https://www.facebook.com/101362781311006/

JAHAN News جهان نیوز, Kabul (2025)

04/01/2025

د پښتون ژغورنې غورځنګ فعال غړی حنيف پښتين وايي، د دې غورځنګ د مرکزي شورا غړی حاجي عبدالصمد خان چې د پېښور محکمې د حکم پر بنسټ تازه له پېښور مرکزي زندانه خوشي شو، د زندان له مخې څخه نورو مخ پټو پوليسو بيرته ونيوه.

04/01/2025

پاکستان د دوو کلونو (۲۰۲۵- ۲۰۲۶) لپاره د ملګرو ملتونو سازمان د امنيت شورا موقت غړيتوب ترلاسه کړ.

تېره ورځ، د ياد سازمان د ۱۸۵ غړو له ډلې په ۱۸۲ رايو د پاکستان غړيتوب تائيد شو.

په دې ويډيو کې ليدل کېږي، چې د ملګروملتونو سازمان امنيت شورا کې د ياد هېواد استازی خپل بيرغ په ځانګړي شوي ځای کې نصبوي.

04/01/2025

د سعودي عربستان د دفاع وزير شهزاده خالد بن سلمان بن عبدالعزيز د سوريې د بهرنيو چارو وزیر، د دفاع وزير او د استخباراتو عمومي رييس سره د دوه اړخيزه اړيکو د تقويت په اړه مفصلې خبرې کړې دي، چې د سعودي عربستان رسمي دولتي اژانسونو دغه کتنه «ګټوره» بللې ده.

وړاندې ويل شوي، په دې ناسته کې په سوریه کې په وروستیو تحولاتو او د داسې انتقالي سیاسي بهیر د ملاتړ پر لارو چارو بحث شوی، چې د سوريې د خلکو هيله او غوښتنه ده: «دغه ټول څه بايد د سوریې امنیت، ثبات او ځمکنۍ بشپړتیا تضمین کړي.»

04/01/2025

د جمعیت ګوند د پخواني وژل شوي جهادي قوماندان احمد شاه مسعود د زوی احمد مسعود په مشرۍ د مقاومت په نوم جبهې غړي حفیظ منصور په یوې تازه مرکه کې ډیورنډ کرښه نړیوال سرحد یاد کړی دی.

ښاغلي منصور له امو ټلویزیون پخپله وروستۍ مرکه کې ویلي دي، چې ډیورنډ کرښه د نورو هغو منل شویو تاریخي نړیوالو سرحدونو په څېر ده، چې افغانستان یې له ایران، تاجیکستان او چین سره لري.

د هغه په خبره، که پاکستان د ټروریزم له ملاتړه لاس واخلي او خپلو پلان شویو ترورونو ته د پای ټکی کېږدي؛ د مقاومت په نوم جبهه کولای شي راتلونکي کې ورسره تعامل وکړي.

04/01/2025

د پښتون ژغورنې غورځنګ مشر منظور پښتین له اوونیو ځنډ وروسته یو ځل بیا په انلاین ډول د خلکو په مخکې راڅرګند او ټینګار یې وکړ چې پي ټي ایم به د عدالت تر پلي کېدو خپلې مبارزې ته دوام ورکړي.

ښاغلي پښتین د جرمني په کولن ښار کې د پښتون قامي جرګې د پرېکړو عملي کېدو په ملاتړ جوړې شوې غونډې ته د ویډیو پیغام له لارې پخپله وینا کې وویل، چې د کابل لپاره د پاکستان سفارت د افغانانو په لوټ مارۍ بدل شوی دی.

د پښتین په خبره، هره ورځ لسګونه افغانان د پاکستان سفارت ته زرګونه ډالر د ویزې لپاره ورکوي.

د هغه په وینا، د وزیرستان پښتنو ته د خوست سبزي ـ مېوه په ۶۰؛ خو د لاهور او فیصل اباد سبزي بیا ۳۰۰ کلدارې پرېوځي، چې له دې سره د دواړو خواوو پښتانه غربت خواته بیايي.

د پښتون ژغورنې غورځنګ مشر منظور پښتین دغه راز وویل، چې د دښمن تر رانسکورولو به خپلې مبارزې ته دوام ورکوي.

09/09/2024

برېټانیا کې د افغانستان سفیر زلمي رسول رسما ومنله چې انګلستان ترې د روانې سپتامبر میاشتې تر پایه د افغان سفارت خالي کولو او تړلو غوښتنه کړې ده.
یوه سرچینه راته وایي، برېټانیا ډپلوماټانو ته ۹۰ ورځې مهلت ورکړی چې یا له دغه هېواده ووځي یا د پناه غوښتنلیک ورکړي.
دې نه مخکې امریکا هم واشنګټن کې د افغانستان سفارت بشپړ تړلی و.

09/09/2024

اوکراین:
ایران، روسیې ته د خضر بحیرې له لارې ۲۰۰ بالستیک توغندي استولي.
ایران:
دا زموږ پر ضد د لویدیځ بې اساسه تبلیغات دي.

09/09/2024

د پنجاب حکومت نرښځیانو او ښځو ته ځانګړی ترانسپورتي سیسټم جوړ کړ.
د دغو ټکسیانو، بسونو او موټرو چلوونکي به نرښځیان یا ښځې وي، انلاین به بلل کېږي او سورلۍ به یې هم یوازې نرښځیان او ښځې وي.
د پنجاب حکومت وایي، د (شي رایډز انلاین سیسټم) به د ښځو او نرښځیانو د ځورونې کچه کمه کړي.

09/09/2024

پخواني ولسمشر حامد کرزی د احمدشاه مسعود د تلین په مناسبت:
احمد شاه مسعود واقعي افغان، وطندوسته او د افغانستان اتل و، چې د وطن د ازادۍ لپاره یې مبارزه وکړه.

09/09/2024

د فلسطین لویدیځه غاړه کې د ترک نژادې امریکایي فعالې عایشه نورایزګي وژل کېدو ته د اردغان غبرګون:
د اسراییلو پر وړاندې باید د اسلامي هېوادونو یو ایتلاف جوړ شي.

09/09/2024

له جمهوریته د اوسنیو واکمنو سرسخته پلوي فاروق اعظم:
چې شل کاله نور هم تېر شي دنیا به دغسې حکومت چې د ښځو حقه حقوق نه ورکوي او په سپکه ورته ګوري، په رسمیت ونه پېژني.
وایي، هر وار چې دنیا موږ ته رانږدې شوې، موږ له دغې ادرسه لغته ور اچولې.

09/09/2024

افغانستان د ایران په کوربه توب د کیوکیشن کراټې اسیایي اتلولیو دوه برخو کې دویم او دریم مقامونه وګټل.
دې سبالیو کې افغان زلمیانو ۴ د طلا او ۱ د برونزو مډال ګټلی، خو لویانو بیا دوه د سرو زرو، دوه د سپینو او دوه د برونزو مډالونه وګټل.
دې سیالیو ته ۲۸ افغان لوبغاړي ورغلي.

09/09/2024

د معلولینو نړیوالې المپیک سیالۍ:
له دواړو پښو محروم امریکایي لوبغاړي د ۴۰۰ متره ځغاستې سیالیو کې اتلولي او د سرو زرو مډال وګاټه.
ووډ هال درې ځلې د دغو سیالیو اتل پاتې شوی او دا ځل یې ۴۶ ثانیو کې ټاکلي هدف ته ځان ورساوه.

09/09/2024

امریکا د عراق له حکومت سره تر شپږ میاشتنیو مذاکراتو وروسته د خپلو ځواکونو د بامسوولیته خروج په اړه هوکړې ته ورسېده.
د دوی لومړۍ جوپه به د ۲۰۲۵ کال سپتامبر کې عراق پرېږدي او وروستۍ جوپه به یې د ۲۰۲۶ کال اواخرو کې ووځي.

09/09/2024

د جاپان د شاهي کورنۍ وروستی او یوازنی وارث شهزاده هیساهېټو دی چې پرون ۱۸ کلن شو، خو له ده وروسته هلته شاهي نظام له زوال سره مخامخ دی.
نوموړي ته یې کورنۍ شانداره شاهي کلیزه نمانځل غواړي خو هغه لا له مکتب فارغ نه دی او مراسم یې بل کال ته وځنډول.
د جاپان شاهي کورنۍ قانون دا دی چې ښځه په کې د شاهي تخت سمبالولو حق نه لري او که شهزادګۍ چرته له عام سړي سره واده وکړ نو له شاهي کورنۍ عاق کېږي، خو که شهزاده عامې نجلۍ سره واده وکړ، هیڅ شاهي مقام نه بایلي.
جاپان کې چې د اولاد پیدا کولو فرهنګ کم دی، له دغه شهزاده وروسته د شاهي کورنۍ د لمن ورټولېدو ګنګوسې دي.
دوی غور کوي چې قانون کې ښځو ته پاچاهي ورکړي که نه؟ خو دا یې هم ممکن نه دی ځکه دې کورنۍ خپله وروستۍ شهزادګۍ عام انسان سره له واده وروسته عاق کړې ده.

09/09/2024

هند د سپتامبر په نهمه د دغه هېواد تر ټولو ستر جومات مرکز العلم جامع الفتوح ـ کراله کې د حضرت محمد (ص) د میلاد مراسم نیسي.
دې مراسمو کې به جومات کې ایښي د حضرت محمد (ص) یو شمېر متبرکات هم عام منظر او نندارې ته راوویستل شي.

09/09/2024

افغان سوداګر میرویس عزیزي دوبۍ کې ۷۲۵ متره لوړ د نړۍ دویم دنګ برج جوړوي.
دا برج به ۱۳۱ پوړه وي، د نړۍ مجلل دفترونه، سینماوې، د لمبا حوضونه او هوټلونه به ولري چې ۲۰۲۸ کې به بشپړ او ۱،۶ ملیارده ډالر لګښت به پرې راشي.
دې سره څنګ کې بل برج هم جوړوي چې هغه به ۵۲۶ متره لوړ وي.
میرویس عزیزي افغانستان کې هم د ۱۰ ملیارده ډالرو پانګونې سینه ډبولې وه.

09/09/2024

اسرائيلي چارواکي وايي، د اردن او اشغال شوې لوېديځې غاړې ترمنځ په سرحدي پوله کې د اللنبي پل سره نژدې په ډزو کې درې اسرائيليان وژل شوي دي.

JAHAN News جهان نیوز

04/01/2025

04/01/2025

04/01/2025

04/01/2025

04/01/2025

09/09/2024

09/09/2024

09/09/2024

09/09/2024

09/09/2024

09/09/2024

09/09/2024

09/09/2024

09/09/2024

09/09/2024

09/09/2024

09/09/2024

09/09/2024

Address

Website

Alerts

Shortcuts

Share