Mushfiq Media/ مشفق میډیا

21/08/2023

د ښځی څخه بايد د نکاح ورکولو پر وخت اجازه وغوښتل شي ، بی له اجازی يي په نکاح ورکول منع دي .

رسول الله "صلی الله عليه وسلم" فرمایلي دي :
کله چې يو سړي د خپلی لور د ورکولو اراده وکړه نو اجازه دی ورنه وغواړي .

عمر بن الخطاب "رضي الله عنه" وايي :
خپلی پيغلی د بدرنګه سړي سره په نکاح کولو
مه مجبوره وئ ځکه هغوئ هغه څه خوښوي چې
تاسو يي خوښوئ .

08/08/2023

ته ولې خفه کیږې!؟

ایا ستا کومه لور طلاقه شوې؟
رسول الله صلی الله علیه وسلم دوه لوڼو ته طلاق ورکړل شوی!!

°°°°
ایا تاسو خپل یو ماشوم له لاسه ورکړی؟
د رسول الله صلی الله علیه وسلم ټول اولادونه په خپل ژوند کې وفات شول، پرته له مېرمن فاطمې څخه چې هغه هم دنبي علیه السلام له وفات څو میاشتې وروسته وفات شوه!!

°°°°
ایا تاسو په بي بي کله تورلګېدلی ؟
د رسول الله صلی الله علیه وسلم په مېرمنې (عایشه رضی الله عنها) دزنا تور ولګېد. چې الله تعالی یې بیا پاکي بیان کړه !
°°°°
ایا تاسو په پور کې یاست؟
رسول الله صلی الله علیه وسلم وفات شو او ډال یې دیو یهودي و!

°°°°
ایا تاسو اقتصادي حالت دومره کمزوری شوی؛ چې ورځ ـ دوه مو په کور کې اور نه وي بل شوی ؟
د پېغمبراکرم په کور کې څو میاشتې تېرې شوې چې اور پکې نه ولګېدلی!!

°°°°
ایا تاسو د خپل مور او پلار څخه یو له لاسه ورکړی؟
رسول الله صلی الله علیه وسلم دواړه په کوچنیتوب کې دلاسه ورکړل، یتیم رالوی شو!!

°°°°
ایا تاسو د خپل هیواد څخه جبرا ایستل شوي یاست؟
رسول الله صلی الله علیه وسلم خپل قوم وشړلو.

°°°°
ایا تاسو د قتل هڅه چاکړې؟
د رسول الله صلی الله علیه وسلم قتل هڅه یهودانو اومشرکانوکړې وه!!

°°°°
ایا ستاسو ګاونډیانو څخه چا تاسو ته زیان رسولی ؟
رسول الله صلی الله علیه وسلم دخپل ښار اوسیدونکو دومره په تنګ کړ چې د مهاجر په توګه ولاړ!!

°
°°°°
ایا تاسو د چا لخوا توهین شوي یاست؟
رسول الله صلی الله علیه وسلم خپل قوم وښکنځه، په غاړه کې ورته دحیواناتو لري اوکولمې واچول شوې، په کوڅه چې تېرېده، دپاسه پرې خاورې اوایرې غورځول کېدې

°°°°
ایا تاسو کله محاصره شوي یاست؟بندیزونه درباندې لګیدلي؟
رسول الله صلی الله علیه وسلم درې کاله خپل قوم په شعب ابي طالب کې محاصره کړ!!

°°°°
ایا چا درته دروغجن ویلي؟
رسول الله صلی الله علیه وسلم ته د هغه قوم دروغجن وویل او د هغه خبره یې رد کړه!!

°°°°
آيا ستاسو غاښونه درد کوي؟
رسول الله صلی الله علیه وسلم څلور غاښونه مات شول!!

°°°°
ایا تاسو په هغه څه تورن یاست چې تاسو ندي کړي؟
رسول الله صلی الله علیه وسلم په سحراوجادو
تورن شو!!

°°°°
ایا تاسو د الله تعالی په عبادت کې ستړي شوي یاست؟
رسول الله صلى الله عليه وسلم پښه به له ډېر قیام په وپړسېده.
کاپی

06/08/2023

د عود عطرو 🌴ونه!
تاسو فکر کوئ چې یوه ونه په څومره قیمت پلورل کيږي؟ یو لک يا یو میلیون روپۍ؟

د بنکاک په یوه معبد کې یوه ونه شته چې ارزښت یې ۲.۳ میلیونه ډالره دی. بې له شکه دا په نړۍ کې تر ټولو قیمتي ونه ده چې په عربي کې "عود" او په انګلیسي کې ("Agerwood" اجرعود) بلل کیږي.

د عود تر ټولو نایابه ډول "کینام" دی چې په نړیوال بازار کې د یو کیلو ګرام بیه نهه میلیونه ډالره ده، څه موده وړاندې په شانګهای کې دوه کیلوګرامه کینام په ۱،۸ میلیونه ډالره وپلورل شو.
عموما، د عود بیه د استخراج په مقدار پورې اړه لري چې په یو لیټر يې 80,000 زره ډالره پلورل کیږي.
د دې تر څنګ یې يو 1 کيلو پوستکی له( ۲۰۰ تر ۵۰۰۰ ) زرو ډالرو پلورل کېږي.
پوښتنه دا ده چې په دې ونې کې څه شی دی چې جاپاني پانګه اچوونکي د دې لپاره دومره پیسې ورکوي؟
عود هغه ونه ده چې په بودیزم، هندویزم او اسلام کې مذهبي حیثیت لري.
په کوم ځای کې چې د هندوانو په مذهبي کتاب رګویدا کې ذکر شوی دی، داسې شواهد شته چې د حضرت یوسف (ع) په زمانه کې دا لرګي له هند څخه راوړل شوي وو او د عطرو لپاره کارول کیدل.
په حدیث شریف کی راغلی دی چی دا عطر عود « باید وپیژنئ ځکه چی 7 اووه ډوله شفا ورکونکي دي ».
هغه نېکمرغه کسان چې د بیت الله د زیارت، شرف یې ترلاسه کړی وي د حرم په فضا کې به یې له زړه دا بوی احساس کړی وي.

دا بوی د کعبې شریفې په احاطه او د حجرالسود ( تورې تیږې )پر مخ هم لګیږي.

عود د نړۍ یو له خورا قیمتي عطرو څخه شمیرل کیږي چې یوازې د عربو شهزادګانو او بډایه خلکو لخوا کارول کیږي.
که موږ د دې ونې د درملو ګټو په اړه خبرې وکړو، د هغې اغیزمنتوب حیرانتیا لري.
د ملا درد، پړسوب، بدهضمي او سرطان لپاره ګټور دی. عود پوستکي دانو لپاره مؤثر دی.

ژباړه عمر!
د نړۍ په کچه د عود غوښتنه ورځ په ورځ زیاتیږي.
اوس مهال یې نړیوال بازار کې بيه ۳۲ میلیارده ډالره دی چې په راتلونکو اتو کلونو کې به دوه برابره شي.

عمر
ژباړه

03/08/2023

ماشوم له جومات نه مه شړه ، بلکه د وړوکوالی نه یی دجومات سره اشنا کړه ، لمونځ ورته ورو ورو زده کوه ، د جومات اداب ورته یو یو ښایه ، د بل په نصیحت یی مه خفه کیږه ، د قرآن حلقی ته په دمه دمه وهڅوه .

چه په جومات کی د ماشومانو غږ وانه اورﺉ نو د راروانو پیړیو نه بیا وډاریږﺉ (ځکه بی لمانځان به وي) .
دغه ماشوم چه د غال مغال په وجه یی له جومات نه شړې له همدغه به په راتلونکی وخت کی امید لرې چه مونځ پکی وکړي .
په جومات کی د ماشومانو په شور ماشور ځان غلې کړه او په نرمۍ ورته ښودنه وکړه.
عتيق الله صافى

02/08/2023

یو عالم وايي:
(( د اخرت په ورځ افسوس دی د هغه چا لپاره چې د ده په نېکو اعمالو نور خلک جنت ته داخل شي))
چې دغه انسان به په خپل ژوند کې ډېر حجونه او عمرې ادا کړې وي، هغه به ډېرې روژې نيولې وي، ډېر قیام لیل او تهجد به یې کړي وي او ډېر صدقات به يې ورکړي وي؛ خو دې سره، سره به، بیا هم جهنم ته داخل شي؛ چې دا ولی؟
ځکه چې د چا مال به يې خوړی وي، د چا غیبت به يې کړی وي، څوک به يې نا حقه وهلی وي، چغولي به يې کړي وي، په چا به يې درواغ ویلي وي، په چا به يې ظلم کړی وي...

29/07/2023

یو عالم وايي: په کوم کور کې چې زنانه سره غټ موبائیل وي؛ نو د هغه کور دیوالونه او دروازې بې فاېدې دي

18/07/2023

18/07/2023

تر ټولو ناوړه سخاوت او ناکاره ښېګڼه داده چې یو کس د غیبت، چغلۍ، بهتان، کنځلو او بدرد ویلو له امله خپلې نیکۍ نورو ته ډالۍ کړي.
د شیخ الاسلام رحمه الله د ملغلرو نه!

02/07/2023

دا منمه چې #فیسبوک #واټساپ #ټویټر ... یوه مجازۍ نړۍ ده.
خو دا هم یاد ساته هغه څه چې ته یې نشروې هغه حقیقي دي، او ځواب به یې د #قیامت په ورځ ورکوې.
نو هڅه وکړه چې داسې څه نشر نه کړې چې هغه ستا لپاره جاري ګناه وګرځي.

27/06/2023

د لوی اختر په ورځ مهم سنتونه په ترتیب سره په لاندې ډول دي:
۱. غسل کول
۲. پاکې یا نوې جامې اغوستل.
۳. خوشبو(عطر) وهل.
۴. که څوک قرباني لري نو له قربانۍ وړاندې هیڅ خوراک نه کول.
۵. په تکبیراتو سره د اختر د لمانځه میدان ته وختي وتل.
۶. لمانځه ته د ښځو د ویستلو په اړه په حدیثونو کې زیات تاکید شوی نو د دې بندوبست کول.
۷. له لمانځه وړاندې خطبې او تقریرونه نه کول یواځې تکبیرات ویل.
۸. د اختر لمونځ دوه رکعته دی: په لمړي رکعت کې له تکبیر تحریمه وروسته اووه تکبیرونه ویل، بیا د پیل دعاء او فاتحه…، او په دویم رکعت کې د پاڅېدو له تکبیر وروسته د فاتحې څخه وړاندې پنځه تکبیرات ویل، د تکبیراتو په منځ کې د نبي صلی الله علیه وسلم څخه کوم مشخص ذکر نه دی اورېدل شوی البته د ځینو صحابه کرامو رضي الله عنهم او تابعینو رحمهم الله څخه، سبحان الله، الحمدلله، لااله الا الله اکبر او په نبي صلی الله علیه وسلم درود ویل په صحیح سند نقل دي.
۹. د لمانځه څخه وروسته خطبې ته غوږ نیول سنت دي.
۱۰. د خطبې له اورېدو څخه وروسته کور ته د راتلو لاره بدلول سنت دي.
۱۱. د قربانۍ څخه خوراک كول سنت دی.
۱۲. که څوک خپل ویښته او نوکان کمول غواړي نو د قربانۍ څخ

22/06/2023

بلجيم هيواد!
په1967 ميلادي کال د بيلجيم هيواد يو لوي تجارتي مرکز اور واخيست چې له امله يې خوا شاه 300 کسان ووژل شول. دغه مهال د سعودي باچا شاه فيصل د بلجيم ته خپل کاري سفر درلود. شاه فيصل د بلجيم هيواد سره د مرستې په پار يو مليون ډالر اعلان کړل،
له دغي اعلان ورسته د ياد هيواد ولسمشر طوډوان اول ډير متاثره شو ځکه پرته له شاه فيصل بن عبدالعزيز هېڅ بل کوم هيواد د مرستې اعلان ونه کړ .
کله چې د بلجيم باچا د شاه فيصل سخاوت او مرسته وليده نو هوډ يي وکړ ترڅو متقابل عمل ترسره کولو سره د نيکي بدل ورکړي او له شاه فيصل څخه غوښتنه وکړه چې څه کولای شم تر څو د سعودي هيواد د مرستې شکريه او مننه پوره کړم؟
شاه فيصل د سعودي او ځان لپاره هيڅ هم ونه غوښتل او يواځې يي غوښته وکړه تر څو په بلجیم کي د مسلمانانو عبادت او روزنې لپاره د جومات او ديني مرکز ځمکه ورکړي!
د بلجيم ولسمشر د بروکسل ښار په يوه سيمه کې لويه ساحه ورکړه تر څو مسلمانان ځان لپاره لوي مسجد او ديني مرکز جوړ کړي او همدارنګه اسلام يي د بلجيم هيواد په رسمي ادیانو کي شامل او ومانه!
اوسمهال په بلجیم کي تر 7 لکو زيات مسلمانان ميشت دي او له عيسويت وروسته اسلام دوهم رسمي دين دي.
شاه فيصل د دعوتي روحيي او مرستې له کبله دا مهال په بلجیم کي مسلمانان هر ډول آزادي لري او يواځې په بروکسل ښار کي تر 300 جوماتونه شتون لري! مسلمانان ګڼ شمير خپلي مدرسي لري چې شمير يي سلګونو ته رسيږي همدارنګه ديني او دعوتي مراکز او مرستندويه ټولنې لري ، د مساجدو امامانو ته حکومت لخوا معاشات او مرعات ورکول کېږي او همدارنګه په لوي او کوچني اخترونو کي رخصتي ورکوي!
له بده مرغه مونږ هميشه غير مسلمو ته د تعصب او کرکی په سترګه کتلي ، کوښښ کوو چې جهنم ته يي وليږو! د هغو د اصلاح او جنت ته ليږلو روحيه مو هيره کړي! کوم چې د اسلام اصل او د دين روحيه ده!
د نن مرکزي اسيا ، اندونيزيا ، ماليزيا او د فلپين او خو شاه هيوادونو مسلمانان او نیمي څخه زياته اسلامي نړي په دعوتي روحيه مسلمانان شوي!
C

20/06/2023

د قربانۍ څاروی به څوک ذبحه کوي؟

20/06/2023

له سبا چهارشنبې تر راتلونکو 8 ورځو پورې په ټولو ولایتونو په ځانګړې توګه نیمروز، هلمند، کندهار، فراه، زابل ننګرهار او لغمان کې شدیده ګرمه هوا ده. د یادو ولایتونو له ډلې به اکثره تر ۴۵ درجې لوړه درجه ولري او آن په ځینو کې به تر ۴۹ او ۵۰ درجو پورې هم ورسېږي.

!

1. پرته له اړتیا لمر ته مه ګرځئ
2. ماشومان مو د ورځې له ۱۱ بجو د مازدیګر تر ۴ بجو لمر ته له ګرځېدو څخه را وګرځوئ
3. په دې ورځو کې اوبه ډیري څښئ
4. په خوړو کې له ډیرو غوړو څخه استفاده مه کوئ
5. که توان ولرئ نو میوه ډېره وخورئ
6. که ډېره اړتیا وي نو لمر ته د ګرځېدو پرمهال د لمر ضد کریم وکاروئ او تورې عینکي پر سترګو کړئ
7. د ورځې څو ځله ولمبېږئ

والله اعلم

مهرباني وکړئ معلومات درسره خپاره کړئ
کاپي

19/06/2023

د کال په ورځو کې بهتره ورځې نن یې لمړۍ ورځ ده د ذوالحجې لومړۍ لسیزې!
رسول الله ﷺ فرمایي:
"[د کال په ورځو کې] هېڅ داسې عمل نه شته چې په دې [د ذي الحجې لسو] ورځو کې له عمل څخه دې غوره وي. هغوی وپوښتل: [د کال په نورو ورځو کې] جهاد هم [د دې ورځې تر نېکو اعمالو غوره] نه دی؟ هغه وفرمایل: [د کال په نورو ورځو کې] جهاد هم [د دې ورځې له نېکو اعمالو سره برابر] نه دی. مګر هغه مجاهد [ترې غوره عمل کوونکی دی] چې له خپل نفس او مال سره [د الله په لاره کې] ووځي او بیا هېڅ شی ترې راستون نه شي [یعنې خپل نفس او مال هر څه د الله په لار کې قربان کړي]" صحیح بخاري 969

17/06/2023

په دې زمانه کې د ډیموکراتانو دفترونه خو پر ځای پرېږده، په عامو کلیو کې هم دغه فتنه ډېره ده، نا محرمو ښځو ته سړي د خپلولۍ په بهانه لاس ورکوي، خپلوانې نا محرمه لکه:
① تندار (د کاکا مېرمن)
② د تره لور
③ د ترور لور
④ خینه (د خپلې ښځې خور)
⑤د ماما ښځه
⑥ وریندار
او داسې نورې...

17/06/2023

د توبې وېستلو بغېر مه ویده کېږه! کيدای شي بېـرته راویښېدل دې
د قـیامت په ورځ وي.
یا رب العزته! ته مو اخره خاتمه په ایمان سره کړې.

17/06/2023

#پاڅه!

لمونځ وکړه، مخکې له دې
چې لمونځ درپسې وشي.

!

17/06/2023

سُبْحَانَ اللهِ وَبِحَمْدِهِ سُبْحَانَ اللهِ الْعَظِیْم💖
سُبْحَانَ اللهِ وَبِحَمْدِهِ سُبْحَانَ اللهِ الْعَظِیْم💖

لَااِلهَ اِلَّااَنْتَ سُبْحَانَکَ اِنِّیکُنْتُ مِنَ الظَّالِمِیْنَ💖
لَااِلهَ اِلَّااَنْتَ سُبْحَانَکَ اِنِّیکُنْتُ مِنَ الظَّالِمِیْنَ💖

لَااِلهَ اِلَّااللهُ وَحْدَهُ لَاشَرِیکَ لَهُ لَهُ الْمُلْکُ وَلَهُ الْحَمْدُوَهُوَعَلَی کُلِّ شَئٍ قَدِیْرٌ💖
لَااِلهَ اِلَّااللهُ وَحْدَهُ لَاشَرِیکَ لَهُ لَهُ الْمُلْکُ وَلَهُ الْحَمْدُوَهُوَعَلَی کُلِّ شَئٍ قَدِیْرٌ💖

17/06/2023

څوک چه د قربانۍ کولو اراده لري
نو د ذو الحجی مياشتی د نوې کيدو څخه وروسته به
نۀ ويښتان خروي او کموي
او نۀ به نوکان اخلي.

04/06/2023

ا‌ ڪوښښ، مه ڪوه؛
چې چاته په زوره ځان معـریفي ڪـړې،
بلڪې خپل اخلاق او شخصیت دومره قوي کړه!
چی خلک ستا د پیژندلو ڪوښـښ وڪړي

01/06/2023

له ابو هریره (رض) څخه روایت دئ چي رسول الله ﷺ فرمایلي:
اوه ډلي خلګ دي چي د قیامت په ورځ به د عرش تر سایې لاندي وي، هغه ورځ چي بې له د عرش له سایې څخه به بله سایه نه وي
١- عادل بادشاه
٢-هغه ځوان چي ځواني ئې د الله ﷻ په اطاعت او بندګي کي تېره کړې وي
٣- هغه کس چي زړه یې مسجد پوري تړلی وي
٤-دوه هغه کسان چي د الله ﷻ رضا لپاره یو بل سره مینه کوي او یا د الله ﷻ رضا لپاره د چا څخه نفرت کوي
٥-هغه کس چي یوه ښکلې او د منسب خاوند ښځه یې فحشا ته راوبلي او دی د الله ﷻ له وېري ور څخه ډډه وکړي
٦-هغه کس چي په راسته لاس صدقه ورکړي او چپه لاس یې خبر نسي
٧-هغه کس چي الله ﷻ وریاد سي او د ویرې څخه یې اوښکي په مخ راسي.
ــــــــــــــــــــــــــــــــ
صحیح البخاری1/133

26/05/2023

اوس نه یم خبر لیکن پخوا به چي د سکول استاذ کلاس ته رادننه شو د سلام په ځای به یې او ویلو...
مطلب شاګردان به یې ځانته احتراما په زوره ودرول ..

حالانکه دا کار حرام دې، هم د استاذ د پاره او هم د شاګردانو د پاره، حدیث د سننو کې راځي رسول الله صلی الله علیه وسلم فرمائي:
(من أحب أن يمثل له الرجال قياماً فليتبوأ مقعده من النار)
څوک چه دا خوښوي چه خلک دي ورته ودریږي نو ځانله دي په جهنم کې ځاي ګوري بیا...

انس رضي الله عنه فرمائي: د صحابه ؤ چه د رسول الله سره څومره محبت وو مثال یې نه پیدا کیږي لیکن هغوي به ورته پاڅیده نه، ځکه پته وه ورته چه پیغمبر دا کار بد ګڼي ...
(لم يكن شخص أحب إليهم ـ يعني الصحابة رضوان الله عليهم ـ من رسول الله صلى الله عليه وسلم ، وكانوا لا يقومون له إذا دخل عليهم لما يعلمون من كراهيته لذلك )... رواه الترمذي..

دا عادت دومره بد دې چه که چرته امام په ولاړه مونځ نه شي کولې نو مقتدیان به هم ټول ورپسي په ناسته مونځ کوي، وجه یې همدغه رسول الله علیه السلام بیانه کړي ده چي مشرانو ته ودریده اسلام کې نشته بلکي دا د عجمو کار دې...
(لا تعظموني كما يعظم الأعاجم بعضها بعضا...) رواه مسلم...

ددینه صرف مسافر مستثنی دې چه د لري سفر نه راشي، رسول الله علیه السلام د سعد بن معاذ په اړه انصارو ته د ودریدو امر کړې وو: " قوموا إلى سيدكم " البخاري
ځکه هغه د لري نه راغلې وو...
وفقکم الله
علي المدني

24/05/2023

ځوان شېخ ته وويل: کۀ د دجال پۀ تندي د "کافر" کليمه ليکل شوي وي، فکر نکوم چې څوک به ورپسې روان شي.
شيخ وويل: د هر سګرټ پۀ ډبي ليکل شوي چې "نشه مو وژني" خو چا هم د دې ليکلو پروا ونۀ ساتله او همېش سګرټ څکوي.
د زړۀ ليدل "بصيرت" د سترګو ليدو "بصر" سره فرق لري، اما مونږ "بصر" لرو خو "بصيرت" نلرو.
C.

20/05/2023

کاش زه هم د سالم په څېر وای!

هشام بن عبدالملک(اموي خلیفه) يو ځل د حج په موسم کې د طواف پرمهال یې په سالم (د عمر بن الخطاب رضي الله عنه لمسي) باندې نظر ولګېده، شلیدلې پای زار یې په لاسو کې نېولي وو، بیکاره جامې یې په تن وې، خلیفه ورنزدې شو، سلام یې پرې وکړ، بیا یې ورته وویل که څه حاجت دې وي راته ویلی شی، هغه ورته سخت غصه شو ورته ویې ویل ته شرمېږې نه چې د الله د کور په خوا کې له ما داسې غوښتنه کوې، چې زه څرنګه د هغه پرته له بل چا څخه سوال وکړم، پدې سره هغه سخت خجالت شو.
چې کله له طواف څخه وزګار شو، د حرم څخه بهر ووت، بیا یې ورته وویل اوس خو له حرم څخه راووتلې اوس راته خپل حاجت ووایه.
هغه ورته وویل د ددنیا حاجت که د اخیرت؟
ویل د اخیرت حاجات خو د الله پرته له بل چا نه غوښتل کېږي، خو د دنیا حاجت دې راته ووایه.
هغه ورته وویل قسم په هغه الله چې د دنیا مالک هم دی خو بیا مې هم ورڅخه دنیا غوښتلې نده، نو له هغه چا یې څرنګه وغواړم چې د دنیا مالک هم ندی.
نو دغه مهال هشام وویل کاش زه هم د سالم په څېر وای، ټوله پاچاهي مې ورڅخه قربان وای!

(البدايه والنهايه:٢٣٥/٩)

دغه خلکو د دنیا حقیقت پېژندلی وو، ځکه يې په زړه کې هېڅ مقام او ارزښت نه وو، متاسفانه نن سبا دنیا د دوستۍ او دښمنۍ، عزت او ذلت معیار ګرځیدلی دی.
عبدالسلام ايوبي

20/05/2023

*علامه ابن الجوزي رحمه الله ویلي دي:*

*چاچې د دنیا په عواقبو فکر وکړ ځان به ترې وساتي.*
*یعنې د دنیا انجام دادی چې تش لاسونه به ترې ځې.*
*او څوک چې په دې یقیني شو چې لاره اوږده ده نو خامخا به ځان سره دسفر توښه اخلي او تیاری به ورته نیسي.*

*صيد الخاطر [٥٤]*
کاپي

17/05/2023

صادق انسان
امام ذهبي رحمه الله وایی:
صادق انسان هغه دی چې خبرې، خوراک، خوب، او اختلاط، کم ترسره کوي، خو ذکر، تواضع، د مرک تذکره، او دا ورد زیات کوي(لا حول ولا قوة إلا بالله).

(سير أعلام النبلاء:٥٣٤/١٤)

اللهم اجعلنا من الصادقين

25/04/2023

لږه هڅه ډېره ګټه!

21/04/2023

د ټولو دې دا کمکی اختر مبارک وي.
د صحت په جامه کې خوشاله اختر ولرۍ.

13/04/2023

د ځينو علماءو په اند
طاق (وتر) شپه چه د جمعی د شپی سره برابره شي نو د "ليلة القدر" زيات احتمال دی
او نن طاق او د جمعى شپه ده

11/04/2023

د رمضان وروستۍ لسيزه
کی به نبي صلی الله عليه وسلم عبادت ته زور ورکړ ، خپله به يي هم د شپی عبادت زیات کړ ، او کور والا به يي هم عبادت ته وهڅول .

چه کله به (د رمضان) وروستنۍ لس شپی داخلی شوی نبي صلی الله عليه وسلم به خپل لنګ ټينګ کړ ، او شپه به يي ژوندۍ کړه ، او کور والا به يي راويښ کړل . بخاري

28/03/2023

ابن الجوزي (رحمه الله) :
د قران کريم تلاوت د زړونو په مرضونو کی داسی کار کوي لکه چه شهد د بدنونو په مرضونو کی کار کوی .

21/03/2023

د نن ورځې تلاوت!

06/03/2023

د ټولو شیانو تقدیر (الهي پریکړه او اندازه...) د اسمانونو او ځمکې د پیدا کېدو څخه پنځوس زره (50000) کاله مخکې (په لوح محفوظ کې) الله تعالی لیکلې او فیصله کړې ده!
او د قدر او عزت په شپه (لیلة القدر) کې تقدیر او الهې پریکړې څخه د یو کال لپاره مقرر شوې څیزونه او کارونه الله تعالی راجدا کوي او ملایکو ته یې سپاري.، نه د #برات په نامه شپه کې.!!!
او بل خبره دا چې د ټولو خلکو د راتلوونکی کال اعمال هم الله سبحانه و تعالی د قدر په شپه (لیلة القدر کې) تعین او پورته کیږي؛ نه په شب #برات کې.!!!
لکه چې الله تعالی فرمایلي دي؛
إِنَّا أَنْزَلْنَاهُ فِي لَيْلَةٍ مُبَارَكَةٍ إِنَّا كُنَّا مُنْذِرِينَ ﴿3﴾
بېشكه مونږ دا (قرآن) په مباركه شپه (لیلة القدر) كې نازل كړى دى، بېشكه مونږ (له عذاب څخه) وېروونكي یو.
فِيهَا يُفْرَقُ كُلُّ أَمْرٍ حَكِيمٍ ﴿4﴾ سورة الدخان.
په دغې (شپه د لیلة القدر) كې هر له حكمته ډك كار بیانولى (او بېلولى) شي، (د راتلوونکی کال رزق پکې الله تعالی تعین کوي، څوک به مړه کیږي، څوک به پیدا کیږي.....) .!

اللهم ارنا الحق حقاً وارزقنا اتباعه وارنا الباطل باطلا وارزقنا اجتنابه. امین یا رب العالمین.
Qudrat Jamal

06/03/2023

پرسکونه تلاوت راسره واورئ!

02/03/2023

رسول الله "صلى الله عليه وسلم " فرمايلى دي :
چه ښځه کله خپل پنځه لمونځونه وکړي
او د رمضان د مياشتی خپلی روژی ونيسي
او خپل عورت محفوظ وساتي
او د خپل څښتن تابعداري وکړي
نو ورته وبه ويل شي :
د جنت د کومی دروازی نه چه دې خوښه وي جنت ته ننوځه .