراسم د خوست لپاره نیول شوي وو خو سهم یې نورو ولایتونو ته زیات ورکړی.
#خوست
ننګرهار
د هېواد په کچه ننګرهار کې د زيتونو پروسس لويه فابريکه، مسولين وايي، سږکال د تېر کال پرتله د زیتونو په حاصلاتو کې دوه برابره زیاتوالی راغلی دی.
د يادې فابريکې مسولين وايي، تېرکال د زیتونو حاصلات ۱۶۱ ټنه و ، سږکال به دغه حاصلات ۳۰۰ ټنه وي .
د مسوولينو په وينا، په دې ولایت کې په ۸۵۰۰ جریبه ځمکه زیتون کرل شوي چې له دې څخه به ۳۰۰ ټنه د زیتونو دانې او ترڅنګ يې به يې له دغو دانو شاوخوا ۱۲ ټنه د زيتونو اچاره هم جوړ او بازار ته عرضه شي.
#راپور سیال
د خوست ولایت اړونده د تڼیو ولسوالۍ لاغوړي پیرانو سیمې اوسېدونکي دلته د شته تاریخي سمڅو د راغېدو غوښتنه کوي.
دوی وایې یادې سمڅې نیږدې ۴۰ کالن تاریخي قدمت لري چې اوس وخت کې د بېلا بېلو لاملونو په اساس زیانمنې شوې دي.
هاخوا د اطلاعاتو کلتور ریاست چارواکي ډاډ ورکوي چې دا او د خوست نورې تاریخي سیمې مو له اړونده وزارت سره د ترمیم په موخه په مکتوبي ډول شریکې کړې دي.
خوست کې ګونګي زده کوونکي د نجونو لپاره د ښوونځیو د خلاصون غوښتنه کوي.
په خوست کې د ځانګړو زده کړو لېسه چې دا مهال پکې لسګونه ګونګیان او کاڼه زده کوونکي په زده کړو بوخت دي مسؤلین یې وایي د یوې مجهزې ودانۍ او نورو اړینو تدریسي وسایلو د نشتون له امله له سختو ستونزو سره مخ دي.
د دوی په خبره یې یاد ښوونځی یوه لسیزه مخکې تاسیس شوی خو لا هم په ګڼو برخو کې جدي نیمګړتیا لري.
خوست
د هېواد په جنوب ختیځو ولایتونو او خاص ډول خوست کې په ودونو کې لوړ لګښتونه او ولور له کالونو راهیسې مهمه ټولنیزه ستونزه بلل کیږي، چې له کبله یې ډیری کورنۍ په رواني او اقتصادي لحاظ صدمه ویني.
د دغه ولایت د اوسیدونکو په خبره چې په لسګونو زره ځوانان د ډېر ولور له کبله نورو هېوادونو ته په سختۍ سفرونه کوي او هلته د ولور د جبران لپاره له وس او توان پورته کارونه کوي.
#خوست
له پاکستان څخه راستنې شوې افغان کورنۍ؛ پاکستان حکومت مو ټولې شتمنې لوټ او په زور له هېواده راويستلو.
راستانه شوې کورنۍ وايي، هلته ورسره پاکستاني پولیسو دومره ظلمونه کړي، چې د ویلو توان یې هم نلري.
بلخوا چارواکي وايي، دغه کورنيو ته تورخم ښارګوټي کې دوه موقتي ميشت غالي او د حکومت، خيريه بنسټونو، بيلا بيلو مؤسساتو او عامو خلکو لخوا د ژوند کولو ټول لومړنۍ اسانتياوې برابرې شوې دي.
#ننګرهار
خوست
خوست کې د شل میلیونه افغانیو په لګښت د سرک جوړونې اساسي چارې پیل شوې.
په خوست ولایت کې د ښاروالۍ ریاست په مالي ملاتړ د شل میلیونو افغانیو په لګښت د ۵'۱ کلیو متره سرک اساسي جوړونې چارې پیل شوې؛ چې کارونه به یې راتلونکو شپږو میاشتې کې شپړې شي.
ورته مهال ولایتي چارواکي ډاډ ورکوي چې نیږدې راتلونکي کې به دې ته ورته پروژې په ولسوالیو کې هم پلې شي.
#خوست
خوست
د سوېل ختیځ زون ښاروالنو ته د ظرفیت لوړونې ورکشاپ پای ته ورسیده.
د سوېل ختیځ زون په کچه د ۵ ولایتونو او ولسوالیو ښاروالانو ته د ظرفیت لوړونې ورکشاپ پای ته ورسیده.
د مسؤلینو په خبره له یاد ورکشاپ مو موخه د ښاروالۍ په چارو کې لا ښه مدیریت او ګړندیتوب دی.
بلخوا په دندو برقرار ښاروالان وایي د ښې حکومتوالۍ او سم مدریت لپاره مو ډېر څه زده کړل.
#خوست
خوست
نن د خوست ولایت په بېلابېلو واټونو کې د ترافیکي اشارو د لګولو چارې پیل شوې.
په خوست ولایت کې نن سه شنبه په رسمي توګه د یاد ولایت په کوچنیو او لویو واټونو کې د ترافیکي اشارو (ترافیکي څراغونو) چارې پیل شوې چې له امله به یې ترافیکو او موټر چلوونکو ته اسانتیاوې برابرې او د ترافیکي پېښو په کموالي کې به مرسته وکړي.
#خوست
خوست
په خوست کې سږ کال د سرو املوکو حاصلات زیات شوي دي.
په خوست کې سږ کال د املوکو حاصلاتو له زیاتوالي سره دغه ولایت ته له پاکستان د یادې میوې د راوړلو مخه نیول شوي.
کروندګر وایي که څه هم د طبیعي افتونو له امله د سرو املوکو حاصلات په بشپړ ډول نه شي ترلاسه کولی خو بیا هم سږني حاصلات دومره دي چې له پاکستانه خوست ته د یادې میوې د راوړلو مخه ونیسي.
ورته مهال باغدران د حاصلاتو د لا ښه والي لپاره له حکومت د لازمې پاملرنې غوښتنه کوي.
ځایي حکومتي مسؤلان بیا په دې برخه کې د خپلو هڅو ډاډ ورکوي.
#خوست
خوست
خوست کې د حکیم تڼیوال طبعي علومو انیسیتیوت څخه ۲۰۸ تنو د فارغت سندونه ترلاسه کړل.
په خوست ولایت کې د حکیم تڼیوال خصوصي روغتیایي علومو څخه په ۱۳ مه دوره کې ۲۰۸ تنه ښځینه او نارینه محصلینو د فراغت سندونه ترلاسه کړل، د نیمه لوړو زده کړو څخه فارغ محصلان له دولت غوښتنه کوي چې د عملي زده کړو ترڅنګ دې ورته په دولتي او غیرې دولتي سکتور کې د کار زمینه مساعده کړي.
#خوسن
خوست
د اسلامي تعلیماتو تر سرلیک لاندې د بشري حقونو او رسنیو څار ادارې له لوري ۱۵ میاشتنی ورکشاپ پای ته ورسیده.
په خوست ولایت کې د اطلاعاتو او کلتور ریاست تر نظارت لاندې د بشري حقونو او رسنیو څار ادارې له لوري ۱۳۱ ځونانو او قومي مشرانو ته د اسلامي تعلیماتو تر سر لیک لاندې ۱۵ میاشتنی ورکشاپ پای ته ورسیده.
ګډونوال وایي د اسلام له نظره د بشر پېژندنې او انساني حقونو په اړه مو ډېر څه ولوستل، دوی غوښتنه کوي چې د دا ډول ورکشاپونو لړۍ دې جاري وساتي.
#خوست
خوست
د باک او تریزیو قومونو تر منځ د حدودو پر سر شوې پرېکړه شپیته کاله وروسته تطبیق شوه.
نن ورځ د ولایتي ادارې، د ځمکې غصب مخنیوي تخنیکي کمیسیون او د قومي مخورو له لوري د باک ولسوالۍ بابکرخېلو کوټکي او تریزیو قومونو تر منځ د حدودو پر سر ستونزه چې شپیته کاله وړاندې د وخت حاکم نظام له لوري حل شوې وه، ولې پرېکړه یې تردې دمه له تطبیق پاتې وه، نن ورځ د ولایتي ادارې په هڅو یاده پرېکړه تطبیق او د جانبینو رضایت ترلاسه شو.
#خوست
خوست
خوست کې درېو کسانو ته نغدي جایزې ورکړل شوې.
خوست کې د اطلاعاتو فرهنګ وزارت له لوري د ژورنالیزم او د فرهنګي اثارو سیالیو په ترڅ کې دریو تنو کاندیدانو چې په اړونده برخه کې یې اثار کاندید کړي وو، د یوې ستاینغونډې په ترڅ کې د اړوند وزارت څخه نغدي جایزې او ستاینلیکونه ترلاسه کړل.
د چارواکو په وینا له یاد کار نه یې اساسي موخه د استعدادوو هڅونه او په بېلابېلو برخو کې پرمختګونه او نوښتنه رامنځته کول دي.
#خوست
خوست
ولس غږ خصوصي لیسې په رقابتي ازموینه کې خپل بریالي شوي زده کوونکي وستایل.
د پوهنې ریاست له لوري په اخیستل شوي رقابتي ازموینه کې د ولس غږ خصوصي لېسې دوه زده کوونکو لومړی او دریم مقامونه خپل کړل چې د ولس غږ خصوصي لېسې ادارې له لوري په مالي او معنوي ډالیو وستایل شول.
#خوست
خوست
په خوست کې د څه باندې سل جريبه ځمکه د تحقيقاتي فارم لپاره په واک کې ورکړل شوه.
د خوست ولایت اړوند په فارم باغ سيمه کې څه باندې سل جريبه ځمکه د غالو دانو، سبزيجاتو، حبوباتو او ځنګلاتو د تحقيق او څيړنې په موخه د خوست زراعت ریاست مربوط د تحقیقاتي عمومي مديريت ته په واک کې ورکړل شوه.
مسؤلين وايي، ياده تحقيقاتي ځمکه به د کرنيزو څېړنو لپاره تر ډېره مواثره تمامه شي او تر څنګ به یې له زراعت څخه نوي فراغېدونکو محصلینو ته د عملي زده کړو زمینه هم مساعده شي.
#خوست
خوست
په خوست ولایت کې د رقابتي سیالیو ممتاز زده کوونکي وستایل شول.
په خوست ولایت کې څو ورځې وړاندې د ۶۹ دولتي او خصوصي لیسو ترمنځ رقابتي علمي سیالۍ پیل شوې چې نن د یاد ولایت په عبدالحی حبیبي مرکزي عالي لېسه کې یې د نتایجو اعلان په موخه غونډه ترسره شوه چې په یاده سیالۍ کې د لسم او یولسم صنف څخه ۱۱۰۰ زده کوونکو برخه اخیستې وه.
#خوست
د خوست په مرکزي ښوونځیو کې د ښاري کلتور ترویج لپاره د ښاروالۍ نمونوي کمېټې فعالې شوې.
په خوست ولایت کې د ښاروالۍ، معارف او کلتور ریاست په ګډه همغږۍ سره د ښاري کلتور ترویج لپاره په مرکزي ښوونځیو کې د ښاروالۍ نمونوي کمېټې ایجاد او نن د یو ورځني ورکشاپ وروسته به په فعالیت پیل وکړي، د خوست ښاروالۍ ریاست چارسمبالي وایي هدف مو په ښوونځیو کې د ښاري کلتور ترویج سره د زده کوونکو اشنایي ده.
بلخوا د نمونوي کمېټې غړي د ښاروالۍ یاد ګام ستایي او زیاتوي موږ به یې کلیو او بنډو ته په انتقال کې پوره هڅه وکړو.
#خوست
