10/11/2020
Abiyyi ahmed dabalatee dabbaloonni isaa hundi nama kanarraa waan hedduu barachuu qaban ture!
Hundaafuu:Jawar Mohammed Irraa Maal Fa'a Baranna?
Jawaar Mohammed Hoo Nama Akkamiiti!?
1/ Jawaar murataadha! Murataa, kutataaf cichataadha. Waan jedhe tokko hanga galmaan ga'utti nama hirriiba hin rafneedha. Xiiqiin hojjata! Humni isaa fi humni ummata isaa hangam akka ga'u nama tolchee beekuuf sirrittis itti fayyadamuudha.
2/ Jawaar hayyuudha! Hayyuu ogummaa barnoota baratee horateen rakkoo ummata isaa tolchee qoratee beekuudha. Rakkoolee ummata isaatiif furmaata barbaaduu keessattis nama ogummaaf dandeettii guddaa ittiin ummata isaa of jala hiriirsuun qabuudha. Kana gochuu danda'uu isaatiinis Jawar nama qabsoo ummata keenyaaa gulantaa hedduun ol guddiseedha!
3/ Jawaar sabboonaadha! Sabboonummaan Jawar sabboonummaa firaa fi alaagaas hinaafsiftuudha. Sabboonummaan Jawar kan eenyummaa isaa jaallachuuti malee kan akka warreen biroo sabbonummaa eenyummaa kanneen biroo jibbuutii miti.
4/ Jawaar nama kaayyooti! Kaayyoo isaaf saba isaa galmaan ga'uu keessatti maal gochuu akka qabuuf maal gochuu akka hin qabne tolchee beeka. Waan ummata isaa fayyaddu akkamitti akka dubbachuu qabuuf akkamitti akka hojjachuu qabu nama sirritti addaan baasee beekuu fi nama hojjatee hojjachiisuudha.
5/ Jawaar nama mul'ata qabuu fi abbaa qalbiiti! Jawar ofiif ummata isaatiifis mul'ata guddaa nama qabu ta'uu hojii isaatu mirkansa. Abbaa qalbiitis. Waan hundumaa suuta jedhee qalbiin ilaala.
6/ Jawaar nama obsa guddaa qabuudha! Obsi utubaa guddaa milkaa'inna duuba jirtuudha. Kanas kan nutti agarsiise Jawar.
Gabaabumatti!
Jawaar Mohammed irraa maal maal fa'a baranna!?
Obsa, murannoo, kutannoo, cichummaa, xiiqii, of ta'uu, guutummaan guututti ummata ofiitiif of kennuu, akkasuma JM irraa wanti barannu sadarkaalee barnootaa adda addaa haa qabaannuu, amantiilee addunyaa tana irra jiran hedduu keessaa kamuu haa hordofnuu, Oromiyaa keessaattii mitii biyyoota addunyaa tana irra jiran keessaa eessumattuu haa dhalannuu, sadarkaa jiruu fi jireenya kamuu irra haa jiraannuu, ilaalchota Siyaasaa adda addaas haa qabaannuu nuti Oromoon eessumattuu Oromoo taanee waan hundumaa ta'uu akka qabnuuf eessumayyuu yoo jiraanne bakka jirru hundumatti Oromoo ta'uu keenyattiif Oromummaa teenyaan boonnee jiraachuu akka qabnuu fi haqa ummata keenyaatiif abukaatummaa dhugaa dhaabbachuu akka qabnu fa'a irra baranna!
Hayyuu akkanaa kunuunfachuu fi jabeeffachuun ammoo qooda saba keenyaati.
Isa qara qarrifaa nafxanyootaa keesaatti dhiifnee gallee harka marannee taa'uun waan hin taaneedha.
Kanaaf qeerroo koo bakka jirtuu dammaqi, ka'ii falmadhu, furtuun hayyoota kee mana hidhaatii baasu mana murtii osoo hin taane si harka jira.
Waan jalqabde jabaadhuu, muradhuu hojiirra oolchi!. Hayyoota kee mana hidhaa baasi.
Lalisa Hussein
