19/09/2024
I will confess!
So there was one time I escorted someone who was to attend an interview around one place they call Business Bay in Dubai. So normally, for me once I go to a new place and can't locate an African restaurant around, I just buy normal beef or chicken Burgers with fries 🍟 and come chilled soft drink when am hungry.
So I come wait for this person ooo, luckily the Building has a Big waiting area and some cushions to sit and wait. I wait for am finish.
E come comot. So based on say na chatter we chatter the taxi from house, the taxi guy too come beg say make him run one or two things before we go begin come back house.
So this my person finish im interview Jeje, come out looking tense though based on say the interview tough somehow. We come deh wait for taxi. Hunger come catch us. I come tell this dude say make we go find burger 🍔 or shawarma chop. Him come insist say make we try new things na, lol. I no know wetin make me gree sha.
Omo, na so we walk into this Italian restaurant. Hmmm. Them give us menu. Everything weh deh there, I never chop am and e cost. I come see something weh resemble spaghetti with butter and some orishirishi on top, dont ask me the price sha. And the thing comes with some fries. I say make we order that one.
It took them about 10mins to prepare the meal, I come collect Coca-Cola na make I use am deh cool down before the main meal arrive.
My people. Them later bring the food oo, hmmm. This my guy couldn't eat the spag, lol. Me, I look this meal check the amount weh I go pay, I say lie lie, my money no go waste. Because I don work for restaurant before, any food weh customer no chop, na we deh chop am. Na so I force myself deh chop that food.
I no know who send the waiter make him come ask me whether I deh enjoy my food, lol maybe na because na we be the only Africans there.
I no go lie, I tell am say I no Sabi the food and am just trying it for the first time but sadly I don't think I will try it again. The guy laugh 😂😂 comot.
When it was time to pay, e deh do me like say them rob me. The money too much.
Hmmm, sometimes is just good to stick to what you know. If am gonna try something new like that, e go be when I don make am abeg so that even if I couldn't eat it, paying for it won't make me vex.
Until now I never forget that money weh I spend there
