د سالنګ لويه لاره د زياتې واورې او توپان له کبله د ټولو ترافيکو پر مخ وتړل شوه.
د طالبانو د ټولګټو وزارت وياند محمد اشرف حق شناس وايي، د زياتې واورې او توپان له کبله پر دغه لار د مالي او ځاني تلفاتو د اوښتو د احتمال زياتېدو سره يې دغه لار تر دويمې خبرتيا پورې د ټولو ترافيکو پر مخ تړلې ده.
د شهيد ډاکتر نجیب په مقبرې ځړول شوی «ملي بيرغ» او د افغانستان يو موټی خاوره، چې ملي شهيد ګيله من وزير په ژوند غوښتي وو، د هغه ملګري اسماعيل پښتين ورته مزار ته وړي دي.
د خوست ښاروالۍ د اصنافو شبکې د ښاري نظم لپاره د انظباطانو په نوم ۲۰ تنه اضافه کسان ګمارلي تر څو په ښار کې د رېړيو، سړک غاړو پلورنځيو او نور بېروبار مخه ونيسي.
زاويه نيوز له خوست څخه دغه پاڼه او د طالبانو د اصنافو د يو مسوول غږ ترلاسه کړی چې پکې په ډاګه کېږي، طالبان د دغو ۲۰ کسانو تنخوا د دوکاندارانو څخه اخلي.
په ورته مهال له خوست څخه يو دوکاندار زاويه نيوز ته وويل چې نن د طالبانو د ښاروالۍ مسوولينو ترې په زوره د دوکان پر سر ۲۰۰ افغانۍ د اضافه ګمارل شوو انظباطانو لپاره واخيستلې.
د خوست ښاروالۍ د اصنافو شبکې د ښاري نظم لپاره د انظباطانو په نوم ۲۰ تنه اضافه کسان ګمارلي تر څو په ښار کې د رېړيو، سړک غاړو پلورنځيو او نور بېروبار مخه ونيسي.
زاويه نيوز له خوست څخه دغه پاڼه او د طالبانو د اصنافو د يو مسوول غږ ترلاسه کړی چې پکې په ډاګه کېږي، طالبان د دغو ۲۰ کسانو تنخوا د دوکاندارانو څخه اخلي.
په ورته مهال له خوست څخه يو دوکاندار زاويه نيوز ته وويل چې نن د طالبانو د ښاروالۍ مسوولينو ترې په زوره د دوکان پر سر ۲۰۰ افغانۍ د اضافه ګمارل شوو انظباطانو لپاره واخيستلې.
د سعودي په کوربه توب د روسيې او امريکايي پلاويو ترمنځ د اوکراين د سولې مذاکرات پيل شول.
دا چې اوکراين ته هم په دې مذاکراتو کې د ګډون بلنه نه ده ورکړل شوې، زيلنسکي يې مخالفت کړی دی.
د مروتو قوم مشر انعام خان په مشرۍ مروتو، بېټنيو، بنوڅو او نورو ټولو پښتنو قومونو د پاکستاني پوځيانو پر ضد پاڅون وکړ او د خپلو حقونو د ترلاسه کولو لپاره له وسلو سره راوتلي دي.
پر ټولنيزو شبکو د پاکستان د پوځ اړوند ادرسونه ادعا کوي، چې د ټي ټي پي ۲۱ غړي چې له افغانستان څخه پاکستان ته ورغلي دوی په ډېره اسماعیل خان او د پښتونخوا نورو ساحو کې د عملياتو پر مهال نيولي او رسنيو ته يې ښودلي دي.
خو نيول شوي کسان دغه ادعاوې نه مني او وايي، پاکستاني پوليسو عام افغان کډوال او مسافر نيولي او په ورانکارو فعاليتونو يې تورنوي: «د ټي ټي پي مرکزونه، پالونکي او ادرسونه معلوم دي. عام خلک بايد د سياستونو ښکار نشي.»
د امريکا له لوري ورکړل شوي درانه بمونه MK-84 اسراييلو ته ورسېدل.
د دغو بمونو له رسېدو سره سم د اسراييلو دفاع وزير ويلي: «اسراييلو ته رسېدلي تجهيزات د هوايي ځواک لپاره مهم دي. د اسراييلو د خونديتوب لپاره له هرې ممکنه لارې استفاده کوو.»
اسراييلو ته د دغو امريکايي تجهيزاتو له رسېدو سره سم انتقادونه دا هم دي، چې دغه وسلې او مهمات به په غزه کې رامنځته شوی اوربند له ګواښ سره مخ کړي.
د طالبانو د علماوو شورا مشر خليفه دين محمد وايي، د تېرې جګړې يا د نوموړي په وينا، د «جهاد» د کاميابۍ لامل د وطن وروسته پاتې والی، فقر او بېوزلي وه او په وطن کې هر ډول اقتصادي پرمختګ د «جهاد» مانع ګرځي.
نوموړی خپلو مسوولينو ته خبرداری ورکوي، چې يو «قيامت» پرې را روان دی او ټول مقامونه او امتيازات به يې له لاسه ووځي.
ښاغلی دين محمد پخپلو خلکو کې د اختلافاتو، او له منصب او د چوکۍ سره پر مينې انتقاد کوي او زياتوي، هر مسوول د مال په ټولولو لګيا دی او پخوانيو ارمانونو ته يې شا کړې ده.
سهار پخير وطنه! 🇦🇫
دا وطن ودان وطن
دا د هر افغان وطن
هلمند ولايت، ګريشک ولسوالي د تورمې کلی (پرته له ښوونځي د يو ځوان لخوا په وړيا توګه روزل شوي زده کوونکي)
📷: بي بي سي/ يما بارز
په ايران کې اعتراضونه؛
د غزې او لبنان لپاره د چاندې ټولولو کېږدۍ ته اور اچول شوی دی.
معترضین پخپل حکومت تور لګوي، چې غزې او لبنان سره د مرستو په ټولولو سياست کوي او شعار يې دا دی چې: «تر هر څه لومړی ايران!»
د مرستو ټولولو دغه کېږدۍ ته په اران او بيدګل ساحه کې اور اچول شوی دی.
له څه مودې راهیسې د بېوزلۍ او د برېښنا او کار نشتوالي پر ضد د ايرانيستانيانو اعتراضونه په پراخېدو دي.
وړمه ورځ يو افغان کډوال د جرمني په مونيخ ښار کې د خلکو پر يوې راټولېدنې موټر وخېژاوه چې په دې پېښه کې شاوخوا ۳۵ کسان ټپيان شول.
د جرمني پوليسو د دې پېښې عامل د فرهاد نوري په نوم دغه افغان کډوال نيولی دی.
زاويه نيوز مالومات تر لاسه کړي چې دا افغان کډوال د کاپيسا ولايت اوسېدونکی دی او د مقاومت په نوم جبهې غړيتوب لري.
د فرهاد نوري پر ټيکټاک اکونټ د خپرو شويو ويډيوګانو او عکسونو په لړ کې نوموړی په يوه ويډيو کې د بدني ښکلا سياليو کې خپل ګټل شوی مډال د مقاومت په نوم جبهې د وژل شوي قومندان اکمل اميري په نوم نوموي او زياتوي چې دی به هم ډېر ژر کاپيسا ته ستون شي او د مقاومت په نوم جبهې سره به ملګرتيا پيل کړي.
دغه پیښه د جرمني د حکومت سربېره په جرمني کې د افغانستان سفارت هم غندلې ده او مجرم ته يې د سزا او اخراج غوښتنه کړې ده.
پښتون سياستوال افراسياب خټک له مشال راډیو سره مرکه کې ويلي، هماغسې چې د امريکا او روسيې ترمنځ د سړې جګړې توده څپه زموږ خاورې ته راوړل شوه، يو ځل بيا هڅه کېږي، چې د امريکا او چين ترمنځ د سړې جګړې تودې لمبې بيا زموږ وطن ته راوړل شي.
نوموړی په تېرو جګړو کې د پاکستان رول او پښتون وطن کې د ناامنيو روانې څپې تر شا د پاکستاني پوځيانو ناسمو پاليسيو ته هم اشاره کوي.
Uncensored news from Afghanistan. Banned by the Taliban, but not silenced. 
