Asuu koo

05/10/2020

MIIXUU ULFA SEEXANAA
Asoosama Gabaabaa
Barreessaan: Amaanu'eel A. Joobir.
★★★kutaa 9ffaa★★★
Mana Qabbannaan ishee keessatti dhiisee deeme sana torban lama booda namni isheen maalummaasaa hin beekne dhufee "mana kana keessaa guyyoota muraasa gidduutti naaf ba'uu qabda anatu bite" jedhee waraqaa ragaa ittiin laficha bite isheetti agarsiise. Manichi duraaniyyuu maqaa Qabbannaa qofaan galmaa'ee jira. Asaantiinis itti falmuu hin dhaqne. Akkuma ittiin jedhame mana sana gad dhiistee baate.
Ammas akkuma amalashee hojii barbaachatti kaate. Akkuma kaleessaa sana hojii keessummeessaa mana nyaataa argatte. Ganamaaf galgala yeroo mara taaksiidhaan deddeebiti. Bakki hojiishee ammaa Magaalaa Finfinnee Naannoo Laga harreeti.

Asaantiin godaannisashee kaleessaa sana yaadachaa jireenya itti fufte. Kaleessa maal akka taate waan beektuuf dhiratti ni seeqxi malee garaarraa fudhattee hin kolfitu. Kanumaan osoo jirtuu ammas dargaggeessa yeroo baayyee bakka isheen hojjettuu nyaata fayyadamu tokkoo wajjin wal barte.

Yeroo tokko tokko namni jaalala dhugaa nama jaallatu hin milkaa'u. Shamarranis ta'e dhiironni nama jaalala dhugaaf isaan barbaadu dhiisanii kan har'a qofaaf yookiin jireenya yeroof isaan barbaadaniif qullaa buusu. Asaantiinis erga hariiroo isheen Qabbaannaa wajjin qabdu sun dhadhaa abidda bu'e jalaa ta'ee reef dhiiraa wajjin walitti siqxi.
Namni isheen amma wajjin hariiroo jalqabde kun Dagsiisaa jedhama. Yeroo mara uffatasaa miiccatee rifeensasaa bareechatee jiraata. Hojii hojjetu hin qabu, garuu maallaqa takkaa of harkaa dhabee hin beeku. Kaninni jiraatu mana waliinii yookiin Koondoomiiniyeemii keessadha. Mannisaa mana maatiin guddaan keessaa deeman fakkaata. Asaantiinis darbitee darbitee manasaa ni dhufti. Waliinis gangalachuu jalqabde. Asaantiin "erga kanin boriif kudhammadhe akka sana na godhee har'aa koo bareecheen jiraadha kan boriif maaltu mataa koo na cabse?" jettee jireenya har'umee jalqabde.
Si'a takka takka haala nuti itti hin yaadiniin namni yeroo nuti hin karoorsinitti nutti dhiyaata. Godaannisaaf eelaa kaleessaa sana waan beeknuuf of qabaa nama sanaa wajjin akka nama qoree keessa miilla qullaa deemuutti deemna. Garuu yeroo hin beekamnetti namni sun ofii keenya nu dagachiisee akka nuti sodaa keenya kaleessaa sana keessaa baanu nu taasisa. "Yoom? Akkamittan akkas ta'e? Anoo....jedheen nama kanatti dhiyaadhee" jennee of gaafanna.
Asaantiis egaa waanuma akkasiitu mudate. Kaleessashee sana yaadaa Dagsiisaatti waan dhiyaatteef dura baayyee of qabaa turte, garuu akkamitti akka jaalalasaaf harka laatte isheefiyyuu gaaffiidha. Dagsiisaan umuriin dargaggeessa ta'us yaadnisaa yaada nama gorora liqimseeti. Yaada namaa hubachuu beeka akkasumas nama ni kunuunsa. Eenyuuf yoom, akkamitti maal gochuu akka qabu nama beekudha.
Addunyaa dhugaa keessatti namni akka Dagsiisaa waan jiru Asaantiitti hin fakkaatu. Haalli isaa darbee darbee abjuu itti fakkaata. Nama jaalala beekudha, Asaantiin dhuma kanarra isheen akka isa hin miineef isaaf of qusachuu jalqabde. Abjuudhaaniyyuu inni akka ishee hin gannetti fudhatte.
Bara dheeraaf jaalala hawwaa turte sana keessa gangalattee dhandhamuu jalqabde. Namuma lammaffaa dhalate taate. Dhiyee bari'u, roobee yoo caamu waaqashee galateeffatti. "Yaa isa boo'icha koof isan eege gararraatti deebii naaf laattee Galatni siif ha ta'u" jetti.
Si'a takka takka "maqaan ayyaana hin ta'u" jedhee kan Oromoon mammaakuuf waa malee miti. Badhaadhaan hiyyeessa nama waan har'a ittiin bulu hin qabne gaafa ta'u, Caalaanis hundumaan caalamee akka eegee dudduuba gaafa dhaabbatu, Beekaa inni jedhanis namuma maqaa akaakayyuusaa hin beekne gaafa ta'u kanaaf egaa kan Oromoon akkas jedhee mammaakeef. Garuu Eebbaan akkuma maqaasaa nama eebbaa gaafa ta'u, Hinsarmuunis kan hinsarmine gaafa ta'u ammoo mammaaksa sana hiika dhabsiisa. Egaa Dagsiisaan akkuma maqaasaa sana ta'eef Asaantiidhaaf. Seenaashee kaleessaa, godaannisa gurraacha isheen itti aadaa turte sanas ni dagachiiseen.
Asaantiin akka bilbila Samsung Restore ta'ee kaleessashee sana dagachuuf waan ifaajaa jirtuuf waa'ee Dagsiisaa: Seenaasaa, waa'ee maatiisaa isa gaafachuu hin barbaadne. Nuti lamaan waliif waa maradha jettee itti himte. Innis akkumasheen jette jedheenii wajjin jiraachaa jira.
Hariiroon isaanii qofa qofaa buluun sun hafee mana tokko waliin jiraachuu jalqabani. Jireenya haadha manaaf abbaa manaa waliin jiraachuu jalqabani. Jireenya isaanii kanattis gammadoo ta'ani. Dagsiisaan isa kaleessa kopheesaa miiccatee kofoosaa tottolfatee bakkeerra jooraa oolu amma nama hojii ta'eera. Ogummaasaa waan qabduuf Asaantiin mana nyaataa dhuunfaashee bantee hojjechuu jalqabde. Dagsiisaanis maallaqa ga'aa waan qabuuf waan isheen barbaadde mara guutaaf. Akkanattiin jireenya isaanii toora qabsiifachaa adeemani.

Egaa adeemsa keessa wanti kamiyyuu gaaffii namatti uumaa deema. Gaaffii uumamu sanaaf deebii ta'u yeroon hin arganne taanaan akka madaa ceekuutti nama dhukkuba. Seenaashee dhoksitus waa'een Dagsiisaa isheetti gaaffii ta'uu hin dhiisne. "Namni kun nama akkamiiti? Maatiinsaa eessa jiru? Innoo akkamitti callisee jireenya magaalaa Finfinnee kana keessatti hojii tokko malee basha'ee jiraata?" Jettee of gaafatti. Amaluma keenyadha gaaffii osoo gaafatamnee mataan hamma gaanii nu ga'u nama biraa gaafachuuf arraba qaranna, bishaanis qallisna. Garuu "waanin nama gaafadhu kana osoon gaafatamee deebiin koo maali?" jennee of hin gaafannu.

Itti fufa...

04/10/2020

MIIXUU ULFA SEEXANAA
Asoosama Gabaabaa
Barreessaan: Amaanu'eel A. Joobir.
★★★kutaa 8ffaa★★★
Asaantiin akkuma mana galteen qarshii ol keewwattee qabdurraa qarshii dhibba shan qabattee gara mana nyaataa sanaatti deebite. Gaafa achi geessu Bulchaaf Abbaan mana nyaataa sanaa ta'anii waliin dhugaatii dhugaa jiru waa'ee Asaantii haasa'aa. "Ilaalikaa intalli kun dhugaa qabdi, umuriinshees dheeraadha utuu ishee hamannuu nurraan baate" jedhe Bulchaan. Abbaan mana nyaataa sanaas ajaa'ibsiifatee "kottu baga nagaan dhufte" jedheen. Asaantiin homaa dubbachuu hin dandeenye. Ni hudhamte. Imimmaan ijasheerraa akka nama lolaaf karaa saaquutti ofirraa harcaasaa "an Abbaa hin qabu, abbaan koo isini, haadhas hin qabu, haati koo isini. Fira, lammiin abdadhus hin qabu. Isin ilaaleen jiraachaa jira. Akka abbaa kiyyaatti isin kabajee, akka nama na ergatuuttis isiniif of eeggadheen hojjechaa jira. Isin garuu anaan akkas jettuu...?" Jettee utuusheen miiraan haasa'aa jirtuu Qabbannaan dhufe. Abbaan mana nyaata sanaaf Bulchaan ijasaanii Qabbannaarratti dagatani. Asaantiin waan isaan ilaalan ilaaluuf duubashee gaafa mil'attu Qabbannaan ishee bira ga'eera.
Asaantiin tokko lamaan waan ta'e mara Qabbaannaatti himte. Innis "egaa hanga yoonaa isiniif hojjetteeti kana booda garuu ni ga'a. Waan isheen isin biraa qabdu kennaafii" jedheen. Abbaan mana nyaataa sanaas "lakki akkas miti tasgabbaa'i..." jedhee gaafanni haasaa jalqabuuf ka'u Qabbaannaan "ilaa kanaan dura nama gaaddisa ta'uuf, fira hirkoo ta'uuf dhabdee as gorte,isinis waan isheen isin fayyaddeef jaallattaniin kanaaf galatoomaa. Amma garuu an jiraaf. Eeyyee an jiraaf" jedhe. Abbaan mana nyaataa sanaas "ilaa obboleesso, osoon hin hubatin waan ishee mufachiisu jedheeraan, amma garuu ergan waan ta'e mara Bulchaarraa dhaga'e dhiifaman gaafadhaan" jedheen.
Abbaan mana nyaataa sanaas qarshii Dhibba Shan garaagarummaa uume sanas ni dhiiseef akkasumas waan isheen biraa qabdu mara tokko lamaan lakkaa'ee kenneef. Walittis isaan eebbisee geggeesseen.
Harkishee hojii waan bareef Asaantiin erga hojii sana dhiistee manatti galtee manuma jireenyaa isaaniitti nyaata akka shiroof ciree qopheessuu jalqabde. Achittis maamila danuu horachaa deemte.
Qabbannaan hamma of amanu caalaa Asaantii amana. Jireenyasaa keessattis bakka guddaa qabaaf. Tasumaa hin shakkuun. Jaalalli isaaniis dagaagaa adeeme. Qabbannaan hojiisaatti colleef nama ogummaa qabu ta'aa dhufe. Jireenyi isaaniis wal qixxaateef.
Guyyaa tokko Qabbannaan bakka hojii oolee galgala erga yeroon sokkee dhugaatii quufee manatti gale. Erga Asaantii wajjin jiraachuu jalqabee hanga har'aatti dhugaatii dhugee machaa'ee hin beeku akkasumas dhiisifatee manatti galee hin beeku. Yoo alkoolii dhuguu barbaadellee manatti bitee galee Asaantii wajjin dhuga. Ta'us amalli isaa har'aa Asaantiif keessummaa ta'e. Innis akka mana ga'een kutaa ciisichaa seenee ciise. Asaantiin maalif akkanni dhuge, maaltus akka isa mudate irra deddeebitee gaafattus inni garuu callisuu filate akkasumas imimmaan harcaasee boo'a. Darbee darbee "yaa anaa!" jedha. Asaantiin ni dhiphatte. Waan gootus wallaalte. Bilbila hiriyoota isaa irratti bilbiltus isaan ishee jalaa kaasuu didan. Waan gootu gaafa dhabdu "gaafuma machiin irraa galun gaafadha" jettee ciiste.
Ganama barii hirribarraa gaafa dammaqxu Qabbaannaan mana keessa hin jiru "Qaboo... Qabboo... jaarsa koo...." jechaa waamaanii mana keessa akkasumas ala barbaadde. Inni garuu hin jiru. Bilbila isaa irratti gaafa bilbiltu bilbilli isaa siree isaaniirraa gadoodde "bilbila isaa dhiisee eessa deemeree?" jettee of gaafatte. Mooraa mana isaanii keessaa gadi akkuma baateen nama ollaasaanii tokko argitee "Qabboo argitaniittuu?" jetteen. Isaanis "eeyyee bariidhaan baajaajii hiriyaasaan utuunni deemuu argeera" jedhaniin. "Maal na duraa ta'e, maaltu isa mudate, maaf na dhoksee deeme?" jechaa akka nama qalbiinsaa darbeetti ofiin haasa'aa osoo adeemtuu hiriyaan Qabbannaa baajaajii kaachisaa itti dhufe. Isheenis baajaajicha dhaabsistee "maal ta'e maaloo, eessa deeme Qabboon?" jetteen. Konkolaachisaan baajaajichaas "hoodhu! kana natti kenne" jedhee waraqaa wayii itti kenne. Konkolaachisaan sunis baajaajii keessa galcheenii gara manasheetti deebiseen. Akkuma mana geesseen xalayaa sana bantee gaafa dubbistu kan akkas jedhu argite "Asee dursee osoon sirraa dhaga'eera ta'ee hamma kana mar'ummaan koo nan gubu, sababni isaas hundi keenyayyuu kaleessa akka feetee jiraachaa turre, sun rakkoo hin qabu. Ati garuu akka mucaa qabdu na dhoksite, isayyuu mucaa... afaan kiyyatti naaf ha hafu. Jabaadhu nan eegin an deemeera" kan jedhu. Akkuma barreeffama sana dubbisteen "yaa carraa koo maalifan balleessaa koo kan hin taanetti akkas adabama? Maaloo waaqakoo harcummeen ati ittiin na adabaa jirtu kun yoom narraa dhaabbata? Kaleessa sana an jaalladheen akkas ta'ee? Ofii kootii barbaadeen obboleessa kootiif mucaa godhadhee? Maal ya Waaqa guddaa atis akka namaa loogda moo?" jettee imimmaanshee lolaaste. Akka kanaan guyyoota muraasa erga gaddaan dabarsitee booda waan hundumaa dagattee jireenya haaraa jalqabuuf dhadha'attee kaate.
Mana Qabbaannaan ishee keessatti dhiisee deeme sana torban lama booda namni isheen maalummaasaa hin beekne dhufee "mana kana keessaa guyyoota muraasa gidduutti naaf ba'uu qabda anatu bite" jedhee waraqaa ragaa ittiin laficha bite isheetti agarsiise. Manichi duraan maqaa Qabbannaa ...

Itti fufa.....

14/06/2020

SHANAN Gammachuu keenya hatan!!
**********************************
1. Nama hundaa gammachiisuuf dhama'uu/yaaluu.
2. Jijjiirama/jijjiiramuu sodaachuu.
3. Waan darbe yaadanii miidhamaa joraachuu.
4. "Ani namaa gadi" jedhanii yaaduu
5. Waa'ee jiruu jireenyaa humnaa ol dhiphachuu/yaadda'uu.
****************
Fayyaan Faaya

01/06/2020

😁

20/05/2020

UTUU ISIN TA'EE MAAL GOOTU?
==========================
Ani barattu university jimmaati
Barnoota koos bu'aa baahii hedduu keessa darbee bara Aalanaa guyyaa ebba koo eggachaatin jira

Ega dubbii jabduu tokkotu murtessuuf baayye natti ulfaatee jira.
mala naaf dhawaa jedheen karaa FB kanan kabajaan isin gaafadha lammii ko

Dubbin akkasi
Ani haadhaa fi abbaa ko hin beeku
haati ko na guddifatte akka natti himtutti dhaladhee mucaa ji'a lamaa ta'ee utuun jiruu daandii gubbaa irra akka na argattee fi isiin waan dhala hin qabneef akka dhala eshiitti kunuunsitee homtuu utuu natti hin hir'atin ofiif rakkatte anaa boonsifte na guddifte.

Barnoota koo na barsiifte dhamaatii guddaa booda waaqaa woliin bakkan amma jiruun na geesse harmeen ko ammaa kunis ilmoo ykn abbaa worraa fira itti dhihaattu hin qabdu kophaa isii jiraatti amma immoo hedduu dadhabdee jirti.

Ega wonti baayye na naasise dhiiheenya kana niitin tokko ameerikaa irraa dhuftee "ati dhala kooti naan jette".

Anis baayyen rifadhe "akkamitti ta'uu danda'aa"? Jedhee yeroon gaafadhu
Deebii akkas jedhuu naaf deebifte.

"Dhala ko jaaladhee karaa gubbaa irratti sin gannee yeroon si ulfaa'utti abban kee ulfaa keetin anaa jiruu na duraa boqote anis waanin of godhuu wollaale ulfa keetin gidiraa hedduu dabarsee egan si daheen booda waan si nyaachisu waan hin qabneef mana harmee kee amma si guddifattee balbala isii fulduratti si dhiisee deeme naan jette".

Dabalatanis akkas naan jette "amma waan hunduu mijataa dha seera qabeessuumman ameerika magaalaa niwyorki keessaa jiraatan jira barnoota kee kana booda ameerikatti barachuun kee dirqama jette haala tokko tokkoo naaf mijeessuu egalte.

Anis Egaaa kan murteessuuf na rakkisee dhugumaa nitiin kun deessee kooti?
utuman immoo dhala isii ta'ee yoo hammamiyyuu rakkatte haati akkamitti dhala ofii daaandi gubbaatti gatte deemti kan jedhuu gaafii natti uumeera.

Dabalatanis immoo duubbiin kun dhugumaa yoo ta'eyyuu haati ko daandi gubbaa na kaafte hanga amma aarsaa hedduu naaf kaffaaltee asiin na geesse dhiisee deemuun immoo sammuu ko na jonjeessaa jira.

Gama biraatin niitin amma ani haadha keeti naan jettu bor yoo waa tokko uumame daandi gubbatti ammas na dhiifte deemti kan jedhuu kunis dabalataan sammuu kootti gaafii ta'ee jira.

Yaa hordoftota FB keenna mee utuu isin ta'ee maal gootu?

Harmee kee ishii ammaa waliin ameerikaa deemi achitti baraadhu jeettu mo?

Harmee kee ishii dadhabduu aarsaa bayyee sii gootee isii fira ilmoo abba worraa hin qabne dhamaati guddan kophaa isii asiin si geesse birattii hafii aarsaa isii deebisif naan jettu?.

Hadaraa yaa lammii koo yaadaa keessan naaf qooda.

27/12/2019

ANAANAASIIN ADDATTI MAAL NU FAYYADAA?
1. Annisaa fi gosoota soortaa hedduu of keessaa qaba. Anaanaasiin giraama 165 ulfaatu tokkichi: carbohydrate giraama 21, vitaamin C, B6, Folate, Niacin, manganese fi elementoota biroo hedduu of keessaa qaba.
2. Inzaayimiin bromelain jedhamu kan fuduraa kana keessatti argamu sirna bullaa'iinsa soorataa keessatti ga'ee taphata
3. Dandeettii dhukkuba of irraa ittisuu (immunity) dabaluu fi kulkula qaamaa (inflammation) hir'isuu danda'a.
4. Dhukkuba kulkula buusaa (inflammatory arthritis) irraa nama fooyyeessuu keessatti ga'ee ol'aanaa taphata.
5. Erga sochii qaamaa cimaa (strenuous exercise) hojjannee booda qaamni keenya dafee akka dandamatu gargaara.
6. Nyaata biroo irratti dabalamuun fedhii nyaata (appetite) nama hin qabneef, gedhii nyaataa fiduu danda'a.
Fayyaan Faaya
Dr. Gurmeessaa H

27/12/2019

DHIIFAMA FI FAYYAA
Dhiifama namaaf gochuun fayyummaa sammuu fi qaamaa keenna jedhu Loren Toussaint (Associate professor of psychology). Qorannoon argatan akka jedhutti sammuun dhiphachuun diina fayyummaa sammuu fi qaama keenyaa yoo ta'u, Dhiifama namaaf gochuun sammuun dhiphachuu kana akka nurraa fageessuufi fayyaa gaarii nuuf kenna. Itti dabalanii dhiifama namaaf gochuun 100% waan baratamuu danda'udha jedhu. Maarree erga baratamuu danda'a ta'ee hundi keenya dhiifama namaaf godhaa, hojii rabbi jaallatu hojjachaa fayyaa keenya eeggachuun dhakaa tokkoon simbira lama isa jedhan san mitii?
Forgive!!
Fayyaan faaya
Dr. Gurmeessaa

26/12/2019

::::::Wantoota baratamoo kalee keenyarratti miidhaa geessisan::::
1,Bishaan baayinaan dhuguu dhiisuu
akkuma beekamu kaleen keenyaa wantoota xuraahaa qaama keenya keessa jiran karaa fincaani gara alaatti baasa. kunimmoo kan tahu bishaan yoo dhugnedha. akkasumas qorannaan hedduu qoratame akka mirkaneessutti bishaan dhuguu dhiisuun cirracha kaleefis nu saaxila jedha. namooti baayyeen especially yeoo gannaa bishaan nu hin dheebossu jechuun hanga jia tokkoottillee kan hin dhugne jiru kanaaf bishaan haa dhugnu

2,dhugaatiiwwan saamsamoo sukkaara baayinaan qaban (soda sugar) kanneen akka coca cola, pepsifi kkf guyyaatti lamaa ol dhuguu
3,sochii qaamaa gochuu dhiisuu
sochii qaamaa gochuu dhiisuun dhibee dhiibba dhiigaaf nu saaxiluu dandaha. dhiibbaan dhiigaa immoo kalee keenyaf sammuu keenyarratti dhiibbaa guddaa qaba
4,buna baayinaan dhuguu
5,alkoolii dhuguu
6,tamboo xuuxuu ykn sigaaraa aarsuunis ujummoo dhiigaa keenya waan dhipisuuf dhiigni onneerraa maddu akka gara kalee sirriitti akka hin geenye gochuun tishuuf seelonni kalee keenyaa akka duhu godha. 
7,mallattoolen infeekshinii kalee yoo nurratti mullatan dafanii yaalamuu dhiisuu. mallattooleen infekshinii kalees; yeroo fincaan fincaa'n gubuu qaama saalaa, fincaan dafanii dafanii fincaa'uu,laayidaa ykn hoina qaamaa dabaluu, dhukkubbii cinaachaa,faadha
8, fincaan yeroo nama qabutti fincaa'u dhiisuun turuu,
kunis immoo fincaan afuuffee fincaanii keessa turuun
bakteeriyaawwan akkasan horan waan godhuuf infeekshinii kaleef nu saaxiluu dandaha
9,qorichawwan dhukkubbii baayinaan fayyadamuu
akkuma beekamu namoonni baayyen yeoo qaamni isaan dhukkubu fknf mataa bowwuu qorichawwan akka dikilooofeni fi ibuuproofinii baayinaan fayyadamu, qorichi kunimmoo yoo baayinaan fayyadamne kalee keenyarraatti miidhaa nii fidu
10,qorichawwan dhiibbaa dhiigaaf dhibee sukkaaraf namoota
dhukkubasaa qabaniif kenname liqimsuu yoo dhiifne
11, nyaata soogidda baayinaan qabu yeroo baayyee soorachuufadha.. Fayyaa hin dhabinaa
Like fi share godhaa!

14/12/2019

14/12/2019

የአባት ማስታወሻ

ልጄ የተወለደችው በ5 ወሯ ነው ክብደቷም 750 ግራም ነበር
እንደዚህ ሆና ማየት ለእኔ ከባድ ነበር በጣም አለቀስኩ ፈጣሪ ለምን እንዲህ አደረገ ብዬ አማረርኩት፡፡

ግን ድንገት የሆነ ተዓምር ሊያድናት እንደሚችል አሰብኩ ያ ሃሳብ ደሞ እስከዛሬ ድረስ በህይወት የመኖሯ ሚስጥር ነው

በአምላኬ ላይ ያለኝ እምነት ጠንካራ መሆን እንዳለበት አመንኩ መጸለይ ጀመርኩ ስለ ምን መጸለይ እንዳለብኝ አላውቅም ነበር ግን ህመሜን እንዲሰማኝ አድርጌ ጸለይኩ እናም የእኔ ኃጥያት ወደ ልጄ እንዳይተላለፍ ፈጣሪን ለመንኩት

ልጄ ብዙ ችግር ሳይገጥማት ከሆስፒታል እንድትወጣው ጸለይኩ አመንኩም እምነቴ አድኗት አሁን ላይ ልጄ እድሜዋ 14 ዓመት ሲሆን ሰቃይ ተማሪ ነች በሁሉም የትምህርት አይነት ውጤቷ ኤ ነው 3 ዓለም አቀፍ ቋንቋዎችን ትናገራለች፡፡

ለካ ይህ ሁሉ ነገር የተፈጠረው እኔ ወደ ፈጣሪ ይበልጥ እንድቀርበው አስቦ ነው

እናንተም ችግር ሲገጥማችሁ ከችግሩ ትልቅነት ይልቅ የፈጣሪን ትልቅነት ለራሳችሁ እየነገራችሁ ወደ አምላካችሁ ቅረቡ እንጂ አታማሩ

ሼር

💚 💛 ❤️
A FATHER'S TESTIMONY: My daughter was born on the 3rd of March 2002, 5 months and 2 weeks of pregnancy. She was premature. I had just finished my overnight job as a bouncer in a club in Germany. She weighed 790grams, not even 1kg. On seeing her tiny structure inside the incubator, I cried like I never cried before. I asked God, why, why me? After crying out my heart, I realized only a miracle could save her. She is the reason till today, why my faith in God is so strong. I laid my hands over her and prayed. I did not know what to pray about, but I prayed my pains onto God and begged God not to allow my sins/punishment for my numerous transgressions be passed unto my little girl. I made a vow to God. 3 days later I went and paid the vow to my Church to be passed unto the poor and needy. My Pastor prayed with me. I prayed that my daughter would leave that Hospital without complications hence the vow/deal with God. My daughter is 14+ years old now, straight A student, speaks 3 international languages already and she left that Hospital without complications. What else can I say? My pain as I saw it then was actually God's way of drawing me closer to come to know him and have faith in him to prepare me for the movement that was to come. Jesus saves! Jesus still heals! Render your hearts to Him today and commit whatever that may sound so difficult to you unto Him today. He's there to always answer us when we call on Him. Glory be to God.

14/12/2019

06/12/2019

29/11/2019

Yeroo tokko tokko nama waa'ee keenya sekondii tokkofillee yaadee hin beekne yaaduun yeroo keenya balleessina!

28/11/2019

Gosootaa Fi Ka’umsa Jaalalaa Torban. The
Seven Types Of Love And Causes
Jaalalli guyyaa guyyaatti nuti namaaf kenninu yokaan namarraa fudhannu kanneen armaan gadii ofkeessatti qaba.
1. Eros
Kun jaalala miiraa walqunnaamtii saalaaf waliin qabaatu yoo ta’u jaalala dhiiraaf dubara gidduu jiraatuudha.
2. Philia
Jallalli kun jaalala hiriyyummaa kan waan gaarii waliif yaaduu, wal amanuu, faayidaa walii eeguu fi kkf jecha wal jaallatan
jechuudha. Jaalalli hiriyyummaa kun saala hin fo’u.
Jaaalli inni tokkoffaa irra jiru (Eros)
nama jaalatan “kan ofii” godhachuu irratti hundaa’a. Inni kun garuu waa’ee nama biraa kan ofii godhachuu osoo hin taane,
walhubachuuf waliin jiraachuu irratti
xiyyeeffata.
3. Storge
Jaalalli kun kan maatiin (haadhaa fi abbaan) dhala isaaniif qaban yoo ta’u,
akka philia
walhubachuu wal amanuu fi faayidaa irratti
kan hundaa’e miti. Sababa takka malee haatiif abbaan dhala isaanii jaallatu.
4. Agape
Kun jaalala namni uumamaa fi uumaadhaaf qabu kan uumamumaan isa keessa
kaa’edha. Fkn bishaan, bosona, fincaa fi waaqa uumaa isaa illee kan ittiin jaallatudha.
5. Ludus
Kun jaalala wal bashannansiisuu fi waaliin qoosuu irratti hundaa’edha. Yeroodhuma waliin qoosaniif malee dhimma biraa yokaan
jaalala kanneen biraa kan ofkeesaa hin qabnedha. Yeroo tokko tokko jaalala Ludus gara Erotic ce’a.
6. Pragma
Jaalala faayidaa yokaan walfakkaachuu qofa
irratti xiyyeeffatedha. Fakkeenyaf namoonni bebbeekamoon lama sababa beekamtii
isaaniif barbaadanii yoo walbaran,
sooressoonni lama yoo akkas godhan pragma jenna.
7. Philautia
Kun jaalala namni ofii isaatiif qabudha. Kun
yoo garmalee guddate ofittummaa fida. Hamma tokko garuu jiraachuu qaba.

29/08/2019

Waan tokko gaafa dhabde Barta fayiida isaa