https://www.facebook.com/102624134778810/

Eng sebghatullah amirzaiانجینرصبغت الله امیرزی

Home
Afghanistan
Kabul
Eng sebghatullah amirzaiانجینرصبغت الله امیرزی

Educational,social page

23/05/2022

دا به مو ژوند کې پکار شي.
د يو کس يا ماشوم په ستوني کې د بند شوی څيز د راويستلو طريقه څه ډول ده ؟؟
هيمليچ کوم ډول مانور ته ويل کيږي؟؟

کله چې د لويانو يا د ماشومانو په ستوني يا په تنفسي لاره کي يو څيز ( ډوډۍ يا کوم بل څيز) بند يا خښ شي د دغه څيز رايستلو طريقې ته هيمليچ مانور ويل کيږې.

هر کال زياتره کسان د دي له امله مړه کيږي کله يي چي يو څيز په ستونې يا تنفسي لار کي بند شي. چې دا حالت د ساه د بندوالي لامل کيږي، څرنګه چي دا يو ايمرجنسي حالت ده که سمدستي اقدام ونشي ممکن د ياد کس يا ماشوم د مړينې لامل شي. د دې په خاطر لازمه ده تر څو لاندې مانور ذده کړو او د يو کس ژوند وژغورو ځکه چې په داسې حالت کې د وخت ضايع کول نه دي په کار د وخت ضايع کول د ياد کس د مړينې لامل کيداي شي
او که چيرې سمدستي لاس رسۍ ډاکتر ته ممکن وي ياد کس بايد فورآ ډاکتر ته وروړل شي

# د لويانو په ستوني کې د بند شوي څيز د رايستلو طريقه يا هيمليچ مانور په لاندې ډول ده

1) هغه کس چي په ستوني کې يي يو څه خښ شوي ولاړ کړئ

2) تاسې د همدغه کس شاته ولاړ شئ

3) خپل دواړه لاسونه د ياد کس د سينې څخه لږ لاندې راتاو کړئ

3) چپ لاس ته د سوک وضيعت ورکړئ او ښی لاس په چپ لاس څرنګه چي په لاندې تصوير کې ښکاري د معدې په ساحه کې کيږدئ

4) د ښي لاس په واسطه چپ لاس ته پورته او داخل طرف ته ناڅاپي فشار ورکړئ

5) بار بار تر هغه پورې ناڅاپي فشار ورکړئ تر څو د ياد کس په ستوني کي بند يا خښ شوی څيز خارج او ياد کس ساه واخلي او يا ټوخله وکړي

# د يو کال څخه د کم عمره ماشوم په ستوني کې د بند شوي څيز د رايستلو طريقه يا هيمليچ مانور په لاندې ډول ده

1) ماشوم پړمخې په چپ لاس لکه څنګه چې په تصوير کې ښکاري واچوئ او خپل ورون هم کات کړي
ماشوم د ملا په ساحه کې د خپل لاس د ورغوي په واسطه 5 ځلې وه وهئ

2) که چيرته په ستوني کې بند شوی څيز خارج نه شې په دې صورت کې ماشوم بيرته پر مخ کړئ او سر يي د غاړې څخه ټيټ کړئ لکه څنګه چې په لاندې تصوير کې ښکاري

3) خپلې دوه ګوتې مو د ماشوم په سينه کيږدئ او 5 ځله په سينه فشار ورکړئ

4) بيا ځلې ماشوم پړ مخ کړئ او 5 ځلې يي د لاس په ورغوي د ملا په ساحه کې وه وهئ تر څو بند شوی څيز خارج يا ماشوم ساه واخلي او يا ټوخله وکړي

09/01/2021

جاذبوي بند او د هغه ګټې (Gravity Dam and its Advantages):

د جاذبوي بند تعریف:

جاذبوي بند هغه بند ته ویل کیږي چې د وارده بارونو په مقابل کې د خپل قوي او دروند جسامت له کبله مقاومت کوي یعنې لکه له نوم څخه یې چې څرګندیږي دغه بند جاذبوي عمل کوي ، د جابوي بند ښه مثال د سنګ کاری بند (Stone Masonry Dam) او د ساده کانکریټو (PCC or Mass Concrete Dam) بندونه دي یعنې په جاذبوي بندونونو کې سیخګول نه کارول کیږي او وي هم نو کوچنی اندازه.

د جا‌ذبوي بند ګټې :

1- جاذبوي بند قوي ، مقاوم او دوامداره وي
2- د منځنی پلنوالی درو د پاره جاذبوي بند ډیر مناسب دي او همدارنګه هغه سیمې چې تیز میل لري ځکه په تیز میل لرونکې سیمه کې خاورین بند ښوییږي
3- کولای شو جاذبوي بند په ډیر غټ لوړوالی سره جوړ کړو البته په هغه صورت کې چې ښه او پایدار ډبرین تهداب شتون ولري
4- هغه بندونه چې د سر له لارې سر ریزه پرچاوه (Overflow Spillway) باید ورکړل شي نو جاذبوي بند یې ښه او منل شوي بدیل دی
5- د جاذبوي بند د څارنې او ساتنې (Maintenance Cost) قیمت او لګښت ډیره کښته دی
6- جاذبوي بند ناګهان او آني شکست نکوي او نه تخریبیږي او ورو ورو د خطر خواته نږدې کیږې چې پدې صورت کې کې ملکیتونو او ژوند د مصونیت د پاره یو ښه پیشخبري او خبرداری دی.
7- جاذبوي بند کیدای چې د سیمې د اړوند اقلیمونه په ټولو وختونو کې جوړ شي.

د جاذبوي بند نیمګړتیاوې :

سره لدې چې جاذبوي بند ډیرې ښیګنې او ګټې لري مګر سر بیره پردې یو څه نمیګړتیاوې هم لري چې لاندې ورته اشاره کوو.

1- په هغه صورت کې چې اړتیاوي جاذبوي بند په ډیر لوړوالی سره جوړ شي نو پدې صورت کې د یوه ښه او پایداره ډبرین تهداب شتون او موجودیت حتمي دی یعنې تر تهداب لاندې مواد باید ډبرین او ښه قوي وي
2- د جاذبوي بند لومړنی لګښت د خاورین بند په پرتله ډیر دی
3- د جاذبوي بند رغونه د خاورین بند په پرتله ډیر وخت نیسي
4- د جاذبوي بند رغونه د خاورین بند په پرتله ډیرو ماهرو ګارګرانو ته اړتیا لري

21/11/2020

موضوع: بندونه Dams

راټولونکی: انجنیر عصمت الله عصمتي.

تعریف :- بند یو د هایدروتخنیکی ساختمانونو څخه دی، چی د اوبو د جریان په مقابل کی جوړیږی. چی د بیلا بیلو مقصدو لپاره رغول کیږی، چی یو ښه مثال یی په ساحه یا منطقه کی داوبو د سطحی د لوړولو لپاره اویا همداشان د ډیرو اوبو د ذخیره کولو لپاره تری استفاده کیږی. اویا عبارت د هغه هایدروتخنیکی ساختمانونه څخه دی چی په یوه ساحه کی د اوبو د فشار د لوړوالو لپاره، او یا په منظم ډول د اوبو د ساتنی لپاره جوړیږی.
بندونه (ډیمونه) بیلا بیل ډولونه لری، چی د بیله بیلو مقصدونو لپاره په نظر کی نیول کیږی، چی دلته به یی ځینی مهم ډولونه تشریخ کړو.
الف- ذخیروی بندونه،
ب- تفریحی بندونه،
ج- موانع بندونه،
و- ثقیل یا درانه بندونه،

پورته بندونه (ډیمونه) چی هریو یی په خپل ځای اهمیت لری، چی دلته به مونږ یواځی ثقیل اویا درانه بندونه په تفصیل سره تشریح کړو.

(Gravity Dam) –ثقیل یا درانه بندونه ډیمونه
څرنګه چی یی د نوم څخه معلومیږی عبارت د هغه بندونه(ډیمونه) څخه دی چی د خارجی قوو په مقابل کی د خپل ځانه مقاومت وښایی. او همداشان د دغه ډیمونه په جوړولو کی د بیلا بیلو موادو څخه استفاده کیږی، لکه تیږی، کانکریټ، خښتی، او د موقت وخت لپاره د لرګواو فلزاتو څخه هم استفاده کوی جوړیږی.
داچی ثقیل یا درانه بندونه یو د پخوانیو او مراوجو بندونو څخه دی، چی ډیر شهرت لری. دلته یی ځینی مثالونه د یادولو وړ دی، لکه د ماهیپر بند، دنغلو بند، د درونټی بند او داسی نور........
هغه قوی چی په یوه ثقیل یا درانه بند باندې واردیږي هغه په لاندې ډول دی.
۱- د اوبو فشار دی.
۲- خپله د بند وزن دی.
۳- معکوس فشار دی.
۴- د یخ فشار دی.
۵- څپو فشار دی.
۶- د باد فشار دی.
۷- د رسوبی موادو فشار دی.
۸- د زلزلی فشار دی.

14/09/2020

#ځینې اصطلاحات چی هر انجینر یی باید وپیژنی.

1. RCC (Reinforced cement Concrete)
2. DPC (Damp prof Course)
3. C.I Pipe (Cast Iron Pipe)
4. G.I pipe (Galvanized Iron Pipe)
5. Hp (Horizontal Plane)
6. VP (Vertical Plane)
7. GP (Ground Plane)
8. C/C (Center to Center)
9. PL (Plinth Level)
10. MB (Measurement Book)
11. Drg (Drawing)
12. RAD( (Radius)
13. FFL (Finish Floor Level)
14. SFL (Structure Floor Level)
15. SSL (Structure Slab Level)
16. FL (Floor Level)
17. MH (Manhole)
18. Typ (Typical)
19. REF (Reference)
20. EL (Elevation)

01/09/2020

د ودانۍ درسمونۍ پېژندنه.!!
ودانۍ هغه ساختمان دي چې جوړ شوي وي کېدای شي دا استوګنيزه ودانۍ وي چې له پخلنځي ،ویده کېدو کوټي،خوړو کوټي ،تشنابونه او نورو څخه تشکېل شوي وي او هم کېداشي ،غيري استوګنۍ ودانۍ وي لکه دوکانونه ،اداره ،ښونځي، هوټلونه ،جوماتونه ،رغوتونونه او نور.هره ودانۍ له درې مهمو برخو څخه جوړه وي ،تهداب ،له تهداب پورته او چت .تهداب دساختمان هغه تر ټولو ښکتنۍ برخه ده چې دساختمان د استوارې او په ځمکه کې دساختمان د ننوتلو اوښه چنګک دنده ترسره کوي .په ځمکنې پوړ کې دفرش دليول څخه پورته ساختمان ته Super structure ياپورته ساختمان ويل کېږي ،چت دساختمان تر ټولو پورته برخه ده چې ساختمان دجوی حالاتو لکه لمر ،وريځ او باران څخه ساتي ،رسمول (Drawing) يوه انجينري ژبه ده .انجينري رسمول يوه کرافيګي ژبه ده چې خبرې پرې نه کېږي او نه هم په زوره لوستل کېږی خو دهر مسلک انجينر پرې پوهيدای شي.
يوساده رسم کېدای شي دځان سره دومره پيغام ولري چې هغه په څومخونو ليکلو سره هم نه شي ورکول کېدای ،په يوه رسم کې نه يواځې دا چې دساختمان تشکېلونکې برخې ،دهغواندازې او ځايونو ښودل کېږی ،بلکې ددې ترڅنګ دهغوي جوړونکې مواد ،د دروازو او کړکېو دخلاصيدو او پورې کېدو لوری د اوبو بهېدنې لوری او نور ښودل کېدای شي .
يو کور بايد داسي پلان شي چې تر ټولو ښه خدمات وړاندې کړای شي او هم مستريح وي.
ددي ترڅنګ بايد ښه ښکاره شي يومهندس (Architect) په اصل کې يو تجربه کارنقاش وي چې د ودانۍ بېلا بېلې ساختماني برخې په پوره قضاوت داسې متناسبې پلانوي چې ښه ښکاره شي ،يوسيول انجينر مسوليت لري چې رسم شوي ودانۍ ډيزان کړي پلان کړي هغه خپل نظر يات او اندونه درسم په بڼه پرکاغذ او له کاغذ څخه دځمکې پرمخ په ساختمان پلی کوي .
دسيول انجينرۍ محصلين بايد د ودانۍ دپلان دپلانولو،رسمولو ،ډيزاينولو او دنماګانو او قطعو رسمول وړتياولري ، ددي ترڅنګ بايد دودانۍو دهر ډول پلان درسم دلوستلو توان ولري .

26/08/2020

KEC international limited

06/08/2020

زلزله (Earthquake)

لیکونکی: انجینر صبغت الله امیرزی

زلزله د ځمکې د شدیدو اهتزازاتو او ټکانونو څخه عبارت ده چې د ځمکې په سطحه کې د انرژۍ د خوشي کېدو په سبب رامنځته کیږي.دغه ټکانونه ډیری وخت شدید انساني او مالي تلفات اړوي او د ودانۍ د ویجاړېدو باعث کیږي.په هغه ځایونو کې چې زلزلې رامنځته کیږي ، باید چې د زلزلې تحریب د مخنیوي یا کمولو لپاره د ودانۍ په ډیزاین کې د زلزلې تاثیرات په پام کې ونیول شي،چې مونږ د خپلې دوانۍ د ډیزاین په وخت کې دغه مهم فکتور په پام کې نیولی. داچې زمونږ ودانۍ په کابل کې موقعیت لري،نو لازمه چې پوه شو چې زمونږ ودانۍ د نړۍ د کومو زلزلو څخه کړیږي.
#د نړۍ زلزله لرونکي سيمې

د زلزلود مرکزونو له تثبيت نه وروسته معلومه شوه چې د ځمکې دکرې په ټولو سيمو کې يوشان زلزلې نه وي، په ځينو سيمو کې هر کال بې شمېره زلزلې او په ځينو کې بيا هېڅ زلزلې نه دي ليدل شوې.
د لاس ته راغلو معلوماتو له مخې ويلی شو چې په سلو کې ۹۰٪ زلزلې دځمکې دکرې په دوو کمربندونو کې منځ ته راځي
١) د ارام سمندر کمربند: دا زلزله لرونکی کمبربند داسيا له سواحلو نه تېرېږي داستراليا دشمال او ختيځ په لور غځېږي او د جنوبي اوشمالي امريکا تر لوېديځو سواحلو پورې رسېږي. دا چې نوموړي کمربند د ارام سمندر د نيمايي نه زياته برخه نيولې نو ځکه دهغه په نوم يادېږي، په دې کمربند کې دنړۍ په سلو کې ۸۰٪ زلزلې منځ ته راځي چې زياتره يې ژورمرکز لري، د جاپان او فلپاين اوسېدونکي ترينه زيان مومي.
٢) د مديترانې کمربند: د پرتګال نه شروع کېږي د مديترانې له حوزې ، تورې بحيرې، منځنۍ اسيا اوهماليا نه تېرېږي تر اندونيزيا پورې رسېږي. د دې کمربند يوه څانګه د بايکال د جهيل په لور غځېدلې ده د ځمکې د کرې په سلو کې ۱۷٪ زلزلې په همدې کمربند پورې اړه لري،له دې دوو کمربندو څخه د باندې په نورو سيمو کې په سلو کې ۳٪ زلزلې منځ ته راځي. د اسيا اواروپا په شمالي برخو کې تر اوسه د زلزلو مرکزونه ثبت شوي نه دي داسې معلوميږي چې په دې سيمو کې زلزلې منځ ته نه راځي.
د پورتنيو معلوماتو نه داسې قانونمندي لاس ته راځي:
په هغو سيمو کې چې غرونه او درې ډېرې وي هلته زلزلې هم زياتې منځ ته راځي اوهلته چې غرونه او درې نه وي ځمکه هواره د ښته وي، لکه د سايبريا لوېديځه برخه او لوېديځه اروپا نو هلته زلزلې هم نه راځي، ډېره په زړه پورې خبره داده چې دځمکې دکرې پر مخ د زلزلو کمربندونه اود اور غورځونې (اتش فشان) کمربندونه دواړه يو ځای پراته دي، له دينه معلومېږي چې دواړه پېښې يو په بل پورې تړلې او يوه سر چينه لري.

02/05/2020

سلامونه محترمو ملګرو.

Address

Kabul

Telephone

+93775622741

Website

facebook.com

Alerts

Be the first to know and let us send you an email when Eng sebghatullah amirzaiانجینرصبغت الله امیرزی posts news and promotions. Your email address will not be used for any other purpose, and you can unsubscribe at any time.